1 Saˬmeuˬlaˆ 10:1 - Akha

¹ Kʼoeˇ naˇ, tsiˇ maˇ tsaꞈ tiˬ tsaꞈ Saˬmeuˬlaˆ yuˇ-awˇ, Sawˇluˆ-euˬ uˬ duˬ-ahˇ tsiˇ shehˆ daˆ-awˇ mehˬ cuˇ cuˇ nehˬ gʼaˬ ngeh, Sawˇluˆ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, nawˬ-ahˇ Sahˬpaˬ Miˬyehˇ tsiˇ lehꞈ nehˬ-eu meh. Aˬ yawꞈ-euˬ tsawˇ jeuˬ-ahˇ nawˇ ya uˆ lahˇ-awˇ, muiˇ-eu deuˬ dawˬ tawˆ luꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ nawˇ ya ka kʼoꞈ nehˬ meh. Aˬ yawꞈ-euˬ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ-euˬ gaˇ kawˆ saˇ kiˇ heu loꞈ-ehˇ jaˆ tehꞈ-a.

1 Saˬmeuˬlaˆ 10:1 Σταυροειδείς Αναφορές

2 Saˬmeuˬlaˆ 1:14

“Sahˬpaˬ Miˬyehˇ neh tseˇ doˆ taˬ-euˬ sahˬ paˬ tiˬ gʼaˬ-ahˇ nawˇ aˬ joˆ-ehˇ sehꞈ peuˬ-eu nya” lehˇ, zaˬ guˬ kʼoeˇ gʼaˬ-ahˇ Daˬbiˇ ehˇ nehˬ-euˬ meh.

2 Saˬmeuˬlaˆ 19:39

Kʼoeˇ naˇ, Daˬbiˇ hawˇ-eu aˬ yawꞈ-euˬ tsawˇ haˬ dawˬ tawˆ luꞈ Yawˇdaˬ lawˇ baˬ tsehˆ doˆ-euˬ meh. Baˬziˇlehˇ-ahˇ aˬ yawꞈ mehˬ cuˇ cuˇ nehˬ-awˇ, dawˬ ngehˬ gʼeh nehˬ yaꞈ-euˬ meh. Kʼoeˇ naˇ, Baˬziˇlehˇ gʼoꞈ leˇ-euˬ meh.

2 Saˬmeuˬlaˆ 20:19

Nga maꞈ-euˬ meuˬ heu meuˬ-aˬ, huiˬ-eu meuˬ tiˬ meuˬ pyeuꞈ-awˇ, nui saˇ oꞈ-eu meuˬ tiˬ meuˬ pyeuꞈ-eu uˬ taꞈ, Iˇsaˬleˬlaˆ miˇ kʼahˬ laꞈ kʼoeˇ aˬ cawˬ naˆ maˬ tseˇ saˇ jaˇ ziꞈ-eu meuˬ tiˬ meuˬ kʼawꞈ pyeuꞈ-eu ma. Aˬ jeˬ miˇ neh meuˬ heu meuˬ-ahˇ laˆ cawˆ-eu lehˇ nawˇ leh jeh te. Sahˬpaˬ Miˬyehˇ-euˬ myawˬ-ahˇ nawˇ laˆ luˬ laˆ seˇ nehˬ mawꞈ te loˇ.”

2 Saˬmeuˬlaˆ 5:2

Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, guiˇ deuˆ-eu paw Iˇsaˬleˬlaˆ tsawˇ jeuˬ-ahˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ, aˬ yawꞈ maꞈ kʼoeˇ taˆ bi uˆ lahˇ ma lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh.”

1 Sahˬpaˬ 1:34

Kʼoeˇ gaˇ iˇ keuˆ ngeh, piˇ ma Zaˬdoˆ hawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ aˬ nyaꞈ neh aˬ yawꞈ-ahˇ tsiˇ bi shehˆ daˆ-awˇ, Iˇsaˬleˬlaˆ miˇ kʼahˬ-euˬ sahˬ paˬ bi ka nehˬ-awˬ. Kʼoeˇ naˇ, daˇ heh baw-awˇ, ‘Sahˬ paˬ Sawˇlaˬmoˬ ziˇ baw ziˇ za luꞈ-uˇ’ lehˇ guˇ-awˬ.

