1 Saˬmeuˬlaˆ 17:43 - Akha

⁴³ Daˬbiˇ-ahˇ aˬ yawꞈ ehˇ nehˬ-eu, “Daˇ cuiˇ teu hmˬ aˬ jeˬ jahˇ-eu lehˇ yuˇ luꞈ te. Nawˇ ngaˬ-ahˇ aˬ kuiˬ tiˬ mawˇ loˆ ni tehꞈ-ehˇ sawˇ-eu ngaˇ laˬ” Kʼoeˇ naˇ, aˬ yawꞈ-euˬ miˬ yehˇ-euˬ tsawˇ myahˇ-ahˇ gʼoe-awˇ, Daˬbiˇ-ahˇ yaˬ kʼehˇ yaˬ nehˬ-euˬ meh.

1 Saˬmeuˬlaˆ 17:43 Σταυροειδείς Αναφορές

Aˇ dahˬ 27:29

Tsawˇ jeuˬ dawˬ tawˆ luꞈ nawˬ-euˬ zaˬ kʼaˆ ya geuꞈ-awˇ, tsawˇ haˬ dawˬ tawˆ luꞈ nawˬ-euˬ mehˬ shi pawˬ tsuiꞈ pawˬ dmˬ dmˬ luꞈ-uˇ. Nawˬ-euˬ aˇ jeuˬ aˇ ca dawˬ tawˆ luꞈ kʼoeˇ taˆ nawˇ ya uˆ lahˇ-awˇ, nawˬ ma o neh kʼaˇ jeuˬ kʼaˇ o le-euˬ tsawˇ haˬ dawˬ tawˆ luꞈ, nawˬ-euˬ mehˬ shi pawˬ tsuiꞈ pawˬ dmˬ dmˬ luꞈ-uˇ. Nawˬ-ahˇ yaˬ kʼehˇ yaˬ-eu tsawˇ haˬ deuˬ, yaˬ kʼehˇ yaˬ nehˬ gaˇ paˇ ya daˬ-awˇ, nawˬ-ahˇ guiˬ lahˬ biꞈ-eu tsawˇ haˬ deuˬ guiˬ lahˬ za luꞈ-uˇ.”

2 Saˬmeuˬlaˆ 16:5

Baˬhuˇleˬ meuˬ-ahˇ sahˬ paˬ Daˬbiˇ le keuˆ ngeh, Sawˇluˆ-euˬ aˬ yuiꞈ aˬ nyiˇ Geˬlaˬ-euˬ aˬ li Shiˇmiˇ gʼaˬ, aˬ yawꞈ-ahˇ yaˬ kʼehˇ yaˬ yaˬ-ehˇ, aˬ yawꞈ jawˇ gaˇ oe-euˬ meh.

2 Saˬmeuˬlaˆ 16:9

Zeˬluˇyaˆ-euˬ aˬ li Aˬbiˇshaiˇ ehˇ-eu, “Sahˬ paˬ-oˇ, aˬ jeˬ miˇ neh aˬ kuiˬ kuiˬ uˬ teu mawˇ nawˬ-ahˇ yaˬ kʼehˇ yaˬ yaˬ-ehˇ bi jawˇ te. Ngaˬ-ahˇ a kawˬ-aˬ biꞈ laꞈ-awˬ. Ngaˇ le-awˇ aˬ yawꞈ-euˬ uˬ duˬ coeˇ tsehˆ nehˬ leˇ la.”

