1 Saˬmeuˬlaˆ 18:5 - Akha

⁵ Sawˇluˆ neh kʼaˇ bi mˇ-euˬ jeˬ-ahˇ Daˬbiˇ mˇ pyeuꞈ nya-eu meh. Kʼoeˇ miˇ neh, Sawˇluˆ neh aˬ yawꞈ-ahˇ guiˇ maꞈ kʼoeˇ taˆ uˆ lahˇ-eu aˬ yuiꞈ tiˬ gʼaˬ bi geuꞈ-euˬ meh. Kʼoeˇ loꞈ-ehˇ bi geuꞈ-euˬ gaˇ, Sawˇluˆ-euˬ gaˇ mˇ-eu yaw huiˬ yaw mahˇ deuˬ hawˇ-eu, aˬ yawꞈ-euˬ tsawˇ haˬ deuˬ kʼawꞈ nui kʼahˇ shiˇ-eu meh.

1 Saˬmeuˬlaˆ 18:5 Σταυροειδείς Αναφορές

Aˇ dahˬ 39:23

Paꞈ kuˆ aˬ yuiꞈ geuꞈ-eu kʼoeˇ gʼaˬ Yoˇsehˆ-ahˇ gaˇ dawˬ tawˆ luꞈ a nehˬ jiˇ-awˇ, kʼahˬ lahˇ kʼaˇ maˬ za ni jawˇ-euˬ meh. Aˬ jeˬ miˇ neh ehˇ naˇ, Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ neh kʼaˇ mˇ-euˬ jeˬ dawˬ tawˆ luꞈ bi huiˬ bi mahˇ laˇ luꞈ-eu meh.

2 Saˬmeuˬlaˆ 5:10

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ tiˬ jawˇ saˇ-iˬ tiˬ jawˇ gʼaˬ kʼaˆ laˇ luꞈ-eu meh.

2 Saˬmeuˬlaˆ 5:2

Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, guiˇ deuˆ-eu paw Iˇsaˬleˬlaˆ tsawˇ jeuˬ-ahˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ, aˬ yawꞈ maꞈ kʼoeˇ taˆ bi uˆ lahˇ ma lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh.”

2 Laˬsaˬbaˬ 17:3

Yeˬhawˇshaˬpaˇ-ahˇ Sahˬpaˬ Miˬyehˇ guiˬ lahˬ biꞈ-eu meh. Aˬ jeˬ miˇ neh ehˇ naˇ, yaw beh aˬ yawꞈ aˬ da yaw muiˬ paˬ-ehˇ dehꞈ ngeh loꞈ-ehˇ aˬ yawꞈ dehꞈ-awˇ, Baˬlaˇ miˬ yehˇ-ahˇ uˬ duˬ maˬ tahˬ-a.

Jaceuq 1:3

lawˇbaˬ gawˆtaw aˇ bawˇ loꞈ-ehˇ, yamˬlaw tsaˬni aˇ siˬloˆ-awˇ, aˇpaꞈ koˆ-iˇ-eu maˬ baw-ehˇ, kʼaˇmˇ-eu jeˬ guiˬlahˬbaw meh.

Jaceuq 101:2

Ngaˬ-euˬ dehꞈ jeˬ dehꞈ kawˆ iˬ baˇ taˬ kʼaˇ maˬ za. Ngaˇ jawˇ gaˇ nawˇ aˬ myah oe-eu gʼeh te. Ngaˬ-euˬ nymˇ laꞈ kʼoeˇ ngaˇ shawˇ jehˆ ni dehꞈ ma.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Gʼaˬkʼehˇ 7:10

shaˬ-eu zahˬ-eu jeˬ laꞈ kʼoeˇ sheuˬ dzeuˇ nehˬ-euˬ meh. Iˇjiˇtuˆ sahˬ paˬ mehˬ shi Yoˇsehˆ ya le ngeh, Miˬyehˇ aˬ yawꞈ-ahˇ myaˆ pyawˬ pyuˇ-eu jeˬ hawˇ-eu zaˬ siˬ tsawˇ gahˇ biꞈ neh-euˬ meh. Sahˬ paˬ kʼoeˇ gʼaˬ neh Yoˇsehˆ-ahˇ aˬ yawꞈ-euˬ miˇ kʼahˬ kʼoeˇ taˆ hawˇ-eu sahˬ paˬ-euˬ hawˇ nymˇ kʼoeˇ taˆ bi uˆ lahˇ-euˬ meh.

Eˇpeˇsu 5:17

Dawˇ ga maˬ paˇ ga ni, Sahˬpaˬ Yeˬsuˇ naw maꞈ-ahˇ bi mˇ mawꞈ-eu jeˬ-ahˇ siˬ nya-awˬ.

