1 Saˬmeuˬlaˆ 14:47 - Akha

⁴⁷ Sawˇluˆ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ gʼaˬ ngeh, aˬ yawꞈ-ahˇ muiˇ-eu tsawˇ haˬ deuˬ-ahˇ, yawˬ paw na luꞈ aˬ yawꞈ guiˇ deuˆ-euˬ meh. Mawˇbaˆ tsawˇ jeuˬ, Aˬmoˬ tsawˇ jeuˬ, Eˬdoˬ tsawˇ jeuˬ, Zoˇbaˬ sahˬ paˬ deuˬ hawˇ-eu, Piˇliˇtiˆ tsawˇ jeuˬ heu deuˬ-ahˇ aˬ yawꞈ guiˇ deuˆ-euˬ meh. Kʼoeˇ loꞈ-ehˇ guiˇ kʼaˇ deuˆ ngeh, aˬ yawꞈ gʼaˬ leˇ-euˬ meh.

1 Saˬmeuˬlaˆ 14:47 Σταυροειδείς Αναφορές

Aˇ dahˬ 19:37

Aˬ buˇ aˬ yuiꞈ gʼaˬ aˬ li tiˬ li ciˬ-awˇ, Mawˇbaˆ lehˇ myahˇ nehˬ-euˬ meh. Aˬ li kʼoeˇ li-aˬ, iˬ nah dehꞈ luꞈ jawˇ luꞈ-eu Mawˇbaˆ tsawˇ jeuˬ-euˬ aˬ da yaw dzahˇ gʼaˬ pyeuꞈ-eu meh.

Aˇ dahˬ 19:38

Aˬ buˇ aˬ nyiˇ gʼaˬ kʼawꞈ aˬ li tiˬ li ciˬ-awˇ, Beˬnaˬmiˇ lehˇ myahˇ nehˬ-euˬ meh. Aˬ li kʼoeˇ li-aˬ, iˬ nah dehꞈ luꞈ jawˇ luꞈ-eu Aˬmoˬ tsawˇ jeuˬ-euˬ aˬ da yaw dzahˇ gʼaˬ pyeuꞈ-eu meh.

Aˇ dahˬ 36:1

Heu-aˬ, Eˬdoˬ lehˇ kuˇ-euˬ Iˇsawˇ-euˬ zaˬ deuˬ uˆ deuˬ meh.

Aˇ dahˬ 36:19

Tsawˇ jeuˬ heu deuˬ dawˬ tawˆ luꞈ-euˬ aˬ da yaw dzahˇ gʼaˬ-aˬ, Iˇsawˇ pyeuꞈ-eu meh.

Aˇ dahˬ 36:8

Kʼoeˇ miˇ neh, gawˬ jawˬ gawˬ duˇ gʼawˬ mya ni jaˆ-eu Eˬdoˬ miˇ kʼahˬ paw Iˇsawˇ jawˇ daˆ leˇ-euˬ meh.

2 Saˬmeuˬlaˆ 1:22

Yawˇnaˆshaˬ-euˬ shiˬ mehꞈ-eu kaˆ, tsawˇ haˬ sehꞈ dehˆ-euˬ maˬ baw-ehˇ, Sawˇluˆ-euˬ guiˇ deuˆ-eu mi cehˇ, shaˬ jiˇ dzaˬ dehˆ-euˬ maˬ baw-a.

2 Saˬmeuˬlaˆ 10:6

Aˬ yawꞈ maꞈ neh kʼoeˇ loꞈ-ehˇ jahˇ nehˬ-euˬ miˇ neh, Daˬbiˇ aˬ yawꞈ maꞈ-ahˇ muiˇ-eu gaˇ kawˆ Aˬmoˬ tsawˇ haˬ deuˬ noeˬ siˬ ngeh, tsawˇ haˬ pyehˬ gʼeh-awˇ, Behˬleˬhawˇbaˆ meuˬ hawˇ-eu Zoˇbaˬ meuˬ-ahˇ jawˇ-eu Suˇliˆ yehˇ nyiˬ muiˇ gʼaˬ, Tawˇbaˬ meuˬ-ahˇ jawˇ-eu tsawˇ haˬ tiˬ muiˇ nyiˬ heˇ gʼaˬ hawˇ-eu, Mawˇkah sahˬ paˬ hawˇ-eu aˬ yawꞈ-euˬ tsawˇ haˬ tiˬ heˇ gʼaˬ-ahˇ ngaˬ laˬ-iˇ-euˬ meh.

2 Saˬmeuˬlaˆ 8:15

Iˇsaˬleˬlaˆ miˇ kʼahˬ kʼahˬ lah ni-ahˇ Daˬbiˇ uˆ lahˇ-awˇ, aˬ yawꞈ-euˬ tsawˇ haˬ deuˬ kʼoeˇ taˆ aˬ myah luꞈ yaw tsaˬ yaw dawˇ dawˇ-ehˇ uˆ lahˇ-euˬ meh.

