1 Saˬmeuˬlaˆ 10:5 - Akha

⁵ Kʼoeˇ naˇ, Piˇliˇtiˆ tsawˇ haˬ deuˬ-euˬ taˆ tiˬ taˆ jaˆ-eu jawˇ duˬ pyeuꞈ-eu, Giˇbyaˬ meuˬ-ahˇ jaˆ-eu Miˬyehˇ-euˬ gawˬ jawˬ-ahˇ nawˇ ya le tehꞈ-a. Meuˬ-euˬ lahˇ kʼehˬ dawˬ peh nawˇ le keuˆ ngeh, tahˬ diˬ deuˇ-mˬ diˬ-awˇ, bawˬ law baw, cehˇ lehˇ ciˆ-eu laꞈ kʼoeˇ, gawˬ jawˬ-ahˇ neh yaꞈ ka le luꞈ-eu Miˬyehˇ gʼaˇ duˬ ngehˬ dah-eu tsawˇ haˬ tiˬ deuˬ-ahˇ nawˇ ya tahˬ puˬ tehꞈ-a. Tsawˇ haˬ kʼoeˇ deuˬ gaˇ nyeh nyeh nyeh-ehˇ guˇ luꞈ tehꞈ-a.

1 Saˬmeuˬlaˆ 10:5 Σταυροειδείς Αναφορές

1 Sahˬpaˬ 18:29

Nah loˆ ceh laˇ ngeh keuˆ ni aˬ yawꞈ maꞈ toˇ toˇ-ehˇ jawˇ-eu kʼawꞈ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-eu gʼaˬ maˬ jawˇ-a.

2 Sahˬpaˬ 2:15

Yeˬliˇkoˇ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ ngaˬ tseˇ gʼaˬ aˬ yawꞈ-ahˇ mawˇ-awˇ, “Eˇliˇyaˆ-euˬ baoˬ Eˇliˇshehˇ kʼoeˇ taˆ keuˆ le-euˬ nga” lehˇ ehˇ-awˇ, aˬ yawꞈ-euˬ mehˬ shi le-awˇ miˇ tsa awˆ byaˆ-euˬ meh.

2 Sahˬpaˬ 2:3

Kʼoeˇ gaˇ jawˇ-eu Miˬyehˇ gʼaˇ duˬ ngehˬ dah-eu deuˬ, Eˇliˇshehˇ jawˇ gaˇ iˇ-awˇ, “Sahˬpaˬ Miˬyehˇ Eˇliˇyaˆ-ahˇ sheuˬ kʼoꞈ gʼeh-eu lehˇ gʼeh-eu nawˇ siˬ nya ma loˇ” lehˇ ehˇ nehˬ ngeh, “Ngaˇ siˬ nya ma. Ehˇ kʼawꞈ, gaˇ kawˆ heu aˬ dui maˬ ja-ehˇ, ciˬ cuˇ ni jawˇ kaˇ-euˇ” lehˇ, Eˇliˇshehˇ ehˇ kʼoꞈ nehˬ-euˬ meh.

2 Sahˬpaˬ 2:5

Kʼoeˇ gaˇ jawˇ-eu Miˬyehˇ gʼaˇ duˬ ngehˬ dah-eu deuˬ Eˇliˇshehˇ jawˇ gaˇ iˇ-awˇ, “Sahˬpaˬ Miˬyehˇ Eˇliˇyaˆ-ahˇ sheuˬ kʼoꞈ gʼeh-eu lehˇ gʼeh-eu nawˇ siˬ nya ma loˇ” lehˇ ehˇ nehˬ ngeh, “Ngaˇ siˬ nya ma. Ehˇ kʼawꞈ, gaˇ kawˆ heu aˬ dui maˬ ja-ehˇ ciˬ cuˇ ni jawˇ kaˇ-euˇ” lehˇ, Eˇliˇshehˇ ehˇ kʼoꞈ nehˬ-euˬ meh.

2 Sahˬpaˬ 2:7

Miˬyehˇ gʼaˇ duˬ ngehˬ dah-eu tsawˇ haˬ ngaˬ tseˇ gʼaˬ kʼawꞈ, aˬ yawꞈ nyaꞈ mehˬ nah Yawˇdaˬ lawˇ baˬ-ahˇ caw teh gʼeh-euˬ meh. Eˇliˇyaˆ hawˇ-eu Eˇliˇshehˇ aˬ nyaꞈ Yawˇdaˬ lawˇ baˬ lawˇ deh-ahˇ yawꞈ luꞈ ngeh, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ ngaˬ tseˇ gʼaˬ, aˬ yawꞈ nyaꞈ-euˬ naˇ kʼah ui cuiˆ gaˇ mahˇ kaˬ gaˇ yawꞈ luꞈ-eu meh.

2 Sahˬpaˬ 3:15

Deuˇ-mˬ diˬ nya-eu tsawˇ haˬ kʼoeˇ gʼaˬ deuˇ-mˬ diˬ luꞈ ngeh, Sahˬpaˬ Miˬyehˇ-euˬ baoˬ Eˇliˇshehˇ kʼoeˇ taˆ keuˆ le-euˬ meh.

