1 Saˬmeuˬlaˆ 15:32 - Akha

³² “Sahˬ paˬ Aˬgaˆ-ahˇ heu gaˇ sheuˬ laꞈ sheˇ” lehˇ, Saˬmeuˬlaˆ dawˬ biꞈ-euˬ meh. Aˬgaˆ yaw dzuˬ dzuˬ dzuˬ-ehˇ aˬ yawꞈ jawˇ gaˇ laˇ-eu laꞈ kʼoeˇ, “Shiˇ-eu jeˬ-ahˇ tahˬ puˬ leˇ-eu heu aˇ naˆ ni shaˬ zahˬ naꞈ law hawˇ maˬ siˬ miˇ-a” lehˇ, aˬ yawˇ yawꞈ noeˬ kʼoeˬ luꞈ-eu meh.

1 Saˬmeuˬlaˆ 15:32 Σταυροειδείς Αναφορές

Yeˬlaˬmiˇ 48:44

Guˆ-eu gaˆ-eu jeˬ-ahˇ buˬ-iˇ ni cehˆ-eu tsawˇ haˬ deuˬ duˬ kʼahˬ-ahˇ ga ahˇ-awˇ, duˬ kʼahˬ-ahˇ neh daˆ doˆ laˇ-eu tsawˇ haˬ deuˬ lahˇ ju-ahˇ paꞈ leˇ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh Mawˇbaˆ miˇ kʼahˬ ya cawˆ-iˇ-eu aˇ yamˬ bi keuˆ le taˬ-euˬ meh.

Hawˇseˬ 6:5

Kʼoeˇ baˬ da neh naw maꞈ jawˇ gaˇ, Bawˇlawˇpeh deuˬ ngaˇ pyehˬ leꞈ-awˇ, Yaˇ kʼaˬ daˇ-eu gaˇ kawˆ hawˇ-eu, ya luˬ ya seˇ-iˇ-eu gaˇ kawˆ, bi tsaꞈ bi dzawˇ gaˬ le-euˬ ma. Naw maꞈ yaw dawˇ dawˇ-ehˇ dehꞈ gaˇ, ngaˇ nui kʼahˇ jaˆ dui dui-eu ma.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Yawˇshuˆ 10:22

Kʼoeˇ naˇ, “Lo kʼahˬ mehˬ kʼehˬ ngawˬ pah-awˇ, sahˬ paˬ kʼoeˇ ngaˬ gʼaˬ-ahˇ ngaˇ jawˇ gaˇ sheuˬ doˆ laꞈ-awˬ” lehˇ Yawˇshuˆ ehˇ-eu meh.

Panmaeq 18:7

Aˬ yawꞈ yaw shehꞈ kʼahˬ sehˇ huiˬ-awˇ, byawˬ gʼa mo gʼa dehˆ-euˬ kʼoeˇ-ahˇ, shaˬ zahˬ gʼaˬ di di kʼoꞈ nehˬ-awˬ. ‘Sahˬ ma geuꞈ-awˇ ngaˇ nuiˇ luꞈ ma. Miˬ coeˬ miˬ ma pyeuꞈ-eu maˬ ngeuˇ. Shaˬ zahˬ tiˬ jawˇ-iˬ maˬ mˇ’lehˇ, aˬ yawꞈ ehˇ taˬ-euˬ jaˆ-eu meh.

Yaˇ kʼaˬ daˇ 8:11

Giˇdoˬ-aˬ, Noˇbaˬ meuˬ hawˇ-eu Yoˇbeˬhaˇ meuˬ-euˬ nahˇ ma doˆ kʼehˬ paw bawˇ tsahˬ bawˇ dahˇ gaˇ dzeˇ paw dahˇ-eu gaˇ ma caw caw-ehˇ iˇ-awˇ, guiˇ maꞈ kʼoeˇ maꞈ maˬ noeˬ maˬ duˇ-ehˇ jawˇ gaˇ guiˇ deuˆ-iˇ-euˬ meh.

1 Saˬmeuˬlaˆ 15:31

Kʼoeˇ naˇ, Giˇlaˇgaˬlaˇ meuˬ-ahˇ Sawˇluˆ nehˬ-ehˇ Saˬmeuˬlaˆ gʼoꞈ leˇ-awˇ, Sahˬpaˬ Miˬyehˇ-ahˇ Sawˇluˆ uˬ duˬ tahˬ-euˬ meh.

1 Saˬmeuˬlaˆ 15:33

Saˬmeuˬlaˆ ehˇ-eu, “Nawˬ-euˬ mi cehˇ neh aˬ ma gʼawˬ mya gʼaˬ-ahˇ zaˬ maˬ jawˇ ni bi pyeuꞈ-iˇ-euˬ loꞈ-ehˇ, nymꞈ-mˇ poˆ jawˇ-aˬ, nawˬ ma kʼawꞈ zaˬ maˬ paˇ jawˇ ni ya shaˬ tehꞈ-a.” Kʼoeˇ naˇ, Giˇlaˇgaˬlaˇ meuˬ-ahˇ jaˆ-eu lawˇ duˬ mehˬ shi, Aˬgaˆ-euˬ gʼawˇ mawˇ-ahˇ Saˬmeuˬlaˆ neh deuˆ tm deuˆ tmˇ jiˇ nehˬ-euˬ meh.