1 Sahˬpaˬ 19:18

Ehˇ kʼawꞈ, ngaˬ-ahˇ saˇ jaˇ ziꞈ-awˇ, Baˬlaˇ miˬ yehˇ mehˬ shi maˬ awˆ byaˆ-ehˇ, Baˬlaˇ miˬ yehˇ-euˬ tahˬ pahˬ aˬ ma mawˇ kawˇ-ahˇ mehˬ cuˇ maˬ cuˇ-euˬ tsawˇ haˬ shiꞈ heˇ gʼaˬ-ahˇ, Iˇsaˬleˬlaˆ miˇ kʼahˬ laꞈ kʼoeˇ ngaˇ bi dehꞈ yaꞈ ma.”

2 Sahˬpaˬ 20:5

“Sahˬpaˬ Miˬyehˇ-euˬ tsawˇ haˬ deuˬ-ahˇ uˆ lahˇ-eu gʼaˬ pyeuꞈ-eu Heˬsaˬgiˇ-ahˇ, heu loꞈ-ehˇ ehˇ nehˬ-awˬ. ‘Nawˬ poeˬ Daˬbiˇ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ, nawˬ-euˬ shaˇ dawˬ ya gaˬ-awˇ, nawˇ myaˆ biˇ yoeˇ le gaˇ ya mawˇ-euˬ ma. Nawˬ-ahˇ ngaˇ laˆ taˬ nehˬ-awˇ, smˬ nah laꞈ kʼoeˇ Uˬ duˬ tahˬ nymˇ nymˇ ma-ahˇ nawˇ ya le tehꞈ-a.

2 Sahˬpaˬ 9:1

Aˇ yamˬ kʼoeˇ yamˬ laꞈ kʼoeˇ, Miˬyehˇ gʼaˇ duˬ ngehˬ dah-eu zaˬ guˬ tiˬ gʼaˬ-ahˇ Eˇliˇshehˇ kuˇ-awˇ, heu loꞈ-ehˇ ehˇ nehˬ-euˬ meh. “Lehˬ hmˬ-awˇ Giˇlaˆ miˇ kʼahˬ Laˬmoˆ meuˬ-ahˇ le-awˬ. Saˬ loˬ tsiˇ ciˬ cuˇ heu siˬ kʼawꞈ pi gʼeh-awˬ.

2 Sahˬpaˬ 9:12

“Nga maꞈ maˬ siˬ nya nya, Nga maꞈ-ahˇ tiˬ poˆ ehˇ nehˬ laꞈ sheˇ” lehˇ aˬ yawꞈ maꞈ tiˬ poˆ paˇ naˇ haˬ ngeh, “Ngaˇ nawˬ-ahˇ Iˇsaˬleˬlaˆ sahˬ paˬ ka nehˬ-eu ma lehˇ Sahˬpaˬ Miˬyehˇ ehˇ-eu gaˇ kawˆ, aˬ yawꞈ ngaˬ-ahˇ ehˇ gaˬ laˇ-euˬ meh” lehˇ, Yeˬhuˇ ehˇ kʼoꞈ nehˬ-euˬ meh.

Jaceuq 135:4

Aˬ yawꞈ-euˬ tsawˇ haˬ bi geuꞈ-eu gʼaˇ duˬ Yaˬkoˆ-ahˇ tseˇ doˆ-awˇ, aˬ yawꞈ-euˬ tsawˇ jeuˬ bi geuꞈ-eu gʼaˇ duˬ Iˇsaˬleˬlaˆ-ahˇ aˬ yawꞈ tseˇ doˆ-euˬ meh.

Jaceuq 78:71

Aˬ yawꞈ yawˇ bo luꞈ gaˇ kuˇ kʼoꞈ laꞈ-awˇ, Miˬyehˇ-euˬ tsawˇ haˬ deuˬ-ahˇ bo-eu yawˇ bo-eu yaw sahˇ bi geuꞈ-eu lehˇ, Iˇsaˬleˬlaˆ tsawˇ jeuˬ-euˬ sahˬ paˬ ka nehˬ-euˬ meh.

