1 Saˬmeuˬlaˆ 13:5 - Akha

⁵ Iˇsaˬleˬlaˆ tsawˇ haˬ deuˬ-ahˇ guiˇ deuˆ-eu gʼaˇ duˬ, Piˇliˇtiˆ tsawˇ haˬ deuˬ uiˬ leˇ taˬ-euˬ meh. Guiˇ deuˆ-eu mahˬ laˆ lawˬ smˬ muiˇ laˇ, mahˬ dziˬ-eu yehˇ koꞈ heˇ gʼaˬ hawˇ-eu, iˬ ma laˆ shaˆ lawˇ deh-ahˇ ga-eu kʼaˇ shuiꞈ loꞈ-ehˇ myaˬ-eu yehˇ deuˬ aˬ yawꞈ maꞈ kuˇ uiˬ taˬ-euˬ meh. Behˬdaˬbeˬ meuˬ-euˬ nahˇ ma doˆ kʼehˬ paw jaˆ-eu Miˇkaˬmaˆ meuˬ-ahˇ aˬ yawꞈ maꞈ iˇ-awˇ, sehˬ gʼawˆ gʼawˆ-awˇ jawˇ-euˬ meh.

1 Saˬmeuˬlaˆ 13:5 Σταυροειδείς Αναφορές

Aˇ dahˬ 22:17

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

2 Saˬmeuˬlaˆ 17:11

Ngaˇ heu loꞈ-ehˇ nui noeˬ nui duˇ biꞈ mawꞈ-eu ma. Iˇsaˬleˬlaˆ miˇ kʼahˬ heu dzeˇ kʼoeˇ dzeˇ doˆ ni kʼaˇ jawˇ-eu tsawˇ haˬ deuˬ-ahˇ, iˬ ma laˆ shaˆ lawˇ deh-ahˇ ga-eu kʼaˇ shuiꞈ myaˆ ni kuˇ uiˬ taˬ-awˇ, nawˬ-euˬ gʼawˇ mawˇ aˬ yawꞈ maꞈ kʼoeˇ taˆ aˬ yuiꞈ geuꞈ-awˇ guiˇ deuˆ-eu tsaˬ tehꞈ-a.

1 Sahˬpaˬ 20:27

Iˇsaˬleˬlaˆ tsawˇ haˬ deuˬ kʼawꞈ, aˬ yawꞈ maꞈ-euˬ tsawˇ haˬ kuˇ uiˬ-awˇ, guiˇ deuˆ-eu keu ka biˇ nehˬ-euˬ meh. Kʼoeˇ naˇ, guiˇ deuˆ-eu lehˇ doˆ-iˇ-awˇ, tsawˇ haˬ nyiˬ muˇ biˇ paˆ-awˇ, Suˇliˆ tsawˇ haˬ deuˬ nehˬ-ehˇ maˬ kaˬ maˬ kaˇ-ehˇ taˆ tsoˆ-awˇ jawˇ-euˬ meh. Deh ga tiˬ byah ni jawˇ byah taˬ-euˬ Suˇliˆ tsawˇ haˬ deuˬ nehˬ-ehˇ shaˇ cehˆ haw ngeh, Iˇsaˬleˬlaˆ tsawˇ haˬ deuˬ-aˬ, deh ga-ahˇ uiˬ leˇ taˬ-euˬ ciꞈ myehꞈ ciꞈ maꞈ maꞈ zaˬ nyiˬ maꞈ loˆ ni tehꞈ meh.

2 Laˬsaˬbaˬ 1:9

Sahˬpaˬ Miˬyehˇ pyeuꞈ-eu Miˬyehˇ-oˇ, nawˬ neh ngaˬ da-ahˇ saˇ jaˇ dzaˬ taˬ-euˬ jeˬ bi byah laˇ-awˬ. Maˬ gui jiˇ coeˇ gaˇ keuˆ ni myaˬ-eu tsawˇ haˬ deuˬ kʼoeˇ taˆ, nawˇ ngaˬ-ahˇ sahˬ paˬ bi geuꞈ laꞈ-euˬ meh.

Iˇsaˬyaˇ 10:28

Aˬ yawꞈ maꞈ Aˬiˇ meuˬ-ahˇ uˇ le-euˬ meh. Aˬ yawꞈ maꞈ Miˇgaˬloˬ meuˬ oe dzeuˇ-awˇ, Miˇkaˬmaˆ meuˬ-ahˇ kʼaˆ behˆ taˬ yaꞈ-euˬ meh.

Iˇsaˬyaˇ 48:19

Naw maꞈ-euˬ o neh jeuˬ le o le-euˬ zaˬ deuˬ uˆ deuˬ, kʼaˇ shuiꞈ loꞈ-ehˇ maˬ gui jiˇ coeˇ gaˇ keuˆ ni myaˬ-awˇ, aˬ yawꞈ maꞈ maˬ ya cawˆ-iˇ ni, ngaˇ kamˬ tsehˆ nehˬ-euˬ baw tehꞈ-a.”

