1 Saˬmeuˬlaˆ 1:3 - Akha

³ Peˬniˇnaˬ gʼaˬ zaˬ jawˇ le kʼawꞈ, Haˬnahˬ gʼaˬ zaˬ maˬ jawˇ le-a. Eˇlaˬkaˬnaˬ-aˬ, aˬ yawꞈ kʼoꞈ yawꞈ Laˬmahˇ meuˬ-ahˇ neh Shiˇloˬ meuˬ-ahˇ le-awˇ, Sahˬpaˬ Miˬyehˇ-ahˇ uˬ duˬ tahˬ-awˇ lawˇ-eu shehˇ-eu meh. Hawˇpaˬniˇ hawˇ-eu Piˇnaˬhaˇ lehˇ myahˇ-euˬ Eˇliˆ-euˬ aˬ li nyiˬ li, Shiˇloˬ meuˬ-ahˇ piˇ ma geuꞈ luꞈ-eu meh.

1 Saˬmeuˬlaˆ 1:3 Σταυροειδείς Αναφορές

Jaceuq 78:60

Tsawˇ haˬ zaˬ nehˬ-ehˇ aˬ yawꞈ jawˇ-euˬ jawˇ duˬ pyeuꞈ-eu, Shiˇloˬ meuˬ-ahˇ jaˆ-eu sehˬ gʼawˆ-ahˇ aˬ yawꞈ byehˇ dzeh-euˬ meh.

Doˆ-iˇ 23:14

“Ngaˬ-ahˇ taˬ huiˬ taˬ mahˇ-eu laꞈ kʼoeˇ, tiˬ kʼoꞈ laꞈ kʼoeˇ, huiˬ-eu bawˬ-iˬ smˇ bawˬ-iˬ naw maˬ ya gʼeh meh.

Doˆ-iˇ 23:17

Aˬ yawꞈ kʼoꞈ yawꞈ, bawˬ-iˬ heu smˇ bawˬ-iˬ gʼeh-eu aˇ yamˬ keuˆ laˇ ngeh, kʼaˬ dzeˇ zaˬ dawˬ tawˆ luꞈ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ-ahˇ uˬ duˬ ya tahˬ laˇ meh.

Doˆ-iˇ 34:23

“Iˇsaˬleˬlaˆ tsawˇ haˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˬ-ahˇ, kʼaˬ dzeˇ zaˬ dawˬ tawˆ luꞈ tiˬ kʼoꞈ smˬ poˆ uˬ duˬ ya tahˬ laˇ meh.

Luˇkaꞈ 2:41

Yeˬsuˇ-euˬ aˬ ma aˬ da-aˬ, aˬ yawꞈ kʼoꞈ yawꞈ Yeˬluˇsaˬlehˬ meuˬ-ahˇ Baˬsaˬkaˬ Bawˬ-iˬ gʼeh ngeh le-eu meh.

Dawˬmehˬ 16:16

“Baˬsaˬkaˬ Bawˬ-iˬ, Cehˇ laˆ luiˆ-eu Bawˬ-iˬ hawˇ-eu, Sehˬ gʼawˆ-euˬ Bawˬ-iˬ heu smˇ hmˬ laꞈ kʼoeˇ, tiˬ kʼoꞈ smˬ poˆ, naw maꞈ tsawˇ haˬ kʼaˬ dzeˇ zaˬ dawˬ tawˆ luꞈ Sahˬpaˬ Miˬyehˇ-ahˇ uˬ duˬ ya tahˬ laˇ meh. Aˬ yawꞈ gʼaˬ yawꞈ, yawꞈ ngehꞈ-ehˇ maˬ laˇ ni, laꞈ sawˬ ya yuˇ laꞈ meh.

Yawˇshuˆ 18:1

Miˇ kʼahˬ kʼoeˇ kʼahˬ-ahˇ aˬ yawꞈ maꞈ deuˆ za gʼaˬ ngeh, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ Shiˇloˬ meuˬ-ahˇ uiˬ leˇ-awˇ, Sahˬpaˬ Miˬyehˇ-euˬ Sehˬ gʼawˆ tsoˆ-euˬ meh.

Yaˇ kʼaˬ daˇ 18:31

Miˬyehˇ-ahˇ uˬ duˬ tahˬ-eu sehˬ gʼawˆ kʼoeˇ, Shiˇloˬ meuˬ-ahˇ kʼaˇ jaˆ kʼoeˇ keuˆ ni, Miˇkaˬ-euˬ tahˬ pahˬ aˬ ma mawˇ kawˇ kʼawꞈ kʼoeˇ gaˇ jaˆ-euˬ meh.

Yaˇ kʼaˬ daˇ 21:19

Kʼoeˇ naˇ, “Tiˬ kʼoꞈ tiˬ poˆ Shiˇloˬ meuˬ-ahˇ Sahˬpaˬ Miˬyehˇ-euˬ bawˬ-iˬ gʼeh-eu aˇ yamˬ dawˬ peh peh laˇ luꞈ meh” lehˇ aˬ yawꞈ maꞈ shaˇ noeˬ luꞈ-eu meh. (Shiˇloˬ meuˬ-aˬ, Beˬdeˬlaˇ meuˬ-euˬ laꞈ taˆ paw hawˇ-eu Leˬboˇnaˬ meuˬ-euˬ laꞈ oˆ paw jaˆ-awˇ, Beˬdeˬlaˇ meuˬ hawˇ-eu Sheˬkmˬ meuˬ yaw kaˬ-ahˇ jaˆ-eu gaˇ ma-euˬ nahˇ ma doˆ kʼehˬ paw jaˆ-eu meh.)