2 Sahˬpaˬ 4:38

Miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le ngeh, Giˇlaˇgaˬlaˇ meuˬ-ahˇ Eˇliˇshehˇ gʼoꞈ leˇ-euˬ meh. Miˬyehˇ gʼaˇ duˬ ngehˬ dah-eu aˇ muˇ tiˬ muˇ-ahˇ aˬ yawꞈ mehˬ nehˬ tsoˆ nehˬ luꞈ ngeh, “Aˬ yawꞈ maꞈ bi dzaˬ-eu dzaˇ jahˇ-eu gʼaˇ duˬ, oeˬ lahˬ lahˬ ma ciˬ dahˇ-awˬ” lehˇ aˬ yawꞈ-euˬ zaˬ kʼaˆ-ahˇ aˬ yawꞈ ehˇ nehˬ-euˬ meh.

2 Sahˬpaˬ 6:1

Tiˬ nah keuˆ laˇ ngeh, Eˇliˇshehˇ haw luꞈ pyaˆ luꞈ-eu laꞈ oˆ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ Eˇliˇshehˇ-ahˇ, “Nga maꞈ jawˇ-eu jawˇ duˬ aˇ dzehˬ-ehˇ suꞈ nya.

1 Laˬsaˬbaˬ 11:16

Aˇ yamˬ kʼoeˇ yamˬ laꞈ kʼoeˇ, ziꞈ dah ni tsoˆ taˬ-euˬ taˆ jaˆ-eu gawˬ duˇ tiˬ duˇ-ahˇ Daˬbiˇ jawˇ luꞈ-awˇ, Piˇliˇtiˆ tsawˇ haˬ deuˬ Yeˬluˇsaˬlehˬ meuˬ-ahˇ uˇ laˇ-awˇ jawˇ luꞈ-eu meh.

1 Laˬsaˬbaˬ 13:8

Daˬbiˇ hawˇ-eu Iˇsaˬleˬlaˆ tsawˇ haˬ deuˬ-aˬ, deuˇ-mˬ diˬ, tahˬ diˬ, cehˇ lehˇ ciˆ-awˇ, daˇ heh baw-eu laꞈ kʼoeˇ, gʼaˬ kʼaˇ jaˆ-eu shaˇ-awˇ gaˇ nyeh nyeh-euˬ meh.

1 Laˬsaˬbaˬ 16:42

Heˬmaˬ hawˇ-eu Yeˬduˇdoˬ aˬ nyaꞈ-aˬ, ja ceuˬ-eu caˇ dawˬ caˇ gaˇ zmˬ-eu keu ka deuˬ pyeuꞈ-eu, daˇ heh, cehˇ lehˇ hawˇ-eu, keu ka nui deuˬ-ahˇ ya haw ya pyaˆ-eu meh. Yeˬduˇdoˬ-euˬ aˇ jeuˬ aˇ ca deuˬ-aˬ, gʼoˆ kʼehˬ-ahˇ loꞈ-eu gaˇ mˇ-euˬ meh.

1 Laˬsaˬbaˬ 16:5

Aˬsaˆ-ahˇ aˬ yuiꞈ bi geuꞈ-awˇ, Zaˬkaˬliˇ bi caw ba-euˬ meh. Yeˬyeˬlaˇ, Sheˬmiˇlaˬmoˇ, Yeˬheˬlaˇ, Maˬtiˇdiˇ, Eˇliˇbaˆ, Baˬnaˇyaˬ, Awˇbehˆeˬdoˬ, Yeˬyeˬlaˇ aˬ ha maꞈ-ahˇ deuˇ-mˬ bi diˬ-euˬ meh. Aˬsaˆ gʼaˬ-aˬ cehˇ lehˇ ciˆ-euˬ meh.

Jaceuq 49:4

Tsawˇ mawˬ dawˬ daˬ-ahˇ ngaˇ shaˇ noeˬ-awˇ, deuˇ-mˬ diˬ-awˇ dawˬ tsuiꞈ yuˇ doˆ ma.

Jaceuq 92:3

deuˇ-mˬ di, bawˬ law baw-awˇ ja ceuˬ-eu jeˬ, aˇ naˆ ni muiˬ-eu nga.

1 Gawˇliˬtu 14:1

Gʼoeˇ-eu gaˬ-eu jeˬ-ahˇ naw maꞈ leh jeh dui dui paˬ-ehˇ gʼeh-eu meh. Saꞈ laˇ paw naw maꞈ za taˬ-euˬ laꞈ sawˬ deuˬ-ahˇ nui ma keuˆ-awˬ. Miˬyehˇ dawˬ kawˬ mehˬ nya ni za taˬ-euˬ laꞈ sawˬ-ahˇ, dawˬ tawˆ luꞈ naˆ maˬ tseˇ nui ma keuˆ-awˬ.

