1 Saˬmeuˬlaˆ 19:23 - Akha

²³ Aˬ yawꞈ kʼoeˇ gaˇ iˇ luꞈ ngeh, aˬ yawꞈ-ahˇ kʼawꞈ Miˬyehˇ-euˬ yaw sahˇ uˆ lahˇ le-awˇ, Naˬiˇyoˆ pu-ahˇ iˇ-eu gaˇ ma law caw guˇ guˇ-ehˇ, gaˇ nyeh nyeh nyeh-ehˇ iˇ gʼeh-euˬ meh.

1 Saˬmeuˬlaˆ 19:23 Σταυροειδείς Αναφορές

Dawqdaq 16:9

Tsawˇ haˬ zaˬ nui noeˬ bym kʼawꞈ, Sahˬpaˬ Miˬyehˇ neh kʼaˇ sheu pyawˆ-euˬ jeˬ ya geuꞈ-eu meh.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Bawˇtsahˬ 23:5

Kʼoeˇ ngeh, aˬ joˆ-ehˇ ya ngehˬ ya tmˇ-eu gaˇ kawˆ Sahˬpaˬ Miˬyehˇ neh Baˬlamˬ-ahˇ mehˬ nehˬ-awˇ, Baˬlehˇ-ahˇ bi dzawˇ nehˬ-iˇ-eu gʼaˇ duˬ bi gʼoꞈ-iˇ-euˬ meh.

Bawˇtsahˬ 24:2

Kʼoeˇ ngeh, Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ, yawˬ ha-euˬ jawˇ duˬ-ahˇ yawˬ ha jawˇ naˬ luꞈ gaˇ Baˬlamˬ ya mawˇ-euˬ meh. Miˬyehˇ-euˬ yaw sahˇ aˬ yawꞈ-ahˇ uˆ lahˇ le-awˇ,

Maꞈtehˬ 7:22

Yaˇ kʼaˬ daˇ-eu aˇ nah keuˆ le ngeh, ‘Sahˬ paˬ-oˇ, Sahˬ paˬ-oˇ, nga maꞈ nawˬ-euˬ tsawˇ myahˇ-ahˇ gʼoe-awˇ Miˬyehˇ-euˬ dawˬ mehˬ-euˬ maˬ ngeuˇ-a loˇ. Nawˬ-euˬ tsawˇ myahˇ-ahˇ gʼoe-eu laꞈ kʼoeˇ nehꞈ teh doˆ-awˇ, zahˬ leˇ paˬ-ehˇ gʼeh-eu jeˬ kʼawꞈ mˇ-euˬ maˬ ngeuˇ-a loˇ’ lehˇ, tsawˇ haˬ gʼawˬ mya gʼaˬ ehˇ tehꞈ-a.

Yoˇhaˬ 11:51

Maˇ maˇ ni ehˇ leꞈ naˇ, aˬ yawꞈ kʼoeˇ loꞈ-ehˇ ehˇ-eu-aˬ, aˬ yawˇ yawꞈ noeˬ doˆ-awˇ ehˇ-eu maˬ ngeuˇ-a. Ehˇ kʼawꞈ, kʼoeˇ ngeh kʼoꞈ-ahˇ Piˇ ma Yaw huiˬ gʼaˬ geuꞈ luꞈ-eu miˇ neh, Yuˇdaˆ tsawˇ jeuˬ gʼaˇ duˬ Yeˬsuˇ shiˇ dah tehꞈ-a lehˇ, Miˬyehˇ-euˬ dawˬ ngehˬ dah-eu jeˬ pyeuꞈ-eu meh.

1 Gawˇliˬtu 13:2

Ngaˇ-aˬ, Miˬyehˇ gʼaˇ duˬ ngehˬ dah nya-eu baoˬ za-euˬ tsawˇ haˬ pyeuꞈ-awˇ, zaˬ siˬ tsawˇ gahˇ dawˬ tawˆ luꞈ hawˇ-eu zaꞈ taˬ-euˬ jeˬ-ahˇ siˬ nya-eu tsawˇ gahˇ ahˇ-eu uˬ taꞈ, gawˬ jawˬ teh jiˆ nya gaˇ keuˆ ni jah-eu jeˬ ahˇ kʼawꞈ, gʼoeˇ-eu gaˬ-eu jeˬ maˬ ahˇ naˇ, tiˬ jeˬ-iˬ gaˇ dahˇ maˬ tsoeˬ-a.

1 Saˬmeuˬlaˆ 10:10

Sawˇluˆ hawˇ-eu aˬ yawꞈ-euˬ zaˬ kʼaˆ Giˇbyoˬ meuˬ-ahˇ le keuˆ ngeh, Miˬyehˇ gʼaˇ duˬ ngehˬ dah-eu deuˬ-ahˇ tahˬ puˬ-euˬ meh. Miˬyehˇ-euˬ yaw sahˇ Sawˇluˆ-ahˇ ja pyuˬ ni uˆ lahˇ le-awˇ, aˬ yawꞈ maꞈ nehˬ-ehˇ aˬ yawꞈ cehˆ gawꞈ leˇ-awˇ, gaˇ nyeh nyeh-awˇ guˇ-euˬ meh.

