1 Saˬmeuˬlaˆ 18:7 - Akha

⁷ Zaˬ miˬ zaˬ kʼoeˇ deuˬ kʼoeˇ loꞈ-ehˇ bawˬ-iˬ gʼeh-eu laꞈ kʼoeˇ, “Sawˇluˆ aˇ heˇ gʼaˬ sehꞈ-awˇ, Daˬbiˇ aˇ muiˇ gʼaˬ sehꞈ-euˬ meh” lehˇ aˬ yawꞈ maꞈ caˇ-eu meh.

1 Saˬmeuˬlaˆ 18:7 Σταυροειδείς Αναφορές

2 Saˬmeuˬlaˆ 18:3

Ehˇ kʼawꞈ, aˬ yawꞈ maꞈ ehˇ-eu, “Nawˇ nga maꞈ nehˬ-ehˇ maˬ iˇ nya-a. Nga maꞈ guiˇ deuˆ-eu maˬ gʼaˬ leˇ-ehˇ cehˆ byaˆ kʼawꞈ, aˬ yawꞈ maꞈ gʼaˇ duˬ ehˇ nyaꞈ maˬ nyeuˆ-a. Nga maꞈ tiˬ paˆ paˆ bi sehꞈ jiˇ gaˇ keuˆ kʼawꞈ, aˬ yawꞈ maꞈ gʼaˇ duˬ jiˇ jeuˬ maˬ ahˇ-a. Ehˇ kʼawꞈ, nawˇ-aˬ, nga maꞈ tiˬ muiˇ gʼaˬ tawˬ-eu meh. Teu miˇ neh, meuˬ heu meuˬ laꞈ kʼoeˇ nawˇ jawˇ yaꞈ-awˇ, nga maꞈ-ahˇ caw jaw nehˬ laꞈ naˇ muiˬ dzehˬ tehꞈ-a.”

2 Saˬmeuˬlaˆ 23:1

Yeˬshehˇ-euˬ aˬ li Daˬbiˇ-aˬ, Miˬyehˇ neh ciˬ huiˬ ciˬ mahˇ nehˬ-euˬ tsawˇ haˬ pyeuꞈ-awˇ, sahˬ paˬ geuꞈ-eu gʼaˇ duˬ Yaˬkoˆ-euˬ Miˬyehˇ neh tseˇ doˆ-euˬ gʼaˬ kʼawꞈ pyeuꞈ-eu meh. Iˇsaˬleˬlaˆ tsawˇ jeuˬ gʼaˇ duˬ naˇ haˬ muiˬ-eu caˇ dawˬ deuˬ aˬ yawꞈ caˇ yaꞈ-euˬ meh. Aˬ yawꞈ-euˬ aˇ saˬ saˬ-eu dawˬ-aˬ, heu loꞈ-ehˇ meh.

2 Saˬmeuˬlaˆ 6:5

Daˬbiˇ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, gʼaˬ kʼaˇ jaˆ-eu shaˇ-awˇ gaˇ nyeh nyeh nyeh-ehˇ caˇ-eu laꞈ kʼoeˇ, Sahˬpaˬ Miˬyehˇ-ahˇ ciˬ huiˬ ciˬ mahˇ nehˬ-euˬ meh. Aˬ yawꞈ maꞈ tahˬ diˬ, boe loe diˬ, cehˇ lehˇ ciˆ-awˇ, deuˇ-mˬ yaw huiˬ yaw nyiˇ gʼawˬ mya jeˬ diˬ-euˬ meh.

Doˆ-iˇ 15:21

Aˬ yawꞈ maꞈ-ahˇ Miˇliˬyaˬ dawˬ caˇ caˇ mehˬ nehˬ-eu, “Sahˬpaˬ Miˬyehˇ-aˬ, yaw shehꞈ kʼahˬ sehˇ huiˬ-eu laꞈ kʼoeˇ, guiˇ deuˆ-eu gʼaˬ leˇ-euˬ miˇ neh, aˬ yawꞈ-ahˇ caˇ-awˇ ja ceuˬ-awˬ. Aˬ yawꞈ-aˬ, mahˬ kʼoeˇ deuˬ hawˇ-eu, mahˬ dziˬ-eu deuˬ-ahˇ, iˬ ma laˆ shaˆ laꞈ kʼoeˇ biˬ puꞈ jiˇ-euˬ meh.”

1 Saˬmeuˬlaˆ 21:11

Sahˬ paˬ-euˬ gaˇ mˇ-eu yaw huiˬ yaw mahˇ deuˬ sahˬ paˬ Aˬkiˇ-ahˇ ehˇ nehˬ-eu, “Tsawˇ haˬ heu gʼaˬ aˬ yawꞈ maꞈ-euˬ miˇ kʼahˬ kʼoeˇ taˆ sahˬ paˬ sahˬ ma geuꞈ luꞈ-eu Daˬbiˇ lehˇ ehˇ-eu kʼoeˇ gʼaˬ maˬ ngeuˇ nga loˇ. Zaˬ mi zaˬ deuˬ gaˇ nyeh nyeh nyeh-ehˇ, ‘Sawˇluˆ aˇ heˇ gʼaˬ sehꞈ-awˇ, Daˬbiˇ aˇ muiˇ gʼaˬ sehꞈ-euˬ meh’ lehˇ caˇ-eu kʼoeˇ, aˬ yawꞈ-ahˇ caˇ nehˬ-euˬ maˬ ngeuˇ-a loˇ.”

1 Saˬmeuˬlaˆ 21:12

Aˬ yawꞈ maꞈ neh ehˇ-euˬ dawˬ kʼoeˇ dawˬ Daˬbiˇ-euˬ nui ma-ahˇ shaˬ zahˬ bi mˇ-awˇ, sahˬ paˬ Aˬkiˇ-ahˇ Daˬbiˇ guˆ dui dui-euˬ meh.

1 Saˬmeuˬlaˆ 29:5

Uˬ duˬ ya ehˇ duˬ leꞈ naˇ, zaˬ miˬ zaˬ deuˬ gaˇ nyeh nyeh nyeh-ehˇ, Sawˇluˆ aˇ heˇ gʼaˬ sehꞈ-awˇ, Daˬbiˇ aˇ muiˇ gʼaˬ sehꞈ-euˬ meh lehˇ caˇ-eu kʼoeˇ, aˬ yawꞈ-ahˇ caˇ nehˬ-eu meh.”