1 Saˬmeuˬlaˆ 19:20 - Akha

²⁰ Kʼoeˇ ngeh, Daˬbiˇ-ahˇ bi nyehꞈ-iˇ-eu gʼaˇ duˬ, Sawˇluˆ tsawˇ haˬ pyehˬ gʼeh-euˬ meh. Saˬmeuˬlaˆ aˬ yuiꞈ geuꞈ-awˇ, Miˬyehˇ gʼaˇ duˬ ngehˬ dah-eu tsawˇ haˬ tiˬ deuˬ uiˬ leˇ-awˇ gaˇ nyeh nyeh nyeh-ehˇ guˇ luꞈ gaˇ, Sawˇluˆ neh pyehˬ gʼeh-euˬ tsawˇ haˬ kʼoeˇ deuˬ ya mawˇ-euˬ meh. Aˬ yawꞈ maꞈ-ahˇ kʼawꞈ, Miˬyehˇ-euˬ yaw sahˇ uˆ lahˇ le-awˇ, aˬ yawꞈ maꞈ kʼawꞈ guˇ guˇ-ehˇ gaˇ nyeh nyeh-euˬ meh.

1 Saˬmeuˬlaˆ 19:20 Σταυροειδείς Αναφορές

Yawˇlaˆ 2:28

“Aˬ kaˇ keuˆ laˇ-eu aˇ yamˬ-ahˇ, yawˬ gʼaˬ yawˬ na luꞈ-euˬ kʼoeˇ taˆ, ngaˬ-euˬ yaw sahˇ shehˆ daˆ nehˬ-awˇ, naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Tsawˇ mawˬ deuˬ yuꞈ maˆ maˆ mawˇ-awˇ, zaˬ guˬ deuˬ kʼawꞈ yaw sahˇ laꞈ kʼoeˇ, siˬ-eu mawˇ-eu jeˬ za tehꞈ-a.

Bawˇtsahˬ 24:2

Kʼoeˇ ngeh, Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ, yawˬ ha-euˬ jawˇ duˬ-ahˇ yawˬ ha jawˇ naˬ luꞈ gaˇ Baˬlamˬ ya mawˇ-euˬ meh. Miˬyehˇ-euˬ yaw sahˇ aˬ yawꞈ-ahˇ uˆ lahˇ le-awˇ,

Yoˇhaˬ 7:32

Tsawˇ haˬ aˇ maꞈ kʼoeˇ loꞈ-ehˇ ja kʼoeˬ luꞈ gaˇ Paˬliˬsehˇ deuˬ ya gaˬ-euˬ meh. Kʼoeˇ miˇ neh, piˇ ma aˬ yuiꞈ deuˬ hawˇ-eu Paˬliˬsehˇ deuˬ bawˬ dzaˬ-awˇ, Yeˬsuˇ-ahˇ bi nyehꞈ-eu gʼaˇ duˬ kʼehˇ gʼeh-euˬ meh.

1 Gawˇliˬtu 14:3

Ehˇ kʼawꞈ, Miˬyehˇ dawˬ kawˬ mehˬ-eu tsawˇ haˬ-aˬ, tsawˇ haˬ zaˬ-ahˇ ngehˬ cawˬ-eu jeˬ pyeuꞈ-eu miˇ neh, aˬ cawˬ-ahˇ caw ba-eu, gʼaˬ biꞈ-eu, nui ma saˇ laˇ ni gʼaˬ biꞈ-eu dawˬ ngehˬ-eu tmˇ-eu, heu deuˬ mˇ nehˬ nya-eu meh.

1 Saˬmeuˬlaˆ 10:10

Sawˇluˆ hawˇ-eu aˬ yawꞈ-euˬ zaˬ kʼaˆ Giˇbyoˬ meuˬ-ahˇ le keuˆ ngeh, Miˬyehˇ gʼaˇ duˬ ngehˬ dah-eu deuˬ-ahˇ tahˬ puˬ-euˬ meh. Miˬyehˇ-euˬ yaw sahˇ Sawˇluˆ-ahˇ ja pyuˬ ni uˆ lahˇ le-awˇ, aˬ yawꞈ maꞈ nehˬ-ehˇ aˬ yawꞈ cehˆ gawꞈ leˇ-awˇ, gaˇ nyeh nyeh-awˇ guˇ-euˬ meh.

1 Saˬmeuˬlaˆ 19:11

Kʼoeˇ ngeh miˇ Sawˇluˆ tsawˇ haˬ pyehˬ gʼeh-awˇ, Daˬbiˇ-euˬ nymˇ-ahˇ bi loꞈ jawˬ-euˬ laꞈ kʼoeˇ, uˬ shawˬ paw Daˬbiˇ-ahˇ bi sehꞈ-eu lehˇ gʼeh-eu meh. “Nymˇ ciꞈ nawˇ maˬ cehˆ dzeuˇ nya naˇ, ni shawˬ nah ya shiˇ meh” lehˇ, Daˬbiˇ-ahˇ aˬ yawꞈ-euˬ miˬ zaˬ Miˇkaˬlaˇ ehˇ nehˬ-euˬ meh.

1 Saˬmeuˬlaˆ 19:14

Sawˇluˆ-euˬ tsawˇ haˬ deuˬ Daˬbiˇ-ahˇ nyehꞈ laˇ ngeh, Daˬbiˇ jawˇ saˇ maˬ doˆ-a lehˇ aˬ yawꞈ maꞈ-ahˇ Miˇkaˬlaˇ ehˇ nehˬ-euˬ meh.

1 Saˬmeuˬlaˆ 19:19

Laˬmahˇ gahˬ kaˬ laꞈ kʼoeˇ jaˆ-eu Naˬiˇyoˆ pu-ahˇ Daˬbiˇ jawˇ luꞈ-eu gaˇ kawˆ, Sawˇluˆ-ahˇ aˬ cawˬ tsaꞈ gaˬ-euˬ meh.

1 Saˬmeuˬlaˆ 19:21

Gaˇ kawˆ kʼoeˇ Sawˇluˆ ya gaˬ ngeh, tsawˇ haˬ tiˬ muˇ paˇ pyehˬ gʼeh-euˬ meh. Kʼoeˇ deuˬ kʼawꞈ, yaw beh pyehˬ gʼeh leꞈ-euˬ deuˬ loꞈ-ehˇ, guˇ guˇ-ehˇ gaˇ nyeh nyeh-euˬ meh. Smˬ poˆ tiˬ poˆ tsawˇ haˬ paˇ pyehˬ gʼeh kʼawꞈ, kʼoeˇ loꞈ-ehˇ tehꞈ-ehˇ gʼeh-eu meh.