2 Saˬmeuˬlaˆ 3:8

Kʼoeˇ ngeh, Aˬbaˬnaˬ nui ma pehˇ laˇ-awˇ ehˇ-eu, “Ngaˇ Sawˇluˆ-ahˇ saˇ jaˇ maˬ ziꞈ nga lehˇ nawˇ noeˬ te loˇ. Yuˇdaˆ miˇ kʼahˬ gʼaˇ duˬ ngaˇ dehꞈ luꞈ-eu nga lehˇ nawˇ aˬ diˇ noeˬ te loˇ. Aˇ dahˬ beh ngeh neh, nawˬ da Sawˇluˆ-ahˇ maˬ ehˇ, aˬ yawꞈ-euˬ mehˇ nmˇ deuˬ-ahˇ maˬ ehˇ, aˬ yawꞈ-euˬ cawˬ deuˬ-ahˇ maˬ ehˇ, ngaˇ saˇ jaˇ ziꞈ-awˇ, nawˬ-ahˇ kʼawꞈ Daˬbiˇ-euˬ aˬ laꞈ laꞈ kʼoeˇ maˬ a nehˬ ni ngaˬ neh sheuˬ buˬ nehˬ-euˬ ma. Ehˇ kʼawꞈ, iˬ nah-aˬ, zaˬ miˬ zaˬ tiˬ gʼaˬ nehˬ-ehˇ bahˬ-euˬ nga lehˇ dehˬ lehꞈ-awˇ, nawˇ ngaˬ-ahˇ iˬ baˇ poˆ-eu gʼeh te loˇ.

2 Saˬmeuˬlaˆ 9:8

Meˬpiˇbawˇshehˆ gʼaˬ tiˬ poˆ paˇ awˆ byaˆ-awˇ ehˇ-eu, “Sahˬ paˬ-oˇ, ngaˇ-aˬ shiˇ taˬ-euˬ aˬ kuiˬ tiˬ mawˇ taꞈ-ehˇ maˬ paˇ dzehˬ miˇ-a. Aˬ jeˬ miˇ neh nawˇ ngaˬ-ahˇ teu naˆ naˆ-ehˇ gʼawˬ shaˬ gaˬ nehˬ laꞈ te.”

1 Sahˬpaˬ 20:10

Beˬhaˬdaˇ neh aˬ yawꞈ-ahˇ paˇ pyehˬ gʼeh leꞈ-awˇ, Aˬhaˆ-ahˇ heu loꞈ-ehˇ bi tsaꞈ gaˬ le-euˬ meh. “Meuˬ heu meuˬ-ahˇ laˆ luˬ laˆ seˇ nya ni, ngaˇ tsawˇ haˬ tiˬ loꞈ sheuˬ leꞈ-awˇ, bi laˆ meuˇ bi laˆ loeˇ ma. Meuˬ heu meuˬ-euˬ kʼaˬ lehˇ-ahˇ, aˬ yawꞈ maꞈ-euˬ aˬ laꞈ neh tawˆ kʼoꞈ gʼeh tehꞈ-a. Ngaˇ kʼoeˇ loꞈ-ehˇ maˬ jahˇ pyeuꞈ nya naˇ, miˬ yehˇ kʼoeˇ deuˬ ngaˬ-ahˇ sehꞈ luꞈ-uˇ.”

2 Sahˬpaˬ 8:13

Haˬzeˬlaˇ ehˇ-eu, “Ngaˇ-aˬ, tiˬ gaˇ-iˬ deuˬ leˇ-eu tsawˇ haˬ maˬ ngeuˇ. Kʼoeˇ naˆ naˆ-ehˇ baoˬ ahˇ-eu tsawˇ haˬ ngaˇ aˬ joˆ-ehˇ pyeuꞈ laˇ nya nmˇ.” Eˇliˇshehˇ ehˇ-eu, “Nawˇ Suˇliˆ sahˬ paˬ pyeuꞈ laˇ tehꞈ-a lehˇ, Sahˬpaˬ Miˬyehˇ ngaˬ-ahˇ pah mehˬ nehˬ laꞈ gʼaˬ-euˬ meh.”

Dawqdaq 26:2

Iˬ baˇ maˬ naꞈ gaˇ yaˬ kʼehˇ yaˬ-eu jeˬ-aˬ, maˬ ga dawꞈ le ni yaw dzeuˇ gʼeh-eu aˇ jiˇ-ahˇ duˇ-eu meh.

