1 Saˬmeuˬlaˆ 18:17 - Akha

¹⁷ “Ngaˬ-ahˇ saˇ jaˇ ziꞈ-eu yehˇ tiˬ gʼaˬ loꞈ-ehˇ, Sahˬpaˬ Miˬyehˇ gʼaˇ duˬ nawˇ kʼaˬ duˬ ni guiˇ deuˆ naˇ, ngaˬ buˇ aˬ yuiꞈ gʼaˬ pyeuꞈ-eu Meˬlaˇ nawˬ-ahˇ bi mˇ dzaˬ laˇ ma” lehˇ, Daˬbiˇ-ahˇ Sawˇluˆ ehˇ nehˬ-euˬ meh. Kʼoeˇ loꞈ-ehˇ jahˇ naˇ, Daˬbiˇ-ahˇ aˬ yawꞈ sehꞈ-eu maˬ loˬ-ehˇ, Piˇliˇtiˆ tsawˇ haˬ deuˬ neh bi deuˆ sehꞈ tehꞈ-a lehˇ Sawˇluˆ noeˬ-euˬ meh.

1 Saˬmeuˬlaˆ 18:17 Σταυροειδείς Αναφορές

2 Saˬmeuˬlaˆ 11:15

“Guiˇ yaw kʼaˆ-ehˇ deuˆ-eu tsahˇ-ahˇ Uˇliˇyaˆ guiˇ daˬ bi daˬ-awˇ, naw maꞈ jeˬ nah paw jiˆ kʼoꞈ nehˬ-awˇ, aˬ yawꞈ-ahˇ bi deuˆ sehꞈ-awˬ” lehˇ boꞈ ahˇ nehˬ-euˬ meh.

2 Saˬmeuˬlaˆ 12:9

Ngaˇ nawˬ-ahˇ teu naˆ ni mˇ nehˬ taˬ-euˬ kʼawꞈ, aˬ jeˬ miˇ neh ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ te. Aˬ jeˬ miˇ neh teu loꞈ-ehˇ gʼeh-eu yaw haiˬ jeˬ nawˇ mˇ te. Uˇliˇyaˆ guiˇ deuˆ gaˇ bi deuˆ sehꞈ ni nawˬ neh toˆ-awˇ, Aˬmoˬ tsawˇ haˬ neh aˬ yawꞈ-ahˇ bi sehꞈ-awˇ, aˬ yawꞈ-euˬ miˬ zaˬ-ahˇ nawˇ sheuˬ geuꞈ-euˬ meh.

2 Saˬmeuˬlaˆ 6:16

Dawˬ ma saˇ jaˇ Bahˬ keuˆ meuˬ laꞈ kʼoeˇ baꞈ uˇ keuˆ laꞈ gaˇ, Sawˇluˆ-euˬ aˬ buˇ Miˇkaˬlaˇ gʼaˬ laˇ gʼoˆ gʼoˆ zaˬ-ahˇ neh haw ka gʼeh ngeh, Sahˬpaˬ Miˬyehˇ-euˬ mehˬ shi Daˬbiˇ gaˇ nyeh nyeh nyeh-ehˇ tsawˬ luꞈ gaˇ ya mawˇ-awˇ, Daˬbiˇ-ahˇ nui daˆ daˆ-euˬ meh.

Jaceuq 12:2

tiˬgʼaˬtiˇgʼaˬ jaˬmyawꞈmyawꞈ-awˇ, nui ma nyiˬjeˬnoeˬ-eu laꞈkʼoeˇ, mehˇshuiˇshuiˇdzaˬ-eu toˆ-eu meh.

Jaceuq 55:21

Aˬ yawꞈ-euˬ dawˬ saˇ byaˬ loꞈ-ehˇ juˇ kʼawꞈ, nui ma laꞈ gʼoꞈ baw-eu meh. Aˬ yawꞈ-euˬ dawˬ zaꞈ tsiˇ-ahˇ duˇ kʼawꞈ, mi cehˇ loꞈ-ehˇ coeˇtsehˆ laˇ nya-eu meh.

