1 Saˬmeuˬlaˆ 18:3 - Akha

³ Yawˇnaˆshaˬ-aˬ, maˬ shiˇ tiˬ ziˇ Daˬbiˇ nehˬ-ehˇ cawˬ cawˬ daˆ leꞈ-eu gʼaˇ duˬ saˇ jaˇ dzaˬ-euˬ meh. Aˬ jeˬ miˇ neh ehˇ naˇ, Daˬbiˇ-ahˇ aˬ yawꞈ nui kʼahˇ shiˇ dui dui-eu meh.

1 Saˬmeuˬlaˆ 18:3 Σταυροειδείς Αναφορές

2 Saˬmeuˬlaˆ 21:7

Ehˇ kʼawꞈ, Yawˇnaˆshaˬ-euˬ aˬ li pyeuꞈ-eu Sawˇluˆ-euˬ oeˬ paˬ Meˬpiˇbawˇshehˆ gʼaˬ-ahˇ Daˬbiˇ bi dzeuˇ-iˇ-euˬ meh. Aˬ jeˬ miˇ neh ehˇ naˇ, Yawˇnaˆshaˬ aˬ yawꞈ nyaꞈ yaw kaˬ muiˬ-eu shawˇ-eu saˇ jaˇ dzaˬ taˬ-eu jaˆ-eu meh.

Dawqdaq 18:24

Cawˬ kʼaˇ ngeuˇ-eu yaw gʼoeˇ maˬ ngeuˇ, cawˬ muiˬ mehˇ nmˇ maˬ tseˇ tawˬ-mˇ jeˇ.

1 Saˬmeuˬlaˆ 19:1

Sawˇluˆ-aˬ, aˬ yawꞈ-euˬ aˬ li Yawˇnaˆshaˬ hawˇ-eu aˬ yawꞈ-eu gaˇ mˇ-eu yaw huiˬ yaw mahˇ deuˬ-ahˇ, Daˬbiˇ-ahˇ aˬ yawꞈ sehꞈ-eu lehˇ lehˬ hmˬ luꞈ-eu gaˇ kawˆ ehˇ mehˬ nehˬ-euˬ meh. Ehˇ kʼawꞈ, Yawˇnaˆshaˬ gʼaˬ Daˬbiˇ-ahˇ gʼoeˇ dui dui-eu meh.

1 Saˬmeuˬlaˆ 20:41

Aˬ li kʼoeˇ li gʼoꞈ-iˇ dzeuˇ ngeh, kʼaˬ lo lo bymˇ naˇ kʼah paw dzuˇ zaꞈ luꞈ-eu Daˬbiˇ tuˇ laˇ-awˇ, pawˬ tsuiꞈ pawˬ dmˬ dmˬ-awˇ smˬ poˆ awˆ byaˆ-euˬ meh. Yawˇnaˆshaˬ aˬ yawꞈ nyaꞈ tiˬ gʼaˬ tiˇ gʼaˬ mehˬ cuˇ cuˇ-awˇ, nyiˬ gʼaˬ luꞈ ngoeˇ-euˬ meh. Daˬbiˇ-aˬ, Yawˇnaˆshaˬ naˆ maˬ tseˇ nui ma shaˬ zahˬ naꞈ dzehˬ-euˬ meh.

1 Saˬmeuˬlaˆ 20:42

Kʼoeˇ naˇ, Yawˇnaˆshaˬ Daˬbiˇ-ahˇ ehˇ nehˬ-eu, “Miˬyehˇ nawˬ nehˬ-ehˇ jawˇ luꞈ-uˇ. Aˇ nyaꞈ neh dzaˬ taˬ-euˬ muiˬ-eu shawˇ-eu saˇ jaˇ-ahˇ, nawˬ-euˬ zaˬ deuˬ uˆ deuˬ hawˇ-eu ngaˬ-euˬ zaˬ deuˬ uˆ deuˬ maˬ ehˇ, mˬ maˬ maˬ byaˆ zaˇ ziˇ ziꞈ ni, Sahˬpaˬ Miˬyehˇ saˇ kiˇ geuꞈ luꞈ-uˇ.” Kʼoeˇ naˇ, Daˬbiˇ doˆ-iˇ-awˇ, Yawˇnaˆshaˬ meuˬ-ahˇ gʼoꞈ-iˇ-euˬ meh.

1 Saˬmeuˬlaˆ 22:8

Naw maꞈ kʼoeˇ loꞈ-ehˇ noeˬ-awˇ ngaˬ-ahˇ puiˬ-eu lehˇ gʼeh te loˇ. Ngaˬ li Yawˇnaˆshaˬ Daˬbiˇ-ahˇ nui ma taꞈ-eu gaˇ kawˆ naw maꞈ tiˬ gʼaˬ-iˬ ngaˬ-ahˇ maˬ ehˇ nehˬ laꞈ-aˬ. Naw maꞈ tiˬ gʼaˬ-iˬ ngaˬ-euˬ gʼaˇ duˬ maˬ shaˇ noeˬ nehˬ laꞈ ni, ngaˬ-euˬ tsawˇ haˬ tiˬ gʼaˬ pyeuꞈ-eu Daˬbiˇ ngaˬ-ahˇ sehꞈ-eu lehˇ nymˬ-mˇ leh jeh luꞈ-eu gaˇ kawˆ hawˇ-eu, Daˬbiˇ kʼoeˇ loꞈ-ehˇ leh jeh gaˇ ngaˬ li gʼaˬ baꞈ baꞈ-eu gaˇ kawˆ heu, naw maꞈ ngaˬ-ahˇ maˬ ehˇ nehˬ laꞈ ni jawˇ-eu meh.”

1 Saˬmeuˬlaˆ 23:18

Aˬ yawꞈ nyaꞈ tiˬ gʼaˬ tiˇ gʼaˬ maˬ byehˇ ni cawˬ cawˬ taꞈ-eu gʼaˇ duˬ, muiˬ-eu shawˇ-eu saˇ jaˇ dzaˬ taꞈ-euˬ meh. Kʼoeˇ naˇ, Daˬbiˇ gʼaˬ Hawˇlehˆ-ahˇ jawˇ yaꞈ-awˇ, Yawˇnaˆshaˬ gʼaˬ gʼoꞈ ka-iˇ-euˬ meh.