Yeˬlaˬmiˇ 15:8

Laˆ shaˆ lawˇ deh jaˆ-eu kʼaˇ shuiꞈ maˬ tseˇ, naw maꞈ miˇ kʼahˬ miˬ coeˬ miˬ ma myaˬ meh. Loˆ laˇ-euˬ zaˬ yo deuˬ-ahˇ ngaˇ sehꞈ-awˇ, aˬ ma deuˬ-ahˇ shaˬ zahˬ bi naꞈ-euˬ ma. Guˆ dui dui-iˇ-awˇ laˇ baˇ-iˇ paˬ-ehˇ, aˬ yawꞈ maꞈ kʼoeˇ taˆ ngaˇ shaˆ shiˇ pyehˬ gʼeh-euˬ ma.

Hawˇseˬ 10:5

Saˬmaˬliˆ meuˬ-ahˇ jawˇ-eu deuˬ, Beˬdeˬlaˇ meuˬ-ahˇ jaˆ luꞈ-eu, shuiˇ mawˇ neˇ mawˇ kawˇ byoˆ-euˬ gaˇ, guˆ dui dui-eu yaw dzuˬ dzuˬ meh. Mawˇ kawˇ kʼoeˇ-euˬ yaw shehꞈ kʼahˬ sehˇ, maˬ paˇ jaˆ-ehˇ pyeuꞈ-iˇ-euˬ gaˇ, kʼoeˇ gaˇ piˇ ma geuꞈ-eu deuˬ kʼawꞈ, miˇ kʼahˬ zaˬ nehˬ-ehˇ ngoeˇ tehꞈ-a.

Hawˇseˬ 4:15

“Naw maꞈ Iˇsaˬleˬlaˆ miˇ kʼahˬ, ngaˬ-ahˇ saˇ jaˇ puiˬ-awˇ dehꞈ kʼawꞈ, Yuˇdaˆ miˇ kʼahˬ kʼoeˇ loˇ maˬ ngeuˇ. Giˇlaˇgaˬlaˇ meuˬ-ahˇ taˬ le. Behˬdaˬbeˬ meuˬ-ahˇ jiˇ taˬ le. Sahˬpaˬ Miˬyehˇ tsawˇ myahˇ gʼoe-awˇ, kamˬ tsehˆ ehˇ tsehˆ-eu dawˬ taˬ ngehˬ.

Hawˇseˬ 5:8

Giˇbyaˬ meuˬ-ahˇ coiˇ doi baw-awˬ. Laˬmahˇ meuˬ-ahˇ daˇ heh baw-awˬ. Behˬdaˬbeˬ meuˬ-ahˇ laˆ luiˬ-awˬ. Beˬyaˬmiˬ tsawˇ jeuˬ guiˇ deuˆ-awˬ.

Lormav 9:27

Iˇsaˬ leˬ laˇ tsawˇ jeuˬ gaˇ kawˆ Iˇsaˬyaˇ neh heu loꞈ-ehˇ ehˇ taˬ-euˬ meh. “Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaꞈ kʼawꞈ, ka kʼoꞈ-eu jeˬ za-eu tsawˇ haˬ cuiˆ dui dui tehꞈ-a.

Yawˇshuˆ 11:4

Aˬ yawꞈ maꞈ-aˬ, aˬ yawꞈ maꞈ-euˬ yehˇ dawˬ tawˆ luꞈ kuˇ uiˬ-awˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ-eu guiˇ guiˇ maꞈ sheuˬ-awˇ oe-euˬ meh. Mahˬ hawˇ-eu mahˬ laˆ lawˬ deuˬ kʼawꞈ myaˬ dui dui-eu meh.

Yawˇshuˆ 18:12

Aˬ yawꞈ maꞈ-euˬ miˇ kaˬ laꞈ taˆ paw pyawˬ-aˬ, Yawˇdaˬ lawˇ baˬ-ahˇ neh aˇ dahˬ beh-awˇ, Yeˬliˇkoˇ meuˬ-euˬ laꞈ taˆ, baˬ gʼa caw caw-ehˇ le daˆ gʼeh leꞈ-awˇ, nahˇ ma ga kʼehˬ paw gawˬ jawˬ gawˬ duˇ nyiˬ tsehˆ-ehˇ, Behˬdaˬbeˬ meuˬ-ahˇ keuˆ ni paˇ iˇ gʼeh-euˬ meh.

Yawˇshuˆ 7:2

Yawˇshuˆ-aˬ, Yeˬliˇkoˇ meuˬ-ahˇ neh, Behˬdaˬbeˬ meuˬ dawˬ peh Beˬdeˬlaˇ meuˬ-euˬ nahˇ ma doˆ kʼehˬ paw jaˆ-eu Aˬiˇ meuˬ-ahˇ tsawˇ haˬ tiˬ deuˬ pyehˬ gʼeh-awˇ, miˇ kʼahˬ kʼoeˇ kʼahˬ-ahˇ bi kʼoeˬ sho haw-iˇ-euˬ meh. Aˬ yawꞈ maꞈ kʼoeˬ sho haw-iˇ gʼaˬ ngeh,

Yaˇ kʼaˬ daˇ 7:12

Miˇdiˬyaˬ tsawˇ haˬ, Aˬmaˬlehˇ tsawˇ haˬ hawˇ-eu, nahˇ ma doˆ kʼehˬ paw jawˇ-eu tsawˇ jeuˬ deuˬ, deh kʼawꞈ kʼawꞈ lah ni nyehˇ bahˇ baˬ maꞈ uiˬ leˇ taˬ-euˬ loꞈ-ehˇ jawˇ byah taˬ-awˇ, aˬ yawꞈ maꞈ-euˬ law taw deuˬ kʼawꞈ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ-eu meh.