Gawˇlawˇsehˇ 4:5

Ka li-ahˇ maˬ jah-eu tsawˇ haˬ deuˬ-euˬ mehˬ shi zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ. Aˇ yamˬ kʼaˇ tsaˬ laˇ ngeh, yawˬ ha jah-eu tsawˇ haˬ pyeuꞈ-eu gaˇ kawˆ aˬ cawˬ-ahˇ bi siˬ bi mawˇ-awˬ.

1 Saˬmeuˬlaˆ 13:2

Tsawˇ haˬ smˬ heˇ gʼaˬ aˬ yawꞈ tseˇ doˆ-awˇ, Aˬ yawꞈ jawˇ-eu Miˇkaˬmaˆ meuˬ hawˇ-eu Beˬdeˬlaˇ gahˬ kaˬ gawˬ jawˬ gawˬ duˇ deuˬ-ahˇ nyiˬ heˇ gʼaˬ bi jawˇ-awˇ, aˬ yawꞈ-euˬ aˬ li Yawˇnaˆshaˬ nehˬ-ehˇ Beˬyaˬmiˬ miˇ kʼahˬ Giˇbyaˬ meuˬ-ahˇ tiˬ heˇ gʼaˬ pyehˬ gʼeh-euˬ meh.

1 Saˬmeuˬlaˆ 14:52

Sawˇluˆ yaw dehꞈ dehꞈ-euˬ tiˬ ziˇ, Piˇliˇtiˆ tsawˇ haˬ deuˬ nehˬ-ehˇ guiˇ yaw kʼaˆ-ehˇ deuˆ-euˬ meh. Kʼoeˇ miˇ neh, gʼaˬ tsmˬ-eu tsawˇ haˬ hawˇ-eu nui ma kʼaˬ duˬ ni gʼeh-eu tsawˇ haˬ kʼaˇ mawˇ le ngeh, aˬ yawꞈ-euˬ taˆ laꞈ kʼoeˇ tsawˇ myahˇ bi dawˆ-awˇ, aˬ yawꞈ-euˬ yehˇ bi geuꞈ-euˬ meh.

1 Saˬmeuˬlaˆ 18:16

Ehˇ kʼawꞈ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, Daˬbiˇ-ahˇ gaˬ-eu meh. Aˬ jeˬ miˇ neh ehˇ naˇ, aˬ yawꞈ-aˬ, kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ, mˇ pyeuꞈ shaˇ pyeuꞈ nya-eu aˬ yuiꞈ aˬ tsu tiˬ gʼaˬ pyeuꞈ-eu meh.

1 Saˬmeuˬlaˆ 18:30

Piˇliˇtiˆ tsawˇ haˬ deuˬ laˇ-awˇ guiˇ kʼaˇ deuˆ laˇ ngeh, Sawˇluˆ-euˬ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ naˆ maˬ tseˇ Daˬbiˇ guiˇ deuˆ gʼaˬ nya dzehˬ-eu miˇ neh, Daˬbiˇ tsawˇ myahˇ doˆ dui dui-eu meh.

1 Saˬmeuˬlaˆ 18:4

Yawˇnaˆshaˬ-aˬ, aˬ yawꞈ dm luꞈ-eu pehˇ kʼahˬ pehˇ mahˇ lehˆ-awˇ, Daˬbiˇ-ahˇ biꞈ-euˬ meh. Aˬ yawꞈ guiˇ deuˆ ngeh zmˬ-eu keu ka deuˬ pyeuꞈ-eu shmˇ mehˬ tsoeˬ, mi cehˇ, kaˆ, joꞈ paꞈ kʼoeˇ deuˬ kʼawꞈ, dawˬ tawˆ luꞈ Daˬbiˇ-ahˇ biꞈ nehˬ-euˬ meh.

1 Saˬmeuˬlaˆ 18:6

Daˬbiˇ Gawˇliˇyaˆ-ahˇ sehꞈ gʼaˬ-awˇ gʼoꞈ laˇ-eu loꞈ-ehˇ, yehˇ dawˬ tawˆ luꞈ kʼawꞈ yawˬ ha-euˬ nymˇ-ahˇ yawˬ ha gʼoꞈ laˇ luꞈ ngeh, Iˇsaˬleˬlaˆ miˇ kʼahˬ meuˬ yawˬ meuˬ na luꞈ laꞈ kʼoeˇ jawˇ-eu zaˬ miˬ zaˬ dawˬ tawˆ luꞈ, sahˬ paˬ Sawˇluˆ-ahˇ ha laˬ le-euˬ meh. Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ, tahˬ hawˇ-eu deuˇ-mˬ diˬ-awˇ gaˇ nyeh nyeh-eu meh.

1 Saˬmeuˬlaˆ 3:19

Saˬmeuˬlaˆ huiˬ laˇ luꞈ-eu loꞈ-ehˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-awˇ, aˬ yawꞈ neh kʼaˇ ehˇ-euˬ jeˬ bi pyeuꞈ laˇ-euˬ meh.