1 Saˬmeuˬlaˆ 12:22 - Akha

²² Sahˬpaˬ Miˬyehˇ-aˬ, naꞈ dui dui-eu saˇ jaˇ dzaˬ taˬ-awˇ, naw maꞈ-ahˇ aˬ yawꞈ-euˬ tsawˇ jeuˬ bi pyeuꞈ laˇ ma lehˇ noeˬ tsehˆ taˬ-euˬ miˇ neh, naw maꞈ-ahˇ maˬ byehˇ dzeh nehˬ laꞈ-a.

1 Saˬmeuˬlaˆ 12:22 Σταυροειδείς Αναφορές

1 Sahˬpaˬ 6:13

Nawˇ tsoˆ luꞈ-eu Uˬ duˬ tahˬ nymˇ nymˇ ma heu nymˇ laꞈ kʼoeˇ, Iˇsaˬleˬlaˆ tsawˇ haˬ deuˬ nehˬ-ehˇ ngaˇ jawˇ-awˇ, aˬ yawꞈ maꞈ-ahˇ ngaˇ maˬ byehˇ dzeh.”

1 Sahˬpaˬ 8:57

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-euˬ aˬ poeˬ aˬ bawˇ deuˬ nehˬ-ehˇ jawˇ-euˬ loꞈ-ehˇ, aˬ dui nehˬ-ehˇ kʼawꞈ jawˇ luꞈ-uˇ. Aˬ dui-ahˇ maˬ gʼawˬ-iˇ-eu uˬ taꞈ, aˬ dui-ahˇ maˬ byehˇ dzeh ni jawˇ luꞈ-uˇ.

2 Sahˬpaˬ 14:27

Ehˇ kʼawꞈ, Iˇsaˬleˬlaˆ tsawˇ haˬ deuˬ mˬ maˬ maˬ byaˆ zaˇ ziˇ cawˆ-iˇ gaˇ Sahˬpaˬ Miˬyehˇ maˬ geuꞈ mawꞈ-a. Kʼoeˇ miˇ neh, sahˬ paˬ Yeˬyawˇbamˬ-ahˇ gʼoe-awˇ, aˬ yawꞈ maꞈ-ahˇ ka kʼoꞈ nehˬ-euˬ meh.

2 Sahˬpaˬ 21:14

Maˬ cawˆ-iˇ ni dzeˇ-eu tsawˇ haˬ deuˬ-ahˇ kʼawꞈ, ngaˇ byehˇ dzeh nehˬ-awˇ, muiˇ-eu deuˬ-euˬ aˬ laꞈ laꞈ kʼoeˇ a ahˇ nehˬ ma. Muiˇ-eu deuˬ aˬ yawꞈ maꞈ-ahˇ kʼehˬ-awˇ, aˬ yawꞈ maꞈ-euˬ miˇ kʼahˬ laꞈ kʼoeˇ kʼaˇ jaˆ-eu jeˬ yuˇ geuꞈ jiˇ tehꞈ-a.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

2 Laˬsaˬbaˬ 15:2

Kʼoeˇ naˇ, Aˬsaˬ jawˇ gaˇ iˇ-awˇ ehˇ nehˬ-eu, “Sahˬ paˬ Aˬsaˬ hawˇ-eu, Yuˇdaˆ miˇ kʼahˬ, Beˬyaˬmiˬ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ ngaˇ ehˇ gaˇ naˇ haˬ sheˇ. Naw maꞈ Sahˬpaˬ Miˬyehˇ laꞈ kʼoeˇ kʼaˇ jawˇ kʼoeˇ keuˆ ni, aˬ yawꞈ kʼawꞈ naw maꞈ nehˬ-ehˇ jawˇ tehꞈ-a. Naw maꞈ aˬ yawꞈ-ahˇ poˆ naˇ, aˬ yawꞈ naw maꞈ-ahˇ bi mawˇ laꞈ tehꞈ-a. Ehˇ kʼawꞈ, naw maꞈ aˬ yawꞈ-ahˇ byehˇ dzeh naˇ, aˬ yawꞈ kʼawꞈ naw maꞈ-ahˇ byehˇ dzeh tehꞈ-a.

