1 Saˬmeuˬlaˆ 14:15 - Akha

¹⁵ Meuˬ meuˬ dzeˇ kʼaˇ jawˇ-eu Piˇliˇtiˆ tsawˇ haˬ deuˬ hawˇ-eu, taˆ laꞈ kʼoeˇ kʼaˇ jawˇ-eu Piˇliˇtiˆ yehˇ deuˬ uˬ taꞈ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-eu lehˇ lehˬ hmˬ taˬ-euˬ kʼaˬ dui dui-eu aˬ yawꞈ maꞈ-euˬ yehˇ deuˬ kʼawꞈ, guˆ dui dui-eu laꞈ kʼoeˇ yaw dzuˬ dzuˬ-euˬ meh. Miˇluˆluˆ laˇ-awˇ, guˆ dui dui-eu jeˬ keuˆ le-euˬ meh.

1 Saˬmeuˬlaˆ 14:15 Σταυροειδείς Αναφορές

Aˇ dahˬ 35:5

Yaˬkoˆ hawˇ-eu aˬ yawꞈ-euˬ aˬ li deuˬ pawˇ-iˇ ngeh, dawˬ peh jaˆ-eu meuˬ deuˬ-ahˇ jawˇ-eu tsawˇ haˬ deuˬ guˆ dui dui-eu miˇ neh, aˬ yawꞈ maꞈ-euˬ mehˬ nah maˬ caw teh peuˬ-a.

2 Saˬmeuˬlaˆ 5:24

Kʼoeˇ naˇ, boeˬ dzaˇ aˇ bawˇ kʼoeˇ deuˬ-euˬ uˬ du, guiˇ deuˆ gaˇ iˇ luꞈ-eu teˇ saˇ loꞈ-ehˇ nawˬ-ahˇ gaˬ laˇ naˇ, guiˇ deuˆ-iˇ-awˬ. Aˬ jeˬ miˇ neh ehˇ naˇ, Piˇliˇtiˆ tsawˇ haˬ deuˬ-ahˇ deuˆ gʼaˬ-eu gʼaˇ duˬ, nawˬ-euˬ mehˬ hu ngaˇ iˇ luꞈ-eu ma.”

Yawˇbaˆ 18:11

Guˆ-eu gaˆ-eu jeˬ aˬ yawꞈ-euˬ tiˬ jawˬ loꞈ luꞈ-awˇ aˬ yawꞈ kuiˇ toꞈ kʼaˇ ciˬ gaˇ caw teh luꞈ meh.

Jaceuq 14:5

Aˬyawꞈmaꞈtsawˬguˆ-iˇtehꞈ-a. Aˬjeˬmiˇneh nga lehˇehˇnaˇ, yawꞈdawˬgaˬ-eu tsawˇhaˬdeuˬ-ahˇ, SahˬpaˬMiˬyehˇmaˬbyehˇdzeh-a.

Doˆ-iˇ 19:18

Siˇnaˆ gawˬ jawˬ tiˬ jawˬ jawˬ lah ni, miˬ dzaˬ uˬ kʼoeˬ uꞈ uꞈ-ehˇ jaˆ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, miˬ dzaˬ laꞈ kʼoeˇ gawˬ jawˬ kʼoeˇ jawˬ kʼoeˇ taˆ zaꞈ le-euˬ meh. Miˬ dzaˬ uˬ kʼoeˬ kʼoeˇ-aˬ, miˬ dzaˬ tsawˬ bu-ahˇ doˆ-eu miˬ dzaˬ uˬ kʼoeˬ loꞈ-ehˇ, kʼoeˇ taˆ paw le daˆ-awˇ, gawˬ jawˬ jawˬ lah-ehˇ, miˇ luˆ luˆ-eu meh.

Daˬyeˬlaˇ 5:6

Aˬ yawꞈ-euˬ myaˆ pyawˬ pyuˇ pya ni pyeuꞈ-iˇ-awˇ, guˆ dui dui-iˇ-euˬ miˇ neh, aˬ kuiˇ pawˬ tsuiꞈ yaw dzuˬ dzuˬ-eu meh.

Maꞈtehˬ 24:6

Dawˬ peh guiˇ deuˆ luꞈ-eu teˇ saˇ hawˇ-eu, gaˇ mahˇ kaˬ gaˇ guiˇ deuˆ-eu gaˇ kawˆ naw maꞈ-ahˇ gaˬ laˇ tehꞈ-a. Ehˇ kʼawꞈ, naw maꞈ taˬ tsawˬ guˆ-iˇ. Kʼoeˇ loꞈ-ehˇ gʼeh-eu jeˬ yaw beh keuˆ le tehꞈ-a. Ehˇ kʼawꞈ, aˇ saˬ saˬ-eu aˇ yamˬ keuˆ le-euˬ maˬ ngeuˇ-a siˬ.