Doˆ-iˇ 30:23

“Muiˬ dui dui-eu yaw saw jeˬ pyeuꞈ-eu, muˇ laˬ dzaˇ uiˇ smˇ jawꞈ-i koꞈ kaˇ, saw dui dui-eu cawˬ kʼaˬ cawˬ piˇ tiˬ jawꞈ-i yehꞈ kaˇ, saw dui dui-eu pawˬ coeˇ tiˬ jawꞈ-i yehꞈ kaˇ,

Yeˬlaˬmiˇ 10:16

Yaˬkoˆ-euˬ Miˬyehˇ aˬ yawꞈ maꞈ-ahˇ maˬ duˇ-a. Yawˬ jeˬ na luꞈ-ahˇ beh-euˬ gʼaˬ aˬ yawꞈ pyeuꞈ-awˇ, aˬ yawꞈ-euˬ tsawˇ jeuˬ bi pyeuꞈ-eu gʼaˇ duˬ, Iˇsaˬleˬlaˆ-ahˇ aˬ yawꞈ neh tseˇ doˆ-euˬ meh. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh.

Yeˬsaˬgeˬlaˇ 16:13

Pyuˇ hawˇ-eu shuiˇ myawˬ guˇ deuˬ nawˇ geuꞈ byah luꞈ-awˇ, shawˇ jehˆ ni gʼeh-eu saˬ paˇ neh guꞈ-awˇ, aˇ boꞈ aˇ yehˆ yehˆ taˬ-euˬ muiˬ dui dui-eu mehˬ tsoeˬ hawˇ-eu, boeˬ kahˇ neh zaꞈ taˬ-euˬ mehˬ tsoeˬ tehꞈ-ehˇ aˬ myah luꞈ nawˇ dm-euˬ meh. Muiˬ dui dui-eu cehˇ meu neh jahˇ taˬ-euˬ kaˬ muˇ nawˇ ya dzaˬ-awˇ, byaˬ byaˬ uiˇ hawˇ-eu saˬ loˬ tsiˇ tiˬ jawˇ-iˬ maˬ tsehˆ-iˇ haw-aˬ. Nawˇ aˇ dzehˬ dzeuˇ ni aˇ gʼehˇ muiˬ-awˇ, sahˬpaˬ-euˬ miˬ zaˬ loꞈ-ehˇ keuˆ leˇ taˬ-euˬ meh.

Hawˇseˬ 13:2

Tahˬ pahˬ aˬ ma mawˇ kawˇ tehˆ-awˇ, uˬ duˬ tahˬ dui dui-eu laꞈ kʼoeˇ, iˬ baˇ mˇ-eu maˬ naˬ leˇ-a. Tsawˇ haˬ zaˬ neh shaˇ noeˬ doˆ-awˇ, tsawˇ haˬ-euˬ aˬ laꞈ neh jahˇ-awˇ, pyuˇ neh lawˬ-euˬ mawˇ kawˇ deuˬ-ahˇ, “Lawˇ-awˬ shehˇ-awˬ” lehˇ ehˇ-eu meh. Mawˇ neˇ mawˇ gaw-ahˇ duˇ leˇ-eu, tahˬ pahˬ aˬ ma mawˇ kawˇ deuˬ-ahˇ, aˬ joˆ-ehˇ mehˬ cuˇ cuˇ nehˬ nmˇ.

Gʼaˬkʼehˇ 13:21

Kʼoeˇ naˇ, aˬ yawꞈ maꞈ sahˬ paˬ shaˇ ngeh, Miˬyehˇ neh a yawꞈ maꞈ-ahˇ Beˬyaˬmiˬ tsawˇ jeuˬ Giˇshaˆ-euˬ aˬ li Sawˇluˆ biꞈ nehˬ-awˇ, aˬ yawꞈ maꞈ kʼoeˇ taˆ sahˬ paˬ geuꞈ-awˇ oeˬ tseˇ kʼoꞈ bi uˆ lahˇ-euˬ meh.

Dawˬmehˬ 32:9

Ehˇ kʼawꞈ, Yaˬkoˆ-euˬ zaˬ deuˬ-ahˇ, aˬ yawꞈ neh tseˇ doˆ geuꞈ-euˬ meh.

1 Teˇsaˬloˇni 5:26

Aˬ yuiꞈ aˬ nyiˇ Ka li zaˬ dawˬ tawˆ luꞈ-ahˇ muiˬ-eu shawˇ-eu laꞈ kʼoeˇ mehˬ cuˇ cuˇ-awˇ ha-awˬ.

