1 Saˬmeuˬlaˆ 15:6 - Akha

⁶ Kaˬnaˆ tsawˇ jeuˬ jawˇ gaˇ Sawˇluˆ tsawˇ haˬ pyehˬ gʼeh-awˇ, “Naw maꞈ Aˬmaˬlehˇ tsawˇ haˬ deuˬ nehˬ-ehˇ maˬ jawˇ keuˬ ni jiˆ doˆ-iˇ-awˬ. Maˬ jiˆ doˆ-iˇ naˇ, aˬ yawꞈ maꞈ-ahˇ ngaˇ sehꞈ ngeh naw maꞈ kʼawꞈ bi sehꞈ keuˬ nmˬ-mˇ. Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, naw maꞈ-euˬ aˬ poeˬ aˬ bawˇ deuˬ Iˇsaˬleˬlaˆ tsawˇ haˬ deuˬ-ahˇ caw ba nehˬ-euˬ miˇ neh, naw maꞈ-ahˇ ngaˇ heu loꞈ-ehˇ tsaꞈ leꞈ-eu ma.” Kʼoeˇ ngeh, Kaˬnaˆ tsawˇ haˬ deuˬ jiˆ doˆ-iˇ-euˬ meh.

1 Saˬmeuˬlaˆ 15:6 Σταυροειδείς Αναφορές

Aˇ dahˬ 15:19

Miˇ kʼahˬ kʼahˬ ma kʼoeˇ kʼahˬ laꞈ kʼoeˇ ahˇ-eu miˇ kʼahˬ deuˬ-aˬ, Kaˬnaˆ tsawˇ jeuˬ-euˬ miˇ kʼahˬ, Gaˬnaˆ tsawˇ jeuˬ-euˬ miˇ kʼahˬ, Kaˬdaˬmawˇniˆ tsawˇ jeuˬ-euˬ miˇ kʼahˬ,

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

1 Laˬsaˬbaˬ 2:55

(Tiˇlaˬtiˇ aˇ jeuˬ, Shiˇmyaˆ aˇ jeuˬ hawˇ-eu, Suˇkaˬtiˇ aˇ jeuˬ heu deuˬ-aˬ, sahˬ boꞈ boꞈ-euˬ hawˇ-eu jaˇ laˇ yuˇ-awˇ, jeˬ hmˬ-eu paw nya dui dui-eu tsawˇ haˬ deuˬ pyeuꞈ-eu meh. Aˬ yawꞈ maꞈ-aˬ, Leˬkaˬbiˇ tsawˇ haˬ deuˬ nehˬ-ehˇ sheuˬ dahˬ dzaˬ taꞈ-euˬ Jeˇnaˆ tsawˇ haˬ deuˬ pyeuꞈ-eu meh.)

Doˆ-iˇ 18:19

Nymˬ-mˇ ngaˇ nawˬ-ahˇ heu loꞈ-ehˇ ja sawˇ-eu ma. Miˬyehˇ nawˬ nehˬ-ehˇ jawˇ luꞈ-uˇ. Nawˇ-aˬ, Miˬyehˇ mehˬ shi tsawˇ haˬ heu deuˬ-euˬ tsawˇ kaˬ geuꞈ-awˇ, aˬ yawꞈ maꞈ yaw kaˬ dawˬ ja doˆ laˇ ngeh, Miˬyehˇ-ahˇ a nehˬ-eu tsaˬ meh.

Dawqdaq 9:6

Dawˇ ga ga-eu tsawˇ haˬ deuˬ-ahˇ byehˇ dzeh-awˇ, zaˬ siˬ tsawˇ gahˇ mehˬ nah caw teh-awˇ dehꞈ-awˬ.”

Bawˇtsahˬ 16:34

Aˬ yawꞈ maꞈ guˇ-awˇ ngoeˇ-eu teˇ saˇ-ahˇ ya gaˬ ngeh, kʼoeˇ gaˇ jawˇ-eu Iˇsaˬleˬlaˆ tsawˇ haˬ deuˬ, “Cehˆ-awˬ de. Aˬ dui maꞈ-ahˇ kʼawꞈ miˇ tsaˬ paˇ myoꞈ ahˇ laˇ nmˇ de” lehˇ guˇ guˇ-ehˇ cehˆ jiˇ-euˬ meh.

Gʼaˬkʼehˇ 2:40

Beˬtuˆluˆ-aˬ, aˬ yawꞈ maꞈ-ahˇ gʼawˬ mya jeˬ ja ja-ehˇ mehˬ nehˬ-awˇ heu loꞈ ehˇ gʼaˬ biꞈ nehˬ-euˬ meh. “Ziˇ heu ziˇ-ahˇ dehꞈ-eu haiˬ-eu tsawˇ haˬ heu deuˬ kʼoeˇ taˆ keuˆ le-eu lehˇ gʼeh-eu kʼehˬ-eu kʼaˆ-eu jeˬ laꞈ kʼoeˇ, naw maꞈ ya buˬ-iˇ ni leh jeh-awˬ.”

2 Gawˇliˬtu 6:17

“Aˬ yawꞈ maꞈ-ahˇ naw maꞈ gʼawˬ-awˇ, byehˇ dzeh yaꞈ-awˇ doˆ laˇ-awˬ” lehˇ, Sahˬpaˬ Miˬyehˇ ehˇ taˬ-euˬ meh. “Maˬ shawˇ-eu jeˬ-ahˇ taˬ toeˬ ciˆ. Naw maꞈ-ahˇ ngaˇ ha geuꞈ nehˬ ma.

