1 Saˬmeuˬlaˆ 18:30 - Akha

³⁰ Piˇliˇtiˆ tsawˇ haˬ deuˬ laˇ-awˇ guiˇ kʼaˇ deuˆ laˇ ngeh, Sawˇluˆ-euˬ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ naˆ maˬ tseˇ Daˬbiˇ guiˇ deuˆ gʼaˬ nya dzehˬ-eu miˇ neh, Daˬbiˇ tsawˇ myahˇ doˆ dui dui-eu meh.

1 Saˬmeuˬlaˆ 18:30 Σταυροειδείς Αναφορές

2 Saˬmeuˬlaˆ 11:1

Tsahˬ gaˆ ahˇ le-awˇ, miˇ kʼahˬ sahˬ paˬ deuˬ guiˇ mˇ-eu aˇ yamˬ keuˆ laˇ ngeh, Daˬbiˇ-aˬ, aˬ yawꞈ-euˬ guiˇ maꞈ kʼoeˇ taˆ aˬ yuiꞈ geuꞈ-eu deuˬ hawˇ-eu Yoˇbaˬ-ahˇ, Iˇsaˬleˬlaˆ guiˇ maꞈ bi sheuˬ-awˇ pyehˬ gʼeh-euˬ meh. Aˬmoˬ tsawˇ haˬ deuˬ-ahˇ aˬ yawꞈ maꞈ guiˇ deuˆ gʼaˬ-awˇ, Laˬbah meuˬ-ahˇ loꞈ jawˬ-euˬ meh. Ehˇ kʼawꞈ, Daˬbiˇ aˬ yawꞈ gʼaˬ-aˬ, Yeˬluˇsaˬlehˬ meuˬ-ahˇ jawˇ yaꞈ-euˬ meh.

2 Saˬmeuˬlaˆ 7:9

Nawˇ kʼaˇ iˇ kʼaˇ laˇ gaˇ nawˬ nehˬ-ehˇ ngaˇ jawˇ-awˇ, nawˇ iˇ-eu gaˇ ma mehˬ hu jawˇ-eu nawˬ-ahˇ muiˇ-eu tsawˇ haˬ dawˬ tawˆ luꞈ-ahˇ ngaˇ deuˆ gʼaˬ nehˬ-euˬ ma. Miˇ tsaˬ kʼoeˇ taˆ huiˬ dui dui-eu aˬ yuiꞈ aˬ tsu geuꞈ-eu deuˬ loꞈ-ehˇ, nawˬ-ahˇ ngaˇ tsawˇ myahˇ bi doˆ ma.

2 Sahˬpaˬ 1:13

Yaw huiˬ yaw mahˇ yawˬ gʼaˬ yawˬ-ahˇ sahˬ paˬ tiˬ poˆ paˇ kʼehˇ-awˇ, tsawˇ haˬ ngaˬ tseˇ gʼaˬ sheuˬ-awˇ paˇ bi iˇ-euˬ meh. Yaw huiˬ yaw mahˇ kʼoeˇ gʼaˬ gawˬ duˇ-ahˇ daˆ leˇ-awˇ, Eˇliˇyaˆ-euˬ mehˬ shi pawˬ tsuiꞈ pawˬ dmˬ dmˬ-eu laꞈ kʼoeˇ ehˇ-eu, “Miˬyehˇ-euˬ tsawˇ haˬ-oˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ gʼawˬ shaˬ gaˬ-eu laꞈ kʼoeˇ taˬ bi shiˇ nehˬ laꞈ.

Jaceuq 116:15

Muiˬ-eu jaˬ-eu aˬ yawꞈ-euˬ tsawˇ haˬ tiˬ gʼaˬ shiˇ ngeh, Sahˬpaˬ Miˬyehˇ aˇ naˆ ni shaˬ zahˬ mˇ-eu nga.

Jaceuq 119:99

Nawˇ mehˬ nehˬ tsoˆ nehˬ laꞈ-euˬ dawˬ-ahˇ ngaˇ shaˇ sawˇ geuꞈ-eu miˇ neh, ngaˬ-ahˇ mehˬ-eu tsoˆ-eu deuˬ naˆ maˬ tseˇ ngaˇ noeˬ siˬ noeˬ mawˇ nya-eu ma.

Dawqdaq 12:8

Bawˬ toˆ muiˬ-eu tsawˇ haˬ-ahˇ aˬ cawˬ ja ceuˬ-awˇ, nui noeˬ doeˇ-eu tsawˇ haˬ-ahˇ aˬ cawˬ noeˬ teˬ-eu meh.

Daˬyeˬlaˇ 1:20

Sahˬ paˬ neh kʼaˇ naˇ haˬ-euˬ dawˬ deuˬ hawˇ-eu, zaˬ siˬ tsawˇ gahˇ kʼaˇ pyehˆ tseˇ haw-euˬ yawˬ jeˬ na luꞈ laꞈ kʼoeˇ, miˇ kʼahˬ kʼoeˇ kʼahˬ-ahˇ kʼaˇ jawˇ-eu nyiˇ paˬ shaˆ ma dawˬ tawˆ luꞈ naˆ maˬ tseˇ, aˬ ha oeˬ gʼaˬ tseˇ bymˇ nya dzehˬ gaˇ ya mawˇ-euˬ meh.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

Eˇpeˇsu 5:15

Kʼoeˇ miˇ neh, naw maꞈ aˬ joˆ-ehˇ dehꞈ luꞈ-eu gaˇ kawˆ yahˇ-awˬ. Zaˬ siˬ tsawˇ gahˇ maˬ ahˇ-eu tsawˇ haˬ loꞈ-ehˇ taˬ dehꞈ. Zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ.

