1 Saˬmeuˬlaˆ 13:6 - Akha

⁶ Kʼoeˇ naˇ, kʼaˆ dui dui-eu guiˇ maꞈ pyehˬ gʼeh-awˇ, Iˇsaˬleˬlaˆ tsawˇ haˬ deuˬ-ahˇ teh byaˆ jiˇ-euˬ meh. Iˇsaˬleˬlaˆ tsawˇ haˬ tiˬ paˆ na deuˬ-aˬ, lo kʼahˬ lo byoe doe ni maˬ ehˇ, lo guˇ uˬ gʼmˬ-ahˇ maˬ ehˇ, lo guˇ kʼahˬ naꞈ kʼaˇ jaˆ gaˇ maˬ ehˇ, dzuˇ zaꞈ luꞈ-eu meh.

1 Saˬmeuˬlaˆ 13:6 Σταυροειδείς Αναφορές

2 Saˬmeuˬlaˆ 24:14

Daˬbiˇ ehˇ-eu, “Ngaˬ-ahˇ zahˬ dui dui miˇ-a. Ehˇ kʼawꞈ, tsawˇ haˬ neh bi kʼehˬ-eu jeˬ-ahˇ ngaˇ maˬ daˬ mawꞈ nya. Kʼehˬ-eu lehˇ ya bi kʼehˬ naˇ, Sahˬpaˬ Miˬyehˇ-aˬ, gʼawˬ shaˬ gaˬ nya-eu miˇ neh, aˬ yawꞈ neh bi kʼehˬ ma.”

Iˇsaˬyaˇ 42:22

Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ deuˬ, pyuˇ shuiˇ myawˬ gahˬ bi yuˇ jiˇ-awˇ, lo kʼahˬ doe ni bi nyehꞈ lahˇ-awˇ, paꞈ kuˆ doe ni bi nyehꞈ uˇ byoˆ-euˬ meh. Aˬ yawꞈ maꞈ-ahˇ ngehˬ gʼeh nehˬ-eu gʼaˬ maˬ jawˇ ni, tahˇ joe bi joe dzaˬ jiˇ-euˬ meh.

Yeˬlaˬmiˇ 41:9

Iˇshaˬmeˬlaˇ neh sehꞈ-euˬ tsawˇ haˬ kʼoeˇ deuˬ biˬ ahˇ-euˬ lah duˬ kʼoeˇ duˬ-aˬ, sahˬ paˬ Aˬsaˬ-ahˇ Iˇsaˬleˬlaˆ sahˬ paˬ Bawˬshaˬ guiˇ deuˆ le ngeh, Aˬsaˬ neh duˬ-euˬ lah duˬ duˬ ma tiˬ duˬ pyeuꞈ-eu meh. Iˇshaˬmeˬlaˇ neh lah duˬ kʼoeˇ duˬ-ahˇ tsawˇ haˬ baꞈ byah-euˬ meh.

Yeˬsaˬgeˬlaˇ 33:27

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ kʼaˆ dui dui-eu dawˬ heu loꞈ-ehˇ ngehˬ-eu meh lehˇ ehˇ nehˬ-awˬ. Ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, cawˆ-iˇ-euˬ meuˬ kʼoeˇ deuˬ laꞈ kʼoeˇ jawˇ-eu tsawˇ haˬ deuˬ bi shiˇ ma. Bawˇ tsahˬ deh ga-ahˇ jawˇ-eu tsawˇ haˬ deuˬ bawˇ tsahˬ jeˬ zaˬ neh bi kʼawꞈ sehꞈ dzaˬ tehꞈ-a. Gawˬ jawˬ hawˇ-eu lo kʼahˬ lo guˇ doe ni cehˆ zaꞈ-awˇ jawˇ-eu deuˬ, naˇ gawˇ baˬ da neh ya shiˇ tehꞈ-a.

Piˇliˇpiˆ 1:23

Heu nyiˬ jeˬ luꞈ ngaˬ-ahˇ gʼeu taw taˬ-euˬ meh. Ngaˇ geuꞈ mawꞈ-eu-aˬ, miˇ tsaˬ kʼoeˇ taˆ dehꞈ-eu heu-ahˇ byehˇ dzeh yaꞈ-awˇ Ka li nehˬ-ehˇ jawˇ leˇ mawꞈ-eu kʼoeˇ hmˬ ma. Aˬ jeˬ miˇ neh ehˇ naˇ, kʼoeˇ-aˬ, ngaˬ-euˬ gʼaˇ duˬ muiˬ dzehˬ-eu meh.

