1 Saˬmeuˬlaˆ 15:23 - Akha

²³ Aˬ yawꞈ-ahˇ puiˬ-eu jeˬ-aˬ, jaˬ nehꞈ pyehˬ-eu naˆ ni doeˇ-awˇ, nui ma gʼahˇ-eu jeˬ-aˬ, miˬ yehˇ nui gʼaˬ-ahˇ uˬ duˬ tahˬ-eu naˆ ni iˬ baˇ huiˬ-eu meh. Sahˬpaˬ Miˬyehˇ-euˬ dawˬ-ahˇ nawˇ byehˇ dzeh-euˬ miˇ neh, nawˬ-ahˇ sahˬ paˬ lehˇ maˬ paˇ sawˇ nehˬ ni, aˬ yawꞈ gʼeh nawˬ-ahˇ byehˇ dzeh-euˬ meh.”

1 Saˬmeuˬlaˆ 15:23 Σταυροειδείς Αναφορές

Aˇ dahˬ 31:19

Laˬbaˬ yawˇ caꞈ hm tehˬ-iˇ-euˬ kaˬ-ahˇ, Laˬbaˬ-euˬ nymˇ jiˇ uˬ duˬ tahˬ-eu tahˬ pahˬ aˬ ma mawˇ kawˇ deuˬ-ahˇ Laˬkeˬlaˇ kʼoeˬ-euˬ meh.

Aˇ dahˬ 31:34

Tahˬ pahˬ aˬ ma mawˇ kawˇ kʼoeˇ deuˬ-ahˇ Laˬkeˬlaˇ yuˇ-awˇ, law taw kʼaˆ daˬ laꞈ kʼoeˇ nmꞈ zaꞈ-awˇ, kʼaˆ daˬ kʼoeˇ taˆ nuiˇ luꞈ-eu meh. Laˬkeˬlaˇ-euˬ sehˬ gʼawˆ gʼawˆ lah-ehˇ Laˬbaˬ goˬ doe jiˇ-euˬ kʼawꞈ, tahˬ pahˬ aˬ ma mawˇ kawˇ kʼoeˇ deuˬ-ahˇ maˬ goˬ mawˇ nya-a.

2 Saˬmeuˬlaˆ 12:9

Ngaˇ nawˬ-ahˇ teu naˆ ni mˇ nehˬ taˬ-euˬ kʼawꞈ, aˬ jeˬ miˇ neh ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ te. Aˬ jeˬ miˇ neh teu loꞈ-ehˇ gʼeh-eu yaw haiˬ jeˬ nawˇ mˇ te. Uˇliˇyaˆ guiˇ deuˆ gaˇ bi deuˆ sehꞈ ni nawˬ neh toˆ-awˇ, Aˬmoˬ tsawˇ haˬ neh aˬ yawꞈ-ahˇ bi sehꞈ-awˇ, aˬ yawꞈ-euˬ miˬ zaˬ-ahˇ nawˇ sheuˬ geuꞈ-euˬ meh.

2 Saˬmeuˬlaˆ 7:15

Ehˇ kʼawꞈ, nawˇ sahˬ paˬ pyeuꞈ laˇ ni Sawˇluˆ-ahˇ ngaˬ neh byehˇ dzeh-euˬ loꞈ-ehˇ, aˬ yawꞈ-ahˇ ngaˇ maˬ byehˇ dzeh.

1 Laˬsaˬbaˬ 10:13

Sawˇluˆ-aˬ, Sahˬpaˬ Miˬyehˇ-ahˇ saˇ jaˇ maˬ ziꞈ-eu miˇ neh ya shiˇ-euˬ meh. Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ maˬ naˇ haˬ-ehˇ, shiˇ dzeuˇ-euˬ tsawˇ haˬ deuˬ-euˬ yaw sahˇ-ahˇ gʼoe-awˇ yaw dehꞈ dehꞈ-euˬ meh.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

Yawˇbaˆ 34:37

Aˬ yawꞈ iˬ baˇ ahˇ-eu taꞈ-ehˇ Miˬyehˇ-ahˇ paˇ puiˬ tehˬ-awˇ, aˬ dui yawˬ gʼaˬ na luꞈ mehˬ shi Miˬyehˇ-ahˇ aˬ yawꞈ ja bu ja doeˇ-eu meh’ lehˇ ehˇ tehꞈ-a.”

Jaceuq 107:11

Baoˬ huiˬ-eu Miˬyehˇ-euˬ dawˬ-ahˇ aˬ yawꞈ maꞈ puiˬ-awˇ, aˬ yawꞈ mehˬ nehˬ tsoˆ nehˬ gaˇ maˬ naˇ haˬ-eu miˇ neh, kʼoeˇ loꞈ-ehˇ ya daˬ-eu meh.

