1 Saˬmeuˬlaˆ 15:3 - Akha

³ Aˬmaˬlehˇ tsawˇ haˬ deuˬ-ahˇ nawˇ guiˇ deuˆ-iˇ-awˇ, aˬ yawꞈ maꞈ kʼaˇ jaˆ-eu jeˬ dawˬ tawˆ luꞈ geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni laˆ luˬ laˆ seˇ jiˇ nehˬ-awˬ. Tiˬ jeˬ-iˬ taˬ bi dzeˇ yaꞈ. Zaˬ miˬ zaˬ kʼaˬ dzeˇ zaˬ hawˇ-eu, zaˬ guˬ zaˬ nahˬ maˬ tseˇ paˆ ni, dawˬ tawˆ luꞈ sehꞈ jiˇ-awˬ. Mawˇ neˇ, yawˇ, law taw, mahˬ tahˬ laˆ dawˬ tawˆ luꞈ sehꞈ dzeh jiˇ-awˬ.”

1 Saˬmeuˬlaˆ 15:3 Σταυροειδείς Αναφορές

Aˇ dahˬ 36:12

Kʼoeˇ uˬ taꞈ, Eˇliˇpaˬ-euˬ ma nyiˇ Tmˇnaˬ o neh, Aˬmaˬlehˇ lehˇ myahˇ-euˬ aˬ li tiˬ li jawˇ le-euˬ meh. Kʼoeˇ taˆ paw ehˇ dzeuˇ yaꞈ-euˬ tsawˇ haˬ heu deuˬ-aˬ, Iˇsawˇ-euˬ miˬ zaˬ Aˬdaˇ-euˬ aˬ li deuˬ pyeuꞈ-eu meh.

2 Saˬmeuˬlaˆ 1:8

‘Nawˇ aˬ suˇ gʼaˬ te’ lehˇ aˬ yawꞈ ngaˬ-ahˇ naˇ haˬ ngeh, ‘Ngaˇ Aˬmaˬlehˇ tsawˇ haˬ ma’ lehˇ ehˇ kʼoꞈ nehˬ-euˬ ma.

Doˆ-iˇ 17:14

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Guiˇ deuˆ-eu gʼaˬ leˇ-euˬ gaˇ kawˆ heu-ahˇ maˬ ya ngehˇ-eu gʼaˇ duˬ, sahˬ boꞈ boꞈ taˬ-awˬ. Aˬmaˬlehˇ tsawˇ jeuˬ-ahˇ ngaˇ yaw muiˇ paˬ-ehˇ laˆ cawˆ nehˬ ma lehˇ Yawˇshuˆ-ahˇ ehˇ nehˬ-awˬ.”

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Bawˇtsahˬ 24:20

Kʼoeˇ naˇ, Aˬmaˬlehˇ tsawˇ haˬ deuˬ-ahˇ yaw sahˇ laꞈ kʼoeˇ Baˬlamˬ ya mawˇ-awˇ, Miˬyehˇ gʼaˇ duˬ ngehˬ dah-eu laꞈ kʼoeˇ heu loꞈ-ehˇ ehˇ-eu meh. “Aˬmaˬlehˇ miˇ kʼahˬ-aˬ, aˬ cawˬ naˆ maˬ tseˇ baoˬ huiˬ-eu miˇ kʼahˬ pyeuꞈ kʼawꞈ, Aˇ saˬ saˬ laˇ ngeh, mˬ maˬ maˬ byaˆ zaˇ ziˇ ya cawˆ-iˇ tehꞈ-a.”

Bawˇtsahˬ 31:17

Kʼoeˇ miˇ neh, aˬ li yawˬ gʼaˬ na luꞈ hawˇ-eu, kʼaˬ dzeˇ zaˬ nehˬ-ehˇ kʼaˇ yuꞈ taꞈ haw-euˬ zaˬ miˬ zaˬ yawˬ gʼaˬ na luꞈ-ahˇ nymˬ-mˇ sehꞈ-awˬ.

Yawˇshuˆ 10:39

Meuˬ kʼoeˇ meuˬ hawˇ-eu, meuˬ kʼoeˇ meuˬ-euˬ sahˬ paˬ-ahˇ maˬ ehˇ, dawˬ peh jaˆ-eu meuˬ dawˬ tawˆ luꞈ-ahˇ maˬ ehˇ, aˬ yawꞈ deuˆ gʼaˬ-awˇ, kʼoeˇ gaˇ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ sehꞈ-euˬ meh. Heˬbyoˬ meuˬ-ahˇ maˬ ehˇ, Liˇbaˬnahˬ meuˬ hawˇ-eu Liˇbaˬnahˬ sahˬ paˬ-ahˇ maˬ ehˇ, aˬ yawꞈ neh jahˇ nehˬ-euˬ loꞈ-ehˇ, Deˬbeuˬ meuˬ hawˇ-eu Deˬbeuˬ sahˬ paˬ-ahˇ jahˇ nehˬ-euˬ meh.

