1 Saˬmeuˬlaˆ 12:6 - Akha

⁶ Saˬmeuˬlaˆ paˇ ehˇ-eu, “Sahˬpaˬ Miˬyehˇ-aˬ, Moˇseˬ hawˇ-eu Aˬloˬ-ahˇ tseˇ doˆ-euˬ gʼaˬ pyeuꞈ-awˇ, naw maꞈ-euˬ aˬ poeˬ aˬ bawˇ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ gʼaˬ pyeuꞈ-eu meh.

1 Saˬmeuˬlaˆ 12:6 Σταυροειδείς Αναφορές

Jaceuq 105:26

Aˬ yawꞈ neh tseˇ doˆ-euˬ zaˬ kʼaˆ deuˬ pyeuꞈ-eu, Moˇseˬ hawˇ-eu Aˬloˬ-ahˇ aˬ yawꞈ pyehˬ gʼeh-euˬ meh.

Jaceuq 105:41

Kʼaˬ lo-ahˇ aˬ yawꞈ pah ngeh iˇ cuꞈ tahˬ doˆ laꞈ-awˇ, kʼaˇ shuiꞈ deh-ahˇ lawˇ baˬ loꞈ-ehˇ yoeˇ-euˬ meh.

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

Doˆ-iˇ 6:26

“Iˇsaˬleˬlaˆ tsawˇ jeuˬ tsawˇ ca dawˬ tawˆ luꞈ-ahˇ, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-awˬ” lehˇ, Miˬyehˇ neh kʼehˇ-euˬ tsawˇ haˬ-aˬ, Moˇseˬ hawˇ-euˬ Aˬloˬ aˬ nyaꞈ nmˇ meh.

Doˆ-iˇ 6:27

Iˇsaˬleˬlaˆ tsawˇ haˬ deuˬ-ahˇ pyehˬ nehˬ-awˬ lehˇ, Iˇjiˇtuˆ sahˬ paˬ-ahˇ ehˇ nehˬ iˇ-euˬ kʼoeˇ-aˬ, aˬ yawꞈ nyaꞈ meh.

Hawˇseˬ 12:13

Iˇjiˇtuˆ-ahˇ zaˬ kʼaˆ geuꞈ-eu, Iˇsaˬleˬlaˆ tsawˇ haˬ deuˬ-ahˇ, ka kʼoꞈ-awˇ sheuˬ gʼeh-eu gʼaˇ duˬ, aˬ dui Miˬyehˇ neh kʼehˇ doˆ-euˬ, Bawˇlawˇpeh tiˬ gʼaˬ oe-euˬ meh.

Miˇkaˬ 6:4

Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ngaˇ sheuˬ doˆ laꞈ-euˬ ma. Naw maꞈ aˬ cawˬ zaˬ kʼaˆ geuꞈ luꞈ gaˇ ngaˇ ka kʼoꞈ le-euˬ ma. Naw maꞈ-ahˇ bi sheuˬ gʼeh-eu lehˇ, Moˇseˬ, Aˬloˬ, Miˇliˬyaˬ aˬ ha maꞈ-ahˇ ngaˇ pyehˬ gʼeh leꞈ-euˬ ma.