Doˆ-iˇ 22:18

“Nehꞈ seu piˇ seu-eu zaˬ miˬ zaˬ aˬ geu gʼaˬ maˬ kaˬ, ya sehꞈ dzeh meh.

Iˇsaˬyaˇ 19:3

Iˇjiˇtuˆ tsawˇ haˬ neh kʼaˇ noeˬ taˬ-euˬ jeˬ cawˆ jiˇ-awˇ, aˬ yawꞈ maꞈ nui ma ga ka jiˇ tehꞈ-a. Nyiˇ paˬ shaˆ ma deuˬ-ahˇ aˬ yawꞈ maꞈ gʼoe-awˇ, shiˇ dzeuˇ-euˬ deuˬ-ahˇ mehˬ bawˬ mˇ tehꞈ-a.

Iˇsaˬyaˇ 8:19

Ehˇ kʼawꞈ, ja maw nya-eu deuˬ hawˇ-eu, teˇ saˇ yaw nahˬ yaw gʼahˇ baw baw-ehˇ nyiˇ paˬ shiˇ nya-eu nyiˇ paˬ shaˆ ma deuˬ-ahˇ gʼoe-eu gʼaˇ duˬ, aˬ cawˬ naw maꞈ-ahˇ gʼaˬ biꞈ tehꞈ-a. “Dehꞈ luꞈ-eu deuˬ-euˬ dah zaˇ shiˇ dzeuˇ-euˬ deuˬ nehˬ-ehˇ ngehˬ cawˬ taꞈ-awˇ, nehꞈ-euˬ dawˬ-ahˇ naˇ haˬ geuꞈ-eu tsaˬ tehꞈ-a” lehˇ, nyiˇ paˬ shaˆ ma kʼoeˇ deuˬ ehˇ tehꞈ-a.

Yeˬlaˬmiˇ 16:12

Ehˇ kʼawꞈ, naw maꞈ-aˬ, naw maꞈ-euˬ aˬ poeˬ aˬ bawˇ kʼoeˇ deuˬ naˆ maˬ tseˇ dehꞈ doeˇ-euˬ meh. Naw maꞈ dawˬ tawˆ luꞈ nui ma gʼahˇ dui dui-awˇ, yaw haiˬ jeˬ mˇ-eu laꞈ kʼoeˇ, ngaˬ-euˬ ehˇ dawˬ maˬ naˇ haˬ geuꞈ-a.

Yeˬlaˬmiˇ 28:16

Kʼoeˇ miˇ neh, nawˬ-ahˇ yuˇ dzeh ma lehˇ, Sahˬpaˬ Miˬyehˇ-euˬ mawˇ do ehˇ luꞈ meh. Tsawˇ haˬ heu deuˬ Sahˬpaˬ Miˬyehˇ-ahˇ puiˬ ni nawˇ jahˇ-euˬ miˇ neh, kʼoꞈ maˬ doˆ le mi naˆ-ehˇ nawˇ ya shiˇ tehꞈ-a.”

Yeˬlaˬmiˇ 29:32

Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Neˬheˬlamˬ meuˬ-ahˇ jawˇ-eu Sheˬmaˇyaˬ hawˇ-eu aˬ yawꞈ-euˬ zaˬ deuˬ uˆ deuˬ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Naw maꞈ laꞈ kʼoeˇ aˬ yawꞈ-euˬ zaˬ deuˬ uˆ deuˬ aˇ yoeˬ maˬ ceuˬ yaꞈ-ehˇ, ngaˬ-euˬ tsawˇ jeuˬ-ahˇ ngaˇ muiˬ-eu guiˬ lahˬ biꞈ nehˬ gaˇ aˬ yawꞈ maˬ ya haw mawˇ yaꞈ-aˇ. Aˬ jeˬ miˇ neh ehˇ naˇ, aˬ yawꞈ maꞈ ngaˬ-ahˇ puiˬ ni aˬ yawꞈ ngehˬ-euˬ tmˇ-euˬ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 13:11

Ngaˇ nui ma pehˇ laˇ-euˬ laꞈ kʼoeˇ, naw maꞈ-ahˇ sahˬ paˬ biꞈ nehˬ-awˇ, ngaˇ nui ma daˆ dui dui laˇ ngeh, sahˬpaˬ kʼoeˇ deuˬ yuˇ kʼoꞈ-euˬ ma. %

Hawˇseˬ 3:4

Kʼoeˇ loꞈ-ehˇ duˇ ni, Iˇsaˬleˬlaˆ tsawˇ haˬ deuˬ kʼawꞈ, sahˬ paˬ maˬ baw, aˬ yuiꞈ aˬ tsu maˬ baw ni, lawˇ-eu shehˇ-eu jeˬ maˬ mˇ-ehˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu muiˬ-eu shawˇ-eu kʼaˬ lo kʼawˇ zeuˇ deuˬ kʼawꞈ maˬ bi jaˆ-eu uˬ taꞈ, mah loˬ ja maw mˇ-eu gʼaˇ duˬ tahˬ pahˬ aˬ ma mawˇ kawˇ deuˬ kʼawꞈ maˬ bi jaˆ ni, aˇ yamˬ gʼawˬ myahˇ ni ya dehꞈ meh.

