1 Saˬmeuˬlaˆ 10:7 - Akha

⁷ Kʼoeˇ loꞈ-ehˇ pyeuꞈ laˇ naˇ, Miˬyehˇ neh nawˬ-ahˇ kʼaˇ bi mˇ laꞈ-euˬ loꞈ-ehˇ mˇ-awˬ.

1 Saˬmeuˬlaˆ 10:7 Σταυροειδείς Αναφορές

Aˇ dahˬ 21:20

Aˬ li kʼoeˇ li huiˬ laˇ luꞈ-eu loꞈ-ehˇ, aˬ yawꞈ nehˬ-ehˇ Miˬyehˇ jawˇ-euˬ meh. Aˬ yawꞈ-aˬ, Paˬlaˬ bawˇ tsahˬ bawˇ dahˬ laꞈ kʼoeˇ jawˇ-awˇ, shaˬ jiˇ beuˆ sehꞈ nya dui dui-eu shaˬ mi aˬ da tiˬ gʼaˬ pyeuꞈ laˇ-euˬ meh.

2 Saˬmeuˬlaˆ 7:3

Naˬdaˬ ehˇ-eu, “Nawˬ neh kʼaˇ noeˬ-euˬ loꞈ-ehˇ mˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ nawˬ nehˬ-ehˇ jawˇ meh.”

Yawˇbaˆ 31:25

ngaˬ-euˬ pyuˇ shuiˇ-ahˇ ngaˇ nui ma maˬ huiˬ haw-aˬ.

Doˆ-iˇ 4:8

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Zahˬ leˇ paˬ-ehˇ gʼeh-eu yaw beh jeˬ nawˇ jahˇ mehˬ nehˬ ngeh, aˬ yawꞈ maꞈ nawˬ-ahˇ maˬ jah naˇ, zahˬ leˇ paˬ-ehˇ gʼeh-eu nyiˬ jeˬ tiˬ jeˬ paˇ jahˇ mehˬ nehˬ-awˬ. Aˬ yawꞈ maꞈ nawˬ-ahˇ jah laˇ tehꞈ-a.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Luˇkaꞈ 2:12

Aˬ yawꞈ dehꞈ le-euˬ saˇ kiˇ heu loꞈ-ehˇ jaˆ tehꞈ-a. Zaˬ nahˬ-ahˇ bui loˬ loˬ-awˇ, mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ gaˇ naw maꞈ ya mawˇ tehꞈ-a.”

Yoˇhaˬ 6:14

Yeˬsuˇ neh mˇ-euˬ zahˬ leˇ paˬ-ehˇ gʼeh-eu kʼoeˇ-ahˇ tsawˇ haˬ kʼoeˇ deuˬ ya mawˇ ngeh, “Tsawˇ haˬ heu gʼaˬ-aˬ, maˇ maˇ ni miˇ tsaˬ kʼoeˇ taˆ oe meh lehˇ ehˇ taˬ-euˬ Miˬyehˇ gʼaˇ duˬ ngehˬ dah-eu kʼoeˇ gʼaˬ ngaˇ” lehˇ ehˇ-eu meh.

Dawˬmehˬ 20:1

“Nawˬ-ahˇ muiˇ-eu deuˬ-ahˇ guiˇ deuˆ-iˇ-eu lehˇ nawˇ doˆ-iˇ-awˇ, naw maꞈ naˆ maˬ tseˇ myaˬ dzehˬ-eu mahˬ laˆ lawˬ deuˬ hawˇ-eu guiˇ guiˇ maꞈ deuˬ-ahˇ ya mawˇ ngeh, taˬ guˆ. Iˇjiˇtuˆ miˇ kʼahˬ laꞈ kʼoeˇ neh nawˬ-ahˇ ka kʼoꞈ doˆ laꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a.

HeˬByehˇ 13:5

Pyuˇ shuiˇ myawˬ gahˬ-ahˇ mehˇ juiˇ taˬ juiˇ. Yawˬ ha kʼaˇ jaˆ-eu myaˆ ni nui kʼahˇ shiˇ-awˬ. Aˬ jeˬ miˇ neh ehˇ naˇ, “Ngaˇ naw maꞈ-ahˇ tiˬ jawˇ-iˬ maˬ taˬ yaꞈ. Tiˬ jawˇ-iˬ maˬ byehˇ dzeh” lehˇ, Miˬyehˇ neh ehˇ taˬ-euˬ jaˆ-eu meh.

