1 Saˬmeuˬlaˆ 10:3 - Akha

³ Kʼoeˇ gaˇ neh mehˬ hu paw nawˇ paˇ iˇ gʼeh-awˇ, Taˬbawˬ meuˬ-ahˇ jaˆ-eu muiˬ-eu shawˇ-eu aˇ bawˇ-ahˇ nawˇ iˇ keuˆ ngeh, Beˬdeˬlaˇ meuˬ-ahˇ Miˬyehˇ-ahˇ lawˇ nehˬ leˇ-eu gʼaˇ duˬ laˇ luꞈ-eu tsawˇ haˬ smˇ gʼaˬ-ahˇ nawˇ paˇ ya tahˬ puˬ tehꞈ-a. Tsawˇ haˬ kʼoeˇ smˇ gʼaˬ laꞈ kʼoeˇ, ciꞈ myehꞈ smˬ mawˇ tiˬ gʼaˬ tsahˇ luꞈ-awˇ, kaˬ muˇ smˇ siˬ tiˬ gʼaˬ pi luꞈ-awˇ, aˬ gaꞈ dzaˇ uiˇ tiˬ byah ni dahˬ-eu shaˬ kʼoˆ iˇ puˬ tiˬ gʼaˬ pi luꞈ tehꞈ-a.

1 Saˬmeuˬlaˆ 10:3 Σταυροειδείς Αναφορές

Aˇ dahˬ 28:19

Jawˇ duˬ kʼoeˇ tsahˇ-ahˇ, Beˬdeˬlaˇ lehˇ aˬ yawꞈ myahˇ nehˬ-euˬ meh. Jawˇ duˬ kʼoeˇ tsahˇ-ahˇ, yaw beh Luˇzaˆ meuˬ lehˇ kuˇ-euˬ meh.

Aˇ dahˬ 28:22

Noeˬ keuˆ-eu gʼaˇ duˬ ngaˬ neh kʼaˬ lo ka tuˇ taˬ-euˬ jawˇ duˬ heu tsahˇ-ahˇ, ngaˇ nawˬ-ahˇ uˬ duˬ tahˬ-awˇ, nawˬ neh ngaˬ-ahˇ kʼaˇ biꞈ laꞈ-euˬ jeˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ nawˬ-ahˇ paˇ damˬ kʼoꞈ nehˬ ma.”

Aˇ dahˬ 35:1

Yaˬkoˆ-ahˇ Miˬyehˇ ehˇ nehˬ-eu, “Yaw kawˇ ma-ehˇ iˇ-awˇ Beˬdeˬlaˇ-ahˇ jawˇ-iˇ-awˬ. Nawˇ Iˇsawˇ-ahˇ guˆ-awˇ cehˆ ngeh, nawˬ-euˬ mehˬ shi doˆ le-euˬ Miˬyehˇ-aˬ, ngaˇ ma. Ngaˬ-euˬ gʼaˇ duˬ kʼoeˇ gaˇ lawˇ duˬ tiˬ tsahˇ tsoˆ-awˬ.”

Aˇ dahˬ 35:3

Aˬ dui maꞈ heu gaˇ neh doˆ-iˇ-awˇ, Beˬdeˬlaˇ-ahˇ jawˇ-iˇ ma. Shaˬ-eu zahˬ-eu jeˬ-ahˇ ngaˇ ya tahˬ puˬ ngeh, ngaˬ-ahˇ caw ba-awˇ, ngaˇ kʼaˇ iˇ kʼaˇ laˇ gaˇ ngaˬ nehˬ-ehˇ jawˇ-eu laꞈ kʼoeˇ, ngaˬ-ahˇ haw piˇ nehˬ laꞈ-eu Miˬyehˇ-euˬ gʼaˇ duˬ, lawˇ duˬ tiˬ tsahˇ kʼoeˇ gaˇ tsoˆ ma.”

Jaceuq 89:12

Miˇ tsaˬ tahˬ kʼawˇ laꞈ oˆ pyawˬ laꞈ taˆ pyawˬ baw ni nawˬ neh beh taˬ-euˬ meh. Taˬbawˬ gawˬ jawˬ hawˇ-eu Heˬlaˬmoˬ gawˬ jawˬ, laˬ kʼaˬ tiˬ cehˇ nawˬ-ahˇ ja ceuˬ luꞈ meh.

