1 Saˬmeuˬlaˆ 16:16 - Akha

¹⁶ Kʼoeˇ miˇ neh, deuˇ-mˬ diˬ nya-eu tsawˇ haˬ tiˬ gʼaˬ poˆ-iˇ-eu gʼaˇ duˬ nga maꞈ-ahˇ dawˬ biꞈ laꞈ-awˬ. Haiˬ-eu yaw sahˇ kʼoeˇ nawˬ-euˬ kʼoeˇ taˆ keuˆ le ngeh, tsawˇ haˬ kʼoeˇ gʼaˬ deuˇ-mˬ diˬ naˇ nawˇ nui ma paˇ saˇ laˇ tehꞈ-a.”

1 Saˬmeuˬlaˆ 16:16 Σταυροειδείς Αναφορές

Aˇ dahˬ 41:46

Yoˇsehˆ sahˬ paˬ-euˬ gaˇ mˇ dahˬ beh ngeh, aˇ kʼoꞈ smˬ tseˇ kʼawˆ laˇ-euˬ meh. Sahˬ paˬ-euˬ nymˇ-ahˇ neh aˬ yawꞈ doˆ-iˇ-awˇ, miˇ kʼahˬ doe doe-ehˇ cah haw-iˇ-euˬ meh.

1 Sahˬpaˬ 10:8

Nawˬ-euˬ miˬ zaˬ deuˬ aˇ naˆ ni guiˬ lahˬ huiˬ-eu nga. Aˬ myah luꞈ nawˬ-euˬ dawˬ peh ya jawˇ-awˇ, zaˬ siˬ tsawˇ gahˇ ahˇ-eu nawˬ-euˬ dawˬ deuˬ-ahˇ ya gaˬ-eu nawˬ-euˬ zaˬ kʼaˆ deuˬ aˇ naˆ ni guiˬ lahˬ huiˬ-eu nga.

2 Sahˬpaˬ 3:15

Deuˇ-mˬ diˬ nya-eu tsawˇ haˬ kʼoeˇ gʼaˬ deuˇ-mˬ diˬ luꞈ ngeh, Sahˬpaˬ Miˬyehˇ-euˬ baoˬ Eˇliˇshehˇ kʼoeˇ taˆ keuˆ le-euˬ meh.

1 Saˬmeuˬlaˆ 10:5

Kʼoeˇ naˇ, Piˇliˇtiˆ tsawˇ haˬ deuˬ-euˬ taˆ tiˬ taˆ jaˆ-eu jawˇ duˬ pyeuꞈ-eu, Giˇbyaˬ meuˬ-ahˇ jaˆ-eu Miˬyehˇ-euˬ gawˬ jawˬ-ahˇ nawˇ ya le tehꞈ-a. Meuˬ-euˬ lahˇ kʼehˬ dawˬ peh nawˇ le keuˆ ngeh, tahˬ diˬ deuˇ-mˬ diˬ-awˇ, bawˬ law baw, cehˇ lehˇ ciˆ-eu laꞈ kʼoeˇ, gawˬ jawˬ-ahˇ neh yaꞈ ka le luꞈ-eu Miˬyehˇ gʼaˇ duˬ ngehˬ dah-eu tsawˇ haˬ tiˬ deuˬ-ahˇ nawˇ ya tahˬ puˬ tehꞈ-a. Tsawˇ haˬ kʼoeˇ deuˬ gaˇ nyeh nyeh nyeh-ehˇ guˇ luꞈ tehꞈ-a.

1 Saˬmeuˬlaˆ 16:14

Sahˬpaˬ Miˬyehˇ-euˬ yaw sahˇ Sawˇ luˆ-ahˇ byehˇ dzeh yaꞈ-awˇ, Sahˬpaˬ Miˬyehˇ neh bi oe-euˬ haiˬ-eu yaw sahˇ aˬ yawꞈ-ahˇ laˆ suˬ saˬ-euˬ meh.

1 Saˬmeuˬlaˆ 16:15

Aˬ yawꞈ-euˬ zaˬ kʼaˆ deuˬ aˬ yawꞈ-ahˇ ehˇ-eu, “Sahˬpaˬ Miˬyehˇ neh bi oe-euˬ haiˬ-eu yaw sahˇ nawˬ-ahˇ laˆ suˬ saˬ luꞈ-eu nga maꞈ siˬ nya ma.

1 Saˬmeuˬlaˆ 16:17

Kʼoeˇ ngeh, “Deuˇ-mˬ yaw muiˬ paˬ-ehˇ diˬ nya-eu tsawˇ haˬ tiˬ gʼaˬ poˆ mawˇ-awˇ, ngaˇ jawˇ gaˇ sheuˬ laꞈ-awˬ” lehˇ Sawˇluˆ dawˬ biꞈ-euˬ meh.

1 Saˬmeuˬlaˆ 18:10

Yawˬ nah yawˬ keuˆ laˇ ngeh, Miˬyehˇ neh bi oe-euˬ haiˬ-eu yaw sahˇ Sawˇluˆ-ahˇ uˆ lahˇ le-awˇ, aˬ yawꞈ-euˬ nymˇ laꞈ kʼoeˇ tsawˇ uˬ tiˬ gʼaˬ loꞈ-ehˇ aˬ yawꞈ toˇ toˇ-ehˇ jawˇ-eu meh. Daˬbiˇ gʼaˬ aˬ myah myah loꞈ-ehˇ deuˇ-mˬ diˬ diˬ-ehˇ jawˇ-awˇ, Sawˇluˆ gʼaˬ gahˬ tiˬ kahˇ tuˆ tehˬ luꞈ-eu meh.

1 Saˬmeuˬlaˆ 19:9

Tiˬ nah keuˆ laˇ ngeh, Sahˬpaˬ Miˬyehˇ neh bi oe-euˬ haiˬ-eu yaw sahˇ Sawˇluˆ-ahˇ paˇ uˆ lahˇ le-euˬ meh. Aˬ yawꞈ-euˬ nymˇ laꞈ kʼoeˇ gahˬ tuˆ tehˬ-awˇ aˬ yawꞈ nuiˇ luꞈ-eu meh. Daˬbiˇ gʼaˬ kʼawꞈ kʼoeˇ gaˇ deuˇ-mˬ diˬ luꞈ-eu meh.