1 Saˬmeuˬlaˆ 16:4 - Akha

⁴ Saˬmeuˬlaˆ-aˬ. Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ jahˇ-awˇ, Behˬlehˬhehˬ meuˬ-ahˇ iˇ-euˬ meh. Kʼoeˇ gaˇ jawˇ-eu meuˬ-euˬ aˬ yuiꞈ aˬ tsu geuꞈ luꞈ-eu deuˬ aˬ yawꞈ jawˇ gaˇ laˇ-awˇ, yaw dzuˬ dzuˬ-eu laꞈ kʼoeˇ, “Shaˆ ma-oˇ, yaw lehˬ aˬ geu jeˬ paˇ doˆ laˇ-euˬ miˇ neh heu gaˇ oe teˬ” lehˇ naˇ haˬ-euˬ meh.

1 Saˬmeuˬlaˆ 16:4 Σταυροειδείς Αναφορές

Aˇ dahˬ 35:19

Laˬkeˬlaˇ-ahˇ, nymˬ-mˇ Behˬlehˬhehˬ meuˬ lehˇ kuˇ luꞈ-eu Eˇpaˬlaˇ meuˬ-ahˇ le-eu gaˇ ma gaˇ dzeˇ duˬ pahˬ nehˬ-euˬ meh.

Aˇ dahˬ 48:7

Nawˬ ma Laˬkeˬlaˇ baˬ da neh ngaˇ heu loꞈ-ehˇ jahˇ ma. Maˬsoˬpoˬtaˬmiˇ miˇ kʼahˬ-ahˇ neh gʼoꞈ le-awˇ, Kaˬnaˬ miˇ kʼahˬ Eˇpaˬlaˇ meuˬ-ahˇ yaw kʼaˆ-ehˇ maˬ kaˬ gaˇ oe keuˆ ngeh, nawˬ ma shiˇ-euˬ miˇ neh ngaˇ noeˬ shaˬ dui dui-euˬ ma. Eˇpaˬlaˇ meuˬ-ahˇ iˇ-eu gaˇ ma gaˇ dzeˇ aˬ yawꞈ-ahˇ ngaˇ baꞈ pahˬ yaꞈ-euˬ ma.” (Eˇpaˬlaˇ meuˬ-ahˇ, nymˬ-mˇ Behˬlehˬhehˬ meuˬ lehˇ kuˇ-eu meh.)

2 Saˬmeuˬlaˆ 6:9

Kʼoeˇ naˇ, Sahˬpaˬ Miˬyehˇ-ahˇ Daˬbiˇ guˆ-awˇ, “Nymˬ-mˇ poˆ jawˇ-aˬ, aˬ joˆ-ehˇ jahˇ-awˇ Dawˬ ma saˇ jaˇ Bahˬ keuˆ heu hmˬ ngaˇ baꞈ gʼeh paˬ nga” lehˇ ehˇ-eu meh.

1 Sahˬpaˬ 17:18

Miˬ coeˬ miˬ ma kʼoeˇ gʼaˬ Eˇliˇyaˆ-ahˇ ehˇ-eu, “Miˬyehˇ-euˬ tsawˇ haˬ-oˇ, aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ iˬ baˇ Miˬyehˇ-ahˇ nawˇ ehˇ noeˬ nehˬ-awˇ, ngaˬ li bi shiˇ-eu lehˇ heu gaˇ laˇ teˬ loˇ.”

1 Sahˬpaˬ 2:13

Kʼoeˇ naˇ, Haˬgiˇdaˇ-euˬ aˬ li Aˬdawˇniˇyaˆ-aˬ, Sawˇlaˬmoˬ-euˬ aˬ ma Baˬsheˬba jawˇ gaˇ le-euˬ meh. “Yaw muiˬ jeˬ gaˇ kawˆ-ahˇ neh laˇ-euˬ ma loˇ” lehˇ Baˬsheˬba naˇ haˬ ngeh, “Ngeuˇ ma” lehˇ aˬ yawꞈ ehˇ kʼoꞈ nehˬ-euˬ meh.