1 Saˬmeuˬlaˆ 13:11

Saˬmeuˬlaˆ-ahˇ Sawˇluˆ ha laˬ-iˇ-awˇ, yaw zeu baw nehˬ-euˬ meh. Ehˇ kʼawꞈ, “Nawˇ aˬ jeˬ jahˇ luꞈ te” lehˇ, Sawˇluˆ-ahˇ Saˬmeuˬlaˆ naˇ haˬ-euˬ meh. Sawˇluˆ ehˇ-eu, “Nawˬ neh ehˇ taˬ-euˬ aˇ yamˬ-ahˇ nawˇ maˬ laˇ keuˆ-ehˇ tsawˇ haˬ heu deuˬ kʼawꞈ ngaˬ-ahˇ byehˇ dzeh-awˇ doˆ-iˇ luꞈ-eu meh. Kʼoeˇ uˬ taꞈ, Piˇliˇtiˆ tsawˇ haˬ deuˬ Miˇkaˬmaˆ meuˬ-ahˇ uiˬ leˇ jiˇ taˬ-euˬ meh.

1 Saˬmeuˬlaˆ 13:2

Tsawˇ haˬ smˬ heˇ gʼaˬ aˬ yawꞈ tseˇ doˆ-awˇ, Aˬ yawꞈ jawˇ-eu Miˇkaˬmaˆ meuˬ hawˇ-eu Beˬdeˬlaˇ gahˬ kaˬ gawˬ jawˬ gawˬ duˇ deuˬ-ahˇ nyiˬ heˇ gʼaˬ bi jawˇ-awˇ, aˬ yawꞈ-euˬ aˬ li Yawˇnaˆshaˬ nehˬ-ehˇ Beˬyaˬmiˬ miˇ kʼahˬ Giˇbyaˬ meuˬ-ahˇ tiˬ heˇ gʼaˬ pyehˬ gʼeh-euˬ meh.

1 Saˬmeuˬlaˆ 14:23

Behˬdaˬbeˬ meuˬ iˇ dzeuˇ ngeh keuˆ ni deuˆ ceh ceh-awˇ, kʼoeˇ ngeh nah Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ ka kʼoꞈ nehˬ-euˬ meh.

1 Saˬmeuˬlaˆ 14:52

Sawˇluˆ yaw dehꞈ dehꞈ-euˬ tiˬ ziˇ, Piˇliˇtiˆ tsawˇ haˬ deuˬ nehˬ-ehˇ guiˇ yaw kʼaˆ-ehˇ deuˆ-euˬ meh. Kʼoeˇ miˇ neh, gʼaˬ tsmˬ-eu tsawˇ haˬ hawˇ-eu nui ma kʼaˬ duˬ ni gʼeh-eu tsawˇ haˬ kʼaˇ mawˇ le ngeh, aˬ yawꞈ-euˬ taˆ laꞈ kʼoeˇ tsawˇ myahˇ bi dawˆ-awˇ, aˬ yawꞈ-euˬ yehˇ bi geuꞈ-euˬ meh.

1 Saˬmeuˬlaˆ 17:1

Piˇliˇtiˆ tsawˇ haˬ deuˬ guiˇ deuˆ-eu gʼaˇ duˬ lehˬ hmˬ-awˇ, Yuˇdaˆ miˇ kʼahˬ Sawˇkoˬ meuˬ-ahˇ uiˬ leˇ taˬ-euˬ meh. Sawˇkoˬ meu hawˇ-eu Aˬzeˬkaˬ meuˬ yaw kaˬ-ahˇ jaˆ-eu Eˇpeˇdaˬmeˬ lehˇ kuˇ-eu jawˇ duˬ-ahˇ, aˬ yawꞈ maꞈ taˆ tsoˆ-awˇ naˬ luꞈ-eu meh.

1 Saˬmeuˬlaˆ 7:13

Piˇliˇtiˆ tsawˇ haˬ deuˬ kʼoeˇ loꞈ-ehˇ guiˇ deuˆ smˬ-awˇ, Saˬmeuˬlaˆ yaw dehꞈ kʼaˇ dehꞈ-euˬ tiˬ ziˇ, aˬ yawꞈ maꞈ Iˇsaˬleˬlaˆ tsawˇ haˬ deuˬ-ahˇ guiˇ maˬ deuˆ laˇ nya ni, Sahˬpaˬ Miˬyehˇ neh laˆ tsoeˬ nehˬ-euˬ meh.