1 Saˬmeuˬlaˆ 15:20 - Akha

²⁰ Sawˇluˆ ehˇ-eu, “Sahˬpaˬ Miˬyehˇ-euˬ ehˇ dawˬ-ahˇ ngaˇ maˬ naˇ haˬ geuꞈ-euˬ maˬ ngeuˇ. Aˬ yawꞈ neh ehˇ nehˬ laꞈ-euˬ loꞈ-ehˇ ngaˇ iˇ-awˇ, sahˬ paˬ Aˬgaˆ-ahˇ nyehꞈ kʼoꞈ laꞈ-awˇ, Aˬmaˬlehˇ tsawˇ haˬ dawˬ tawˆ luꞈ-ahˇ sehꞈ jiˇ-euˬ ma.

1 Saˬmeuˬlaˆ 15:20 Σταυροειδείς Αναφορές

Yawˇbaˆ 33:9

‘Ngaˇ yaw lehˬ mˇ-euˬ tiˬ jeˬ-iˬ maˬ jaˆ-ehˇ shawˇ jehˆ ni gʼeh-eu iˬ baˇ maˬ ahˇ-eu tsawˇ haˬ ma.

Yawˇbaˆ 34:5

Yawˇbaˆ aˬ yawꞈ iˬ baˇ maˬ ahˇ gaˇ, Miˬyehˇ yaw tsaˬ yaw dawˇ dawˇ-ehˇ maˬ jahˇ nehˬ laꞈ nga lehˇ ehˇ luꞈ-eu meh.

Yawˇbaˆ 35:2

“Yawˇbaˆ-oˇ Miˬyehˇ mehˬ shi iˬ baˇ maˬ ahˇ lehˇ nawˇ ehˇ-eu maˬ tsaˬ-a.

Yawˇbaˆ 40:8

Ngaˇ maˬ tsaˬ maˬ dawˇ-a lehˇ nawˇ ja duˬ mawꞈ te loˇ. Ngaˇ lehˬ-eu gʼaˬ pyeuꞈ-awˇ, nawˇ yaw tsaˬ ma lehˇ ehˇ mawꞈ te loˇ.

Maꞈtehˬ 19:20

Zaˬ guˬ kʼoeˇ gʼaˬ ehˇ-eu, “Zahˇ dawˬ kʼoꞈ dawˬ dawˬ tawˆ luꞈ-ahˇ ngaˇ caw teh luꞈ-eu ma. Ngaˇ aˬ geu jeˬ paˇ ya mˇ ta siˬ.”

Luˇkaꞈ 10:29

Ehˇ kʼawꞈ, Zahˇ dawˬ kʼoꞈ dawˬ mehˬ-eu saˬ laˬ kʼoeˇ gʼaˬ, yawˬ ha yaw tsaˬ geuꞈ mawꞈ-eu miˇ neh, heu loꞈ-ehˇ ehˇ-eu meh. “Yawˬ ha dawˬ peh jawˇ-eu tsawˇ haˬ lehˇ ehˇ-eu aˬ suˇ gʼaˬ-ahˇ ehˇ ta.”

Luˇkaꞈ 18:11

“Paˬliˬsehˇ kʼoeˇ gʼaˬ tiˬ paw yawꞈ-awˇ, ‘Miˬyehˇ-oˇ, ngaˇ-aˬ, aˬ cawˬ-ahˇ maˬ duˇ-eu miˇ neh nawˬ-euˬ guiˬ lahˬ-ahˇ ja ceuˬ-eu ma. Aˬ cawˬ loꞈ-ehˇ kʼoeˬ dzaˬ kʼaˆ dzaˬ-eu, maˬ sui maˬ dawˇ-eu, aˬ cawˬ miˬ zaˬ-ahˇ bahˬ-eu heu deuˬ ngaˇ maˬ mˇ. Kʼoeˇ uˬ taꞈ, kʼoeˇ gaˇ yawꞈ luꞈ-eu kawˬ taꞈ-eu tsawˇ haˬ heu gʼaˬ-ahˇ ngaˇ maˬ duˇ-eu miˇ neh, nawˬ-euˬ guiˬ lahˬ-ahˇ ja ceuˬ-eu ma.

Lormav 10:3

Tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ nya ni Miˬyehˇ neh shaˇ dahˇ taˬ-euˬ gaˇ ma-ahˇ aˬ yawꞈ maꞈ maˬ siˬ nya-ehˇ, yawˬ haˇ yawˬ ha gaˇ ma tiˬ kahˇ shaˇ dahˇ-eu lehˇ leh jeh-eu meh. Kʼoeˇ miˇ neh, tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ ni Miˬyehˇ neh shaˇ dahˇ-euˬ gaˇ ma-ahˇ aˬ yawꞈ maꞈ maˬ ha geuꞈ-a.

1 Saˬmeuˬlaˆ 15:13

Sawˇluˆ jawˇ gaˇ Saˬmeuˬlaˆ le keuˆ ngeh, Saˬmeuˬlaˆ-ahˇ Sawˇluˆ ha-awˇ, “Saˬmeuˬlaˆ-oˇ, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ mˇ luꞈ ma” lehˇ ehˇ nehˬ-euˬ meh.

1 Saˬmeuˬlaˆ 15:3

Aˬmaˬlehˇ tsawˇ haˬ deuˬ-ahˇ nawˇ guiˇ deuˆ-iˇ-awˇ, aˬ yawꞈ maꞈ kʼaˇ jaˆ-eu jeˬ dawˬ tawˆ luꞈ geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni laˆ luˬ laˆ seˇ jiˇ nehˬ-awˬ. Tiˬ jeˬ-iˬ taˬ bi dzeˇ yaꞈ. Zaˬ miˬ zaˬ kʼaˬ dzeˇ zaˬ hawˇ-eu, zaˬ guˬ zaˬ nahˬ maˬ tseˇ paˆ ni, dawˬ tawˆ luꞈ sehꞈ jiˇ-awˬ. Mawˇ neˇ, yawˇ, law taw, mahˬ tahˬ laˆ dawˬ tawˆ luꞈ sehꞈ dzeh jiˇ-awˬ.”

1 Saˬmeuˬlaˆ 15:8

Aˬmaˬlehˇ sahˬ paˬ Aˬgaˆ-ahˇ yaw dehꞈ-ehˇ nyehꞈ mi-awˇ, tsawˇ haˬ dawˬ tawˆ luꞈ-ahˇ sehꞈ-euˬ meh.

1 Saˬmeuˬlaˆ 28:18

Sahˬpaˬ Miˬyehˇ neh dawˬ biꞈ-eu gaˇ nawˇ maˬ naˇ haˬ-ehˇ, Aˬmaˬlehˇ tsawˇ haˬ deuˬ hawˇ-eu aˬ yawꞈ maꞈ kʼaˇ jaˆ-eu jeˬ dawˬ tawˆ luꞈ-ahˇ nawˇ maˬ laˆ cawˆ nehˬ jiˇ ni byehˇ yaꞈ-euˬ meh. Kʼoeˇ miˇ neh, Sahˬpaˬ Miˬyehˇ nawˬ-ahˇ heu loꞈ-ehˇ jahˇ nehˬ luꞈ-eu jeˬ pyeuꞈ-eu meh.