1 Saˬmeuˬlaˆ 11:1 - Akha

¹ Ba la tiˬ siˬ ehˇ gʼaˬ ni myahˇ laˇ ngeh, Aˬmoˬ sahˬ paˬ Naˬhaˆ-aˬ, aˬ yawꞈ-euˬ guiˇ maꞈ sheuˬ-awˇ, Giˇlaˆ miˇ kʼahˬ Jaˬbehˆ meuˬ-ahˇ loꞈ jawˬ le-euˬ meh. Kʼoeˇ ngeh, Jaˬbehˆ meuˬ-ahˇ jawˇ-eu tsawˇ haˬ deuˬ sahˬ paˬ Naˬhaˆ-ahˇ, “Nga maꞈ nehˬ-ehˇ saˇ jaˇ dzaˬ nehˬ laꞈ-awˬ. Nawˇ uˆ lahˇ-eu uˬ moˆ nga maꞈ jawˇ ma” lehˇ ehˇ nehˬ-euˬ meh.

1 Saˬmeuˬlaˆ 11:1 Σταυροειδείς Αναφορές

Aˇ dahˬ 26:28

Aˬ yawꞈ maꞈ ehˇ-eu, “Sahˬpaˬ Miˬyehˇ nawˬ nehˬ-ehˇ jawˇ-eu gaˇ kawˆ nymˬ-mˇ nga maꞈ siˬ duˬ-eu ma. Kʼoeˇ miˇ neh, nawˇ hawˇ-eu nga maꞈ yaw kaˬ saˇ jaˇ dzaˬ taꞈ-eu tsaˬ tehꞈ-a lehˇ, nga maꞈ noeˬ mawˇ-eu ma.

2 Saˬmeuˬlaˆ 10:1

Aˇ yamˬ ui cuiˆ myahˇ laˇ ngeh jawˇ, Aˬmoˬ sahˬ paˬ Naˬhaˇ shiˇ-awˇ, aˬ yawꞈ-euˬ aˬ li Haˬnuˬ gʼaˬ sahˬ paˬ pyeuꞈ laˇ-euˬ meh.

2 Saˬmeuˬlaˆ 10:2

Kʼoeˇ ngeh, “Aˬ yawꞈ-euˬ aˬ da Naˬhaˇ ngaˬ-ahˇ saˇ jaˇ ziꞈ-euˬ loꞈ-ehˇ, ngaˇ kʼawꞈ Haˬnuˬ-ahˇ saˇ jaˇ ziꞈ-eu laꞈ kʼoeˇ cawˬ cawˬ taꞈ ma” lehˇ sahˬ paˬ Daˬbiˇ ehˇ-eu meh. Kʼoeˇ naˇ, sahˬ paˬ Naˬhaˇ shiˇ-euˬ miˇ neh aˬ yawꞈ kʼawꞈ, nui ma maˬ saˇ-eu gaˇ kawˆ bi tsaꞈ gaˬ-iˇ-eu gʼaˇ duˬ, Daˬbiˇ tsawˇ haˬ pyehˬ gʼeh-euˬ meh. Ehˇ kʼawꞈ, aˬ yawꞈ-euˬ tsawˇ haˬ kʼoeˇ deuˬ Aˬmoˬ miˇ kʼahˬ-ahˇ iˇ keuˆ ngeh,

2 Saˬmeuˬlaˆ 17:27

Maˬhaˬneˬ meuˬ-ahˇ Daˬbiˇ le keuˆ ngeh, Aˬmoˬ miˇ kʼahˬ Laˬbah meuˬ-ahˇ jawˇ-eu Naˬhaˇ-euˬ aˬ li Shoˇbiˬ maˬ ehˇ, Lawˇdeˬbaˬ meuˬ-ahˇ jawˇ-eu Aˬmeˬlaˆ-euˬ aˬ li Maˬkiˬlaˇ maˬ ehˇ, Yawˇgeˬlmˬ meuˬ-ahˇ jawˇ-eu Baˬziˇlehˇ maˬ ehˇ, aˬ yawꞈ jawˇ gaˇ laˇ-euˬ meh.

2 Saˬmeuˬlaˆ 2:5

tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh. “Naw maꞈ-euˬ sahˬ paˬ-ahˇ baꞈ pahˬ nehˬ-euˬ laꞈ kʼoeˇ, naw maꞈ saˇ jaˇ ziꞈ-eu gaˇ kawˆ bi siˬ bi mawˇ-euˬ miˇ neh, Sahˬpaˬ Miˬyehˇ naw maꞈ-ahˇ guiˬ lahˬ biꞈ luꞈ-uˇ.