Yawˇshuˆ 2:9

aˬ yawꞈ nyaꞈ-ahˇ heu loꞈ-ehˇ ehˇ nehˬ-euˬ meh. “Miˇ kʼahˬ heu kʼahˬ Sahˬpaˬ Miˬyehˇ neh naw maꞈ-ahˇ biꞈ gʼaˬ-euˬ meh lehˇ ngaˇ siˬ nya ma. Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ naw maꞈ-ahˇ guˆ dui dui meh.

Yaˇ kʼaˬ daˇ 7:21

Yawˬ gʼaˬ na luꞈ taˆ jawˬ jawˬ-ehˇ yawˬ ha-euˬ jawˇ duˬ-ahˇ yawꞈ luꞈ ngeh, muiˇ-eu deuˬ-euˬ taˆ taˆ lah-ehˇ guˇ guˇ-ehˇ cehˆ-eu meh.

1 Saˬmeuˬlaˆ 13:17

Iˇsaˬleˬlaˆ tsawˇ haˬ deuˬ-ahˇ guiˇ deuˆ leˇ-eu gʼaˇ duˬ, Piˇliˇtiˆ yehˇ deuˬ guiˇ maꞈ smˇ maꞈ biˇ-awˇ, aˬ yawꞈ maꞈ-euˬ taˆ-ahˇ neh doˆ laˇ-euˬ meh. Yaw beh muˇ-aˬ, Shuˇlaˆ miˇ kʼahˬ Awˇpaˬlaˇ meuˬ paw le-euˬ meh.

1 Saˬmeuˬlaˆ 13:18

Nyiˬ muˇ tiˬ muˇ-aˬ, Behˬhawˇleuˬ meuˬ paw le-awˇ, smˬ muˇ tiˬ muˇ-aˬ, Zeˬbaiˬ deh kʼawꞈ hawˇ-eu bawˇ tsahˬ bawˇ dahˇ-euˬ laꞈ taˆ yaw goˇ-ahˇ jaˆ-eu miˇ kaˬ paw le-euˬ meh.

1 Saˬmeuˬlaˆ 13:23

Piˇliˇtiˆ tsawˇ haˬ deuˬ-aˬ, aˬ yawꞈ maꞈ-euˬ yehˇ tiˬ muˇ-ahˇ, Miˇkaˬmaˆ gʼaˬ lahˇ-ahˇ bi loꞈ tsoeˬ taˬ-euˬ meh.

1 Saˬmeuˬlaˆ 14:14

Yaw beh poˆ sehꞈ ngeh tehꞈ-ehˇ, cehˇ tiˬ puˬ ka deˇ ni jeˇ-eu jawˇ duˬ tiˬ tsahˇ laꞈ kʼoeˇ, tsawˇ haˬ nyiˬ tseˇ gʼaˬ ehˇ gʼaˬ ni Yawˇnaˆshaˬ hawˇ-eu zaˬ guˬ kʼoeˇ gʼaˬ neh sehꞈ-euˬ meh.

1 Saˬmeuˬlaˆ 14:16

Beˬyaˬmiˬ miˇ kʼahˬ Giˇbyaˬ meuˬ-ahˇ loꞈ luꞈ-eu Sawˇluˆ-euˬ yehˇ deuˬ Piˇliˇtiˆ tsawˇ haˬ deuˬ cehˆ byaˆ luꞈ gaˇ ya mawˇ-euˬ meh.

1 Saˬmeuˬlaˆ 7:10

Saˬmeuˬlaˆ lawˇ luꞈ sehˇ luꞈ ngeh, Piˇliˇtiˆ tsawˇ haˬ deuˬ mehˬ hu paw jiˆ laˇ-awˇ guiˇ deuˆ-eu lehˇ gʼeh-eu meh. Ehˇ kʼawꞈ, mˬ kʼoeˇ taˆ neh Sahˬpaˬ Miˬyehˇ aˬ yawꞈ maꞈ-ahˇ mˬ jeˬ tsawˬ tehˆ tehˆ nehˬ-euˬ meh. Aˬ yawꞈ maꞈ teuˆ bahˬ teuˆ lahˇ jiˇ-awˇ, guˆ dui dui-eu laꞈ kʼoeˇ cehˆ byaˆ jiˇ-euˬ meh.