1 Saˬmeuˬlaˆ 12:17 - Akha

¹⁷ Nymˬ-mˇ jawˇ la yamˬ meh lehˇ naw maꞈ siˬ nya meh. Ehˇ kʼawꞈ, ngaˇ guiˬ lahˬ shaˇ ngeh jawˇ, Sahˬpaˬ Miˬyehˇ mˬ jeˬ bi jeˬ le-awˇ, uˬ yehˇ bi yehˇ le tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ sahˬ paˬ shaˇ-eu heu-aˬ, Sahˬpaˬ Miˬyehˇ mehˬ shi huiˬ-eu iˬ baˇ pyeuꞈ law hawˇ nga lehˇ, naw maꞈ ya siˬ duˬ tehꞈ-a.”

1 Saˬmeuˬlaˆ 12:17 Σταυροειδείς Αναφορές

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

Doˆ-iˇ 32:30

Yawˬ nah yawˬ, Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Guˆ dui dui laˇ paˬ-ehˇ gʼeh-eu iˬ baˇ naw maꞈ mˇ gʼaˬ-euˬ meh. Ehˇ kʼawꞈ, gawˬ jawˬ-ahˇ, Sahˬpaˬ Miˬyehˇ jawˇ gaˇ, nymˬ-mˇ ngaˇ tiˬ poˆ paˇ daˆ leˇ ma. Naw maꞈ iˬ baˇ ya buˬ-iˇ ni, ngaˇ jahˇ nya-eu maˬ siˬ.”

Dawqdaq 26:1

Aˬ dzawˬ-ahˇ ciˬ poeˬ nehˬ-eu jeˬ-aˬ, jawˇ la-ahˇ ngehˇ ga le-awˇ, cehˇ diˬ ngeh uˬ yehˇ yehˇ le gaˇ duˇ-eu meh.

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Yawˇshuˆ 10:12

Aˬmawˇliˆ tsawˇ haˬ deuˬ kʼoeˇ taˆ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ bi gʼaˬ leˇ ngeh nah, Sahˬpaˬ Miˬyehˇ-ahˇ Yawˇshuˆ dawˬ ngehˬ cawˬ-euˬ meh. Iˇsaˬleˬlaˆ tsawˇ haˬ deuˬ mehˬ shi Yawˇshuˆ ehˇ-eu, “Nahˇ ma-oˇ, Giˇbyoˬ meuˬ kʼoeˇ taˆ naˬ-awˬ. Ba la-oˇ, Aiˬjaˬloˬ deh kʼawꞈ kʼoeˇ taˆ naˬ-awˬ.”

1 Saˬmeuˬlaˆ 12:13

“Haw yawˬ. Naw maꞈ neh tseˇ doˆ-euˬ sahˬ paˬ iˬ nah heu gaˇ jawˇ luꞈ meh. Naw maꞈ neh shaˇ-euˬ loꞈ-ehˇ, Sahˬpaˬ Miˬyehˇ naw maꞈ-ahˇ sahˬ paˬ heu gʼaˬ biꞈ laꞈ-euˬ meh.

1 Saˬmeuˬlaˆ 12:19

Aˬ yawꞈ maꞈ Saˬmeuˬlaˆ-ahˇ ehˇ-eu, “Nga maꞈ maˬ ya shiˇ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Nga maꞈ mˇ dzeuˇ-euˬ iˬ baˇ nui deuˬ uˬ taꞈ, sahˬ paˬ shaˇ-eu laꞈ kʼoeˇ nga maꞈ iˬ baˇ paˇ mˇ lahˬ-euˬ loꞈ-ehˇ pyeuꞈ luꞈ-eu gaˇ kawˆ nymˬ-mˇ nga maˬ siˬ duˬ-euˬ ma.”

1 Saˬmeuˬlaˆ 2:10

SahˬpaˬMiˬyehˇ-ahˇ muiˇ-eu deuˬ, luˬ-iˇ seˇ-iˇ gaˇ keuˆ tehꞈ-a. Aˬ yawꞈ maꞈ-ahˇ mˬ kʼoeˇ taˆ neh, mˬ jeˬ tsawˬ tehˆ bi tehˆ tehꞈ-a. Miˇ tsaˬ zaˬ dawˬ tawˆ-ahˇ, Sahˬpaˬ Miˬyehˇ yaˇ kʼaˬ daˇ meh. Yawꞈ neh ka nehˬ-euˬ sahˬ paˬ-ahˇ, dzoeˬdzaˬ-eu baoˬyawꞈ biꞈ nehˬ-awˇ, yawꞈ neh tseˇ doˆ-euˬ sahˬ paˬ-ahˇ, gʼaˬ leˇ-eu gʼaˬ bi pyeuꞈ tehꞈ-a.”

1 Saˬmeuˬlaˆ 7:5

Kʼoeˇ naˇ, Saˬmeuˬlaˆ ehˇ-eu, “Iˇsaˬleˬlaˆ tsawˇ haˬ deuˬ dawˬ tawˆ luꞈ-ahˇ Miˇzaˬpaˬ meuˬ-ahˇ kuˇ uiˬ-awˬ. Naw maꞈ gʼaˇ duˬ Sahˬpaˬ Miˬyehˇ-ahˇ ngaˇ kʼoeˇ gaˇ guiˬ lahˬ shaˇ ma.”

1 Saˬmeuˬlaˆ 8:6

Aˬ yawꞈ maꞈ sahˬ paˬ tiˬ gʼaˬ shaˇ gaˇ Saˬmeuˬlaˆ nui ma maˬ tsaˬ-a. Kʼoeˇ miˇ neh, Sahˬpaˬ Miˬyehˇ-ahˇ aˬ yawꞈ guiˬ lahˬ shaˇ-euˬ meh.

1 Saˬmeuˬlaˆ 8:7

Kʼoeˇ ngeh, Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ ehˇ gaˇ naˇ haˬ nehˬ-awˬ. Nawˬ-ahˇ aˬ yawꞈ maꞈ byehˇ dzeh-eu maˬ ngeuˇ-a. Ngaˬ-euˬ mawˇ do aˬ yawꞈ maꞈ kʼoeˇ taˆ maˬ bi uˆ lahˇ-eu gʼaˇ duˬ, aˬ yawꞈ maꞈ ngaˬ-ahˇ byehˇ dzeh-euˬ meh.