1 Saˬmeuˬlaˆ 10:20 - Akha

²⁰ Kʼoeˇ ngeh, tsawˇ jeuˬ aˬ yawꞈ jeuˬ yawꞈ-ahˇ Saˬmeuˬlaˆ neh mehˬ hu paw bi doˆ laˇ-awˇ, Beˬyaˬmiˬ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh.

1 Saˬmeuˬlaˆ 10:20 Σταυροειδείς Αναφορές

2 Saˬmeuˬlaˆ 3:19

Aˬbaˬnaˬ-aˬ, Beˬyaˬmiˬ tsawˇ jeuˬ-ahˇ kʼawꞈ dawˬ ngehˬ cawˬ gʼaˬ-awˇ, Beˬyaˬmiˬ tsawˇ jeuˬ hawˇ-eu Iˇsaˬleˬlaˆ tsawˇ haˬ deuˬ nui ma tsaˬ-eu gaˇ kawˆ Daˬbiˇ-ahˇ ehˇ nehˬ leˇ-eu lehˇ, Heˬbyoˬ meuˬ-ahˇ iˇ-euˬ meh.

Yawˇnaˆ 1:7

Saˇ baoˬ kʼoeˇ taˆ gaˇ mˇ luꞈ-eu tsawˇ haˬ deuˬ tiˬ gʼaˬ tiˇ gʼaˬ ehˇ-eu, “Aˬ dui maꞈ kʼoeˇ taˆ heu loꞈ-ehˇ gʼeh-eu guˆ-eu gaˆ-eu jeˬ keuˆ le-euˬ heu aˬ geu gʼaˬ baˬ da neh nga lehˇ, pyehˆ tseˇ duˬ haw kaˇ-euˇ.” Aˬ yawꞈ maꞈ pyehˆ tseˇ duˬ haw ngeh, Yawˇnaˆ-ahˇ duˬ leˇ-euˬ meh.

Dawˬmehˬ 33:12

Beˬyaˬmiˬ-euˬ gaˇ kawˆ ehˇ-eu, “Sahˬpaˬ Miˬyehˇ gaˬ-eu tsawˇ jeuˬ, aˬ yawꞈ neh haw piˇ-euˬ tsawˇ jeuˬ, aˬ yawꞈ maꞈ gʼahˇ ceh jawˇ-eu meh.”

1 Saˬmeuˬlaˆ 10:19

Ngaˇ-aˬ, shaˬ-eu zahˬ-eu jeˬ hawˇ-eu guˆ-eu gaˆ-eu jeˬ laꞈ kʼoeˇ neh, naw maꞈ-ahˇ ka kʼoꞈ nehˬ-euˬ gʼaˬ pyeuꞈ-eu naw maꞈ-euˬ Miˬyehˇ ma. Ehˇ kʼawꞈ, naw maꞈ iˬ nah ngaˬ-ahˇ byehˇ dzeh-awˇ, sahˬ paˬ tiˬ gʼaˬ biꞈ nehˬ laꞈ lehˇ shaˇ-eu nga lehˇ ehˇ-eu meh. Teu miˇneh, yawˬ ha aˇ jeuˬ aˇ ca yawˬ ha jawˇ duˬ yuˇ-awˇ, Sahˬpaˬ Miˬyehˇ-euˬ mehˬ shi uiˬ laˇ-awˬ.”

1 Saˬmeuˬlaˆ 10:21

Kʼoeˇ naˇ, Beˬyaˬmiˬ tsawˇ jeuˬ laꞈ kʼoeˇ aˇ ca aˬ yawꞈ ca yawꞈ-ahˇ mehˬ hu paw paˇ bi doˆ laˇ-awˇ, Maˬtaˬliˇ aˇ ca-ahˇ Saˬmeuˬlaˆ tseˇ doˆ-euˬ meh. Kʼoeˇ naˇ, Maˬtaˬliˇ aˇ ca laꞈ kʼoeˇ, kʼaˬ dzeˇ zaˬ aˬ yawꞈ gʼaˬ yawꞈ-ahˇ mehˬ hu paw paˇ bi doˆ laˇ-awˇ, Giˇshaˆ-euˬ aˬ li Sawˇluˆ-ahˇ tseˇ doˆ-euˬ meh. Ehˇ kʼawꞈ, Sawˇluˆ-ahˇ aˬ yawꞈ maꞈ maˬ poˆ mawˇ nya-a.

1 Saˬmeuˬlaˆ 14:38

Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-ahˇ Sawˇluˆ ehˇ nehˬ-eu, “Heu gaˇ laˇ-awˇ, iˬ nah iˬ baˇ aˬ geu jeˬ mˇ taˬ-euˬ jaˆ-eu nga lehˇ pyehˆ tseˇ duˬ haw laˇ sheˇ.

1 Saˬmeuˬlaˆ 14:41

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ Sawˇluˆ ehˇ nehˬ-eu, “Sahˬpaˬ Miˬyehˇ-oˇ, aˬ jeˬ miˇ neh nawˇ ngaˬ-ahˇ iˬ nah dawˬ maˬ ngehˬ cawˬ nehˬ laꞈ te. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, muiˬ-eu shawˇ-eu kʼaˬ lo heu deuˬ dawˬ peh ngaˬ-ahˇ dawˬ ngehˬ cawˬ nehˬ laꞈ-awˬ. Yawˇnaˆshaˬ nga nyaꞈ da zaˬ tiˬ gʼaˬ na iˬ baˇ ahˇ naˇ, Uˇleˬ-ahˇ gʼoe-awˇ ehˇ nehˬ laꞈ-awˬ. Ehˇ kʼawꞈ, nawˬ-euˬ Iˇsaˬleˬlaˆ tsawˇ haˬ deuˬ laꞈ kʼoeˇ tiˬ gʼaˬ na iˬ baˇ ahˇ naˇ, Duˇmeˬ-ahˇ gʼoe-awˇ ehˇ nehˬ laꞈ-awˬ.”‘Uˇleˬ hawˇ-eu Duˇmeˬ’ lehˇ ehˇ-eu dawˬ tsuiꞈ Doˆ-iˇ-eu 28.30-ahˇ haw-awˬ.* Kʼoeˇ ngeh, Yawˇnaˆshaˬ hawˇ-eu Sawˇluˆ aˬ nyaꞈ da zaˬ iˬ baˇ ahˇ-awˇ, Iˇsaˬleˬlaˆ tsawˇ haˬ deuˬ iˬ baˇ maˬ ahˇ-eu gaˇ kawˆ ya siˬ duˬ-euˬ meh.