HeˬByehˇ 2:10

Yawˬ jeˬ na luꞈ-ahˇ beh-awˇ bo saˆ haw piˇ luꞈ-eu gʼaˬ pyeuꞈ-eu Miˬyehˇ neh, aˬ yawꞈ-euˬ zaˬ gʼawˬ mya ni-ahˇ aˬ yawꞈ-euˬ yaw shehꞈ kʼahˬ sehˇ za ni bi sheuˬ laꞈ-eu gʼaˇ duˬ, Yeˬsuˇ-ahˇ shaˬ-eu zahˬ-eu jeˬ bi daˬ-eu laꞈ kʼoeˇ byah laˇ ni jahˇ-euˬ kʼoeˇ-aˬ, tsaˬ dui dui meh. Aˬ jeˬ miˇ neh ehˇ naˇ, aˬ yawꞈ maꞈ ka kʼoꞈ-eu jeˬ za ni sheuˬ gʼeh-eu gʼaˬ-aˬ, Yeˬsuˇ meh.

Panmaeq 5:8

Kʼoeˇ loꞈ-ehˇ yuˇ laˬ leˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu aˬ yuiꞈ aˬ tsu kʼoeˇ nyiˬ tseˇ oeˬ gʼaˬ, Yawˇzaˬ-euˬ mehˬ shi awˆ byaˆ-euˬ meh. Aˬ yawꞈ maꞈ yawˬ gʼaˬ na luꞈ, deuˇ-mˬ tiˬ siˬ hawˇ-eu tsiˇ yaw saw jeˬ tiˬ byah ni dahˬ-eu shuiˇ naˬ bo deuˬ ahˇ-eu meh.

1 Saˬmeuˬlaˆ 12:3

Nymˬ-mˇ ngaˇ heu gaˇ yawꞈ luꞈ-eu ma. Ngaˬ neh mˇ lehˬ taˬ-euˬ tiˬ jeˬ paˬ jaˆ naˇ, Sahˬpaˬ Miˬyehˇ hawˇ-eu aˬ yawꞈ neh tseˇ doˆ taˬ-euˬ sahˬ paˬ heu gʼaˬ mehˬ shi nymˬ-mˇ ehˇ doˆ-awˬ. Aˬ cawˬ-euˬ mawˇ neˇ hawˇ-eu aˬ cawˬ-euˬ mahˬ tahˬ laˆ-ahˇ ngaˬ neh yuˇ geuꞈ taˬ-euˬ jaˆ ta loˇ. Ngaˬ neh aˬ cawˬ-ahˇ myawꞈ dzaˬ kʼaˆ dzaˬ-euˬ jaˆ ta loˇ. Aˬ cawˬ neh laꞈ nmꞈ nmꞈ nehˬ laꞈ-euˬ jeˬ-ahˇ ngaˬ neh ha geuꞈ-euˬ jaˆ ta loˇ. Heu loꞈ-ehˇ gʼeh-eu jeˬ ngaˬ neh mˇ taˬ-euˬ jaˆ naˇ, ngaˬ neh kʼaˇ yuˇ-euˬ jeˬ ngaˇ biꞈ kʼoꞈ ma.”

1 Saˬmeuˬlaˆ 13:14

Nymˬ-mˇ poˆ jawˇ-aˬ, Iˇsaˬleˬlaˆ miˇ kʼahˬ-ahˇ nawˇ aˬ myah luꞈ maˬ paˇ ya uˆ lahˇ meh. Aˬ yawꞈ nui ma tsaˬ-eu tsawˇ haˬ tiˬ gʼaˬ-ahˇ Sahˬpaˬ Miˬyehˇ tseˇ doˆ-awˇ, aˬ yawꞈ-euˬ tsawˇ jeuˬ-ahˇ uˆ lahˇ-eu gʼaˬ bi geuꞈ tehꞈ-a.”

1 Saˬmeuˬlaˆ 15:1

Sawˇluˆ-ahˇ Saˬmeuˬlaˆ heu loꞈ-ehˇ ehˇ nehˬ-euˬ meh. “Ngaˇ-aˬ, nawˬ-ahˇ tsiˇ shehˆ daˆ-awˇ, Sahˬpaˬ Miˬyehˇ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ jeuˬ kʼoeˇ taˆ sahˬ paˬ bi geuꞈ-eu lehˇ tseˇ doˆ-eu gʼaˇ duˬ, Sahˬpaˬ Miˬyehˇ neh bi oe-euˬ gʼaˬ ma. Baoˬ huiˬ-eu Sahˬpaˬ Miˬyehˇ-euˬ dawˬ-ahˇ, nymˬ-mˇ nawˇ naˇ haˬ-awˬ.