Yeˬlaˬmiˇ 32:8

Kʼoeˇ naˇ, Sahˬpaˬ Miˬyehˇ neh kʼaˇ ehˇ taˬ-euˬ loꞈ-ehˇ ngaˇ jawˇ-eu paꞈ kuˆ-ahˇ Haˬnaˬmeˬlaˇ oe-awˇ, aˬ yawꞈ-euˬ deh yaˇ zeuˇ nehˬ laꞈ lehˇ ehˇ le-euˬ meh. Kʼoeˇ miˇ neh, Sahˬpaˬ Miˬyehˇ ngaˬ-ahˇ aˬ diˇ aˬ maˇ dawˬ ngehˬ cawˬ le-euˬ nga lehˇ ngaˇ siˬ duˬ -euˬ ma.

Uˬ duˬ 1:10

Tsawˇ haˬ tiˬ gʼaˬ na, yawˬ ha-euˬ yawˇ maˬ ehˇ, ciꞈ myehꞈ maˬ ehˇ, lawˇ mawꞈ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ ya lawˇ meh.

Uˬ duˬ 23:13

Saˬ loˬ tsiˇ keuˬ taˬ-euˬ cehˇ meu nyiˬ pehˬ yuˇ-awˇ, yawˇ kʼoeˇ mawˇ nehˬ-ehˇ tiˬ kawˆ loꞈ-ehˇ, dzaˬ dzaˬ dawˇ dawˇ lawˇ-eu jeˬ naw maꞈ ya lawˇ meh. Kʼoeˇ loꞈ-ehˇ lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh. Aˬ gaꞈ dzaˇ uiˇ maˇ tsaꞈ tiˬ tsaꞈ dzehˬ ni naw maꞈ ya lawˇ ahˇ meh.

Uˬ duˬ 3:12

Tsawˇ haˬ tiˬ gʼaˬ ciꞈ myehꞈ lawˇ naˇ,

Uˬ duˬ 3:6

Cawˬ cawˬ taꞈ-eu lawˇ-eu jeˬ gʼaˇ duˬ, yawˇ maˬ ehˇ, ciꞈ myehꞈ maˬ ehˇ, lawˇ naˇ, aˬ buˬ kʼawꞈ muiˬ, aˬ ma kʼawꞈ muiˬ, geuꞈ nya meh. Ehˇ kʼawꞈ, maˇ byawꞈ maˬ ya bi baw-a.

Uˬ duˬ 7:13

Kʼoeˇ uˬ taꞈ, dehˬ tseˬ maˬ keuˬ-euˬ kaˬ muˇ deuˬ kʼawꞈ ya lawˇ meh.

Yawˇshuˆ 19:12

Miˇ kaˬ yawˬ dzaˬ yawˬ-aˬ, Saˬliˆ meuˬ-euˬ nahˇ ma doˆ kʼehˬ paw Ciˇsaˬloˆtaˬbawˬ meuˬ-ahˇ neh, Daˬbeˬlaˆ meuˬ hawˇ-eu Jaˬpiˇyaˬ meuˬ-ahˇ keuˆ ni meh.

Yawˇshuˆ 19:22

Aˬ yawꞈ maꞈ-euˬ miˇ kaˬ-aˬ, Taˬbawˬ meuˬ, Shaˬhaˬzuˇmaˬ meuˬ hawˇ-eu, Behˬsheˬmehˇ meuˬ heu deuˬ caw caw-ehˇ iˇ gʼeh-awˇ, Yawˇdaˬ lawˇ baˬ-ahˇ iˇ dahˬ-euˬ meh. Miˇ kʼahˬ kʼoeˇ kʼahˬ laꞈ kʼoeˇ, meuˬ tseˇ koꞈ meuˬ hawˇ-eu meuˬ kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ jaˆ-eu meh.