Neˬhaˬmiˇ 9:17

Nawˬ neh mˇ-euˬ gaˇ-ahˇ aˬ yawꞈ maꞈ ngehˇ jiˇ-awˇ, nawˬ-euˬ dawˬ-ahˇ maˬ naˇ haˬ ni, nawˇ mˇ-euˬ kʼaˆ jeˬ-ehˇ gʼeh-eu gaˇ-ahˇ, aˬ yawꞈ maꞈ ngehˇ byoˆ jiˇ-euˬ meh. Aˬ yawꞈ maꞈ nui ma huiˬ-eu mahˇ-eu jeˬ laꞈ kʼoeˇ, Iˇjiˇtuˆ miˇ kʼahˬ-ahˇ zaˬ kʼaˆ geuꞈ poˆ-iˇ-eu gʼaˇ duˬ, sheuˬ gʼeh-eu aˬ yuiꞈ tseˇ-euˬ meh. Ehˇ kʼawꞈ nawˇ iˬ baˇ pyehˬ nehˬ-eu Miˬyehˇ pyeuꞈ-awˇ, gʼoeˇ-eu gaˬ-eu jeˬ byah-eu uˬ taꞈ, nawˇ nui ma pehˇ-eu maˬ kawˇ-a. Nawˇ gʼawˬ shaˬ gaˬ-eu jeˬ huiˬ dui myaˬ dui dui-awˇ, aˬ yawꞈ maꞈ-ahˇ nawˇ maˬ byehˇ dzeh-aˬ.

Jaceuq 106:8

Ehˇ kʼawꞈ aˬ yawꞈ neh saˇ jaˇ dzaˬ taˬ-euˬ loꞈ-ehˇ, aˬ yawꞈ maꞈ-ahˇ ka kʼoꞈ nehˬ-awˇ, aˬ yawꞈ-euˬ huiˬ-eu baoˬ pah mehˬ-euˬ meh.

Jaceuq 94:14

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ-ahˇ maˬ ngehˇ-a. Aˬ yawꞈ-ahˇ taꞈ-eu tsawˇ haˬ deuˬ-ahˇ aˬ yawꞈ maˬ byehˇ dzeh-a.

Doˆ-iˇ 32:12

Nawˇ-aˬ, nawˬ-euˬ tsawˇ haˬ deuˬ-ahˇ, gawˬ jawˬ gawˬ duˇ kʼoeˇ taˆ sehꞈ dzeh jiˇ-awˇ, laˆ piˬ laˆ byoˆ jiˇ mawꞈ-eu miˇ neh, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ nga lehˇ Iˇjiˇtuˆ tsawˇ haˬ deuˬ bi ehˇ-eu loˇ. Nui ma pehˇ-eu taˬ leˇ-awˬ. Luˬ-iˇ seˇ-iˇ-eu heu nawˬ-euˬ tsawˇ haˬ deuˬ kʼoeˇ taˆ maˬ ya bi keuˆ le ni, nawˬ-euˬ nui ma noeˬ paˇ-awˬ.

Iˇsaˬyaˇ 37:35

Ngaˬ-euˬ myaˆ pyawˬ naˇ mehˇ gʼaˇ duˬ maˬ ehˇ, ngaˬ-euˬ zaˬ kʼaˆ Daˬbiˇ-ahˇ ngaˬ neh saˇ jaˇ dzaˬ taˬ-euˬ baˬ da neh maˬ ehˇ, meuˬ heu meuˬ-ahˇ ngaˇ bo saˆ haw piˇ ma.’ lehˇ ehˇ taˬ-euˬ meh.”

Iˇsaˬyaˇ 41:17

“Ngaˬ-euˬ tsawˇ haˬ iˇ cuꞈ mehꞈ-awˇ poˆ ngeh, aˬ yawꞈ maꞈ-euˬ kuˬ byahˬ gui ngeh, Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ shaˇ dawˬ naˇ haˬ nehˬ ma. Iˇsaˬleˬlaˆ-euˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ tiˬ jawˇ-iˬ maˬ byehˇ dzeh.

