1 Saˬmeuˬlaˆ 10:25 - Akha

²⁵ Sahˬ paˬ tiˬ gʼaˬ mˇ nya-eu jeˬ hawˇ-eu mˇ paˬ-ehˇ gʼeh-eu jeˬ gaˇ kawˆ, Iˇsaˬleˬlaˆ tsawˇ haˬ deuˬ-ahˇ Saˬmeuˬlaˆ yaw muiˬ paˬ-ehˇ mehˬ nehˬ-euˬ meh. Gaˇ kawˆ kʼoeˇ deuˬ sahˬ boꞈ laꞈ kʼoeˇ boꞈ ahˇ taˬ-awˇ, muiˬ-eu shawˇ-eu jawˇ duˬ-ahˇ bi jaˆ-euˬ meh. Kʼoeˇ naˇ, aˬ yawꞈ maꞈ yawˬ gʼaˬ na luꞈ-ahˇ bi gʼoꞈ-iˇ-euˬ meh.

1 Saˬmeuˬlaˆ 10:25 Σταυροειδείς Αναφορές

2 Sahˬpaˬ 11:17

Sahˬ paˬ hawˇ-eu tsawˇ haˬ kʼoeˇ deuˬ Sahˬpaˬ Miˬyehˇ-euˬ tsawˇ haˬ pyeuꞈ laˇ ni, Sahˬpaˬ Miˬyehˇ hawˇ-eu aˬ yawꞈ maꞈ yaw kaˬ-ahˇ, Yeˬhawˇyaˬdaˬ neh dawˬ ma saˇ jaˇ dzaˬ nehˬ-euˬ meh. Sahˬ paˬ hawˇ-eu miˇ kʼahˬ zaˬ kʼoeˇ deuˬ-euˬ yaw kaˬ-ahˇ kʼawꞈ, aˬ yawꞈ dawˬ ma saˇ jaˇ dzaˬ nehˬ-euˬ meh.

Dawˬmehˬ 31:26

“Miˬyehˇ-euˬ tsawˇ haˬ deuˬ-euˬ mehˬ shi saˇ kiˇ bi pyeuꞈ-eu gʼaˇ duˬ, Miˬyehˇ-euˬ zahˇ dawˬ kʼoꞈ dawˬ boꞈ taˬ-euˬ sahˬ boꞈ heu taꞈ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ dawˬ peh bi jaˆ-awˬ.

1 Tiˆmoˇseˬ 2:2

Sahˬ paˬ sahˬ ma deuˬ hawˇ-eu dzoeˬ dzaˬ-eu tsawˇ haˬ dawˬ tawˆ luꞈ gʼaˇ duˬ kʼawꞈ, kʼoeˇ loꞈ-ehˇ shaˇ-awˬ. Kʼoeˇ loꞈ-ehˇ shaˇ naˇ, aˬ dui coꞈ ngehˇ ni nui saˇ oꞈ-awˇ, Miˬyehˇ-ahˇ yaw zeu baw baw-ehˇyaw muiˬ yaw shawˇ laꞈ kʼoeˇ ya dehꞈtehꞈ-a.

Tiˇtuˆ 3:1

Sahˬ paˬ sahˬ ma deuˬ hawˇ-eu uˆ lahˇ-eu deuˬ-euˬ laꞈ oˆ yaw muiˬ-ehˇ jawˇ-awˇ, aˬ yawꞈ maꞈ-euˬ ehˇ dawˬ naˇ haˬ-eu laꞈ kʼoeˇ, yaw muiˬ jeˬ dawˬ tawˆ luꞈ-ahˇ mˇ-eu lehˇ lehˬ hmˬ taˬ-eu gʼaˇ duˬ nawˬ-euˬ tsawˇ haˬ deuˬ maˬ ya ngehˇ ni ja noeˬ nehˬ-awˬ.

Yawˇshuˆ 22:6

Kʼoeˇ naˇ, aˬ yawꞈ maꞈ-ahˇ Yawˇshuˆ dawˬ ngehˬ gʼeh nehˬ-awˇ, heu loꞈ-ehˇ dawˬ tsaꞈ tsaꞈ nehˬ-awˇ bi gʼoꞈ-iˇ-euˬ meh. “Naw maꞈ-aˬ, smˇ muiˬ muiˬ dui dui-eu laꞈ kʼoeˇ ya gʼoꞈ-iˇ-eu ngaˇ. Jeˬ zaˬ maˬ ehˇ, pyuˇ maˬ ehˇ, shuiˇ maˬ ehˇ, guiˬ shuiˇ maˬ ehˇ, shmˇ maˬ ehˇ, dm gʼaˬ dm lmˇ maˬ ehˇ, gʼawˬ mya ni ya yuˇ kʼoˆ gʼeh-eu ngaˇ. Naw maꞈ-ahˇ muiˇ-eu deuˬ-ahˇ naw maꞈ neh deuˆ za-euˬ heu deuˬ, naw maꞈ-euˬ aˇ jeuˬ aˇ ca aˬ yuiꞈ aˬ nyiˇ deuˬ-ahˇ kʼawꞈ biˇ nehˬ-awˬ.” Kʼoeˇ ngeh, aˬ yawꞈ maꞈ gʼoꞈ-iˇ-euˬ meh. Maˬnaˇseˬ tsawˇ haˬ tiˬ paˆ-ahˇ, Yawˇdaˬ lawˇ baˬ nahˇ ma doˆ kʼehˬ paw Moˇseˬ miˇ kʼahˬ biˇ nehˬ-euˬ meh. Ehˇ kʼawꞈ, Maˬnaˇseˬ tsawˇ haˬ yawˬ deuˬ yawˬ-ahˇ, Iˇsaˬleˬlaˆ tsawˇ jeuˬ nui deuˬ nehˬ-ehˇ tiˬ kawˆ loꞈ-ehˇ, Yawˇdaˬ lawˇ baˬ nahˇ ma ga kʼehˬ paw Yawˇshuˆ miˇ kʼahˬ biˇ nehˬ-euˬ meh.

1 Saˬmeuˬlaˆ 11:14

Kʼoeˇ naˇ, aˬ yawꞈ maꞈ-ahˇ Saˬmeuˬlaˆ ehˇ nehˬ-euˬ “Aˬ dui maꞈ Giˇlaˇgaˬlaˇ meuˬ-ahˇ le-awˇ, Sawˇluˆ-ahˇ sahˬ paˬ tiˬ poˆ paˇ ka nehˬ leˇ kaˇ-euˇ.”

1 Saˬmeuˬlaˆ 8:9

Kʼoeˇ miˇ neh, aˬ yawꞈ maꞈ ehˇ gaˇ naˇ haˬ nehˬ-awˬ. Ehˇ kʼawꞈ, aˬ yawꞈ maꞈ ya yahˇ paˬ-ehˇ gʼeh-eu jeˬ yaw muiˬ paˬ-ehˇ ehˇ mehˬ nehˬ-awˇ, aˬ yawꞈ maꞈ-euˬ sahˬ paˬ aˬ yawꞈ maꞈ kʼoeˇ taˆ uˆ lahˇ-eu aˇ nah keuˆ le ngeh, aˬ joˆ-ehˇ pyeuꞈ laˇ paˬ-ehˇ jaˆ-eu gaˇ kawˆ deuˬ kʼawꞈ ja sawˇ nehˬ-awˬ.”