HeˬByehˇ 11:38

Miˇ tsaˬ tahˬ kʼawˇ heu-aˬ, aˬ yawꞈ maꞈ loꞈ-ehˇ muiˬ-eu tsawˇ haˬ deuˬ-ahˇ maˬ geuˇ-a. Aˬ yawꞈ maꞈ-aˬ, gawˬ jawˬ gawˬ duˇ bawˇ tsahˬ bawˇ dahˇ doe ni pawˇ pawˇ-ehˇ, miˇ tsa dahˇ-eu lo kʼahˬ lo byoe doe ni jawˇ-euˬ meh.

Yawˇshuˆ 8:20

Aˬiˇ meuˬ-ahˇ jawˇ-eu tsawˇ haˬ deuˬ naˇ kʼah paw ciˬ pyawˇ haw ngeh, mˬ-ahˇ keuˆ ni miˬ dzaˬ uˬ kʼoeˬ du doˆ laˇ gaˇ ya mawˇ-euˬ meh. Aˬ yawꞈ maꞈ cehˆ buˬ kʼaˇ maˬ za-ehˇ pyeuꞈ-iˇ-euˬ meh. Aˬ jeˬ miˇ neh ehˇ naˇ, juˇ tsui ni gʼeh-eu bawˇ tsahˬ paw cehˆ-euˬ Iˇsaˬleˬlaˆ tsawˇ haˬ deuˬ kʼawꞈ, naˇ kʼah paw gʼoꞈ kʼoꞈ laˇ-awˇ, aˬ yawꞈ maꞈ-ahˇ deuˆ-eu meh.

Yaˇ kʼaˬ daˇ 10:9

Aˬmoˬ tsawˇ haˬ deuˬ-aˬ, Yawˇdaˬ lawˇ baˬ tsehˆ doˆ laꞈ-awˇ, Yuˇdaˆ tsawˇ jeuˬ, Beˬyaˬmiˬ tsawˇ jeuˬ hawˇ-eu, Eˇpaˬleˬ tsawˇ jeuˬ-ahˇ guiˇ deuˆ laˇ-euˬ meh. Iˇsaˬleˬlaˆ tsawˇ haˬ deuˬ-aˬ, nui ma cawˆ dui dui luꞈ-eu meh.

Yaˇ kʼaˬ daˇ 20:41

Kʼoeˇ naˇ, Iˇsaˬleˬlaˆ tsawˇ haˬ deuˬ gʼoꞈ poˆ laˇ-awˇ, Beˬyaˬmiˬ tsawˇ haˬ deuˬ guˆ dui dui-iˇ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ ya luˬ ya seˇ-iˇ-eu keuˆ le-euˬ siˬ duˬ leˇ-euˬ meh.

Yaˇ kʼaˬ daˇ 6:2

Miˇdiˬyaˬ tsawˇ haˬ deuˬ-aˬ, Iˇsaˬleˬlaˆ tsawˇ haˬ deuˬ naˆ maˬ tseˇ kʼaˆ dzehˬ-eu miˇ neh, Iˇsaˬleˬlaˆ tsawˇ haˬ deuˬ, lo kʼahˬ deuˬ-ahˇ hawˇ-eu, gawˬ jawˬ gawˬ duˇ doe ni cehˆ yaꞈ-awˇ jawˇ-euˬ meh.

1 Saˬmeuˬlaˆ 13:15

Saˬmeuˬlaˆ-aˬ, Giˇlaˇgaˬlaˇ meuˬ-ahˇ neh doˆ-iˇ-awˇ, mehˬ hu paw iˇ gʼeh-euˬ meh. Kʼoeˇ gaˇ jawˇ yaꞈ-euˬ tsawˇ haˬ deuˬ Sawˇluˆ mehˬ nah caw teh-awˇ, aˬ yawꞈ-euˬ yehˇ deuˬ jawˇ gaˇ iˇ-euˬ meh. Giˇlaˇgaˬlaˇ meuˬ-ahˇ neh Beˬyaˬmiˬ miˇ kʼahˬ Giˇbyaˬ meuˬ-ahˇ aˬ yawꞈ maꞈ iˇ-euˬ meh. Koꞈ yaˇ gʼaˬ ehˇ gʼaˬ ni byah-eu aˬ yawꞈ-euˬ yehˇ deuˬ-ahˇ Sawˇluˆ pyehˆ tseˇ haw-euˬ meh.

1 Saˬmeuˬlaˆ 14:11

Kʼoeˇ naˇ, Piˇliˇtiˆ tsawˇ haˬ deuˬ-ahˇ aˬ yawꞈ nyaꞈ-euˬ gʼawˇ mawˇ bi mawˇ-euˬ meh. Kʼoeˇ ngeh, “Haw sheˇ. Heˬbyehˇ tsawˇ haˬ tiˬ paˆ na deuˬ lo kʼahˬ-ahˇ dzuˇ zaꞈ luꞈ-eu cehˆ doˆ laˇ ngaˇ” lehˇ, Piˇliˇtiˆ tsawˇ haˬ deuˬ ehˇ-eu meh.