2 Tiˆmoˇseˬ 1:16

Awˬneˬsiˬpawˬ-euˬ nymˇ jiˇ-ahˇ Sahˬpaˬ Yeˬsuˇ gʼawˬ shaˬ gaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ yawꞈ ngaˬ-euˬ nui ma-ahˇ gʼawˬ mya poˆ laˬ kʼaˬ bi cehˇ laꞈ-euˬ meh.

Panmaeq 18:14

Jeˬ gaꞈ jeˬ ka mˇ-eu tsawˇ haˬ kʼoeˇ deuˬ aˬ yawꞈ-ahˇ ehˇ-eu, “Nawˇ nui kʼahˇ jaˆ dui dui-eu jeˬ dawˬ tawˆ luꞈ hawˇ-eu, nawˬ-euˬ pyuˇ shuiˇ myawˬ gahˬ, yaw shehꞈ kʼahˬ sehˇ dawˬ tawˆ luꞈ byoˆ-iˇ jiˇ-awˇ, kʼoeˇ deuˬ-ahˇ nawˇ tiˬ jawˇ-iˬ maˬ paˇ ya mawˇ haw-aˇ.”

Yaˇ kʼaˬ daˇ 1:16

Moˇseˬ-euˬ aˬ mawˬ-euˬ zaˬ deuˬ uˆ deuˬ pyeuꞈ-eu Kaˬnaˆ tsawˇ haˬ deuˬ-aˬ, Saˬloˬ aˇ bawˇ bawˇ yaˇ-euˬ meuˬ pyeuꞈ-eu Yeˬliˇkoˇ meuˬ-ahˇ neh Yuˇdaˆ miˇ kʼahˬ laꞈ kʼoeˇ Aˬlaˬdaˇ meuˬ-euˬ laꞈ oˆ paw deˬ ko ni gʼeh-eu miˇ kʼahˬ-ahˇ, Yuˇdaˆ tsawˇ haˬ deuˬ nehˬ-ehˇ iˇ gʼeh-awˇ, Aˬmaˬlehˇ tsawˇ haˬ deuˬ nehˬ-ehˇ jawˇ-iˇ-euˬ meh.

Yaˇ kʼaˬ daˇ 4:11

Kʼoeˇ ngeh, Kaˬnaˆ tsawˇ jeuˬ Heˬbeuˬ-aˬ, Zaˬnaˬneˬ meuˬ-euˬ tsuiꞈ kaˆ aˇ bawˇ dawˬ peh, Geˬdeˬshaˆ meuˬ dawˬ peh tehˬ ni sehˬ gʼawˆ gʼawˆ-awˇ jawˇ luꞈ-eu meh. Aˬ yawꞈ-aˬ, Moˇseˬ-euˬ oeˇ kʼaˬ Hawˇbaˆ-euˬ zaˬ deuˬ uˆ deuˬ pyeuꞈ-eu Kaˬnaˆ tsawˇ haˬ deuˬ nehˬ-ehˇ gʼawˬ-iˇ-awˇ jawˇ doˆ le-euˬ meh.

Yaˇ kʼaˬ daˇ 5:24

Zaˬ miˬ zaˬ deuˬ laꞈ kʼoeˇ aˬ cawˬ naˆ maˬ tseˇ guiˬ lahˬ huiˬ-eu gʼaˬ-aˬ, Kaˬnaˆ tsawˇ haˬ Heˬbeuˬ-euˬ miˬ zaˬ Yeˬlaˇ meh. Sehˬ gʼawˆ-ahˇ jawˇ-eu zaˬ miˬ zaˬ deuˬ laꞈ kʼoeˇ, aˬ cawˬ naˆ maˬ tseˇ aˬ yawꞈ guiˬ lahˬ huiˬ-eu meh.

1 Saˬmeuˬlaˆ 15:5

Kʼoeˇ naˇ, aˬ yawꞈ hawˇ-eu aˬ yawꞈ-euˬ tsawˇ haˬ deuˬ Aˬmaˬlehˇ meuˬ-ahˇ iˇ-awˇ, gʼaˬ lawˬ-ahˇ dzuˇ zaꞈ-awˇ loꞈ-euˬ meh.

1 Saˬmeuˬlaˆ 27:10

“Heu poˆ jawˇ nawˇ aˬ geu paw guiˇ deuˆ-iˇ teˬ” lehˇ, aˬ yawꞈ-ahˇ Aˬkiˇ naˇ haˬ ngeh, Yuˇdaˆ miˇ kʼahˬ laꞈ oˆ dzaˬ-ahˇ loˇ, Yeˬlaˬmeˬlaˇ tsawˇ jeuˬ-euˬ miˇ kʼahˬ-ahˇ loˇ, Kaˬnaˆ tsawˇ jeuˬ-eu miˇ kʼahˬ-ahˇ loˇ lehˇ, tiˬ gaˇ paw aˬ yawꞈ toeˬ mehˬ nehˬ-awˇ, kʼoeˇ gaˇ guiˇ deuˆ-iˇ-euˬ ma lehˇ ehˇ kʼoꞈ nehˬ-euˬ meh.

1 Saˬmeuˬlaˆ 30:29

Laˬkaˬlaˆ meuˬ-ahˇ jawˇ-eu tsawˇ haˬ deuˬ, Yeˬlaˬmeˬlaˇ aˇ jeuˬ, Kaˬnaˆ tsawˇ jeuˬ,