1 Saˬmeuˬlaˆ 17:22 - Akha

²² Daˬbiˇ-aˬ, aˬ yawꞈ neh yuˇ laꞈ-euˬ dzaˬ dzaˬ dawˇ dawˇ kʼoeˇ deuˬ-ahˇ, dzaˬ-eu dawˇ-eu paw haw-eu aˬ yuiꞈ geuꞈ-eu gʼaˬ jawˇ gaˇ bi jaˆ yaꞈ-awˇ, guiˇ deuˆ duˬ-ahˇ cehˆ gʼeh-awˇ, aˬ yawꞈ-euˬ aˇ doˆ deuˬ aˬ joˆ-ehˇ jawˇ luꞈ-eu gaˇ kawˆ naˇ haˬ leˇ-euˬ meh.

1 Saˬmeuˬlaˆ 17:22 Σταυροειδείς Αναφορές

Aˇ dahˬ 37:14

“Nawˬ-euˬ aˇ doˆ deuˬ aˬ joˆ-ehˇ jawˇ luꞈ nga lehˇ haw-iˇ-awˇ, ngaˬ-ahˇ paˇ tsaꞈ gaˬ laˇ-awˬ” lehˇ, Yoˇsehˆ-ahˇ Yaˬkoˆ ehˇ nehˬ-euˬ meh. Yaˬkoˆ-aˬ, Yoˇsehˆ-ahˇ Heˬbyoˬ meuˬ paw neh bi iˇ-euˬ meh. Sheˬkmˬ meuˬ-ahˇ Yoˇsehˆ iˇ keuˆ-awˇ,

2 Saˬmeuˬlaˆ 11:7

Uˇliˇyaˆ gʼoꞈ keuˆ laˇ ngeh, Yoˇbaˬ hawˇ-eu aˬ yawꞈ-euˬ guiˇ maꞈ deuˬ aˬ joˆ-ehˇ jawˇ luꞈ-eu gaˇ kawˆ hawˇ-eu, guiˇ aˬ joˆ-ehˇ deuˆ luꞈ-eu gaˇ kawˆ deuˬ, aˬ yawꞈ-ahˇ Daˬbiˇ naˇ haˬ-euˬ meh.

Doˆ-iˇ 18:7

Kʼoeˇ ngeh, Moˇseˬ aˬ yawꞈ-ahˇ tahˬ puˬ leˇ-awˇ, aˬ yawꞈ-euˬ mehˬ shi uˬ duˬ tahˬ moꞈ-awˇ, aˬ yawꞈ-ahˇ mehˬ cuˇ cuˇ-euˬ meh. Aˬ yawꞈ nyaꞈ tiˬ gʼaˬ tiˇ gʼaˬ dawˬ cawˬ puˬ-awˇ, Moˇseˬ-euˬ sehˬ gʼawˆ laꞈ kʼoeˇ uˇ-iˇ-euˬ meh.

Iˇsaˬyaˇ 10:28

Aˬ yawꞈ maꞈ Aˬiˇ meuˬ-ahˇ uˇ le-euˬ meh. Aˬ yawꞈ maꞈ Miˇgaˬloˬ meuˬ oe dzeuˇ-awˇ, Miˇkaˬmaˆ meuˬ-ahˇ kʼaˆ behˆ taˬ yaꞈ-euˬ meh.

Yaˇ kʼaˬ daˇ 18:15

Kʼoeˇ naˇ, Leˬbiˇ tsawˇ haˬ zaˬ guˬ kʼoeˇ gʼaˬ jawˇ-eu Miˇkaˬ-euˬ nymˇ-ahˇ aˬ yawꞈ maꞈ uˇ-iˇ-awˇ, Leˬbiˇ tsawˇ haˬ kʼoeˇ gʼaˬ-ahˇ, Jawˇ saˇ doˆ miˇ-a loˇ lehˇ ngehˬ cawˬ-euˬ meh.

Yaˇ kʼaˬ daˇ 18:21

Aˬ yawꞈ maꞈ-euˬ myawˬ deuˬ, jeˬ zaˬ deuˬ hawˇ-eu, myawˬ gahˬ deuˬ mehˬ hu paw bi iˇ-awˇ, tsawˇ haˬ kʼoeˇ deuˬ doˆ-iˇ-euˬ meh.

1 Saˬmeuˬlaˆ 17:21

Piˇliˇtiˆ guiˇ maꞈ hawˇ-eu Iˇsaˬleˬlaˆ guiˇ maꞈ deuˬ guiˇ deuˆ-eu gʼaˇ duˬ lehˬ hmˬ deuˇ taˬ-awˇ, kʼoeˇ baˬ heu baˬ-ehˇ yawꞈ cehˆ taˬ-euˬ meh.

1 Saˬmeuˬlaˆ 25:5

Kʼoeˇ ngeh, Gaˬlaˬmeˬlaˇ meuˬ-ahˇ zaˬ guˬ tseˇ gʼaˬ pyehˬ gʼeh-awˇ, Naˬbaˬlaˇ-ahˇ dawˬ tsaꞈ bi tsaꞈ-iˇ-euˬ meh.

1 Saˬmeuˬlaˆ 30:21

Kʼoeˇ naˇ, gʼaˬ baˬ dui dui-eu miˇ neh aˬ yawꞈ-euˬ mehˬ nah maˬ caw teh le nya-ehˇ, Beˬsawˬ lawˇ gawˆ dawˬ peh jawˇ yaꞈ-euˬ tsawˇ haˬ kʼoeˇ nyiˬ yaˇ gʼaˬ jawˇ gaˇ Daˬbiˇ gʼoꞈ leˇ-euˬ meh. Tsawˇ haˬ kʼoeˇ deuˬ mehˬ hu paw oe-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ-ahˇ ha laˬ le-euˬ meh. Daˬbiˇ gʼeh, aˬ yawꞈ maꞈ-ahˇ laˬ kʼaˬ cehˇ taˆ ni dawˬ ngehˬ cawˬ nehˬ-euˬ meh.