1 Saˬmeuˬlaˆ 16:13 - Akha

¹³ Saˬmeuˬlaˆ saˬ loˬ tsiˇ yuˇ-awˇ, aˬ yawꞈ-euˬ aˇ doˆ deuˬ mehˬ shi Daˬbiˇ-ahˇ tsiˇ shehˆ daˆ nehˬ-euˬ meh. Sahˬpaˬ Miˬyehˇ-euˬ yaw sahˇ Daˬbiˇ-ahˇ ja pyuˬ ni uˆ lahˇ le-awˇ, kʼoeˇ ngeh nah neh naˇ, yaw sahˇ kʼoeˇ aˬ yawꞈ nehˬ-ehˇ jawˇ-euˬ meh. Kʼoeˇ naˇ, Laˬmahˇ meuˬ-ahˇ Saˬmeuˬlaˆ gʼoꞈ leˇ-euˬ meh.

1 Saˬmeuˬlaˆ 16:13 Σταυροειδείς Αναφορές

2 Saˬmeuˬlaˆ 12:7

Daˬbiˇ-ahˇ Naˬdaˬ ehˇ nehˬ-eu, “Tsawˇ haˬ kʼoeˇ gʼaˬ nawˇ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Iˇsaˬleˬlaˆ tsawˇ jeuˬ kʼoeˇ taˆ ngaˇ nawˬ-ahˇ sahˬ paˬ ka nehˬ-awˇ, Sawˇluˆ-euˬ aˬ laꞈ laꞈ kʼoeˇ nawˬ-ahˇ ka kʼoꞈ taˬ-euˬ ma.

2 Saˬmeuˬlaˆ 2:4

Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ Heˬbyoˬ meuˬ-ahˇ laˇ-awˇ, Daˬbiˇ-ahˇ tsiˇ shehˆ daˆ nehˬ-awˇ, Yuˇdaˆ miˇ kʼahˬ-euˬ sahˬ paˬ ka nehˬ-euˬ meh. Giˇlaˆ miˇ kʼahˬ Jaˬbehˆ meuˬ-ahˇ jawˇ-eu tsawˇ haˬ deuˬ neh Sawˇluˆ-ahˇ baꞈ pahˬ nehˬ-euˬ gaˇ kawˆ Daˬbiˇ ya gaˬ ngeh,

2 Saˬmeuˬlaˆ 23:1

Yeˬshehˇ-euˬ aˬ li Daˬbiˇ-aˬ, Miˬyehˇ neh ciˬ huiˬ ciˬ mahˇ nehˬ-euˬ tsawˇ haˬ pyeuꞈ-awˇ, sahˬ paˬ geuꞈ-eu gʼaˇ duˬ Yaˬkoˆ-euˬ Miˬyehˇ neh tseˇ doˆ-euˬ gʼaˬ kʼawꞈ pyeuꞈ-eu meh. Iˇsaˬleˬlaˆ tsawˇ jeuˬ gʼaˇ duˬ naˇ haˬ muiˬ-eu caˇ dawˬ deuˬ aˬ yawꞈ caˇ yaꞈ-euˬ meh. Aˬ yawꞈ-euˬ aˇ saˬ saˬ-eu dawˬ-aˬ, heu loꞈ-ehˇ meh.

2 Saˬmeuˬlaˆ 5:3

Kʼoeˇ loꞈ-ehˇ, Iˇsaˬleˬlaˆ miˇ kʼahˬ-euˬ aˬ yuiꞈ aˬ tsu dawˬ tawˆ luꞈ, Heˬbyoˬ meuˬ-ahˇ sahˬ paˬ Daˬbiˇ jawˇ gaˇ laˇ-awˇ, aˬ yawꞈ hawˇ-eu aˬ yawꞈ maꞈ yaw kaˬ saˇ jaˇ dzaˬ taꞈ-euˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ tsiˇ shehˆ daˆ nehˬ-awˇ, Iˇsaˬleˬlaˆ miˇ kʼahˬ-euˬ sahˬ paˬ ka nehˬ-euˬ meh.

2 Sahˬpaˬ 9:6

Kʼoeˇ naˇ, aˬ yawꞈ nyaꞈ-ehˇ kuˆ lawˆ tiˬ lawˆ-ahˇ uˇ leˇ-awˇ, Miˬyehˇ gʼaˇ duˬ ngehˬ dah-eu zaˬ guˬ kʼoeˇ gʼaˬ Yeˬhuˇ-euˬ uˬ duˬ-ahˇ tsiˇ shehˆ daˆ nehˬ-awˇ ehˇ-eu, “Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ kʼoeˇ taˆ, ngaˇ nawˬ-ahˇ sahˬ paˬ ka nehˬ-eu ma.