Iˇsaˬyaˇ 42:16

“Myaˆ behꞈ tahˬ sawˇ pyeuꞈ-eu ngaˬ-euˬ tsawˇ haˬ deuˬ-ahˇ, maˬ iˇ haw-euˬ gaˇ ma tiˬ kahˇ ngaˇ sheuˬ gʼeh ma. Aˬ yawꞈ maꞈ-euˬ yaw zahˇ-ahˇ ngaˇ yaw shehꞈ bi bya laˇ-awˇ, duˬ kʼahˬ duˬ kʼawꞈ myaˬ-eu miˇ kʼahˬ, aˬ yawꞈ maꞈ-euˬ mehˬ shi bi dzm laˇ ma. Heu-aˬ, ngaˬ-euˬ saˇ jaˇ dawˬ deuˬ pyeuꞈ-awˇ, maˬ byehˇ ni ngaˇ mˇ byah nehˬ ma.

Iˇsaˬyaˇ 43:25

Ehˇ kʼawꞈ, ngaˬ-euˬ gʼaˇ duˬ naw maꞈ-euˬ yaw lehˬ-ahˇ ngehˇ-awˇ, naw maꞈ-ahˇ iˬ baˇ pyehˬ nehˬ-euˬ Miˬyehˇ ngaˇ ma.

Iˇsaˬyaˇ 43:7

Aˬ yawꞈ maꞈ ngaˬ-euˬ tsawˇ haˬ ma. Ngaˬ-euˬ yaw shehꞈ kʼahˬ sehˇ bi doˆ laˇ ni, aˬ yawꞈ maꞈ-ahˇ ngaˇ beh-euˬ ma.”

Iˇsaˬyaˇ 48:11

Ngaˬ neh mˇ-euˬ jeˬ ngaˬ-euˬ gʼaˇ duˬ ma. Ngaˬ-euˬ tsawˇ myahˇ cawˆ-eu jeˬ ngaˇ maˬ mˇ. Ngaˬ-euˬ yaw shehꞈ kʼahˬ sehˇ-ahˇ nui gʼaˬ maˬ bi taꞈ. Maˇ maˇ ni ngaˇ tiˬ gʼaˬ gʼaˇ duˬ tehꞈ ma.”

Iˇsaˬyaˇ 49:15

Kʼoeˇ miˇ neh Sahˬpaˬ Miˬyehˇ heu loꞈ-ehˇ ehˇ-eu meh. “Aˬ ma tiˬ gʼaˬ yawˬ ha-euˬ aˬ coeˇ dawˇ zaˬ-ahˇ ngehˇ-awˇ, yawˬ ha neh baw-euˬ zaˬ-ahˇ maˬ gaˬ ni jawˇ coeˇ ta loˇ. Aˬ ma zaˬ-ahˇ ngehˇ gaˇ keuˆ kʼawꞈ, naw maꞈ-ahˇ ngaˇ maˬ ngehˇ.

Iˇsaˬyaˇ 63:8

Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ tsawˇ jeuˬ ma. ngaˬ-ahˇ jaˬ myawꞈ maˬ myawꞈ-aˇ” lehˇ ehˇ-awˇ, aˬ yawꞈ maꞈ-ahˇ ka kʼoꞈ-euˬ meh.

Yeˬlaˬmiˇ 14:21

Nawˬ neh saˇ jaˇ dzaˬ-euˬ gaˇ noeˬ keuˆ-awˇ, nga maꞈ-ahˇ taˬ haw doeˇ nehˬ laꞈ. Yaw shehꞈ kʼahˬ sehˇ huiˬ-eu nawˬ-euˬ nuiˇ mahˬ jaˆ-eu, Yeˬluˇsaˬlehˬ meuˬ daˬ taˬ bi ga laꞈ. Nga maꞈ nehˬ-ehˇ nawˬ neh dzaˬ-euˬ, dawˬ ma saˇ jaˇ taˬ byehˇ nehˬ laꞈ.

