Sawˇluˆ-euˬ ma nyiˇ pyeuꞈ-eu Aˬiˇyaˬ-euˬ aˬ buˇ Yiˇzaˬpaˬ gʼaˬ, tsawˇ shiˇ kʼoeˇ deuˬ ga-eu dawˬ peh kʼaˬ lo kʼoeˇ taˆ guˬ daˇ pehˇ zeuˇ saˬ paˇ neh sehˬ gʼawˆ gʼawˆ-awˇ, cehˇ yehˬ dahˬ beh ngeh yamˬ-ahˇ neh yehˇ gʼahˇ ahˇ le ngeh keuˆ ni loꞈ-euˬ meh. Shiˇ taˬ-euˬ tsawˇ haˬ kʼoeˇ deuˬ-ahˇ, nah gʼahˇ paw aˇ jiˇ maˬ ya bi dzaˬ-eu gʼaˇ duˬ maˬ ehˇ, uˬ ciꞈ paw haiˬ-eu jeˬ zaˬ deuˬ maˬ ya bi dzaˬ-eu gʼaˇ duˬ maˬ ehˇ, aˬ yawꞈ loꞈ piˇ-euˬ meh.
1 Saˬmeuˬlaˆ 17:44 - Akha44 “Laˇ-awˬ, kʼoeˇ taˆ paw zaw-eu aˇ jiˇ deuˬ hawˇ-eu bawˇ tsahˬ jeˬ zaˬ deuˬ-ahˇ, nawˬ-eu shaˬ jiˇ bi dzaˬ ma” lehˇ, Daˬbiˇ-ahˇ aˬ yawꞈ ehˇ nehˬ-euˬ meh. Δείτε το κεφάλαιο |
1 Saˬmeuˬlaˆ 17:44
12 Σταυροειδείς Αναφορές
“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.
Kʼoeˇ naˇ, Yawˇnaˆshaˬ hawˇ-eu aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ aˬ nyaꞈ-ahˇ aˬ yawꞈ maꞈ guˇ-awˇ, “Heu gaˇ laˇ sheˇ. Naw nyaꞈ-ahˇ tiˬ jeˬ ehˇ nehˬ nyaˇ” lehˇ ehˇ-eu meh. Kʼoeˇ ngeh, aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ kʼoeˇ gʼaˬ-ahˇ, “Ngaˬ-euˬ mehˬ nah caw teh laˇ-awˬ. Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ-ahˇ Piˇliˇtiˆ tsawˇ haˬ deuˬ kʼoeˇ taˆ bi gʼaˬ leˇ nehˬ laꞈ-euˬ yaw duˬ baw ngaˇ” lehˇ Yawˇnaˆshaˬ ehˇ nehˬ-euˬ meh.
Iˬ nah Sahˬpaˬ Miˬyehˇ-aˬ, nawˬ-euˬ gʼawˇ mawˇ-ahˇ ngaˬ-euˬ aˬ laꞈ laꞈ kʼoeˇ a nehˬ laꞈ tehꞈ-a. Nawˬ-ahˇ ngaˇ deuˆ gʼaˬ-awˇ, nawˬ-euˬ uˬ duˬ ngaˇ toˆ tsehˆ ma. Kʼoeˇ naˇ, shiˇ taˬ-awˇ ga-eu Piˇliˇtiˆ yehˇ deuˬ, aˇ jiˇ hawˇ-eu bawˇ tsahˬ jeˬ zaˬ deuˬ-ahˇ ngaˇ bi dzaˬ ma. Kʼoeˇ ngeh, Iˇsaˬleˬlaˆ tsawˇ jeuˬ nehˬ-ehˇ Miˬyehˇ jawˇ-eu gaˇ kawˆ, miˇ kʼahˬ dawˬ tawˆ luꞈ ya siˬ tehꞈ-a.
Διαφημίσεις