Bawˇtsahˬ 22:6

Aˬ yawꞈ maꞈ aˬ dui maꞈ myaˆ maˬ tseˇ myaˬ dzehˬ-eu miˇ neh, nawˇ tiˬ poˆ laˇ-awˇ, ngaˬ-euˬ gʼaˇ duˬ aˬ yawꞈ maꞈ-ahˇ yaˬ kʼehˇ yaˬ nehˬ laˇ sheˇ. Kʼoeˇ loꞈ-ehˇ jahˇ naˇ, aˬ yawꞈ maꞈ-ahˇ aˬ dui gʼaˬ leˇ-awˇ, miˇ kʼahˬ heu kʼahˬ laꞈ kʼoeˇ neh aˬ yawꞈ maꞈ-ahˇ teh doˆ nya tehꞈ-a. Nawˇ aˬ cawˬ-ahˇ dawˬ ngehˬ gʼeh nehˬ ngeh, aˬ cawˬ guiˬ lahˬ za-awˇ, nawˇ aˬ cawˬ-ahˇ yaˬ kʼehˇ yaˬ ngeh, nawˬ neh yaˬ kʼehˇ kʼaˇ yaˬ-eu loꞈ-ehˇ aˬ cawˬ kʼoeˇ taˆ keuˆ le-euˬ gaˇ kawˆ ngaˇ siˬ nya-eu ma.”

Yaˇ kʼaˬ daˇ 9:27

Aˬ yawꞈ maꞈ dawˬ tawˆ luꞈ aˬ gaꞈ yaˇ kmˇ-ahˇ aˬ gaꞈ aˇ siˬ pyaˆ laˬ-iˇ-awˇ, aˬ gaꞈ dzaˇ uiˇ jahˇ-awˇ bawˬ-iˬ gʼeh-euˬ meh. Aˬ yawꞈ maꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ maꞈ uˇ leˇ-awˇ, dzaˬ taꞈ dawˇ taꞈ-eu laꞈ kʼoeˇ, Aˬbiˇmaˬlehˆ-ahˇ ja bu ja doeˇ-awˇ yaˬ kʼehˇ yaˬ-euˬ meh.

1 Saˬmeuˬlaˆ 14:12

Kʼoeˇ naˇ, Yawˇnaˆshaˬ hawˇ-eu aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ aˬ nyaꞈ-ahˇ aˬ yawꞈ maꞈ guˇ-awˇ, “Heu gaˇ laˇ sheˇ. Naw nyaꞈ-ahˇ tiˬ jeˬ ehˇ nehˬ nyaˇ” lehˇ ehˇ-eu meh. Kʼoeˇ ngeh, aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ kʼoeˇ gʼaˬ-ahˇ, “Ngaˬ-euˬ mehˬ nah caw teh laˇ-awˬ. Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ-ahˇ Piˇliˇtiˆ tsawˇ haˬ deuˬ kʼoeˇ taˆ bi gʼaˬ leˇ nehˬ laꞈ-euˬ yaw duˬ baw ngaˇ” lehˇ Yawˇnaˆshaˬ ehˇ nehˬ-euˬ meh.

1 Saˬmeuˬlaˆ 24:14

Nawˇ shaˇ noeˬ haw sheˇ. Iˇsaˬleˬlaˆ tsawˇ jeuˬ-euˬ sahˬ paˬ aˬ jeˬ-ahˇ sehꞈ-eu lehˇ leh jeh luꞈ ta. Aˬ jeˬ-euˬ mehˬ nah aˬ yawꞈ teh luꞈ ta. Shiˇ-euˬ aˬ kuiˬ tiˬ mawˇ mehˬ nah teh luꞈ ta loˇ.

1 Saˬmeuˬlaˆ 24:15

Maˬ ngeuˇ naˇ, kuiˬ shehˇ-euˬ mehˬ nah teh luꞈ ta loˇ. Aˇ nyaꞈ aˬ geu gʼaˬ lehˬ nga lehˇ, Sahˬpaˬ Miˬyehˇ noeˬ tsehˆ-awˇ yaˇ kʼaˬ daˇ luꞈ-uˇ. Gaˇ kawˆ heu hmˬ-ahˇ aˬ yawꞈ haw-awˇ, ngaˬ-ahˇ haw piˇ-eu laꞈ kʼoeˇ, nawˬ-euˬ aˬ laꞈ laꞈ kʼoeˇ aˬ yawꞈ ngaˬ-ahˇ ka kʼoꞈ nehˬ laꞈ luꞈ-uˇ.”