1 Saˬmeuˬlaˆ 14:48

Aˬ yawꞈ kʼaˬ duˬ ni guiˇ deuˆ-eu laꞈ kʼoeˇ, Aˬmaˬlehˇ tsawˇ haˬ deuˬ-ahˇ kʼawꞈ deuˆ gʼaˬ-euˬ meh. Guiˇ kʼaˇ deuˆ le-eu tsawˇ jeuˬ deuˬ-euˬ aˬ laꞈ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ ka kʼoꞈ nehˬ-euˬ meh.

1 Saˬmeuˬlaˆ 15:18

Maˬ tsaˬ maˬ dawˇ-eu Aˬmaˬlehˇ tsawˇ haˬ kʼoeˇ deuˬ-ahˇ laˆ luˬ laˆ seˇ-iˇ-awˬ lehˇ, Sahˬpaˬ Miˬyehˇ nawˬ-ahˇ dawˬ biꞈ-awˇ bi iˇ-euˬ meh. Aˬ yawꞈ maꞈ dawˬ tawˆ luꞈ-ahˇ sehꞈ jiˇ ngeh keuˆ ni guiˇ deuˆ-awˬ lehˇ, aˬ yawꞈ nawˬ-ahˇ ehˇ nehˬ taˬ-euˬ meh.

1 Saˬmeuˬlaˆ 15:9

Ehˇ kʼawꞈ, Sawˇluˆ hawˇ-eu aˬ yawꞈ-euˬ tsawˇ haˬ deuˬ Aˬgaˆ-ahˇ maˬ sehꞈ ni bi jawˇ-euˬ meh. Muiˬ dui dui-eu yawˇ hawˇ-eu mawˇ neˇ deuˬ maˬ ehˇ, muiˬ dui dui-eu yawˇ zaˬ hawˇ-eu mawˇ neˇ mawˇ zaˬ deuˬ maˬ ehˇ, maˬ sehꞈ ni bi jawˇ-euˬ meh. Kʼaˇ muiˬ-eu jeˬ dawˬ tawˆ luꞈ-ahˇ maˬ laˆ cawˆ ni bi jaˆ-euˬ meh. Gaˇ dahˇ maˬ tsoeˬ-eu jeˬ hawˇ-eu aˇ poeˬ maˬ baw-eu jeˬ tehꞈ-ehˇ aˬ yawꞈ maꞈ laˆ cawˆ-euˬ meh.

1 Saˬmeuˬlaˆ 22:19

Piˇ ma deuˬ jawˇ-eu meuˬ pyeuꞈ-eu Noˇbaˆ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ-ahˇ kʼawꞈ sehꞈ jiˇ-awˬ lehˇ, Sawˇluˆ dawˬ biꞈ-euˬ meh. Kʼaˬ dzeˇ zaˬ hawˇ-eu zaˬ miˬ zaˬ dawˬ tawˆ luꞈ maˬ ehˇ, zaˬ guˬ deuˬ hawˇ-eu zaˬ yaw nahˬ deuˬ maˬ ehˇ, mawˇ neˇ, mahˬ tahˬ laˆ hawˇ-eu yawˇ dawˬ tawˆ luꞈ maˬ ehˇ, maˬ bi dzeuˇ-iˇ ni sehꞈ jiˇ-euˬ meh.

1 Saˬmeuˬlaˆ 27:9

Kʼaˬ dzeˇ zaˬ hawˇ-eu zaˬ miˬ zaˬ dawˬ tawˆ luꞈ-ahˇ aˬ yawꞈ maꞈ sehꞈ-awˇ, yawˇ, mawˇ neˇ, mahˬ tahˬ laˆ, law taw heu deuˬ tsahˇ geuꞈ-euˬ uˬ taꞈ, dm gʼaˬ dm lmˇ-ahˇ keuˆ ni yuˇ-awˇ, Aˬkiˇ jawˇ gaˇ gʼoꞈ leˇ-euˬ meh.

1 Saˬmeuˬlaˆ 30:17

Yawˬ nah yawˬ uˬ bya bya laˇ-eu nehˬ-ehˇ, aˬ yawꞈ maꞈ-ahˇ Daˬbiˇ guiˇ deuˆ-awˇ, uˬ ciꞈ deuˆ ciꞈ-euˬ meh. Law taw dziˬ-awˇ cehˆ-euˬ zaˬ guˬ oeˬ yaˇ gʼaˬ maˬ ngeuˇ naˇ, aˬ yawꞈ maꞈ-euˬ tsawˇ haˬ tiˬ gʼaˬ-iˬ maˬ dzeuˇ-iˇ ni bi sehꞈ jiˇ-euˬ meh.