1 Saˬmeuˬlaˆ 15:17 - Akha

¹⁷ Saˬmeuˬlaˆ ehˇ-eu, “Nawˇ-aˬ, huiˬ-eu tsawˇ haˬ tiˬ gʼaˬ maˬ ngeuˇ lehˇ yawˬ haˇ yaw ha noeˬ kʼawꞈ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu kʼoeˇ taˆ aˬ yuiꞈ geuꞈ-awˇ sheuˬ gʼeh luꞈ-eu tsawˇ haˬ tiˬ gʼaˬ meh. Iˇsaˬleˬlaˆ miˇ kʼahˬ-euˬ sahˬ paˬ bi geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tsiˇ shehˆ daˆ taˬ-euˬ meh.

1 Saˬmeuˬlaˆ 15:17 Σταυροειδείς Αναφορές

Hawˇseˬ 13:1

Eˇpaˬleˬ tsawˇ jeuˬ dawˬ ngehˬ ngeh, Iˇsaˬleˬlaˆ tsawˇ jeuˬ nui deuˬ, guˆ-awˇ taˬ huiˬ taˬ mahˇ-euˬ meh. Ehˇ kʼawꞈ ni Baˬlaˇ miˬ yehˇ-ahˇ, uˬ duˬ tahˬ-euˬ baˬ da baˇ neh. Aˬ yawꞈ maꞈ ya shiˇ gaˇ keuˆ meh.

Maꞈtehˬ 18:4

Yawˬ haˇ yawˬ ha nui ma nahˬ yu ni taˬ-awˇ, zaˬ yaw nyiˇ heu gʼaˬ loꞈ-ehˇ pyeuꞈ laˇ-euˬ tsawˇ haˬ-aˬ, Mˬtaˆ Miˇkʼahˬ laꞈ kʼoeˇ dawˬ tawˆ luꞈ naˆ maˬ tseˇ huiˬ dzehˬ-eu gʼaˬ meh.

Yaˇ kʼaˬ daˇ 6:15

Giˇdoˬ ehˇ-eu, “Iˇsaˬleˬlaˆ tsawˇ haˬ-ahˇ ngaˇ aˬ joˆ-ehˇ ka kʼoꞈ nya nmˇ. Ngaˬ-euˬ aˇ jeuˬ-aˬ, Maˬnaˇseˬ tsawˇ jeuˬ laꞈ kʼoeˇ aˬ cawˬ naˆ maˬ tseˇ nyiˇ teˬ dzehˬ-awˇ, ngaˇ-aˬ, ngaˬ-euˬ nymˇ jiˇ laꞈ kʼoeˇ, aˬ cawˬ taꞈ-ehˇ teˬ-eu gʼaˬ pyeuꞈ-eu ma.”

1 Saˬmeuˬlaˆ 10:1

Kʼoeˇ naˇ, tsiˇ maˇ tsaꞈ tiˬ tsaꞈ Saˬmeuˬlaˆ yuˇ-awˇ, Sawˇluˆ-euˬ uˬ duˬ-ahˇ tsiˇ shehˆ daˆ-awˇ mehˬ cuˇ cuˇ nehˬ gʼaˬ ngeh, Sawˇluˆ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, nawˬ-ahˇ Sahˬpaˬ Miˬyehˇ tsiˇ lehꞈ nehˬ-eu meh. Aˬ yawꞈ-euˬ tsawˇ jeuˬ-ahˇ nawˇ ya uˆ lahˇ-awˇ, muiˇ-eu deuˬ dawˬ tawˆ luꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ nawˇ ya ka kʼoꞈ nehˬ meh. Aˬ yawꞈ-euˬ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ-euˬ gaˇ kawˆ saˇ kiˇ heu loꞈ-ehˇ jaˆ tehꞈ-a.

1 Saˬmeuˬlaˆ 10:22

“Maˬ laˇ keuˆ jiˇ-euˬ tsawˇ haˬ jawˇ ta siˬ loˇ” lehˇ, Sahˬpaˬ Miˬyehˇ-ahˇ aˬ yawꞈ maꞈ naˇ haˬ ngeh, “Myawˬ baꞈ gahˬ taˬ-euˬ naˇ kʼah Sawˇluˆ dzuˇ zaꞈ luꞈ meh” lehˇ Sahˬpaˬ Miˬyehˇ ehˇ-eu meh.

1 Saˬmeuˬlaˆ 15:16

Saˬmeuˬlaˆ ehˇ-eu, “Tiˬ jeˬ-iˬ taˬ paˇ ja. Miˇ ciꞈ Sahˬpaˬ Miˬyehˇ ngaˬ-ahˇ ehˇ nehˬ laꞈ-euˬ gaˇ kawˆ ngaˇ nawˬ-ahˇ dzawˇ nehˬ nyaˇ.” Sawˇluˆ ehˇ-eu, “Dzawˇ nehˬ laꞈ-awˬ.”

1 Saˬmeuˬlaˆ 9:21

Sawˇluˆ ehˇ-eu, “Ngaˇ-aˬ, Iˇsaˬleˬlaˆ tsawˇ jeuˬ tsawˇ ca deuˬ laꞈ kʼoeˇ aˬ cawˬ naˆ maˬ tseˇ nyiˇ teˬ dzehˬ-eu Beˬyaˬmiˬ tsawˇ haˬ tiˬ gʼaˬ ma. Ngaˬ-euˬ tsawˇ jeuˬ laꞈ kʼoeˇ kʼawꞈ, nga pehˬ-euˬ nymˇ jiˇ aˬ cawˬ naˆ maˬ tseˇ nyiˇ teˬ dzehˬ-eu ma. Aˬ jeˬ miˇ neh nawˇ ngaˬ-ahˇ teu loꞈ-ehˇ ehˇ te.”