1 Saˬmeuˬlaˆ 19:24 - Akha

²⁴ Saˬmeuˬlaˆ mehˬ shi aˬ yawꞈ mehˬ tsoeˬ lehˆ dzeh-awˇ, gaˇ nyeh nyeh nyeh-ehˇ guˇ-eu laꞈ kʼoeˇ, tiˬ nah tiˬ miˇ neˇ myawˆ ni ga-euˬ meh. Kʼoeˇ ngeh neh naˇ, “Sawˇluˆ gʼeh Miˬyehˇ gʼaˇ duˬ ngehˬ dah-eu tsawˇ haˬ pyeuꞈ tsehˆ shaw taˬ loˇ” lehˇ ehˇ-eu dawˬ daˬ jaˆ laˇ-euˬ meh.

1 Saˬmeuˬlaˆ 19:24 Σταυροειδείς Αναφορές

2 Saˬmeuˬlaˆ 6:14

Daˬbiˇ-aˬ, joꞈ-ahˇ keuˆ ni tehꞈ-ehˇ guꞈ taˬ-euˬ shawˇ jehˆ ni gʼeh-eu saˬ paˇ mehˬ tsoeˬ dm-awˇ, gʼaˬ kʼaˇ jaˆ-eu shaˇ-awˇ gaˇ nyeh nyeh-eu laꞈ kʼoeˇ, Sahˬpaˬ Miˬyehˇ-ahˇ ciˬ huiˬ ciˬ mahˇ-euˬ meh.

2 Saˬmeuˬlaˆ 6:20

Daˬbiˇ aˬ yawꞈ-euˬ miˬ sawˇ zaˬ deuˬ-ahˇ dawˬ ngehˬ gʼeh nehˬ-eu lehˇ iˇ kahˇ gʼoꞈ leˇ ngeh, Miˇkaˬlaˇ doˆ le-awˇ ehˇ-eu, “Iˇsaˬleˬlaˆ sahˬ paˬ iˬ nah kʼahˬ sehˇ jaˆ dui dui ngaˇ. Aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ zaˬ miˬ zaˬ zaˬ kʼaˆ deuˬ mehˬ shi tsawˇ uˬ tiˬ gʼaˬ loꞈ-ehˇ teuˆ teuˆ-ehˇ, maˬ gaˇ dui dui ngaˇ.”

Iˇsaˬyaˇ 20:2

Kʼoeˇ-euˬ mehˬ hu smˇ kʼoꞈ huˬ-ehˇ, “Nawˇ nawˬ luꞈ-eu sehˬ nawˆ hawˇ-eu, nawˇ dm luꞈ-eu guˬ daˇ pehˇ zeuˇ mehˬ tsoeˬ lehˆ dzeh-awˬ” lehˇ, Aˬmoˆ-euˬ aˬ li Iˇsaˬyaˇ-ahˇ Sahˬpaˬ Miˬyehˇ ehˇ nehˬ-euˬ meh. Kʼoeˇ ngeh, Iˇsaˬyaˇ mehˬ tsoeˬ maˬ dm, sehˬ nawˆ maˬ nawˬ ni, smˇ kʼoꞈ cah-euˬ meh.

Miˇkaˬ 1:8

Kʼoeˇ naˇ, Miˇkaˬ ehˇ-eu, “Teu baˬ da neh ngaˇ noeˬ shaˬ-awˇ tsawˇ ngoeˇ ngoeˇ ma. Ngaˇ noeˬ shaˬ-eu gaˇ kawˆ bi mawˇ-eu gʼaˇ duˬ sehˬ nawˆ maˬ nawˬ-ehˇ, mehˬ tsoeˬ maˬ ahˇ ni laꞈ di laꞈ cuˬ tehꞈ-ehˇ dm-awˇ ngaˇ cah ma. Bawˇ tsahˬ aˬ kuiˬ loꞈ-ehˇ mahˇ-awˇ, law taw aˇ jiˇ loꞈ-ehˇ guˇ guˇ-ehˇ cah ma.

Bawˇtsahˬ 24:4

Miˬyehˇ-euˬ dawˬ-ahˇ gaˬ nya-eu gʼaˬ-euˬ dawˬ-aˬ, heu loꞈ-ehˇ ma. Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ, yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.

Gʼaˬkʼehˇ 9:21

Aˬ yawꞈ dawˬ mehˬ mehˬ gaˇ kʼaˇ ya gaˬ-euˬ tsawˇ haˬ dawˬ tawˆ luꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yeˬluˇsaˬlehˬ meuˬ laꞈ kʼoeˇ Yeˬsuˇ lehˇ kuˇ-eu gʼaˬ-ahˇ uˬ duˬ tahˬ-eu tsawˇ haˬ deuˬ-ahˇ sehꞈ-euˬ kʼoeˇ gʼaˬ maˬ ngeuˇ nga loˇ. Heu gaˇ kʼawꞈ ni, kʼoeˇ loꞈ-ehˇ gʼeh-eu tsawˇ haˬ deuˬ-ahˇ nyehꞈ-awˇ, piˇ ma aˬ yuiꞈ deuˬ jawˇ gaˇ sheuˬ kʼoꞈ gʼeh-eu lehˇ aˬ yawꞈ laˇ-euˬ maˬ ngeuˇ-a loˇ.”

1 Saˬmeuˬlaˆ 10:6

Kʼoeˇ ngeh, Sahˬpaˬ Miˬyehˇ-euˬ yaw sahˇ ja pyuˬ ni nawˬ-ahˇ uˆ lahˇ le-awˇ, nawˇ kʼawꞈ aˬ yawꞈ maꞈ nehˬ-ehˇ tiˬ kawˆ loꞈ-ehˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu gaˇ nyeh nyeh-awˇ guˇ-eu laꞈ kʼoeˇ, yawˬ gʼaˬ yawˬ loꞈ-ehˇ paˇ laˇ tehꞈ-a.

1 Saˬmeuˬlaˆ 15:35

Saˬmeuˬlaˆ laˇ ziˇ jiˇ leˇ ngeh keuˆ ni, sahˬ paˬ-ahˇ tiˬ poˆ-iˬ maˬ paˇ ya mawˇ ni ziˇ dehꞈ jiˇ-euˬ meh. Ehˇ kʼawꞈ, sahˬ paˬ gʼaˇ duˬ aˬ yawꞈ nui ma maˬ saˇ ni toˇ toˇ-ehˇ jawˇ-euˬ meh. Kʼoeˇ ngeh, Sawˇluˆ-ahˇ Sahˬpaˬ Miˬyehˇ gʼawˬ shaˬ haw gaˬ-awˇ, Iˇsaˬleˬlaˆ tsawˇ jeuˬ-euˬ sahˬ paˬ paˇ bi geuꞈ-euˬ meh.

1 Saˬmeuˬlaˆ 18:10

Yawˬ nah yawˬ keuˆ laˇ ngeh, Miˬyehˇ neh bi oe-euˬ haiˬ-eu yaw sahˇ Sawˇluˆ-ahˇ uˆ lahˇ le-awˇ, aˬ yawꞈ-euˬ nymˇ laꞈ kʼoeˇ tsawˇ uˬ tiˬ gʼaˬ loꞈ-ehˇ aˬ yawꞈ toˇ toˇ-ehˇ jawˇ-eu meh. Daˬbiˇ gʼaˬ aˬ myah myah loꞈ-ehˇ deuˇ-mˬ diˬ diˬ-ehˇ jawˇ-awˇ, Sawˇluˆ gʼaˬ gahˬ tiˬ kahˇ tuˆ tehˬ luꞈ-eu meh.