2 Sahˬpaˬ 9:22

Yeˬhuˇ-ahˇ Yoˇlamˬ mawˇ-awˇ, “Yaw muiˬ jeˬ mˇ le-euˬ ma loˇ” lehˇ naˇ haˬ-euˬ meh. Yeˬhuˇ ehˇ-eu, “Nawˬ ma Yeˬsaˬbeˬlaˇ neh aˇ dahˬ beh taˬ yaꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, jaˬ nehꞈ ja maw kʼoeˇ deuˬ kʼaˇ jaˆ kʼoeˇ keuˆ ni, gaˇ kawˆ yaw muiˬ maˬ jaˆ kʼmˬ-aˇ.”

Hawˇseˬ 11:10

“Aˇ laˬ jaˬ shiˇ lmˬ-eu loꞈ-ehˇ, muiˇ-eu deuˬ-ahˇ ngaˇ lmˬ nehˬ ngeh, ngaˬ-euˬ tsawˇ haˬ deuˬ ngaˇ jawˇ gaˇ, nahˇ ma ga kʼehˬ paw pyawˬ-ahˇ neh, guˆ guˆ-ehˇ cehˆ gʼoꞈ laꞈ tehꞈ-a.

Hawˇseˬ 6:5

Kʼoeˇ baˬ da neh naw maꞈ jawˇ gaˇ, Bawˇlawˇpeh deuˬ ngaˇ pyehˬ leꞈ-awˇ, Yaˇ kʼaˬ daˇ-eu gaˇ kawˆ hawˇ-eu, ya luˬ ya seˇ-iˇ-eu gaˇ kawˆ, bi tsaꞈ bi dzawˇ gaˬ le-euˬ ma. Naw maꞈ yaw dawˇ dawˇ-ehˇ dehꞈ gaˇ, ngaˇ nui kʼahˇ jaˆ dui dui-eu ma.

Luˇkaꞈ 2:4

Yoˇsehˆ-aˬ, sahˬ paˬ Daˬbiˇ-euˬ tsuiꞈ-ahˇ taꞈ-eu miˇ neh, Gaˬliˬlehˇ miˇ kʼahˬ Naˬzaˬlehˇ meuˬ-ahˇ neh Sahˬpaˬ Daˬbiˇ dehꞈ le-euˬ meuˬ pyeuꞈ-eu Yuˇdaˆ miˇ kʼahˬ Behˬlehˬhehˬ meuˬ-ahˇ iˇ-euˬ meh.

Luˇkaꞈ 5:8

Kʼoeˇ loꞈ-ehˇ pyeuꞈ laˇ-euˬ gaˇ Siˇmoˬ Beˬtuˆluˆ ya mawˇ ngeh, Yeˬsuˇ-euˬ mehˬ shi aˬ yawꞈ pawˬ tsuiꞈ pawˬ dmˬ dmˬ-awˇ ehˇ-eu, “Sahˬpaˬ-oˇ, ngaˇ jawˇ gaˇ neh doˆ-iˇ-awˬ. Ngaˇ-aˬ, iˬ baˇ huiˬ dui dui-eu tsawˇ haˬ tiˬ gʼaˬ ma.”

Luˇkaꞈ 8:37

Miˇ kʼahˬ kʼoeˇ kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ guˆ dui dui-awˇ, Yeˬsuˇ-ahˇ aˬ yawꞈ maꞈ-euˬ miˇ kʼahˬ laꞈ kʼoeˇ neh doˆ-iˇ nehˬ laꞈ lehˇ shaˇ-eu meh. Kʼoeˇ ngeh, Yeˬsuˇ lawˬ dziˬ-awˇ doˆ-iˇ-euˬ meh.

1 Saˬmeuˬlaˆ 21:1

Kʼoeˇ naˇ, Noˇbaˆ meuˬ-ahˇ Aˬhiˇmaˬlehˇ jawˇ gaˇ Daˬbiˇ iˇ-euˬ meh. Kʼoeˇ ngeh, Aˬhiˇmaˬlehˇ yaw dzuˬ dzuˬ dzuˬ-ehˇ doˆ le-awˇ, “Aˬ jeˬ miˇ neh cawˬ tiˬ gʼaˬ-iˬ maˬ ahˇ ni nawˇ tehꞈ-ehˇ heu gaˇ oe teˬ” lehˇ naˇ haˬ-eu meh.