1 Saˬmeuˬlaˆ 18:22 - Akha

²² Sawˇluˆ-euˬ gaˇ mˇ-eu yaw huiˬ yaw mahˇ deuˬ-ahˇ Sawˇluˆ heu loꞈ-ehˇ ehˇ nehˬ-euˬ meh. “Daˬbiˇ-ahˇ ciˬ cuˇ ni kuˇ-awˇ, heu loꞈ-ehˇ ehˇ nehˬ-awˬ. Sahˬ paˬ Sawˇluˆ nawˬ-ahˇ nui ma tsaˬ dui dui-awˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ kʼawꞈ nawˬ-ahˇ nui kʼahˇ shiˇ luꞈ meh. Teu miˇ neh sahˬ paˬ-euˬ aˬ buˇ-ahˇ nawˇ sheuˬ mawꞈ naˇ, nymˬ-mˇ aˇ yamˬ tsaˬ dui dui meh lehˇ ehˇ nehˬ-awˬ.”

1 Saˬmeuˬlaˆ 18:22 Σταυροειδείς Αναφορές

Jaceuq 55:21

Aˬ yawꞈ-euˬ dawˬ saˇ byaˬ loꞈ-ehˇ juˇ kʼawꞈ, nui ma laꞈ gʼoꞈ baw-eu meh. Aˬ yawꞈ-euˬ dawˬ zaꞈ tsiˇ-ahˇ duˇ kʼawꞈ, mi cehˇ loꞈ-ehˇ coeˇtsehˆ laˇ nya-eu meh.

Dawqdaq 29:12

Sahˬ paˬ sahˬ ma tiˬ gʼaˬ maˬ tsaˬ-eu dawˬ-ahˇ naˇ haˬ geuꞈ naˇ, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ jaˬ myawꞈ pyeuꞈ jiˇ-eu meh.

1 Saˬmeuˬlaˆ 18:21

“Miˇkaˬlaˇ-ahˇ gʼoe-awˇ Daˬbiˇ-ahˇ lahˇ ju kʼmˇ-eu laꞈ kʼoeˇ, Piˇliˇtiˆ tsawˇ haˬ deuˬ neh bi sehꞈ-eu gʼaˇ duˬ, Miˇkaˬlaˇ Daˬbiˇ-ahˇ bi mˇ dzaˬ-iˇ ma” lehˇ Sawˇluˆ noeˬ-euˬ meh. Kʼoeˇ naˇ, “Nawˇ ngaˬ-euˬ aˬ zaˬ ya geuꞈ meh” lehˇ, Daˬbiˇ-ahˇ aˬ yawꞈ tiˬ poˆ paˇ ehˇ nehˬ-euˬ meh.

1 Saˬmeuˬlaˆ 18:23

Gaˇ kawˆ kʼoeˇ Daˬbiˇ-ahˇ aˬ yawꞈ maꞈ ehˇ nehˬ ngeh, “Ngaˇ loꞈ-ehˇ gʼeh-eu teˬ dui dui-eu yaw shaˬ zaˬ tiˬ gʼaˬ, sahˬ paˬ-euˬ zaˬ miˬ yuˇ-eu gʼaˇ duˬ maˬ awˬ-a” lehˇ Daˬbiˇ ehˇ-eu meh.