Yeˬlaˬmiˇ 14:7

Ngaˬ-euˬ tsawˇ haˬ deuˬ ngaˬ-ahˇ heu loꞈ-ehˇ shaˇ-eu meh. Nga maꞈ iˬ bahˇ ahˇ-eu bya tsehˆ ni jaˆ luꞈ kʼawꞈ, Sahˬpaˬ Miˬyehˇ nawˬ neh saˇ jaˇ dzaˬ-euˬ loꞈ-ehˇ, nga maꞈ-ahˇ ngehˬ gʼeh nehˬ laꞈ-awˬ. Nga maꞈ nawˬ-ahˇ gʼawˬ mya poˆ byehˇ dzeh-awˇ, nawˬ-ahˇ mˇ bahˬ laˆ bahˬ-euˬ ma.

Yeˬlaˬmiˇ 14:9

Aˬ cawˬ neh ja pyuˬ ni bi nyehꞈ mi-euˬ tsawˇ haˬ hawˇ-eu ngehˬ maˬ gʼeh nehˬ nya-ehˇ pyeuꞈ-iˇ-euˬ yehˇ loꞈ-ehˇ, aˬ joˆ-ehˇ gʼeh laꞈ te. Sahˬpaˬ Miˬyehˇ nawˇ nga maꞈ nehˬ-ehˇ aˬ diˇ jawˇ luꞈ meh. Nga maꞈ nawˬ-euˬ tsawˇ haˬ pyeuꞈ luꞈ-eu ma. Nga maꞈ-ahˇ taˬ byehˇ dzeh nehˬ laꞈ.”

Ngoeˇ dawˬ 5:20

Aˬ jeˬ miˇ neh nga maꞈ-ahˇ nawˇ, teu myah myah-ehˇ byehˇ dzeh laꞈ-awˇ, teu naˆ naˆ-ehˇ ngehˇ dzeh laꞈ te.

Yeˬsaˬgeˬlaˇ 20:14

Ehˇ kʼawꞈ, kʼoeˇ loꞈ-ehˇ maˬ jahˇ nehˬ-aˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu baˬ da neh, ngaˬ neh Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ gaˇ kʼaˇ ya mawˇ-euˬ tsawˇ jeuˬ deuˬ mehˬ shi, ngaˬ-euˬ tsawˇ myahˇ cawˆ laˇ gaˇ ngaˇ yahˇ-euˬ ma.

Yeˬsaˬgeˬlaˇ 20:9

Ehˇ kʼawꞈ, ngaˬ-euˬ tsawˇ myahˇ cawˆ-iˇ gaˇ yahˇ-eu miˇ neh, aˬ yawꞈ maꞈ-ahˇ ngaˇ kʼoeˇ loꞈ-ehˇ maˬ jahˇ nehˬ-aˬ. Aˬ jeˬ miˇ neh ehˇ naˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ nehˬ-eu lehˇ gʼeh-eu gaˇ kawˆ, aˬ yawꞈ maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ myaˆ ni gʼeh-eu mehˬ shi, aˬ yawꞈ maꞈ-ahˇ ngaˬ neh ehˇ gaˬ taˬ-euˬ jaˆ-eu ma.

Maˬlaˬkiˇ 1:2

“Naw maꞈ-ahˇ ngaˇ aˬ myah luꞈ gaˬ-euˬ ma” lehˇ, Sahˬpaˬ Miˬyehˇ ehˇ ngeh, “Nawˇ nga maꞈ-ahˇ gaˬ-eu aˬ joˆ-ehˇ bi siˬ laꞈ teˬ” lehˇ, aˬ yawꞈ-euˬ tsawˇ haˬ deuˬ ehˇ-eu meh. Sahˬpaˬ Miˬyehˇ ehˇ-eu, “Iˇsawˇ hawˇ-eu Yaˬkoˆ aˬ nyaꞈ tiˬ mehˇ nmˇ meh. Ehˇ kʼawꞈ, Yaˬkoˆ hawˇ-eu aˬ yawꞈ-euˬ zaˬ deuˬ uˆ deuˬ-ahˇ ngaˇ gaˬ-euˬ ma.

Maꞈtehˬ 11:26

Aˬda-oˇ, kʼoeˇ loꞈ-ehˇ bi pyeuꞈ laˇ-eu gʼaˇ duˬ, nawˇ nui ma tsaˬ-eu meh.