1 Saˬmeuˬlaˆ 10:10

Sawˇluˆ hawˇ-eu aˬ yawꞈ-euˬ zaˬ kʼaˆ Giˇbyoˬ meuˬ-ahˇ le keuˆ ngeh, Miˬyehˇ gʼaˇ duˬ ngehˬ dah-eu deuˬ-ahˇ tahˬ puˬ-euˬ meh. Miˬyehˇ-euˬ yaw sahˇ Sawˇluˆ-ahˇ ja pyuˬ ni uˆ lahˇ le-awˇ, aˬ yawꞈ maꞈ nehˬ-ehˇ aˬ yawꞈ cehˆ gawꞈ leˇ-awˇ, gaˇ nyeh nyeh-awˇ guˇ-euˬ meh.

1 Saˬmeuˬlaˆ 10:4

Aˬ yawꞈ maꞈ nawˬ-ahˇ laꞈ tsaꞈ tsaꞈ-awˇ kaˬ muˇ nyiˬ siˬ biꞈ laꞈ ngeh, nawˇ ya ha geuꞈ nehˬ tehꞈ-a.

1 Saˬmeuˬlaˆ 13:2

Tsawˇ haˬ smˬ heˇ gʼaˬ aˬ yawꞈ tseˇ doˆ-awˇ, Aˬ yawꞈ jawˇ-eu Miˇkaˬmaˆ meuˬ hawˇ-eu Beˬdeˬlaˇ gahˬ kaˬ gawˬ jawˬ gawˬ duˇ deuˬ-ahˇ nyiˬ heˇ gʼaˬ bi jawˇ-awˇ, aˬ yawꞈ-euˬ aˬ li Yawˇnaˆshaˬ nehˬ-ehˇ Beˬyaˬmiˬ miˇ kʼahˬ Giˇbyaˬ meuˬ-ahˇ tiˬ heˇ gʼaˬ pyehˬ gʼeh-euˬ meh.

1 Saˬmeuˬlaˆ 13:3

Geˬbaˬ meuˬ-ahˇ Piˇliˇtiˆ guiˇ maꞈ kʼoeˇ taˆ uˆ lahˇ-eu gʼaˬ-ahˇ Yawˇnaˆshaˬ neh sehꞈ-awˇ, gaˇ kawˆ kʼoeˇ Piˇliˇtiˆ tsawˇ haˬ dawˬ tawˆ luꞈ ya gaˬ-euˬ meh. Kʼoeˇ naˇ, Sawˇluˆ tsawˇ haˬ pyehˬ gʼeh-awˇ, Iˇsaˬleˬlaˆ miˇ kʼahˬ doe ni daˇ heh baw baw-ehˇ bi cah-awˇ, guiˇ deuˆ-eu gʼaˇ duˬ Heˬbyehˇ tsawˇ haˬ deuˬ-ahˇ bi kuˇ uiˬ-iˇ-euˬ meh.

1 Saˬmeuˬlaˆ 19:20

Kʼoeˇ ngeh, Daˬbiˇ-ahˇ bi nyehꞈ-iˇ-eu gʼaˇ duˬ, Sawˇluˆ tsawˇ haˬ pyehˬ gʼeh-euˬ meh. Saˬmeuˬlaˆ aˬ yuiꞈ geuꞈ-awˇ, Miˬyehˇ gʼaˇ duˬ ngehˬ dah-eu tsawˇ haˬ tiˬ deuˬ uiˬ leˇ-awˇ gaˇ nyeh nyeh nyeh-ehˇ guˇ luꞈ gaˇ, Sawˇluˆ neh pyehˬ gʼeh-euˬ tsawˇ haˬ kʼoeˇ deuˬ ya mawˇ-euˬ meh. Aˬ yawꞈ maꞈ-ahˇ kʼawꞈ, Miˬyehˇ-euˬ yaw sahˇ uˆ lahˇ le-awˇ, aˬ yawꞈ maꞈ kʼawꞈ guˇ guˇ-ehˇ gaˇ nyeh nyeh-euˬ meh.

1 Saˬmeuˬlaˆ 9:12

Zaˬ miˬ aˬ buˇ zaˬ guˬ kʼoeˇ deuˬ ehˇ-eu, “Jawˇ meh. Naw nyaꞈ laˇ-eu mehˬ hu keuˆ ni jawˇ luꞈ-a siˬ. Yaw kawˇ-ehˇ le-awˬ. Iˬ nah meuˬ-ahˇ jawˇ-eu tsawˇ haˬ deuˬ gawˬ duˇ-ahˇ jaˆ-eu lawˇ duˬ-ahˇ le-awˇ, lawˇ-eu shehˇ-eu jeˬ mˇ-eu aˇ nah pyeuꞈ-eu miˇ neh, uˬ soe tseuˆ tseuˆ hawˇ-eu aˬ yawꞈ meuˬ-ahˇ laˇ keuˆ-euˬ tehꞈ-a siˬ.