1 Beˬtuˆluˆ 2:4

Tsawˇ haˬ zaˬ neh maˬ poeˬ maˬ lawˬ-a lehˇ sawˇ-awˇ baꞈ dzeh-euˬ kʼawꞈ, Miˬyehˇ neh poeˬ dui lawˬ dui dui meh lehˇ sawˇ-awˇ tseˇ doˆ taˬ-euˬ dehꞈ luꞈ-eu kʼaˬ lo pyeuꞈ-eu Sahˬpaˬ Yeˬsuˇ jawˇ gaˇ laˇ-awˬ.

1 Beˬtuˆluˆ 2:7

Kʼaˬ lo heu-aˬ, jah-eu tsawˇ haˬ deuˬ pyeuꞈ-eu naw maꞈ gʼaˇ duˬ poeˬ dui lawˬ dui dui-eu meh. Ehˇ kʼawꞈ, maˬ jah-eu tsawˇ haˬ deuˬ gʼaˇ duˬ-aˬ, heu loꞈ-ehˇ ehˇ taˬ-euˬ meh. “Nymˇ tsoˆ-eu deuˬ maˬ geuꞈ nahˇ-ehˇ, byehˇ dzeh taˬ-euˬ kʼaˬ lo kʼoeˇ siˬ, dawˬ tawˆ luꞈ naˆ maˬ tseˇ poeˬ-eu, laˬ coeˇ lo ziꞈ pyeuꞈ laˇ-euˬ meh.”

1 Saˬmeuˬlaˆ 18:5

Sawˇluˆ neh kʼaˇ bi mˇ-euˬ jeˬ-ahˇ Daˬbiˇ mˇ pyeuꞈ nya-eu meh. Kʼoeˇ miˇ neh, Sawˇluˆ neh aˬ yawꞈ-ahˇ guiˇ maꞈ kʼoeˇ taˆ uˆ lahˇ-eu aˬ yuiꞈ tiˬ gʼaˬ bi geuꞈ-euˬ meh. Kʼoeˇ loꞈ-ehˇ bi geuꞈ-euˬ gaˇ, Sawˇluˆ-euˬ gaˇ mˇ-eu yaw huiˬ yaw mahˇ deuˬ hawˇ-eu, aˬ yawꞈ-euˬ tsawˇ haˬ deuˬ kʼawꞈ nui kʼahˇ shiˇ-eu meh.

1 Saˬmeuˬlaˆ 19:8

Piˇliˇtiˆ tsawˇ haˬ deuˬ nehˬ-ehˇ guiˇ tiˬ poˆ paˇ deuˆ-eu laꞈ kʼoeˇ, Daˬbiˇ neh paˇ bi deuˆ gʼaˬ-awˇ, Piˇliˇtiˆ tsawˇ haˬ deuˬ cehˆ byaˆ jiˇ-euˬ meh.

1 Saˬmeuˬlaˆ 2:30

Ngaˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˬ-euˬ nymˇ jiˇ hawˇ-eu nawˬ-euˬ aˇ jeuˬ-ahˇ, aˬ myah luꞈ ngaˬ-euˬ gaˇ mˇ-eu piˇ ma deuˬ bi geuꞈ ma lehˇ, dzeuˇ laˇ ngeh ngaˇ saˇ jaˇ dzaˬ taˬ-euˬ ma. Ehˇ kʼawꞈ, nymˬ-mˇ kʼoeˇ loꞈ-ehˇ maˬ paˇ geuꞈ nya meh lehˇ ngaˇ ehˇ-eu ma. Ngaˬ-ahˇ taˬ huiˬ-eu tsawˇ haˬ-ahˇ ngaˇ taˬ huiˬ nehˬ-awˇ, ngaˬ-ahˇ yaw zeu maˬ baw-eu tsawˇ haˬ-ahˇ ngaˇ yaw zeu maˬ baw.

1 Saˬmeuˬlaˆ 26:21

Sawˇluˆ ehˇ-eu, “Ngaˇ mˇ-euˬ lehˬ law hawˇ nga. Ngaˬ li Daˬbiˇ-oˇ, gʼoꞈ laˇ-awˬ. Nawˬ-ahˇ laˆ tahˬ laˆ naˇ-eu jeˬ ngaˇ maˬ paˇ mˇ ma. Aˬ jeˬ miˇ neh nga lehˇ ehˇ naˇ, nymˇ ciꞈ nawˇ ngaˬ-ahˇ sehꞈ-eu yehꞈ dui dui laˇ-euˬ kʼawꞈ, maˬ sehꞈ ni bi dzeuˇ-iˇ laꞈ-euˬ meh. Ngaˇ-aˬ, tsawˇ uˬ tiˬ gʼaˬ law hawˇ miˇ-a. Guˆ dui dui laˇ paˬ-ehˇ gʼeh-eu jeˬ-ahˇ ngaˇ mˇ-euˬ nga.”

1 Saˬmeuˬlaˆ 26:24

Iˬ nah ngaˇ nawˬ-ahˇ maˬ sehꞈ ni bi dzeuˇ-iˇ-euˬ loꞈ-ehˇ, ngaˬ-ahˇ kʼawꞈ Sahˬpaˬ Miˬyehˇ kʼoeˇ loꞈ-ehˇ jahˇ nehˬ laꞈ-awˇ, shaˬ-eu zahˬ-eu jeˬ laꞈ kʼoeˇ bi buˬ-iˇ laꞈ luꞈ-uˇ”