Yawˇshuˆ 1:5

Yawˇshuˆ-oˇ, nawˇ yaw dehꞈ kʼaˇ dehꞈ kʼoeˇ keuˆ ni tsawˇ haˬ tiˬ gʼaˬ-iˬ nawˬ-ahˇ maˬ gʼaˬ laˇ-aˇ. Moˇseˬ nehˬ-ehˇ ngaˇ jawˇ-euˬ loꞈ-ehˇ, nawˬ nehˬ-ehˇ ngaˇ jawˇ ma. Aˬ myah luꞈ nawˬ nehˬ-ehˇ ngaˇ jawˇ-awˇ, nawˬ-ahˇ ngaˇ maˬ byehˇ dzeh.

Yawˇshuˆ 1:9

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ lehˇ, ngaˇ nawˬ-ahˇ ehˇ-eu dawˬ heu dawˬ-ahˇ taˬ ngehˇ. Guˆ-eu jeˬ maˬ ehˇ, gʼaˬ baˬ-eu jeˬ maˬ ehˇ, nawˬ-euˬ nui ma laꞈ kʼoeˇ taˬ bi pyeuꞈ doˆ laˇ. Aˬ jeˬ miˇ neh ehˇ naˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, nawˇ kʼaˇ iˇ kʼaˇ laˇ gaˇ nawˬ nehˬ-ehˇ jawˇ ma.”

Yaˇ kʼaˬ daˇ 6:12

Kʼoeˇ naˇ, Sahˬpaˬ Miˬyehˇ-euˬ gʼaˬ kʼehˇ aˬ yawꞈ jawˇ gaˇ doˆ le-awˇ, “Kʼaˬ duˬ ni gʼeh-awˇ gʼaˬ huiˬ-eu gʼaˬ-oˇ, Sahˬpaˬ Miˬyehˇ nawˬ nehˬ-ehˇ jawˇ meh” lehˇ ehˇ le-euˬ meh.

Yaˇ kʼaˬ daˇ 9:33

Kʼoeˇ naˇ, uˬ shawˬ paw nahˇ ma doˆ laˇ ngeh yamˬ-ahˇ tuˇ laˇ-awˇ, meuˬ-ahˇ ja pyuˬ ni guiˇ deuˆ le-awˬ. Gaˬlaˆ hawˇ-eu aˬ yawꞈ-euˬ tsawˇ haˬ deuˬ nawˬ-ahˇ guiˇ deuˆ le-eu lehˇ doˆ le ngeh, haw-awˇ neh jahˇ nehˬ-awˬ.”

1 Saˬmeuˬlaˆ 2:34

Nawˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ tiˬ nah laꞈ kʼoeˇ tehꞈ-ehˇ shiˇ ngeh, ngaˬ neh kʼaˇ ehˇ taˬ-euˬ jeˬ dawˬ tawˆ luꞈ aˬ diˇ aˬ maˇ pyeuꞈ laˇ luꞈ-eu gaˇ kawˆ, nawˬ-ahˇ bi mawˇ-eu ma.

1 Saˬmeuˬlaˆ 20:13

Nawˬ-ahˇ yaw dehꞈ-ehˇ maˬ taˬ lehˇ aˬ yawꞈ noeˬ luꞈ-eu ngaˇ ya siˬ ngeh, gaˇ kawˆ kʼoeˇ nawˬ-ahˇ ngaˇ maˬ ehˇ gaˬ le-ehˇ, nawˬ-ahˇ maˬ sheuˬ buˬ nehˬ ni ngaˇ jawˇ naˇ, Sahˬpaˬ Miˬyehˇ ngaˬ-ahˇ sehꞈ luꞈ-uˇ. Ngaˬ da nehˬ-ehˇ Sahˬpaˬ Miˬyehˇ jawˇ-eu loꞈ-ehˇ, nawˬ nehˬ-ehˇ kʼawꞈ jawˇ luꞈ-uˇ.

1 Saˬmeuˬlaˆ 3:19

Saˬmeuˬlaˆ huiˬ laˇ luꞈ-eu loꞈ-ehˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-awˇ, aˬ yawꞈ neh kʼaˇ ehˇ-euˬ jeˬ bi pyeuꞈ laˇ-euˬ meh.