1 Saˬmeuˬlaˆ 12:18 - Akha

¹⁸ Kʼoeˇ naˇ, Saˬmeuˬlaˆ guiˬ lahˬ shaˇ-awˇ, kʼoeˇ ngeh nah laꞈ kʼoeˇ Sahˬpaˬ Miˬyehˇ mˬ jeˬ bi jeˬ le-awˇ, uˬ yehˇ bi yehˇ le-euˬ meh. Kʼoeˇ ngeh jawˇ, tsawˇ haˬ dawˬ tawˆ luꞈ, Sahˬpaˬ Miˬyehˇ hawˇ-eu Saˬmeuˬlaˆ-ahˇ guˆ laˇ taˬ-euˬ meh.

1 Saˬmeuˬlaˆ 12:18 Σταυροειδείς Αναφορές

1 Sahˬpaˬ 18:42

Aˬhaˆ dzaˬ-eu dawˇ-eu lehˇ doˆ-iˇ ngeh, Gaˬlaˬmeˬlaˇ gawˬ jawˬ uˬ du Eˇliˇyaˆ daˆ leˇ-awˇ, aˬ yawꞈ-euˬ aˬ kuiˇ pawˬ tsuiꞈ yaw kaˬ-ahˇ uˬ duˬ ahˇ leˇ ngeh keuˆ ni miˇ tsa awˆ byaˆ-euˬ meh.

Eˇzaˬlaˬ 10:9

Smˬ nah laꞈ kʼoeˇ Yuˇdaˆ miˇ kʼahˬ hawˇ-eu Beˬyaˬmiˬ miˇ kʼahˬ laꞈ kʼoeˇ jawˇ-eu tsawˇ haˬ dawˬ tawˆ luꞈ Yeˬluˇsaˬlehˬ meuˬ-ahˇ laˇ uiˬ jiˇ-euˬ meh. Ba la gʼoeˬ siˬ tiˬ siˬ nyiˬ tseˇ nah-ahˇ, tsawˇ haˬ dawˬ tawˆ luꞈ Uˬ duˬ tahˬ nymˇ nymˇ ma-euˬ poˆ ka uiˬ laˇ taˬ-euˬ meh. Uˬ yehˇ yaw kʼaˆ-ehˇ yehˇ-eu miˇ neh maˬ ehˇ, huiˬ dui dui-eu gaˇ gʼaˇ duˬ uiˬ laˇ taˬ-euˬ miˇ neh maˬ ehˇ, tsawˇ haˬ yawˬ gʼaˬ na luꞈ yaw dzuˬ dzuˬ-euˬ meh.

Yawˇbaˆ 37:13

Tsawˇ haˬ zaˬ-ahˇ kʼehˬ-eu gʼaˇ duˬ maˬ ehˇ, aˬ yawꞈ maꞈ-ahˇ bi muiˬ leˇ-eu gʼaˇ duˬ maˬ ehˇ, miˇ tsaˬ kʼoeˇ taˆ aˬ yawꞈ uˬ yehˇ pyehˬ leꞈ nya-eu meh.

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

Doˆ-iˇ 14:31

Iˇjiˇtuˆ tsawˇ haˬ-ahˇ gʼaˬ leˇ-euˬ Sahˬpaˬ Miˬyehˇ-euˬ huiˬ dui dui-eu baoˬ-ahˇ Iˇsaˬleˬlaˆ tsawˇ haˬ deuˬ ya mawˇ ngeh, Sahˬpaˬ Miˬyehˇ-ahˇ aˬ yawꞈ maꞈ guˇ-awˇ, Sahˬpaˬ Miˬyehˇ hawˇ-eu aˬ yawꞈ-euˬ zaˬ kʼaˆ Moˇseˬ-ahˇ ja ceuˬ-euˬ meh.

Yawˇshuˆ 10:12

Aˬmawˇliˆ tsawˇ haˬ deuˬ kʼoeˇ taˆ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ bi gʼaˬ leˇ ngeh nah, Sahˬpaˬ Miˬyehˇ-ahˇ Yawˇshuˆ dawˬ ngehˬ cawˬ-euˬ meh. Iˇsaˬleˬlaˆ tsawˇ haˬ deuˬ mehˬ shi Yawˇshuˆ ehˇ-eu, “Nahˇ ma-oˇ, Giˇbyoˬ meuˬ kʼoeˇ taˆ naˬ-awˬ. Ba la-oˇ, Aiˬjaˬloˬ deh kʼawꞈ kʼoeˇ taˆ naˬ-awˬ.”

Yawˇshuˆ 4:14

Yawˇshuˆ huiˬ-eu tsawˇ haˬ tiˬ gʼaˬ pyeuꞈ-eu gaˇ kawˆ Iˇsaˬleˬlaˆ tsawˇ haˬ deuˬ ya siˬ ni, kʼoeˇ ngeh nah Sahˬpaˬ Miˬyehˇ mˇ-euˬ meh. Moˇseˬ-ahˇ aˬ yawꞈ maꞈ taˬ huiˬ taˬ mahˇ-euˬ loꞈ-ehˇ, Yawˇshuˆ-ahˇ kʼawꞈ, ziˇ jiˇ ngeh keuˆ ni taˬ huiˬ taˬ mahˇ-euˬ meh.