Dawqdaq 26:24

Tsawˇ muiˬ jahˇ geuꞈ-eu deuˬ-aˬ, yawˬ ha-euˬ nui noeˬ yaw doeˇ-ahˇ dawˬ muiˬ neh dehˬ kaˬ-eu meh.

Dawqdaq 26:25

Aˬ yawꞈ yaw muiˬ-ahˇ duˇ kʼawꞈ, taˬ jah. Aˬ yawꞈ-euˬ nui ma laꞈ kʼoeˇ yaw doeˇ jahˇ mawꞈ-eu jeˬ byah kʼaˇ luꞈ-eu meh.

Dawqdaq 26:26

Aˬ yawꞈ yaw muiˬ jahˇ geuꞈ kʼawꞈ, aˬ yawꞈ mˇ doˆ laꞈ-eu yaw doeˇ jeˬ-ahˇ yawˬ gʼaˬ na luꞈ ya mawˇ tehꞈ-a.

Bawˇtsahˬ 21:14

Kʼoeˇ miˇ neh, Sahˬpaˬ Miˬyehˇ-euˬ Guiˇ deuˆ-eu Sahˬ boꞈ laꞈ kʼoeˇ, Suˇpahˇ gahˬ kaˬ-ahˇ jaˆ-eu Gʼaˬhehˇbaˬ meuˬ hawˇ-eu deh kʼawꞈ deuˬ maˬ ehˇ, Aˬnoˬ lawˇ baˬ hawˇ-eu deh kʼawꞈ deuˬ maˬ ehˇ,

Bawˇtsahˬ 32:20

Moˇseˬ ehˇ-eu, “Naw maꞈ kʼaˇ ehˇ-eu loꞈ-ehˇ aˬ diˇ mˇ ma lehˇ ngeuˇ naˇ, heu gaˇ, Sahˬpaˬ Miˬyehˇ-euˬ mehˬ shi, guiˇ deuˆ leˇ-eu gʼaˇ duˬ naw maꞈ lehˬ hmˬ-awˬ.

Bawˇtsahˬ 32:27

Nga maꞈ dawˬ tawˆ luꞈ lehˬ hmˬ-awˇ, Sahˬpaˬ Miˬyehˇ uˆ lahˇ-eu uˬ moˆ guiˇ deuˆ leˇ ma.”

Bawˇtsahˬ 32:29

“Gaˆ tsawˇ jeuˬ hawˇ-eu Luˇbeˬ tsawˇ jeuˬ Yawˇdaˬ lawˇ baˬ tsehˆ doˆ-awˇ Sahˬpaˬ Miˬyehˇ uˆ lahˇ-euˬ uꞈ moˆ guiˇ deuˆ-eu laꞈ kʼoeˇ, aˬ yawꞈ maꞈ caw ba-eu baˬ da neh miˇ kʼahˬ kʼoeˇ kʼahˬ-ahˇ naw maꞈ deuˆ za gʼaˬ naˇ, aˬ yawꞈ maꞈ-ahˇ Giˇlaˆ miˇ kʼahˬ biꞈ nehˬ-awˬ.

Dawˬmehˬ 17:7

Tsawˇ kaˬ geuꞈ-eu deuˬ neh aˬ yawꞈ-ahˇ kʼaˬ lo biˬ dawꞈ dawꞈ gʼaˬ miˇ tsa, nui deuˬ ya biˬ meh. Kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ byoˆ-iˇ ni, naw maꞈ kʼoeˇ loꞈ-ehˇ jahˇ-awˬ.