1 Sahˬpaˬ 20:34

Aˬhaˆ-ahˇ Beˬhaˬdaˇ ehˇ nehˬ-eu, “Nawˬ da-euˬ laꞈ-ahˇ ngaˬ da neh yuˇ taˬ-euˬ meuˬ deuˬ nawˬ-ahˇ ngaˇ biꞈ kʼoꞈ-awˇ, ngaˬ da neh Saˬmaˬliˆ meuˬ laꞈ kʼoeˇ jeˬ gaꞈ jeˬ ka mˇ-eu jawˇ duˬ bi baw-euˬ loꞈ-ehˇ, nawˇ kʼawꞈ nawˬ-euˬ gʼaˇ duˬ Daˬmaˬsehˇ meuˬ laꞈ kʼoeˇ jeˬ gaꞈ jeˬ ka mˇ-eu jawˇ duˬ bi jaˆ nya tehꞈ-a.” Aˬhaˆ ehˇ-eu, “Toˆ-ehˇ ngeuˇ naˇ, nawˬ-ahˇ ngaˇ pyehˬ nehˬ ma.” Kʼoeˇ naˇ, aˬ yawꞈ nehˬ-ehˇ saˇ jaˇ dzaˬ taꞈ-eu laꞈ kʼoeˇ, pyehˬ nehˬ-awˇ bi gʼoꞈ leˇ-euˬ meh.

1 Laˬsaˬbaˬ 10:11

Piˇliˇtiˆ tsawˇ haˬ deuˬ Sawˇluˆ-ahˇ kʼoeˇ loꞈ-ehˇ jahˇ nehˬ-euˬ gaˇ kawˆ, Giˇlaˆ miˇ kʼahˬ Jaˬbehˆ meuˬ-ahˇ jawˇ-eu tsawˇ haˬ deuˬ ya gaˬ ngeh,

1 Laˬsaˬbaˬ 10:12

nui ma kʼaˬ dui dui-eu tsawˇ haˬ deuˬ iˇ-awˇ, Sawˇluˆ hawˇ-eu aˬ yawꞈ-euˬ aˬ li deuˬ-euˬ gʼawˇ mawˇ deuˬ, Jaˬbehˆ meuˬ-ahˇ baꞈ kʼoꞈ laꞈ-euˬ meh. Kʼoeˇ naˇ, tsuiꞈ kaˆ aˇ bawˇ tiˬ bawˇ dawˬ pehˬ-ahˇ duˬ pahˬ nehˬ-awˇ, shiꞈ nah keuˆ ni maˬ dzaˬ maˬ dawˇ-ehˇ lah-euˬ meh.

Yawˇbaˆ 41:4

Aˬ yawꞈ nawˬ nehˬ-ehˇ ja tsaˬ geuꞈ-awˇ, maˬ shiˇ tiˬ ziˇ nawˬ-euˬ zaˬ kʼaˆ geuꞈ ma lehˇ saˇ jaˇ dzaˬ tehꞈ-a loˇ.

Doˆ-iˇ 23:32

Aˬ yawꞈ maꞈ-ahˇ maˬ ehˇ, aˬ yawꞈ maꞈ-euˬ miˬ yehˇ-ahˇ maˬ ehˇ, saˇ jaˇ taˬ dzaˬ.

Iˇsaˬyaˇ 36:16

Heˬsaˬgiˇ ehˇ gaˇ taˬ naˇ haˬ. Meuˬ laꞈ nyiˇ doˆ le-awˇ, nga maꞈ-euˬ laꞈ oꞈ awꞈ-awˬ. Laˇ-awˬ lehˇ Aˬshuˇliˆ sahˬ paˬ dawˬ biꞈ luꞈ meh. Naw maꞈ yawˬ ha neh mˇ za-euˬ aˬ gaꞈ aˇ siˬ hawˇ-eu siˬ guˬ maˇ sheuˇ aˇ siˬ ya dzaˬ-awˇ, yawˬ ha-euˬ iˇ cuꞈ lah duˬ-ahˇ ya kʼawꞈ dawˇ-eu a kawˬ-aˬ za tehꞈ-a.

Yeˬlaˬmiˇ 40:11

Aˇ yamˬ kʼoeˇ yamˬ laꞈ kʼoeˇ Baˬbuˇloˬ sahˬ paˬ neh Iˇsaˬleˬlaˆ tsawˇ haˬ tiˬ paˆ na deuˬ-ahˇ Yuˇdaˆ miˇ kʼahˬ laꞈ kʼoeˇ jawˇ daˆ leꞈ-eu aˬ kawˬ-aˬ biꞈ-awˇ, Geˬdaˬliˇ-ahˇ aˬ yawꞈ maꞈ kʼoeˇ taˆ bi uˆ lahˇ-euˬ gaˇ kawˆ, Mawˇbaˆ miˇ kʼahˬ, Aˬmoˬ miˇ kʼahˬ hawˇ-eu Eˬdoˬ miˇ kʼahˬ laꞈ kʼoeˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ ya gaˬ-euˬ meh.