1 Saˬmeuˬlaˆ 10:12

“Miˬyehˇ gʼaˇ duˬ ngehˬ dah-eu tsawˇ haˬ teu deuˬ aˬ geu gaˇ-euˬ tsawˇ haˬ nga. Aˬ yawꞈ maꞈ-euˬ aˬ da-ahˇ naw maꞈ siˬ nya ma” loˇ lehˇ, kʼoeˇ gaˇ jawˇ-eu tsawˇ haˬ tiˬ gʼaˬ naˇ haˬ-euˬ meh. Kʼoeˇ gaˇ neh naˇ, “Sawˇluˆ gʼeh Miˬyehˇ gʼaˇ duˬ ngehˬ dah-eu tsawˇ haˬ pyeuꞈ tsehˆ shaw taˬ loˇ” lehˇ ehˇ-eu dawˬ daˬ jaˆ laˇ-euˬ meh.

1 Saˬmeuˬlaˆ 10:6

Kʼoeˇ ngeh, Sahˬpaˬ Miˬyehˇ-euˬ yaw sahˇ ja pyuˬ ni nawˬ-ahˇ uˆ lahˇ le-awˇ, nawˇ kʼawꞈ aˬ yawꞈ maꞈ nehˬ-ehˇ tiˬ kawˆ loꞈ-ehˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu gaˇ nyeh nyeh-awˇ guˇ-eu laꞈ kʼoeˇ, yawˬ gʼaˬ yawˬ loꞈ-ehˇ paˇ laˇ tehꞈ-a.

1 Saˬmeuˬlaˆ 18:10

Yawˬ nah yawˬ keuˆ laˇ ngeh, Miˬyehˇ neh bi oe-euˬ haiˬ-eu yaw sahˇ Sawˇluˆ-ahˇ uˆ lahˇ le-awˇ, aˬ yawꞈ-euˬ nymˇ laꞈ kʼoeˇ tsawˇ uˬ tiˬ gʼaˬ loꞈ-ehˇ aˬ yawꞈ toˇ toˇ-ehˇ jawˇ-eu meh. Daˬbiˇ gʼaˬ aˬ myah myah loꞈ-ehˇ deuˇ-mˬ diˬ diˬ-ehˇ jawˇ-awˇ, Sawˇluˆ gʼaˬ gahˬ tiˬ kahˇ tuˆ tehˬ luꞈ-eu meh.

1 Saˬmeuˬlaˆ 19:18

Daˬbiˇ cehˆ dzeuˇ-awˇ, Laˬmahˇ meuˬ-ahˇ Saˬmeuˬlaˆ jawˇ gaˇ le-awˇ, Sawˇluˆ neh aˬ yawꞈ-ahˇ kʼaˇ jahˇ nehˬ-euˬ jeˬ dawˬ tawˆ luꞈ dzawˇ nehˬ-euˬ meh. Kʼoeˇ naˇ, Saˬmeuˬlaˆ aˬ yawꞈ nyaꞈ Naˬiˇyoˆ pu-ahˇ iˇ-awˇ jawˇ-euˬ meh.

1 Saˬmeuˬlaˆ 19:20

Kʼoeˇ ngeh, Daˬbiˇ-ahˇ bi nyehꞈ-iˇ-eu gʼaˇ duˬ, Sawˇluˆ tsawˇ haˬ pyehˬ gʼeh-euˬ meh. Saˬmeuˬlaˆ aˬ yuiꞈ geuꞈ-awˇ, Miˬyehˇ gʼaˇ duˬ ngehˬ dah-eu tsawˇ haˬ tiˬ deuˬ uiˬ leˇ-awˇ gaˇ nyeh nyeh nyeh-ehˇ guˇ luꞈ gaˇ, Sawˇluˆ neh pyehˬ gʼeh-euˬ tsawˇ haˬ kʼoeˇ deuˬ ya mawˇ-euˬ meh. Aˬ yawꞈ maꞈ-ahˇ kʼawꞈ, Miˬyehˇ-euˬ yaw sahˇ uˆ lahˇ le-awˇ, aˬ yawꞈ maꞈ kʼawꞈ guˇ guˇ-ehˇ gaˇ nyeh nyeh-euˬ meh.

1 Saˬmeuˬlaˆ 19:22

Kʼoeˇ ngeh poˆ jawˇ, Sawˇluˆ aˬ yawꞈ-euˬ gʼawˇ mawˇ Laˬmahˇ meuˬ-ahˇ iˇ-euˬ meh. Seˬkuˬ lehˇ kuˇ-eu jawˇ duˬ-ahˇ jaˆ-eu lah duˬ duˬ ma dawˬ peh aˬ yawꞈ iˇ keuˆ-awˇ, Saˬmeuˬlaˆ hawˇ-eu Daˬbiˇ aˬ gaˇ jawˇ ta lehˇ naˇ haˬ ngeh, Naˬiˇyoˆ pu-ahˇ jawˇ meh lehˇ, aˬ cawˬ aˬ yawꞈ-ahˇ ehˇ nehˬ-euˬ meh.