1 Saˬmeuˬlaˆ 14:49

Sawˇluˆ-euˬ aˬ li deuˬ-aˬ, Yawˇnaˆshaˬ, Iˇshaˬbiˇ hawˇ-eu, Maˬlaˬkiˇshuˬ meh. Aˬ buˇ aˬ yuiꞈ gʼaˬ-ahˇ Meˬlaˇ lehˇ myahˇ-awˇ, aˬ nyiˇ gʼaˬ-ahˇ Miˇkaˬlaˇ lehˇ myahˇ-euˬ meh.

1 Saˬmeuˬlaˆ 17:25

Aˬ yawꞈ maꞈ tiˬ gʼaˬ tiˇ gʼaˬ ehˇ-eu, “Aˬ yawꞈ-ahˇ haw sheˇ. Aˬ yawꞈ guˇ gaˇ naˇ haˬ sheˇ. Sahˬ paˬ Sawˇluˆ heu loꞈ-ehˇ saˇ jaˇ dzaˬ taˬ-euˬ maˬ ngeuˇ-a loˇ. Tsawˇ haˬ teu gʼaˬ-ahˇ kʼaˇ deuˆ sehꞈ nya-eu gʼaˬ-ahˇ huiˬ dui dui-eu laꞈ sawˬ biꞈ-awˇ, aˬ yawꞈ-euˬ aˬ buˇ-ahˇ bi sheuˬ-eu uˬ taꞈ, aˬ yawꞈ-euˬ aˬ da-euˬ nymˇ jiˇ kʼawꞈ doˆ-eu ka-eu jeˬ ma bi baꞈ ni bi dzeuˇ-iˇ ma lehˇ saˇ jaˇ dzaˬ taˬ-euˬ maˬ ngeuˇ-a loˇ.”

1 Saˬmeuˬlaˆ 17:36

Aˇ laˬ jaˬ shiˇ hawˇ-eu kʼaˬ hmˇ deuˬ-ahˇ ngaˇ sehꞈ-euˬ loꞈ-ehˇ, dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ luꞈ-eu, Miˬyehˇ-ahˇ maˬ siˬ nya-eu lawˇ ciꞈ zaˬ pyeuꞈ-eu Piˇliˇtiˆ tsawˇ haˬ kʼoeˇ gʼaˬ-ahˇ kʼawꞈ, kʼoeˇ loꞈ-ehˇ jahˇ nehˬ ma.

1 Saˬmeuˬlaˆ 17:47

Kʼoeˇ uˬ taꞈ, Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ka kʼoꞈ-eu gʼaˇ duˬ, gahˬ hawˇ-eu mi cehˇ maˬ gʼoe-eu gaˇ kawˆ, heu gaˇ jawˇ-eu tsawˇ haˬ dawˬ tawˆ luꞈ ya siˬ ya mawˇ duˬ tehꞈ-a. Aˬ yawꞈ-aˬ, gʼaˬ leˇ-eu gʼaˬ pyeuꞈ-awˇ, naw maꞈ dawˬ tawˆ luꞈ-ahˇ nga maꞈ-euˬ aˬ laꞈ laꞈ kʼoeˇ a nehˬ laꞈ tehꞈ-a”

1 Saˬmeuˬlaˆ 18:21

“Miˇkaˬlaˇ-ahˇ gʼoe-awˇ Daˬbiˇ-ahˇ lahˇ ju kʼmˇ-eu laꞈ kʼoeˇ, Piˇliˇtiˆ tsawˇ haˬ deuˬ neh bi sehꞈ-eu gʼaˇ duˬ, Miˇkaˬlaˇ Daˬbiˇ-ahˇ bi mˇ dzaˬ-iˇ ma” lehˇ Sawˇluˆ noeˬ-euˬ meh. Kʼoeˇ naˇ, “Nawˇ ngaˬ-euˬ aˬ zaˬ ya geuꞈ meh” lehˇ, Daˬbiˇ-ahˇ aˬ yawꞈ tiˬ poˆ paˇ ehˇ nehˬ-euˬ meh.