1 Laˬsaˬbaˬ 11:3

Kʼoeˇ loꞈ-ehˇ, Iˇsaˬleˬlaˆ miˇ kʼahˬ-euˬ aˬ yuiꞈ aˬ tsu dawˬ tawˆ luꞈ, Heˬbyoˬ meuˬ-ahˇ sahˬ paˬ Daˬbiˇ jawˇ gaˇ laˇ-awˇ, aˬ yawꞈ hawˇ-eu aˬ yawꞈ maꞈ yaw kaˬ saˇ jaˇ dzaˬ taꞈ-euˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ tsiˇ shehˆ daˆ nehˬ-awˇ, Saˬmeuˬlaˆ-ahˇ gʼoe-awˇ Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, aˬ yawꞈ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ-euˬ meh.

Jaceuq 89:20

Muiˬ-eu shawˇ-eu tsiˇ shehˆ daˆ nehˬ-awˇ, ngaˬ-euˬ zaˬ kʼaˆ Daˬbiˇ-ahˇ sahˬ paˬ ka nehˬ-euˬ ma.

Jaceuq 89:21

Ngaˬ-euˬ gʼaˬ aˬ yawꞈ nehˬ-ehˇ aˬ myah luꞈ bi jaˆ-awˇ, ngaˬ-euˬ baoˬ aˬ yawꞈ-ahˇ gʼaˬ biꞈ ma.

Bawˇtsahˬ 11:17

Ngaˇ zaꞈ le-awˇ, nawˬ-ahˇ kʼoeˇ gaˇ dawˬ ngehˬ cawˬ le-awˇ, ngaˬ neh nawˬ-ahˇ biꞈ taˬ-euˬ yaw sahˇ tiˬ paˆ deuˬ yuˇ-awˇ, aˬ yawꞈ maꞈ-ahˇ biꞈ nehˬ ma. Kʼoeˇ naˇ, tsawˇ haˬ heu deuˬ-ahˇ sheuˬ gʼeh-eu nawˬ-euˬ gaˇ-ahˇ aˬ yawꞈ maꞈ caw ba-awˇ, gaˇ kʼoeˇ nawˬ-ahˇ tehꞈ-ehˇ maˬ paˇ daˇ ni pyeuꞈ-iˇ tehꞈ-a.

Bawˇtsahˬ 27:18

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nuˬ-euˬ aˬ li Yawˇshuˆ laꞈ kʼoeˇ yaw sahˇ jawˇ meh. Aˬ yawꞈ-ahˇ kuˇ-awˇ, aˬ yawꞈ-euˬ uˬ duˬ-ahˇ nawˬ-eu aˬ laꞈ baꞈ daˆ-awˬ.

Yoˇhaˬ 3:34

Miˬyehˇ neh kʼehˇ gʼeh leꞈ-euˬ gʼaˬ-aˬ, Miˬyehˇ-euˬ dawˬ ngehˬ-eu meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ-euˬ Yaw sahˇ tiˬ byah ni biꞈ taˬ-euˬ meh.

Gʼaˬkʼehˇ 13:22

Aˬ yawꞈ-ahˇ paˇ yuˇ dzeh ngeh jawˇ, Daˬbiˇ-ahˇ sahˬ paˬ paˇ bi geuꞈ-euˬ meh. ‘Yeˬshehˇ-euˬ aˬ li Daˬbiˇ-aˬ, ngaˇ kʼaˇ bi mˇ mawꞈ-eu jeˬ mˇ-eu, ngaˇ geuꞈ mawꞈ-eu tsawˇ haˬ pyeuꞈ gaˇ ngaˇ ya mawˇ-euˬ ma’ lehˇ, Daˬbiˇ gaˇ kawˆ Miˬyeh neh ehˇ taˬ-euˬ jaˆ-eu meh.