Uˬ duˬ 20:27

“Nyiˇ paˬ shaˆ ma deuˬ-ahˇ laꞈ jeuˬ shaˇ-eu tsawˇ haˬ aˬ geu gʼaˬ maˬ kaˬ, kʼaˬ lo neh biˬ sehꞈ gaˇ ya daˬ tehꞈ-a. Kʼoeˇ loꞈ-ehˇ kʼaˇ mˇ-eu tsawˇ haˬ aˬ geu gʼaˬ maˬ kaˬ, yawˬ haˇ yawˬ ha ya shiˇ ni mˇ gaˇ duˇ tehꞈ-a.”

Uˬ duˬ 20:6

“Nyiˇ paˬ shaˆ ma deuˬ-ahˇ laꞈ jeuˬ kʼaˇ shaˇ-eu tsawˇ haˬ deuˬ-ahˇ ngaˇ byehˇ dzeh-awˇ, ngaˬ-euˬ tsawˇ haˬ lehˇ maˬ paˇ sawˇ nehˬ ma.

Bawˇtsahˬ 14:9

Sahˬpaˬ Miˬyehˇ-ahˇ taˬ puiˬ. Kʼoeˇ gaˇ jawˇ-eu tsawˇ haˬ deuˬ-ahˇ taˬ guˆ. Aˬ yawꞈ maꞈ-ahˇ aˬ dui maꞈ yaw awˇ laꞈ-ehˇ gʼaˬ leˇ tehꞈ-a. Sahˬpaˬ Miˬyehˇ aˬ dui nehˬ-ehˇ jawˇ-awˇ, aˬ yawꞈ maꞈ-ahˇ bo saˆ luꞈ-eu miˬ yehˇ deuˬ-ahˇ gʼaˬ leˇ gʼaˬ-euˬ meh. Kʼoeˇ miˇ neh taˬ guˆ.”

Gʼaˬkʼehˇ 13:22

Aˬ yawꞈ-ahˇ paˇ yuˇ dzeh ngeh jawˇ, Daˬbiˇ-ahˇ sahˬ paˬ paˇ bi geuꞈ-euˬ meh. ‘Yeˬshehˇ-euˬ aˬ li Daˬbiˇ-aˬ, ngaˇ kʼaˇ bi mˇ mawꞈ-eu jeˬ mˇ-eu, ngaˇ geuꞈ mawꞈ-eu tsawˇ haˬ pyeuꞈ gaˇ ngaˇ ya mawˇ-euˬ ma’ lehˇ, Daˬbiˇ gaˇ kawˆ Miˬyeh neh ehˇ taˬ-euˬ jaˆ-eu meh.

2 Gawˇliˬtu 6:16

Miˬyehˇ-euˬ uˬ duˬ tahˬ nymˇ hawˇ-eu lawˇ ciꞈ zaˬ-euˬ tahˬ pahˬ aˬ ma mawˇ kawˇ aˬ joˆ-ehˇ tiˬ gaˇ jaˆ nya nmˇ. Aˬ dui-aˬ, dehꞈ luꞈ-eu Miˬyehˇ-euˬ uˬ duˬ tahˬ nymˇ pyeuꞈ-eu ma. Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ taˬ-euˬ meh. “Ngaˬ-euˬ tsawˇ haˬ nehˬ-ehˇ jawˇ-awˇ, yawꞈ maꞈ nehˬ-ehˇ cah ma. Ngaˇ yawꞈ maꞈ-euˬ Miˬyehˇ geuꞈ-awˇ, yawꞈ maꞈ ngaˬ-euˬ tsawˇ haˬ geuꞈ ma.”

Gaˬlaˬtiˆ 5:20

tahˬ pahˬ aˬ ma mawˇ kawˇ-ahˇ uˬ duˬ tahˬ-eu, maw loˬ ja maw-ahˇ gʼoe-eu, tiˬ gʼaˬ tiˇ gʼaˬ muiˇ-eu, dawꞈ-eu ceh-eu, mehˇ juiˇ juiˇ-eu, nui ma pehˇ-eu, yawˬ ha gʼaˇ duˬ tehꞈ-ehˇ shaˇ noeˬ-eu, gʼawˬ-iˇ gʼehˇ-iˇ-eu, aˇ muˇ muˇ paˆ-eu nui ma ahˇ-eu,

Dawˬmehˬ 9:24

Aˬ yawꞈ-ahˇ naw maꞈ maˬ jah-ehˇ, aˬ yawꞈ-euˬ ehˇ dawˬ-ahˇ naw maꞈ maˬ naˇ haˬ-aˬ. Naw maꞈ-ahˇ ngaˇ siˬ nya ngeh tiˬ nah neh, Sahˬpaˬ Miˬyehˇ-ahˇ naw maꞈ puiˬ luꞈ-eu meh.