1 Saˬmeuˬlaˆ 18:25

Kʼoeˇ ngeh, “Sahˬ paˬ-euˬ aˬ buˇ-ahˇ sheuˬ-euˬ aˇ poeˬ sahˬ paˬ nawˬ-ahˇ shaˇ mawꞈ-eu jeˬ-aˬ, aˬ yawꞈ-ahˇ muiˇ-eu Piˇliˇtiˆ tsawˇ haˬ deuˬ-ahˇ nawˇ laꞈ poˆ poˆ nehˬ-eu laꞈ kʼoeˇ, Piˇliˇtiˆ tsawˇ haˬ deuˬ-euˬ baˆ kʼoˆ mehˬ dzaˬ tiˬ yaˇ hmˬ yuˇ kʼoꞈ nehˬ laꞈ naˇ gʼaˬ meh lehˇ, Daˬbiˇ-ahˇ naw maꞈ ehˇ nehˬ-awˬ” lehˇ, aˬ yawꞈ maꞈ-ahˇ Sawˇluˆ ehˇ nehˬ-euˬ meh. Daˬbiˇ-ahˇ Piˇliˇtiˆ tsawˇ haˬ deuˬ neh bi sehꞈ ni, Sawˇluˆ kʼoeˇ loꞈ-ehˇ tsawˇ gahˇ gahˇ-euˬ meh.

1 Saˬmeuˬlaˆ 18:27

Daˬbiˇ hawˇ-eu aˬ yawꞈ-eu tsawˇ haˬ deuˬ doˆ-iˇ-awˇ, Piˇliˇtiˆ tsawˇ haˬ nyiˬ yaˇ gʼaˬ-ahˇ sehꞈ-euˬ meh. Sahˬ paˬ-euˬ aˬ zaˬ ya geuꞈ ni, sahˬ paˬ jawˇ gaˇ baˆ kʼoˆ mehˬ dzaˬ kʼoeˇ deuˬ yuˇ gʼeh-awˇ gui nehˬ-euˬ meh. Kʼoeˇ naˇ, Sawˇluˆ neh Daˬbiˇ hawˇ-eu Miˇkaˬlaˇ aˬ nyaꞈ-ahˇ bi sheuˬ dahˬ dzaˬ-euˬ meh.

1 Saˬmeuˬlaˆ 25:28

Ngaˬ neh mˇ-euˬ yaw lehˬ jeˬ jaˆ naˇ kʼawꞈ, iˬ baˇ pyehˬ nehˬ laꞈ-awˬ. Sahˬpaˬ Miˬyehˇ-aˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ sahˬ paˬ bi geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ gʼaˇ duˬ nawˇ guiˇ deuˆ luꞈ-awˇ, yaw dehꞈ kʼaˇ dehꞈ kʼoeˇ keuˆ ni yaw haiˬ jeˬ maˬ mˇ ni nawˇ jawˇ tehꞈ-a.

1 Saˬmeuˬlaˆ 30:26

Ziˇkaˬlehˆ meuˬ-ahˇ Daˬbiˇ gʼoꞈ keuˆ leˇ ngeh, Yuˇdaˆ miˇ kʼahˬ laꞈ kʼoeˇ aˬ yuiꞈ aˬ tsu geuꞈ luꞈ-eu aˬ yawꞈ-euˬ cawˬ deuˬ jawˇ gaˇ, aˬ yawꞈ neh guiˇ deuˆ za-euˬ myawˬ gahˬ deuˬ bi biꞈ ha-iˇ-awˇ, “Sahˬpaˬ Miˬyehˇ-ahˇ muiˇ-eu tsawˇ haˬ deuˬ-ahˇ nga maꞈ neh deuˆ za-euˬ myawˬ gahˬ deuˬ laꞈ kʼoeˇ, naw maꞈ-ahˇ kʼawꞈ laꞈ sawˬ biꞈ-eu ma” lehˇ tsaꞈ ahˇ gʼeh-euˬ meh.