HeˬByehˇ 1:9

Yaw tsaˬ yaw dawˇ-ahˇ nawˇ gaˬ-awˇ, yaw lehˬ jeˬ-ahˇ nawˇ bye-eu meh. Kʼoeˇ baˬ da neh nawˬ-euˬ miˬ yehˇ, Miˬ yehˇ neh nawˬ-ahˇ tseˇ doˆ-awˇ, nawˬ-euˬ cawˬ deuˬ-ahˇ biꞈ taˬ-euˬ, laˬ kʼaˬ cehˇ-eu jeˬ byah kʼaˇ-eu, ciˬ huiˬ nehˬ-eu jeˬ naˆ maˬ tseˇ, huiˬ dzehˬ-eu ciˬ huiˬ nehˬ-eu jeˬ, aˬ yawꞈ nawˬ-ahˇ biꞈ nehˬ-euˬ meh.”

HeˬByehˇ 11:32

Heu naˆ maˬ tseˇ paˇ ja siˬ loˇ. Giˇdoˬ, Baˬlehˇ, Saˬsoˬ, Yeˬpaˬtaˆ, Daˬbiˇ, Saˬmeuˬlaˆ aˬ ha maꞈ hawˇ-eu, Miˬyehˇ gʼaˇ duˬ ngehˬ dah-eu deuˬ-euˬ gaˇ kawˆ maˬ paˇ ja jiˇ coeˇ miˇ-a.

Yaˇ kʼaˬ daˇ 11:29

Kʼoeˇ naˇ, Sahˬpaˬ Miˬyehˇ-euˬ yaw sahˇ Yeˬpaˬtaˆ jawˇ gaˇ oe-euˬ meh. Yeˬpaˬtaˆ-aˬ, Giˇlaˆ miˇ kʼahˬ hawˇ-eu Maˬnaˇseˬ miˇ kʼahˬ doe ni cah-awˇ, Giˇlaˆ miˇ kʼahˬ-ahˇ jaˆ-eu Miˇzaˬpaˬ meuˬ-ahˇ gʼoꞈ laˇ-awˇ, Aˬmoˬ miˇ kʼahˬ paw iˇ-euˬ meh.

Yaˇ kʼaˬ daˇ 13:25

Zoˇlahˬ hawˇ-eu Eˇshaˬtawˇlaˆ meuˬ-euˬ yaw kaˬ-ahˇ jaˆ-eu Daˬ-euˬ taˆ-ahˇ aˬ yawꞈ jawˇ luꞈ ngeh, Sahˬpaˬ Miˬyehˇ-euˬ baoˬ aˬ yawꞈ-ahˇ gʼaˬ biꞈ lahˬ-euˬ meh.

Yaˇ kʼaˬ daˇ 14:6

Ja pyuˬ ni, Sahˬpaˬ Miˬyehˇ-euˬ baoˬ Saˬsoˬ-ahˇ gʼaˬ bi kʼaˆ laˇ-awˇ, ciꞈ myehꞈ ciꞈ zaˬ-ahˇ ngawˬ paˆ-eu loꞈ-ehˇ, aˇ laˬ jaˬ shiˇ kʼoeˇ mawˇ-ahˇ aˬ yawꞈ-euˬ aˬ laꞈ neh ngawˬ paˆ dzeh-euˬ meh. Ehˇ kʼawꞈ, aˬ yawꞈ kʼoeˇ loꞈ-ehˇ jahˇ-euˬ gaˇ kawˆ, aˬ yawꞈ-euˬ aˬ da aˬ ma-ahˇ aˬ yawꞈ maˬ ehˇ nehˬ-a.

Yaˇ kʼaˬ daˇ 3:10

Sahˬpaˬ Miˬyehˇ-euˬ yaw sahˇ aˬ yawꞈ kʼoeˇ taˆ zaꞈ le-awˇ, Iˇsaˬleˬlaˆ tsawˇ jeuˬ-euˬ aˬ yuiꞈ aˬ tsu bi pyeuꞈ laˇ-euˬ meh. Awˇdaˬneˬlaˇ guiˇ deuˆ-iˇ-awˇ, Sahˬpaˬ Miˬyehˇ neh aˬ yawꞈ-ahˇ, Maˬsoˬpoˬtaˬmiˇ sahˬ paˬ-ahˇ bi gʼaˬ leˇ-euˬ meh.