Yeˬlaˬmiˇ 40:14

“Aˬmoˬ sahˬ paˬ Baˬliˆ neh Iˇshaˬmeˬlaˇ-ahˇ pyehˬ gʼeh laꞈ-awˇ, nawˬ-ahˇ bi sehꞈ laˇ-euˬ, nawˇ maˬ siˬ te loˇ” lehˇ ehˇ nehˬ-euˬ meh.

Yeˬsaˬgeˬlaˇ 17:13

Sahˬpaˬ-euˬ aˇ jeuˬ aˇ ca nymˇ jiˇ tiˬ nymˇ-ahˇ aˬ yawꞈ tseˇ doˆ-awˇ, saˇ jaˇ dzaˬ-awˇ bi kamˬ-eu laꞈ kʼoeˇ sahˬpaˬ ka nehˬ yaꞈ-euˬ meh. Miˇ kʼahˬ kʼoeˇ taˆ aˬ yuiꞈ aˬ tsu kʼaˇ geuꞈ-euˬ deuˬ-ahˇ aˬ yawꞈ nyehꞈ gʼeh jiˇ-euˬ meh.

Dawˬmehˬ 23:3

“Aˬmoˬ tsawˇ haˬ maˬ ehˇ, Mawˇbaˆ tsawˇ haˬ maˬ ehˇ, aˬ yawꞈ maꞈ-euˬ zaˬ deuˬ uˆ deuˬ maˬ ehˇ, tseˇ ziˇ keuˆ laˇ kʼawꞈ, Sahˬpaˬ Miˬyehˇ-euˬ tsawˇ haˬ aˇ maꞈ laꞈ kʼoeˇ maˬ ya uˇ leˇ-a.

Yaˇ kʼaˬ daˇ 10:7

Kʼoeˇ miˇ neh Sahˬpaˬ Miˬyehˇ nui ma pehˇ laˇ-awˇ, Piˇliˇtiˆ tsawˇ haˬ hawˇ-eu Aˬmoˬ tsawˇ haˬ deuˬ-ahˇ, aˬ yawꞈ maꞈ kʼoeˇ taˆ bi gʼaˬ leˇ-awˇ, aˬ yawꞈ maꞈ-ahˇ bi uˆ lahˇ-euˬ meh.

Yaˇ kʼaˬ daˇ 11:4

Aˇ yamˬ ui cuiˆ myahˇ laˇ ngeh jawˇ, Aˬmoˬ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ guiˇ deuˆ laˇ-euˬ meh.

Yaˇ kʼaˬ daˇ 21:8

Iˇsaˬleˬlaˆ tsawˇ haˬ deuˬ Miˇzaˬpaˬ meuˬ-ahˇ uiˬ leˇ ngeh, maˬ laˇ-euˬ tsawˇ jeuˬ tiˬ jeuˬ na jawˇ ta loˇ lehˇ aˬ yawꞈ maꞈ naˇ haˬ haw ngeh, Giˇlaˆ miˇ kʼahˬ-ahˇ jawˇ-eu Jaˬbehˆ-euˬ aˇ jeuˬ tiˬ gʼaˬ-iˬ maˬ laˇ-euˬ gaˇ kawˆ, aˬ yawꞈ maꞈ ya siˬ-euˬ meh.

1 Saˬmeuˬlaˆ 12:12

Ehˇ kʼawꞈ, Aˬmoˬ sahˬ paˬ Naˬhaˆ naw maꞈ-ahˇ guiˇ deuˆ le-eu lehˇ lehˬ hmˬ luꞈ gaˇ naw maꞈ ya mawˇ ngeh, Sahˬpaˬ Miˬyehˇ-ahˇ naw maꞈ-euˬ sahˬ paˬ lehˇ maˬ paˇ sawˇ ni, Nga maꞈ-ahˇ bi uˆ lahˇ-eu sahˬ paˬ tiˬ gʼaˬ geuꞈ mawꞈ nya lehˇ, naw maꞈ ngaˬ-ahˇ ehˇ laˇ-euˬ meh.

1 Saˬmeuˬlaˆ 14:47

Sawˇluˆ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ gʼaˬ ngeh, aˬ yawꞈ-ahˇ muiˇ-eu tsawˇ haˬ deuˬ-ahˇ, yawˬ paw na luꞈ aˬ yawꞈ guiˇ deuˆ-euˬ meh. Mawˇbaˆ tsawˇ jeuˬ, Aˬmoˬ tsawˇ jeuˬ, Eˬdoˬ tsawˇ jeuˬ, Zoˇbaˬ sahˬ paˬ deuˬ hawˇ-eu, Piˇliˇtiˆ tsawˇ jeuˬ heu deuˬ-ahˇ aˬ yawꞈ guiˇ deuˆ-euˬ meh. Kʼoeˇ loꞈ-ehˇ guiˇ kʼaˇ deuˆ ngeh, aˬ yawꞈ gʼaˬ leˇ-euˬ meh.