1 Saˬmeuˬlaˆ 18:6 - Akha

⁶ Daˬbiˇ Gawˇliˇyaˆ-ahˇ sehꞈ gʼaˬ-awˇ gʼoꞈ laˇ-eu loꞈ-ehˇ, yehˇ dawˬ tawˆ luꞈ kʼawꞈ yawˬ ha-euˬ nymˇ-ahˇ yawˬ ha gʼoꞈ laˇ luꞈ ngeh, Iˇsaˬleˬlaˆ miˇ kʼahˬ meuˬ yawˬ meuˬ na luꞈ laꞈ kʼoeˇ jawˇ-eu zaˬ miˬ zaˬ dawˬ tawˆ luꞈ, sahˬ paˬ Sawˇluˆ-ahˇ ha laˬ le-euˬ meh. Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ, tahˬ hawˇ-eu deuˇ-mˬ diˬ-awˇ gaˇ nyeh nyeh-eu meh.

1 Saˬmeuˬlaˆ 18:6 Σταυροειδείς Αναφορές

2 Saˬmeuˬlaˆ 1:20

Gaˬ daˇ meuˬ-ahˇ taˬ ja gaˬ-iˇ. Aˬshaˇgaˬloˇ meuˬ-euˬ laꞈ kʼoeˇ, gaˇ ma doe ni taˬ dzawˇ gaˬ-iˇ. Kʼoeˇ loꞈ-ehˇ ja gaˬ dzawˇ gaˬ naˇ, Piˇliˇtiˆ lawˇ ciꞈ zaˬ deuˬ-euˬ, aˬ buˇ deuˬ laˬ kʼaˬ cehˇ tehꞈ-a.

2 Saˬmeuˬlaˆ 6:5

Daˬbiˇ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, gʼaˬ kʼaˇ jaˆ-eu shaˇ-awˇ gaˇ nyeh nyeh nyeh-ehˇ caˇ-eu laꞈ kʼoeˇ, Sahˬpaˬ Miˬyehˇ-ahˇ ciˬ huiˬ ciˬ mahˇ nehˬ-euˬ meh. Aˬ yawꞈ maꞈ tahˬ diˬ, boe loe diˬ, cehˇ lehˇ ciˆ-awˇ, deuˇ-mˬ yaw huiˬ yaw nyiˇ gʼawˬ mya jeˬ diˬ-euˬ meh.

Jaceuq 149:3

Gaˇ nyeh nyeh-awˇ aˬ yawꞈ-euˬ tsawˇ myahˇ-ahˇ ja ceuˬ-awˬ. Tahˬ diˬ, deuˇ-mˬ diˬ-awˇ aˬ yawꞈ-ahˇ ja ceuˬ-awˬ.

Jaceuq 68:11

Sahˬpaˬ Miˬyehˇ dawˬ biꞈ gʼeh leꞈ-awˇ, zaˬ miˬ zaˬ deuˬ dawˬ kʼoeˇ ja gaˬ-eu meh.

Jaceuq 68:25

Caˇ dawˬ caˇ-eu deuˬ mehˬ hu paw cah-awˇ, bawˬ law baw, deuˇ-mˬ diˬ-eu deuˬ mehˬ nah paw cah-awˇ, cehˇ lehˇ ciˆ-eu zaˬ miˬ aˬ buˇ deuˬ gʼahˇ ceh cah luꞈ meh.

Doˆ-iˇ 15:20

Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu Aˬloˬ-euˬ dmˇ ma Miˇliˬyaˬ bawˬ tsahˬ baꞈ-awˇ doˆ le ngeh, zaˬ miˬ zaˬ dawˬ tawˆ luꞈ bawˬ tsahˬ baꞈ-awˇ, aˬ yawꞈ nehˬ-ehˇ gaˇ nyeh nyeh-euˬ meh.

Doˆ-iˇ 15:21

Aˬ yawꞈ maꞈ-ahˇ Miˇliˬyaˬ dawˬ caˇ caˇ mehˬ nehˬ-eu, “Sahˬpaˬ Miˬyehˇ-aˬ, yaw shehꞈ kʼahˬ sehˇ huiˬ-eu laꞈ kʼoeˇ, guiˇ deuˆ-eu gʼaˬ leˇ-euˬ miˇ neh, aˬ yawꞈ-ahˇ caˇ-awˇ ja ceuˬ-awˬ. Aˬ yawꞈ-aˬ, mahˬ kʼoeˇ deuˬ hawˇ-eu, mahˬ dziˬ-eu deuˬ-ahˇ, iˬ ma laˆ shaˆ laꞈ kʼoeˇ biˬ puꞈ jiˇ-euˬ meh.”

Iˇsaˬyaˇ 30:32

Aˬshuˇliˆ tsawˇ haˬ deuˬ-ahˇ Sahˬpaˬ Miˬyehˇ tiˬ poˆ saˇ-iˬ tiˬ poˆ kʼehˬ nehˬ ngeh, aˬ yawꞈ-euˬ tsawˇ haˬ deuˬ tahˬ hawˇ-eu deuˇ-mˬ tiˬ poˆ saˇ-iˬ tiˬ poˆ diˬ caw tehꞈ-a. Miˬyehˇ-euˬ gʼawˇ mawˇ Aˬshuˇliˆ tsawˇ haˬ deuˬ-ahˇ guiˇ deuˆ tehꞈ-a.

Yaˇ kʼaˬ daˇ 11:34

Miˇzaˬpaˬ meuˬ-ahˇ jaˆ-eu aˬ yawꞈ-euˬ nymˇ-ahˇ Yeˬpaˬtaˆ gʼoꞈ le ngeh, aˬ yawꞈ-euˬ aˬ buˇ cehˇ lehˇ ciˆ-awˇ, gaˇ nyeh nyeh nyeh-ehˇ aˬ yawꞈ-ahˇ ha laˬ le-euˬ meh. Aˬ yawꞈ-aˬ, aˬ buˇ kʼoeˇ tiˬ buˇ tehꞈ-ehˇ jawˇ-eu meh.

1 Saˬmeuˬlaˆ 18:5

Sawˇluˆ neh kʼaˇ bi mˇ-euˬ jeˬ-ahˇ Daˬbiˇ mˇ pyeuꞈ nya-eu meh. Kʼoeˇ miˇ neh, Sawˇluˆ neh aˬ yawꞈ-ahˇ guiˇ maꞈ kʼoeˇ taˆ uˆ lahˇ-eu aˬ yuiꞈ tiˬ gʼaˬ bi geuꞈ-euˬ meh. Kʼoeˇ loꞈ-ehˇ bi geuꞈ-euˬ gaˇ, Sawˇluˆ-euˬ gaˇ mˇ-eu yaw huiˬ yaw mahˇ deuˬ hawˇ-eu, aˬ yawꞈ-euˬ tsawˇ haˬ deuˬ kʼawꞈ nui kʼahˇ shiˇ-eu meh.