1 Saˬmeuˬlaˆ 14:22

Eˇpaˬleˬ miˇ kʼahˬ gawˬ jawˬ gawˬ duˇ doe ni cehˆ zaꞈ taˬ-euˬ Iˇsaˬleˬlaˆ tsawˇ haˬ deuˬ kʼawꞈ, Piˇliˇtiˆ tsawˇ haˬ deuˬ cehˆ byaˆ luꞈ-eu gaˇ kawˆ ya gaˬ-awˇ, Piˇliˇtiˆ tsawˇ haˬ deuˬ nehˬ-ehˇ guiˇ deuˆ luꞈ gaˇ oe-euˬ meh.

1 Saˬmeuˬlaˆ 23:19

Ziˇpaˬ meuˬ-ahˇ jawˇ-eu tsawˇ haˬ tiˬ paˆ na deuˬ, Giˇbyaˬ meuˬ-ahˇ Sawˇluˆ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Daˬbiˇ-aˬ, nga maꞈ jawˇ-eu Yuˇdaˆ miˇ kʼahˬ bawˇ tsahˬ bawˇ dahˇ-euˬ laꞈ taˆ paw dzeˇ, Haˬciˇlahˬ gawˬ jawˬ-ahˇ jaˆ-eu Hawˇlehˆ lehˇ kuˇ-eu jawˇ duˬ kʼoeˇ tsahˇ-ahˇ dzuˇ zaꞈ luꞈ meh.

1 Saˬmeuˬlaˆ 24:3

Gaˇ ma gaˇ dzeˇ jaˆ-eu yawˇ yawˇ kuˆ dawˬ peh lo kʼahˬ tiˬ kʼahˬ-ahˇ aˬ yawꞈ iˇ keuˆ-awˇ, lo kʼahˬ laꞈ kʼoeˇ uˇ leˇ-awˇ gʼaˬ doeˇ naˬ dah leˇ-euˬ meh. Aˬ yawꞈ gʼaˬ doeˇ naˬ dah leˇ-euˬ lo kʼahˬ kʼoeˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ dzuˇ zaꞈ luꞈ-eu lo kʼahˬ-ahˇ zaˬ leˇ-awˇ, lo kʼahˬ-euˬ laꞈ kʼoeˇ gʼawˬ mahˇ ni naꞈ gaˇ aˬ yawꞈ maꞈ dzuˇ zaꞈ luꞈ-eu meh.

1 Saˬmeuˬlaˆ 31:7

Iˇsaˬleˬlaˆ guiˇ maꞈ deuˬ cehˆ byaˆ jiˇ-euˬ gaˇ kawˆ hawˇ-eu, Sawˇluˆ hawˇ-eu aˬ yawꞈ-euˬ aˬ li deuˬ bi sehꞈ-euˬ gaˇ kawˆ-ahˇ, Yeˬzaˬleˬlaˇ deh kʼawꞈ nui baˬ paw jawˇ-eu Iˇsaˬleˬlaˆ tsawˇ haˬ deuˬ hawˇ-eu, Yawˇdaˬ lawˇ baˬ nahˇ ma doˆ kʼehˬ paw jawˇ-eu Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ maꞈ-euˬ meuˬ deuˬ-ahˇ byehˇ dzeh yaꞈ-awˇ cehˆ-euˬ meh. Kʼoeˇ naˇ, Piˇliˇtiˆ tsawˇ haˬ deuˬ oe-awˇ, meuˬ kʼoeˇ deuˬ-ahˇ jawˇ-euˬ meh.

1 Saˬmeuˬlaˆ 7:7

Iˇsaˬleˬlaˆ tsawˇ haˬ deuˬ Miˇzaˬpaˬ meuˬ-ahˇ uiˬ leˇ-awˇ jawˇ-eu gaˇ kawˆ Piˇliˇtiˆ tsawˇ haˬ deuˬ ya gaˬ ngeh, Piˇliˇtiˆ sahˬ paˬ kʼoeˇ ngaˬ gʼaˬ aˬ yawꞈ maꞈ-euˬ tsawˇ haˬ sheuˬ-awˇ, guiˇ deuˆ-eu lehˇ laˇ-euˬ meh. Gaˇ kawˆ kʼoeˇ Iˇsaˬleˬlaˆ tsawˇ haˬ deuˬ ya gaˬ ngeh, guˆ-euˬ meh.