Dawˬmehˬ 9:7

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma bi pehˇ ni, bawˇ tsahˬ bawˇ dahˇ laꞈ kʼoeˇ naw maꞈ aˬ joˆ-ehˇ jahˇ-euˬ gaˇ kawˆ-ahˇ tiˬ jawˇ-iˬ taˬ ngehˇ. Iˇjiˇtuˆ miˇ kʼahˬ laꞈ kʼoeˇ neh doˆ le-euˬ tiˬ nah neh aˇ dahˬ beh-awˇ, heu gaˇ laˇ keuˆ ngeh keuˆ ni, Sahˬpaˬ Miˬyehˇ-ahˇ naw maꞈ puiˬ-euˬ meh.

Yawˇshuˆ 22:15

Giˇlaˆ miˇ kʼahˬ-ahˇ jawˇ-eu Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ jawˇ gaˇ aˬ yawꞈ maꞈ oe-euˬ meh.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.

1 Saˬmeuˬlaˆ 13:14

Nymˬ-mˇ poˆ jawˇ-aˬ, Iˇsaˬleˬlaˆ miˇ kʼahˬ-ahˇ nawˇ aˬ myah luꞈ maˬ paˇ ya uˆ lahˇ meh. Aˬ yawꞈ nui ma tsaˬ-eu tsawˇ haˬ tiˬ gʼaˬ-ahˇ Sahˬpaˬ Miˬyehˇ tseˇ doˆ-awˇ, aˬ yawꞈ-euˬ tsawˇ jeuˬ-ahˇ uˆ lahˇ-eu gʼaˬ bi geuꞈ tehꞈ-a.”

1 Saˬmeuˬlaˆ 16:1

Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇluˆ gʼaˇ duˬ nawˇ nui ma maˬ saˇ-ehˇ, aˬ myah keuˆ ni toˇ toˇ-ehˇ jawˇ-eu gʼeh te. Iˇsaˬleˬlaˆ miˇ kʼahˬ kʼoeˇ taˆ sahˬ paˬ maˬ paˇ bi geuꞈ-eu gʼaˇ duˬ, aˬ yawꞈ-ahˇ ngaˇ byehˇ dzeh gʼaˬ-euˬ ma. Ehˇ kʼawꞈ, nawˇ saˬ loˬ tsiˇ ui cuiˆ yuˇ-awˇ, Behˬlehˬhehˬ meuˬ-ahˇ Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ jawˇ gaˇ nymˬ-mˇ iˇ-awˬ. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ, aˬ yawꞈ-euˬ aˬ li tiˬ li-ahˇ ngaˇ tseˇ doˆ gʼaˬ-euˬ ma.”

1 Saˬmeuˬlaˆ 2:30

Ngaˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˬ-euˬ nymˇ jiˇ hawˇ-eu nawˬ-euˬ aˇ jeuˬ-ahˇ, aˬ myah luꞈ ngaˬ-euˬ gaˇ mˇ-eu piˇ ma deuˬ bi geuꞈ ma lehˇ, dzeuˇ laˇ ngeh ngaˇ saˇ jaˇ dzaˬ taˬ-euˬ ma. Ehˇ kʼawꞈ, nymˬ-mˇ kʼoeˇ loꞈ-ehˇ maˬ paˇ geuꞈ nya meh lehˇ ngaˇ ehˇ-eu ma. Ngaˬ-ahˇ taˬ huiˬ-eu tsawˇ haˬ-ahˇ ngaˇ taˬ huiˬ nehˬ-awˇ, ngaˬ-ahˇ yaw zeu maˬ baw-eu tsawˇ haˬ-ahˇ ngaˇ yaw zeu maˬ baw.

1 Saˬmeuˬlaˆ 28:3

Saˬmeuˬlaˆ shiˇ-euˬ miˇ neh, Iˇsaˬleˬlaˆ tsawˇ haˬ dawˬ tawˆ luꞈ aˬ yawꞈ gʼaˇ duˬ tsawˇ ngoeˇ ngoeˇ-awˇ, aˬ yawꞈ jawˇ-eu Laˬmahˇ meuˬ-ahˇ aˬ yawꞈ-ahˇ baꞈ pahˬ nehˬ-euˬ meh. Nyiˇ paˬ shaˆ ma dawˬ tawˆ luꞈ-ahˇ, Iˇsaˬleˬlaˆ miˇ kʼahˬ laꞈ kʼoeˇ neh Sawˇluˆ teh dzeh-euˬ meh.