2 Saˬmeuˬlaˆ 8:3

Suˇliˆ miˇ kʼahˬ Zoˇbaˬ sahˬ paˬ Leˬhawˇbaˆ-euˬ aˬ li Maˬdaˬdeˬzaˬ-aˬ, Uˇpaˬlaˇ lawˇ baˬ laꞈ taˆ paw dzaˬ-ahˇ jaˆ-eu miˇ kʼahˬ deuˆ geuꞈ le-eu lehˇ oe gaˇ, Daˬbiˇ neh bi deuˆ gʼaˬ-euˬ meh.

1 Sahˬpaˬ 11:23

Miˬyehˇ-aˬ, Eˇleˬdaˬ-euˬ aˬ li Leˬzoˇ-ahˇ kʼawꞈ, Sawˇlaˬmoˬ-ahˇ bi puiˬ-euˬ meh. Leˬzoˇ-aˬ, aˬ yawꞈ-euˬ sahˬ paˬ pyeuꞈ-eu Zoˇbaˬ sahˬ paˬ Haˬdaˬdeˬzaˬ jawˇ gaˇ neh cehˆ doˆ-euˬ meh.

2 Sahˬpaˬ 14:27

Ehˇ kʼawꞈ, Iˇsaˬleˬlaˆ tsawˇ haˬ deuˬ mˬ maˬ maˬ byaˆ zaˇ ziˇ cawˆ-iˇ gaˇ Sahˬpaˬ Miˬyehˇ maˬ geuꞈ mawꞈ-a. Kʼoeˇ miˇ neh, sahˬ paˬ Yeˬyawˇbamˬ-ahˇ gʼoe-awˇ, aˬ yawꞈ maꞈ-ahˇ ka kʼoꞈ nehˬ-euˬ meh.

1 Saˬmeuˬlaˆ 12:2

Aˬ kaˇ naˇ, naw maꞈ-ahˇ aˬ yawꞈ uˆ lahˇ tehꞈ-a. Ngaˇ tsawˇ mawˬ mawˬ le-awˇ, uˬ duˬ pyuˇ laˇ-euˬ miˇ-a. Ngaˬ li deuˬ kʼawꞈ naw maꞈ nehˬ-ehˇ jawˇ luꞈ meh. Zaˬ guˬ pyeuꞈ ngeh neh nymˬ-mˇ keuˆ ni naw maꞈ-ahˇ ngaˇ sheuˬ gʼeh-euˬ ma.

1 Saˬmeuˬlaˆ 13:1

Sawˇluˆ sahˬ paˬ pyeuꞈ laˇ ngeh, aˇ kʼoꞈ smˬ tseˇ byah-awˇ, Iˇsaˬleˬlaˆ miˇ kʼahˬ-ahˇ oeˬ tseˇ nyiꞈ kʼoꞈ byah ni aˬ yawꞈ uˆ lahˇ-euˬ meh.

1 Saˬmeuˬlaˆ 14:46

Kʼoeˇ naˇ, Piˇliˇtiˆ tsawˇ haˬ deuˬ-euˬ mehˬ nah Sawˇluˆ maˬ paˇ teh ni, yawˬ ha-euˬ miˇ kʼahˬ-ahˇ gʼoꞈ leˇ-euˬ meh.

1 Saˬmeuˬlaˆ 14:52

Sawˇluˆ yaw dehꞈ dehꞈ-euˬ tiˬ ziˇ, Piˇliˇtiˆ tsawˇ haˬ deuˬ nehˬ-ehˇ guiˇ yaw kʼaˆ-ehˇ deuˆ-euˬ meh. Kʼoeˇ miˇ neh, gʼaˬ tsmˬ-eu tsawˇ haˬ hawˇ-eu nui ma kʼaˬ duˬ ni gʼeh-eu tsawˇ haˬ kʼaˇ mawˇ le ngeh, aˬ yawꞈ-euˬ taˆ laꞈ kʼoeˇ tsawˇ myahˇ bi dawˆ-awˇ, aˬ yawꞈ-euˬ yehˇ bi geuꞈ-euˬ meh.

1 Saˬmeuˬlaˆ 21:7

Kʼoeˇ ngeh nah, Sawˇluˆ-euˬ yawˇ bo-eu paw aˬ yuiꞈ geuꞈ-eu gʼaˬ pyeuꞈ-eu Eˬdoˬ tsawˇ jeuˬ Doˇgaˆ lehˇ myahˇ-euˬ gʼaˬ kʼawꞈ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-awˇ mˇ paˬ-ehˇ gʼeh-eu jeˬ jaˆ-eu miˇ neh, kʼoeˇ gaˇ laˇ taˬ-awˇ jawˇ-eu meh.