Peˬniˇnaˬ gʼaˬ zaˬ jawˇ le kʼawꞈ, Haˬnahˬ gʼaˬ zaˬ maˬ jawˇ le-a. Eˇlaˬkaˬnaˬ-aˬ, aˬ yawꞈ kʼoꞈ yawꞈ Laˬmahˇ meuˬ-ahˇ neh Shiˇloˬ meuˬ-ahˇ le-awˇ, Sahˬpaˬ Miˬyehˇ-ahˇ uˬ duˬ tahˬ-awˇ lawˇ-eu shehˇ-eu meh. Hawˇpaˬniˇ hawˇ-eu Piˇnaˬhaˇ lehˇ myahˇ-euˬ Eˇliˆ-euˬ aˬ li nyiˬ li, Shiˇloˬ meuˬ-ahˇ piˇ ma geuꞈ luꞈ-eu meh.
1 Saˬmeuˬlaˆ 14:3 - Akha3 Piˇ ma-euˬ pehˇ kʼahˬ pehˇ mahˇ dm-awˇ piˇ ma geuꞈ luꞈ-eu gʼaˬ-aˬ, Aˬhiˇtuˆ-euˬ aˬ li Aˬhiˇyaˬ meh. Aˬhiˇtuˆ-aˬ, Iˇkaˬbawˇ nehˬ-ehˇ tiˬ mehˇ nmˇ meh. Aˬ yawꞈ-aˬ, Piˇnaˬhaˇ-euˬ aˬ li pyeuꞈ-awˇ, Shiˇloˬ meuˬ-ahˇ Sahˬpaˬ Miˬyehˇ-euˬ piˇ ma geuꞈ-eu Eˇliˆ-euˬ oeˬ paˬ pyeuꞈ-eu meh. Yawˇnaˆshaˬ doˆ-iˇ-euˬ gaˇ kawˆ, kʼoeˇ gaˇ jawˇ-eu deuˬ maˬ siˬ nya -a. Δείτε το κεφάλαιο |
1 Saˬmeuˬlaˆ 14:3
9 Σταυροειδείς Αναφορές
Kʼoeˇ naˇ, “Aˬ dui maꞈ Piˇliˇtiˆ tsawˇ haˬ deuˬ-ahˇ uˬ ciꞈ paw guiˇ deuˆ-iˇ-awˇ, uˬ ciꞈ uˬ bya bya ni aˬ yawꞈ maꞈ-euˬ myawˬ gahˬ deuˬ ceh geuꞈ-eu laꞈ kʼoeˇ, tiˬ gʼaˬ-iˬ maˬ bi dzeuˇ-iˇ ni sehꞈ jiˇ kaˇ-euˇ” lehˇ, aˬ yawꞈ-euˬ tsawˇ haˬ deuˬ-ahˇ Sawˇluˆ ehˇ nehˬ ngeh, “Nawˬ neh muiˬ meh lehˇ kʼaˇ noeˬ-euˬ loꞈ-ehˇ mˇ-awˬ” lehˇ aˬ yawꞈ-euˬ tsawˇ haˬ deuˬ ehˇ-eu meh. Ehˇ kʼawꞈ, piˇ ma gʼaˬ, “Miˬyehˇ-ahˇ mehˬ bawˬ jeˬ huˬ mˇ haw kaˇ-euˇ” lehˇ ehˇ-eu meh.
Piˇ ma geuꞈ-awˇ, lawˇ duˬ-ahˇ ngaˬ-euˬ gaˇ bi mˇ-eu gʼaˇ duˬ maˬ ehˇ, tsiˇ yaw saw jeˬ doꞈ-eu gʼaˇ duˬ maˬ ehˇ, piˇ ma deuˬ ya dm-eu pehˇ kʼahˬ pehˇ nymˇ dm-awˇ ngaˬ-euˬ mehˬ shi bi laˇ-eu gʼaˇ duˬ maˬ ehˇ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu laꞈ kʼoeˇ, Aˬloˬ-euˬ nymˇ jiˇ-ahˇ ngaˇ tseˇ doˆ-euˬ ma. Lawˇ duˬ kʼoeˇ taˆ dzah puiˆ-awˇ lawˇ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ bi baw-euˬ ma.
Miˬyehˇ-euˬ Dawˬ ma saˇ jaˇ Bahˬ keuˆ aˬ cawˬ tsawˇ jeuˬ neh bi deuˆ za-euˬ gaˇ kawˆ hawˇ-eu, aˬ yawꞈ-euˬ boeˇ miˬ aˬ da hawˇ-eu aˬ yawꞈ-euˬ kʼaˬ dzeˇ zaˬ shiˇ-euˬ gaˇ kawˆ-ahˇ noeˬ-eu laꞈ kʼoeˇ, “Miˬyehˇ-euˬ yaw shehꞈ kʼahˬ sehˇ Iˇsaˬleˬlaˆ tsawˇ haˬ deuˬ nehˬ-ehˇ maˬ paˇ jaˆ meh” lehˇ ehˇ-awˇ, aˬ li kʼoeˇ li-ahˇ Iˇkaˬbawˇ lehˇ aˬ yawꞈ myahˇ nehˬ-euˬ meh.
Kʼoeˇ naˇ, Shiˇloˬ meuˬ-ahˇ tsawˇ haˬ pyehˬ gʼeh-awˇ, Baoˬ huiˬ-eu Miˬyehˇ-euˬ muiˬ-eu shawˇ-eu nuiˇ duˬ bi geuꞈ dah taˬ-euˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ keuˆ bi baꞈ laˬ leˇ-euˬ meh. Eˇliˆ-euˬ aˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ, dawˬ ma saˇ jaˇ Bahˬ keuˆ mehˬ nah caw teh gʼeh leꞈ-euˬ meh.
Διαφημίσεις