1 Saˬmeuˬlaˆ 1:19

Yawˬ shawˬ yawˬ Eˇlaˬkaˬnaˬ hawˇ-eu aˬ yawꞈ-euˬ miˬ sawˇ zaˬ deuˬ yaw naꞈ-ehˇ tuˇ-awˇ, Sahˬpaˬ Miˬyehˇ-ahˇ uˬ duˬ tahˬ gʼaˬ ngeh, Laˬ mahˇ meuˬ-ahˇ gʼoꞈ-iˇ-euˬ meh. Eˇlaˬkaˬnaˬ hawˇ-eu Haˬnahˬ aˬ nyaꞈ dzeˇ zaˬ jawˇ taꞈ-awˇ, Haˬnahˬ-euˬ guiˬ lahˬ shaˇ dawˬ-ahˇ Miˬyehˇ noeˬ keuˆ nehˬ-euˬ meh.

1 Saˬmeuˬlaˆ 10:1

Kʼoeˇ naˇ, tsiˇ maˇ tsaꞈ tiˬ tsaꞈ Saˬmeuˬlaˆ yuˇ-awˇ, Sawˇluˆ-euˬ uˬ duˬ-ahˇ tsiˇ shehˆ daˆ-awˇ mehˬ cuˇ cuˇ nehˬ gʼaˬ ngeh, Sawˇluˆ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, nawˬ-ahˇ Sahˬpaˬ Miˬyehˇ tsiˇ lehꞈ nehˬ-eu meh. Aˬ yawꞈ-euˬ tsawˇ jeuˬ-ahˇ nawˇ ya uˆ lahˇ-awˇ, muiˇ-eu deuˬ dawˬ tawˆ luꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ nawˇ ya ka kʼoꞈ nehˬ meh. Aˬ yawꞈ-euˬ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ-euˬ gaˇ kawˆ saˇ kiˇ heu loꞈ-ehˇ jaˆ tehꞈ-a.

1 Saˬmeuˬlaˆ 10:6

Kʼoeˇ ngeh, Sahˬpaˬ Miˬyehˇ-euˬ yaw sahˇ ja pyuˬ ni nawˬ-ahˇ uˆ lahˇ le-awˇ, nawˇ kʼawꞈ aˬ yawꞈ maꞈ nehˬ-ehˇ tiˬ kawˆ loꞈ-ehˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu gaˇ nyeh nyeh-awˇ guˇ-eu laꞈ kʼoeˇ, yawˬ gʼaˬ yawˬ loꞈ-ehˇ paˇ laˇ tehꞈ-a.

1 Saˬmeuˬlaˆ 11:6

Gaˇ kawˆ kʼoeˇ Sawˇluˆ ya gaˬ ngeh, Miˬyehˇ-euˬ yaw sahˇ aˬ yawꞈ-ahˇ uˆ lahˇ le-awˇ, aˬ yawꞈ nui ma pehˇ dui dui laˇ-euˬ meh.

1 Saˬmeuˬlaˆ 16:18

Aˬ yawꞈ-euˬ zaˬ kʼaˆ tiˬ gʼaˬ ehˇ-eu, “Behˬlehˬhehˬ meuˬ-ahˇ jawˇ-eu Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ deuˇ-mˬ yaw muiˬ paˬ-ehˇ diˬ nya-eu aˬ li tiˬ li jawˇ meh. Aˬ li kʼoeˇ gʼaˬ nui ma kʼaˬ duˬ ni gʼeh-awˇ aˇ gʼehˇ muiˬ-eu uˬ taꞈ, muiˬ-eu yehˇ tiˬ gʼaˬ pyeuꞈ-awˇ, dawˬ ngehˬ-eu kʼawꞈ yaw nya meh. Aˬ yawꞈ nehˬ-ehˇ Sahˬpaˬ Miˬyehˇ jawˇ-eu meh.”

1 Saˬmeuˬlaˆ 18:12

Daˬbiˇ-ahˇ Sawˇluˆ guˆ-eu meh. Aˬ jeˬ miˇ neh ehˇ naˇ, Daˬbiˇ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ-ahˇ Sahˬpaˬ Miˬyehˇ byehˇ dzeh-euˬ meh.

1 Saˬmeuˬlaˆ 2:35

Ngaˬ-ahˇ saˇ jaˇ ziꞈ-awˇ ngaˇ kʼaˇ bi mˇ mawꞈ-eu jeˬ mˇ-eu piˇ ma tiˬ gʼaˬ ngaˇ tseˇ doˆ ma. Kʼoeˇ gʼaˬ-euˬ zaˬ deuˬ uˆ deuˬ jeuˬ le o le-awˇ, ngaˬ neh tseˇ doˆ-euˬ sahˬ paˬ mehˬ shi aˬ yawꞈ aˬ myah luꞈ gaˇ ya mˇ tehꞈ-a.