1 Saˬmeuˬlaˆ 15:17

Saˬmeuˬlaˆ ehˇ-eu, “Nawˇ-aˬ, huiˬ-eu tsawˇ haˬ tiˬ gʼaˬ maˬ ngeuˇ lehˇ yawˬ haˇ yaw ha noeˬ kʼawꞈ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu kʼoeˇ taˆ aˬ yuiꞈ geuꞈ-awˇ sheuˬ gʼeh luꞈ-eu tsawˇ haˬ tiˬ gʼaˬ meh. Iˇsaˬleˬlaˆ miˇ kʼahˬ-euˬ sahˬ paˬ bi geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tsiˇ shehˆ daˆ taˬ-euˬ meh.

1 Saˬmeuˬlaˆ 16:1

Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇluˆ gʼaˇ duˬ nawˇ nui ma maˬ saˇ-ehˇ, aˬ myah keuˆ ni toˇ toˇ-ehˇ jawˇ-eu gʼeh te. Iˇsaˬleˬlaˆ miˇ kʼahˬ kʼoeˇ taˆ sahˬ paˬ maˬ paˇ bi geuꞈ-eu gʼaˇ duˬ, aˬ yawꞈ-ahˇ ngaˇ byehˇ dzeh gʼaˬ-euˬ ma. Ehˇ kʼawꞈ, nawˇ saˬ loˬ tsiˇ ui cuiˆ yuˇ-awˇ, Behˬlehˬhehˬ meuˬ-ahˇ Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ jawˇ gaˇ nymˬ-mˇ iˇ-awˬ. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ, aˬ yawꞈ-euˬ aˬ li tiˬ li-ahˇ ngaˇ tseˇ doˆ gʼaˬ-euˬ ma.”

1 Saˬmeuˬlaˆ 16:13

Saˬmeuˬlaˆ saˬ loˬ tsiˇ yuˇ-awˇ, aˬ yawꞈ-euˬ aˇ doˆ deuˬ mehˬ shi Daˬbiˇ-ahˇ tsiˇ shehˆ daˆ nehˬ-euˬ meh. Sahˬpaˬ Miˬyehˇ-euˬ yaw sahˇ Daˬbiˇ-ahˇ ja pyuˬ ni uˆ lahˇ le-awˇ, kʼoeˇ ngeh nah neh naˇ, yaw sahˇ kʼoeˇ aˬ yawꞈ nehˬ-ehˇ jawˇ-euˬ meh. Kʼoeˇ naˇ, Laˬmahˇ meuˬ-ahˇ Saˬmeuˬlaˆ gʼoꞈ leˇ-euˬ meh.

1 Saˬmeuˬlaˆ 2:10

SahˬpaˬMiˬyehˇ-ahˇ muiˇ-eu deuˬ, luˬ-iˇ seˇ-iˇ gaˇ keuˆ tehꞈ-a. Aˬ yawꞈ maꞈ-ahˇ mˬ kʼoeˇ taˆ neh, mˬ jeˬ tsawˬ tehˆ bi tehˆ tehꞈ-a. Miˇ tsaˬ zaˬ dawˬ tawˆ-ahˇ, Sahˬpaˬ Miˬyehˇ yaˇ kʼaˬ daˇ meh. Yawꞈ neh ka nehˬ-euˬ sahˬ paˬ-ahˇ, dzoeˬdzaˬ-eu baoˬyawꞈ biꞈ nehˬ-awˇ, yawꞈ neh tseˇ doˆ-euˬ sahˬ paˬ-ahˇ, gʼaˬ leˇ-eu gʼaˬ bi pyeuꞈ tehꞈ-a.”

1 Saˬmeuˬlaˆ 24:6

Daˬbiˇ aˬ yawꞈ-euˬ tsawˇ haˬ deuˬ-ahˇ ehˇ nehˬ-euˬ, “Sahˬpaˬ Miˬyehˇ neh tseˇ doˆ-euˬ sahˬ paˬ pyeuꞈ-eu ngaˬ-euˬ sahˬ paˬ-ahˇ ngaˇ maˬ ya laˆ tahˬ, maˬ ya laˆ naˇ ni, Sahˬpaˬ Miˬyehˇ ngaˬ-ahˇ haw piˇ luꞈ-uˇ. Aˬ yawꞈ-ahˇ ngaˇ ui cuiˆ tehꞈ-ehˇ kʼawꞈ maˬ laˆ tahˬ kʼmˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh aˬ yawꞈ-ahˇ tsiˇ shehˆ daˆ-awˇ tseˇ doˆ taˬ-euˬ meh.”