Yoˇhaˬ 15:16

Naw maꞈ neh ngaˬ-ahˇ tseˇ geuꞈ-euˬ maˬ ngeuˇ-a. Ngaˬ neh naw maꞈ-ahˇ tseˇ doˆ-euˬ ma. Naw maꞈ iˇ-awˇ ziꞈ-eu gmˬ-eu aˇ siˬ gʼawˬ mya ni siˬ le-eu gʼaˇ duˬ tseˇ doˆ-euˬ ma. Kʼoeˇ ngeh jawˇ, ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ, Aˬda naw maꞈ-ahˇ biꞈ nehˬ laꞈ tehꞈ-a.

Lormav 11:1

“Miˬyehˇ aˬ yawꞈ-euˬ tsawˇ haˬ deuˬ-ahˇ byehˇ dzeh taˬ loˇ” lehˇ ngaˇ naˇ haˬ mawꞈ-eu ma. Maˬ ngeuˇ-a. Ngaˇ kʼawꞈ, Iˇsaˬleˬlaˇ tsawˇ haˬ ma. Aˬbyaˬhaˬ-euˬ zaˬ deuˬ uˆ deuˬ pyeuꞈ-eu Beˬyaˬmiˬ tsawˇ jeuˬ ma.

Lormav 11:29

Aˬ jeˬ miˇ neh ehˇ naˇ, Miˬyehˇ-aˬ, yawˬ ha neh tseˇ doˆ-awˇ guiˬ lahˬ biꞈ taˬ-euˬ tsawˇ haˬ deuˬ kʼoeˇ taˆ nui ma maˬ poˆ maˬ paˇ laˇ-a.

1 Gawˇliˬtu 4:7

Naw maꞈ aꞈ cawˬ taꞈ-ehˇ huiˬ dzehˬ mahˇ dzeh ni aˬ suˇ gʼaˬ neh jahˇ-euˬ ta. Naw maꞈ kʼaˇ jaˆ-eu jeˬ dawˬ tawˆ luꞈ Miˬyehˇ neh biꞈ laꞈ-euˬ maˬ ngeuˇ-a loˇ. Toˆ-ehˇ ngeuˇ naˇ, naw maꞈ kʼaˇ za-euˬ jeˬ Miˬyehˇ neh biꞈ laꞈ-euˬ laꞈ sawˬ maˬ ngeuˇ-eu loꞈ-ehˇ aˬ joˆ-ehˇ kʼahˬ sehˇ jehˆ nya te.

Eˇpeˇsu 1:12

Kʼoeˇ miˇ neh, Ka li-ahˇ noeˬ tmˬ beh beh-euˬ deuˬ pyeuꞈ-eu nga maꞈ-aˬ, Miˬyehˇ-euˬ yaw shehꞈ kʼahˬ sehˇ-ahˇ ja ceuˬ-eu ma.

Eˇpeˇsu 1:6

Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.

Dawˬmehˬ 14:2

Naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬ yehˇ-euˬ tsawˇ haˬ pyeuꞈ-awˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, aˬ yawꞈ-euˬ tsawˇ jeuˬ bi pyeuꞈ laˇ-eu lehˇ, aˬ yawꞈ neh tseˇ doˆ taˬ-euˬ meh.

Dawˬmehˬ 31:17

Kʼoeˇ loꞈ-ehˇ pyeuꞈ laˇ ngeh, aˬ yawꞈ maꞈ-ahˇ ngaˇ nui ma pehˇ ma. A yawꞈ maꞈ-ahˇ ngaˇ byehˇ dzeh nehˬ-awˇ, aˬ yawꞈ maꞈ ya luˬ ya seˇ-iˇ tehꞈ-a. Guˆ laˇ paˬ-ehˇ gʼeh-eu luˬ-iˇ seˇ-iˇ-eu gʼawˬ mya jeˬ aˬ yawꞈ maꞈ kʼoeˇ taˆ keuˆ le tehꞈ-a. Kʼoeˇ ngeh, aˬ yawꞈ maꞈ-euˬ Miˬyehˇ pyeuꞈ-eu ngaˇ, aˬ yawꞈ maꞈ nehˬ-ehˇ maˬ paˇ jawˇ-eu miˇ neh kʼoeˇ loꞈ-ehˇ gʼeh-eu jeˬ keuˆ le-eu nga lehˇ, aˬ yawꞈ maꞈ ya siˬ duˬ tehꞈ-a.

