1 Saˬmeuˬlaˆ 16:6 - Akha

⁶ Aˬ yawꞈ maꞈ laˇ keuˆ ngeh, Yeˬshehˇ-euˬ aˬ li Eˇliˇbaˆ-ahˇ Saˬmeuˬlaˆ ya mawˇ-awˇ, “Heu gaˇ Sahˬpaˬ Miˬyehˇ-euˬ mehˬ shi yawꞈ luꞈ-eu heu gʼaˬ-aˬ, aˬ diˇ aˬ maˇ aˬ yawꞈ neh tseˇ doˆ-euˬ gʼaˬ ngeuˇ-eu jeˬ nga” lehˇ aˬ yawˇ yawꞈ shaˇ noeˬ-euˬ meh.

1 Saˬmeuˬlaˆ 16:6 Σταυροειδείς Αναφορές

1 Sahˬpaˬ 12:26

Yeˬyawˇbamˬ-aˬ, aˬ yawꞈ-euˬ nui ma laꞈ kʼoeˇ, aˬ yawˇ yawꞈ heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, miˇ kʼahˬ heu kʼahˬ Daˬbiˇ-euˬ nymˇ jiˇ-euˬ laꞈ-ahˇ ahˇ leˇ-eu lehˇ gʼeh-eu ngaˇ.

1 Sahˬpaˬ 4:11

Sawˇlaˬmoˬ-euˬ aˬ buˇ Taˬpaˬdaˆ-ahˇ sheuˬ-euˬ gʼaˬ pyeuꞈ-eu Beˬaˬbiˇnaˬdehˇ-aˬ, Dawˇlaˆ gahˬ kaˬ dawˬ tawˆ luꞈ kʼoeˇ taˆ haw-eu pyaˆ-eu gʼaˬ geuꞈ-euˬ meh.

1 Laˬsaˬbaˬ 2:13

Yeˬshehˇ-euˬ aˬ li shiꞈ li jawˇ-eu meh. Aˬ li kʼoeˇ shiꞈ li-aˬ, Eˇliˇbaˆ, Aˬbiˇnaˬdehˇ, Shaˬmahˇ,

1 Laˬsaˬbaˬ 27:18

Yuˇdaˆ tsawˇ jeuˬ kʼoeˇ taˆ aˬ yuiꞈ geuꞈ-awˇ uˆ lahˇ-euˬ gʼaˬ-aˬ, Daˬbiˇ-euˬ aˇ doˆ Eˇliˇhuˆ meh. Iˇsaˬkaˬ tsawˇ jeuˬ kʼoeˇ taˆ aˬ yuiꞈ geuꞈ-awˇ uˆ lahˇ-euˬ gʼaˬ-aˬ, Miˇkeˬlaˇ-euˬ aˬ li Awˇmaˬliˇ meh.

1 Laˬsaˬbaˬ 28:4

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ miˇ kʼahˬ-ahˇ aˬ myah luꞈ bi uˆ lahˇ-eu gʼaˇ duˬ, ngaˇ hawˇ-eu ngaˬ-euˬ zaˬ deuˬ uˆ deuˬ-ahˇ tseˇ doˆ-euˬ meh. Aˬ yuiꞈ geuꞈ-awˇ bi sheuˬ gʼeh-eu gʼaˇ duˬ, Yuˇdaˆ tsawˇ jeuˬ-ahˇ aˬ yawꞈ tseˇ doˆ-awˇ, Yuˇdaˆ tsawˇ jeuˬ laꞈ kʼoeˇ ngaˬ da-euˬ aˇ jeuˬ-ahˇ aˬ yawꞈ paˇ tseˇ doˆ-euˬ meh. Ngaˬ da-euˬ aˇ jeuˬ jeuˬ lah ni laꞈ kʼoeˇ ngaˬ-ahˇ tseˇ doˆ-awˇ, Iˇsaˬleˬlaˆ miˇ kʼahˬ tiˬ kʼahˬ kʼahˬ lah ni kʼoeˇ taˆ sahˬ paˬ bi geuꞈ-eu gʼaˇ duˬ, aˬ yawꞈ nui ma tsaˬ-eu meh.

2 Laˬsaˬbaˬ 11:18

Leˬhawˇbamˬ-aˬ, Maˬhaˬlaˇ-ahˇ sheuˬ-euˬ meh. Maˬhaˬlaˇ-euˬ aˬ da-aˬ, Daˬbiˇ-euˬ aˬ li Yeˬliˇmoˆ pyeuꞈ-awˇ, aˬ ma gʼaˬ-aˬ, Yeˬshehˇ-euˬ aˬ li Eˇliˇbaˆ-euˬ aˬ buˇ Aˬbiˇheˬlaˇ meh.

Jaceuq 84:9

Miˬyehˇ-oˇ, nawˬ neh tseˇ doˆ-euˬ sahˬ paˬ pyeuꞈ-eu nga maꞈ-euˬ sahˬ paˬ-ahˇ guiˬ lahˬ biꞈ-awˬ.

Yaˇ kʼaˬ daˇ 8:18

Kʼoeˇ naˇ, “Taˬbawˬ meuˬ-ahˇ naw maꞈ neh sehꞈ-euˬ tsawˇ haˬ kʼoeˇ deuˬ aˬ joˆ-ehˇ gʼeh ta” lehˇ, Zeˬbah hawˇ-eu Zaˬlaˬmoˇnaˬ-ahˇ Giˇdoˬ naˇ haˬ nehˬ-euˬ meh. Aˬ yawꞈ nyaꞈ ehˇ-eu, “Aˬ yawꞈ maꞈ nawˬ-ahˇ duˇ-eu meh. Aˬ yawꞈ gʼaˬ yawꞈ sahˬpaˬ-euˬ aˬ li loꞈ-ehˇ gʼeh-eu tsawˇ haˬ tehꞈ meh.”

1 Saˬmeuˬlaˆ 17:13

Aˬ yawꞈ-euˬ aˬ li aˬ yuiꞈ smˇ gʼaˬ Sawˇluˆ nehˬ-ehˇ guiˇ deuˆ leˇ-euˬ meh. Aˬ li aˬ yuiꞈ yuiꞈ saˬ gʼaˬ pyeuꞈ-eu Eˇliˇbaˆ, aˬ gʼahˇ gʼaˬ pyeuꞈ-eu Aˬbiˇnaˬdehˇ hawˇ-eu, aˬ nyiˇ gʼaˬ pyeuꞈ-eu Shaˬmahˇ aˬ ha smˬ mehˇ nmˇ guiˇ deuˆ leˇ-euˬ meh.

1 Saˬmeuˬlaˆ 17:22

Daˬbiˇ-aˬ, aˬ yawꞈ neh yuˇ laꞈ-euˬ dzaˬ dzaˬ dawˇ dawˇ kʼoeˇ deuˬ-ahˇ, dzaˬ-eu dawˇ-eu paw haw-eu aˬ yuiꞈ geuꞈ-eu gʼaˬ jawˇ gaˇ bi jaˆ yaꞈ-awˇ, guiˇ deuˆ duˬ-ahˇ cehˆ gʼeh-awˇ, aˬ yawꞈ-euˬ aˇ doˆ deuˬ aˬ joˆ-ehˇ jawˇ luꞈ-eu gaˇ kawˆ naˇ haˬ leˇ-euˬ meh.