1 Saˬmeuˬlaˆ 26:11

Sahˬpaˬ Miˬyehˇ neh ka nehˬ-euˬ sahˬ paˬ-ahˇ laˆ tahˬ laˆ naˇ nehˬ-eu jeˬ maˬ ya mˇ ni, Sahˬpaˬ Miˬyehˇ ngaˬ-ahˇ laˆ tsoeˬ taˬ-euˬ meh. Aˬ yawꞈ-euˬ gahˬ hawˇ-eu iˇ puˬ yuˇ-awˇ doˆ-iˇ kaˇ-euˇ.”

1 Saˬmeuˬlaˆ 26:9

Ehˇ kʼawꞈ, Daˬbiˇ ehˇ-eu, “Aˬ yawꞈ-ahˇ laˆ tahˬ laˆ naˇ-eu jeˬ maˬ mˇ kʼmˬ-a. Sahˬpaˬ Miˬyehˇ neh tseˇ doˆ-euˬ sahˬ paˬ-ahˇ laˆ tahˬ laˆ naˇ-eu jeˬ mˇ-eu tsawˇ haˬ-ahˇ, Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a.”

1 Saˬmeuˬlaˆ 8:19

Ehˇ kʼawꞈ, Saˬmeuˬlaˆ neh ehˇ-euˬ dawˬ-ahˇ tsawˇ haˬ kʼoeˇ deuˬ-euˬ naˬ bawˇ maˬ gaˬ leˇ-a. Aˬ yawꞈ maꞈ ehˇ-eu, “Ehˬ-ehˇ ngeuˇ-iˬ. Nga maꞈ sahˬ paˬ tiˬ gʼaˬ geuꞈ mawꞈ-eu ma.

1 Saˬmeuˬlaˆ 8:9

Kʼoeˇ miˇ neh, aˬ yawꞈ maꞈ ehˇ gaˇ naˇ haˬ nehˬ-awˬ. Ehˇ kʼawꞈ, aˬ yawꞈ maꞈ ya yahˇ paˬ-ehˇ gʼeh-eu jeˬ yaw muiˬ paˬ-ehˇ ehˇ mehˬ nehˬ-awˇ, aˬ yawꞈ maꞈ-euˬ sahˬ paˬ aˬ yawꞈ maꞈ kʼoeˇ taˆ uˆ lahˇ-eu aˇ nah keuˆ le ngeh, aˬ joˆ-ehˇ pyeuꞈ laˇ paˬ-ehˇ jaˆ-eu gaˇ kawˆ deuˬ kʼawꞈ ja sawˇ nehˬ-awˬ.”

1 Saˬmeuˬlaˆ 9:16

“Ni shawˬ nah heu yamˬ-ahˇ, nawˇ jawˇ gaˇ Beˬyaˬmiˬ tsawˇ haˬ tiˬ gʼaˬ bi laˇ doˆ ma. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ bi uˆ lahˇ-eu gʼaˇ duˬ, aˬ yawꞈ-ahˇ tsiˇ shehˆ daˆ nehˬ-awˬ. Aˬ yawꞈ maꞈ-ahˇ, Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ neh aˬ yawꞈ ka kʼoꞈ nehˬ tehꞈ-a. Ngaˬ-euˬ tsawˇ haˬ deuˬ ya daˬ luꞈ-eu jeˬ-ahˇ ngaˇ mawˇ-awˇ, ‘Caw ba nehˬ laꞈ-awˬ’ lehˇ aˬ yawꞈ maꞈ guˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma.”

1 Saˬmeuˬlaˆ 9:27

Aˬ yawꞈ nyaꞈ meuˬ meuˬ dzeˇ iˇ keuˆ ngeh, “Nawˬ-euˬ zaˬ kʼaˆ-ahˇ mehˬ hu paw bi iˇ tawˬ-awˬ” lehˇ, Sawˇluˆ-ahˇ Saˬmeuˬlaˆ ehˇ nehˬ-euˬ meh. Zaˬ kʼaˆ kʼoeˇ gʼaˬ iˇ dzeuˇ ngeh, “Heu gaˇ tiˬ kʼehˬ naˬ-awˬ. Miˬyehˇ neh ehˇ-euˬ dawˬ nawˬ-ahˇ ngaˇ ehˇ nehˬ nyaˇ” lehˇ, Sawˇluˆ-ahˇ Saˬmeuˬlaˆ ehˇ nehˬ-euˬ meh.