Yaˇ kʼaˬ daˇ 20:18

Beˬdeˬlaˇ meuˬ-ahˇ jaˆ-eu uˬ duˬ tahˬ-eu jawˇ duˬ-ahˇ Iˇsaˬleˬlaˆ tsawˇ haˬ deuˬ le-awˇ, “Beˬyaˬmiˬ tsawˇ jeuˬ-ahˇ tsawˇ jeuˬ aˬ geu jeuˬ guiˇ jeˬ hu ya deuˆ-iˇ nmˇ” lehˇ, Miˬyehˇ-ahˇ naˇ haˬ-euˬ meh. “Yuˇdaˆ tsawˇ haˬ jeˬ hu deuˆ-iˇ-awˬ” lehˇ Sahˬpaˬ Miˬyehˇ ehˇ-eu meh.

Yaˇ kʼaˬ daˇ 20:27

Aˇ nah aˇ yamˬ kʼoeˇ yamˬ laꞈ kʼoeˇ, Miˬyehˇ-euˬ Dawˬ ma saˇ jaˇ Bahˬ keuˆ Beˬdeˬlaˇ meuˬ-ahˇ jaˆ-awˇ, Aˬloˬ-euˬ oeˬ paˬ pyeuꞈ-awˇ Eˇlaˬzaˬ-euˬ aˬ li pyeuꞈ-eu Piˇnaˬhaˇ gʼaˬ haw luꞈ pyaˆ luꞈ-eu meh. Kʼoeˇ ngeh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ naˇ haˬ-eu, “Nga maꞈ-euˬ aˬ yuiꞈ aˬ nyiˇ pyeuꞈ-eu Beˬyaˬmiˬ tsawˇ jeuˬ-ahˇ nga maꞈ guiˇ deuˆ-iˇ-awˬ loˇ. Taˬ deuˆ-iˇ loˇ.” Sahˬpaˬ Miˬyehˇ ehˇ-eu, “Deuˆ-iˇ-awˬ. Ni shawˬ nah ngaˇ naw maꞈ-ahˇ bi gʼaˬ leˇ ma.”

Yaˇ kʼaˬ daˇ 4:12

Taˬbawˬ gawˬ jawˬ kʼoeˇ taˆ Baˬyehˇ daˆ leˇ-euˬ gaˇ, Siˇseˬlaˇ ya siˬ ngeh,

Yaˇ kʼaˬ daˇ 4:6

Tiˬ nah keuˆ laˇ ngeh, Naˬtaˬliˇ miˇ kʼahˬ Geˬdeˬshaˆ meuˬ-ahˇ jawˇ-eu Aˬbiˇnamˬ-euˬ aˬ li Baˬyehˇ jawˇ gaˇ aˬ yawꞈ iˇ-awˇ ehˇ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ heu loꞈ-ehˇ dawˬ biꞈ leꞈ-euˬ meh. ‘Naˬtaˬliˇ tsawˇ jeuˬ hawˇ-eu Zeˬbuˬluˬ tsawˇ jeuˬ laꞈ kʼoeˇ, tsawˇ haˬ tiˬ muiˇ gʼaˬ sheuˬ-awˇ, Taˬbawˬ gawˬ jawˬ-ahˇ le-awˬ.

Yaˇ kʼaˬ daˇ 8:18

Kʼoeˇ naˇ, “Taˬbawˬ meuˬ-ahˇ naw maꞈ neh sehꞈ-euˬ tsawˇ haˬ kʼoeˇ deuˬ aˬ joˆ-ehˇ gʼeh ta” lehˇ, Zeˬbah hawˇ-eu Zaˬlaˬmoˇnaˬ-ahˇ Giˇdoˬ naˇ haˬ nehˬ-euˬ meh. Aˬ yawꞈ nyaꞈ ehˇ-eu, “Aˬ yawꞈ maꞈ nawˬ-ahˇ duˇ-eu meh. Aˬ yawꞈ gʼaˬ yawꞈ sahˬpaˬ-euˬ aˬ li loꞈ-ehˇ gʼeh-eu tsawˇ haˬ tehꞈ meh.”

1 Saˬmeuˬlaˆ 10:4

Aˬ yawꞈ maꞈ nawˬ-ahˇ laꞈ tsaꞈ tsaꞈ-awˇ kaˬ muˇ nyiˬ siˬ biꞈ laꞈ ngeh, nawˇ ya ha geuꞈ nehˬ tehꞈ-a.