Dawˬmehˬ 31:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-euˬ mawˇ do naw maꞈ nehˬ-ehˇ jawˇ tehꞈ-a. Aˬ yawꞈ naw maꞈ-ahˇ byehˇ dzeh-awˇ maˬ bi jawˇ nehˬ laꞈ-aˇ.”

Dawˬmehˬ 31:8

Sahˬpaˬ Miˬyehˇ aˬ yawꞈ nawˬ nehˬ-ehˇ jawˇ-awˇ, nawˬ-ahˇ sheuˬ gʼeh tehꞈ-a. Aˬ yawꞈ nawˬ-ahˇ byehˇ dzeh-awˇ maˬ bi jawˇ-aˇ. Teu miˇ neh, gʼaˬ baˬ-awˇ guˆ-eu nui ma taˬ bi ahˇ.”

Dawˬmehˬ 7:6

Naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ haˬ pyeuꞈ-eu miˇ neh, kʼoeˇ loꞈ-ehˇ jahˇ-awˬ. Maˇ maˇ ni aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ aˬ yawꞈ tseˇ doˆ-euˬ meh.

Dawˬmehˬ 9:5

Naw maꞈ muiˬ-eu jaˬ-eu tsawˇ haˬ pyeuꞈ-awˇ, yaw tsaˬ yaw dawˇ jeˬ mˇ-eu miˇ neh, aˬ yawꞈ maꞈ-euˬ miˇ kʼahˬ kʼoeˇ, Sahˬpaˬ Miˬyehˇ naw maꞈ-ahˇ biꞈ-eu maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu tsawˇ haˬ pyeuꞈ-eu miˇ neh maˬ ehˇ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ, Yaˬkoˆ, aˬ ha maꞈ-ahˇ aˬ yawꞈ neh dzaˬ taˬ-euˬ saˇ jaˇ bi ziꞈ mawꞈ-eu miˇ neh maˬ ehˇ, tsawˇ haˬ kʼoeˇ deuˬ-ahˇ aˬ yawꞈ teh doˆ-euˬ jeˬ pyeuꞈ-eu meh.

Piˇliˇpiˆ 1:6

Muiˬ-eu gaˇ heu hmˬ-ahˇ naw maꞈ laꞈ kʼoeˇ aˇ dahˬ beh le-euˬ gʼaˬ pyeuꞈ-eu Miˬyehˇ-aˬ, gaˇ heu hmˬ mˇ jiˇ-eu aˇ nah pyeuꞈ-eu Yeˬsuˇ Ka li zaꞈ le-eu Aˇ nah-ahˇ keuˆ ni mˇ daˆ gʼeh leꞈ tehꞈ-a lehˇ ngaˇ jah duˬ taˬ-euˬ ma.

HeˬByehˇ 13:5

Pyuˇ shuiˇ myawˬ gahˬ-ahˇ mehˇ juiˇ taˬ juiˇ. Yawˬ ha kʼaˇ jaˆ-eu myaˆ ni nui kʼahˇ shiˇ-awˬ. Aˬ jeˬ miˇ neh ehˇ naˇ, “Ngaˇ naw maꞈ-ahˇ tiˬ jawˇ-iˬ maˬ taˬ yaꞈ. Tiˬ jawˇ-iˬ maˬ byehˇ dzeh” lehˇ, Miˬyehˇ neh ehˇ taˬ-euˬ jaˆ-eu meh.

Yawˇshuˆ 7:9

Kaˬnaˬ tsawˇ jeuˬ hawˇ-eu miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ jeuˬ yawˬ jeuˬ na luꞈ gaˇ kawˆ heu ya gaˬ tehꞈ-a. Aˬ yawꞈ maꞈ nga maꞈ-ahˇ jawˬ lahˇ-awˇ, nga maꞈ yawˬ gʼaˬ na luꞈ-ahˇ sehꞈ tehꞈ-a. Kʼoeˇ ngeh, nawˬ-euˬ tsawˇ myahˇ maˬ ya cawˆ-iˇ ni nawˇ aˬ joˆ-ehˇ jahˇ nmˇ.”

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.