1 Saˬmeuˬlaˆ 1:21

Eˇlaˬkaˬnaˬ hawˇ-eu aˬ yawꞈ-euˬ miˬ sawˇ zaˬ deuˬ Shiˇloˬ meuˬ-ahˇ tiˬ poˆ paˇ le-awˇ, aˬ yawꞈ kʼoꞈ yawꞈ lawˇ luꞈ-eu lawˇ-eu jeˬ hawˇ-eu, aˬ yawꞈ neh Sahˬpaˬ Miˬyehˇ-ahˇ lawˇ nehˬ-eu gʼaˇ duˬ saˇ jaˇ dzaˬ tsehˆ taˬ-euˬ lawˇ-eu jeˬ lawˇ nehˬ leˇ-eu aˇ yamˬ paˇ tsaˬ laˇ-euˬ meh.

1 Saˬmeuˬlaˆ 1:9

Tiˬ nah-aˬ, Shiˇloˬ meuˬ laꞈ kʼoeˇ aˬ yawꞈ maꞈ dzaˬ dehˆ dawˇ dehˆ gʼaˬ ngeh, Haˬnahˬ tsawˬ tuˇ laˇ-euˬ meh. Kʼoeˇ ngeh, Sahˬpaˬ Miˬyehˇ-euˬ nymˇ-ahˇ, laˇ gʼoˆ bahˬ dawˬ peh jaˆ-eu nuiˇ boˆ-ahˇ piˇ ma Eˇliˆ nuiˇ luꞈ-eu meh.

1 Saˬmeuˬlaˆ 14:3

Piˇ ma-euˬ pehˇ kʼahˬ pehˇ mahˇ dm-awˇ piˇ ma geuꞈ luꞈ-eu gʼaˬ-aˬ, Aˬhiˇtuˆ-euˬ aˬ li Aˬhiˇyaˬ meh. Aˬhiˇtuˆ-aˬ, Iˇkaˬbawˇ nehˬ-ehˇ tiˬ mehˇ nmˇ meh. Aˬ yawꞈ-aˬ, Piˇnaˬhaˇ-euˬ aˬ li pyeuꞈ-awˇ, Shiˇloˬ meuˬ-ahˇ Sahˬpaˬ Miˬyehˇ-euˬ piˇ ma geuꞈ-eu Eˇliˆ-euˬ oeˬ paˬ pyeuꞈ-eu meh. Yawˇnaˆshaˬ doˆ-iˇ-euˬ gaˇ kawˆ, kʼoeˇ gaˇ jawˇ-eu deuˬ maˬ siˬ nya -a.

1 Saˬmeuˬlaˆ 2:19

Tiˬ kʼoꞈ tiˬ poˆ aˬ yawꞈ-euˬ aˬ da lawˇ-eu shehˇ-eu jeˬ mˇ laˇ ngeh, aˬ ma gʼaˬ kʼawꞈ caw teh laˇ-awˇ, aˬ yawꞈ gʼaˇ duˬ pehˇ kʼahˬ pehˇ mahˇ mahˇ zaˬ tiˬ kahˇ guꞈ laꞈ nehˬ-eu meh.

1 Saˬmeuˬlaˆ 2:34

Nawˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ tiˬ nah laꞈ kʼoeˇ tehꞈ-ehˇ shiˇ ngeh, ngaˬ neh kʼaˇ ehˇ taˬ-euˬ jeˬ dawˬ tawˆ luꞈ aˬ diˇ aˬ maˇ pyeuꞈ laˇ luꞈ-eu gaˇ kawˆ, nawˬ-ahˇ bi mawˇ-eu ma.

1 Saˬmeuˬlaˆ 3:13

Aˬ yawꞈ-euˬ aˬ li deuˬ ngaˬ-ahˇ ngehˬ bahˬ tmˇ bahˬ-euˬ miˇ neh, aˬ yawꞈ-euˬ nymˇ jiˇ-ahˇ aˬ myah luꞈ ngaˇ kʼehˬ nehˬ ma lehˇ, Eˇliˆ-ahˇ ngaˇ ehˇ nehˬ taˬ-euˬ jaˆ-eu ma. Aˬ yawꞈ maꞈ kʼoeˇ loꞈ-ehˇ gʼeh luꞈ-eu Eˇliˆ siˬ nya kʼawꞈ, aˬ yawꞈ maꞈ-ahˇ maˬ laˆ tsoeˬ-a.

1 Saˬmeuˬlaˆ 4:11

Miˬyehˇ-euˬ Dawˬ ma saˇ jaˇ Bahˬ keuˆ aˬ cawˬ neh bi deuˆ za-awˇ, Eˇliˆ-euˬ aˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ bi sehꞈ-euˬ meh.

1 Saˬmeuˬlaˆ 4:4

Kʼoeˇ naˇ, Shiˇloˬ meuˬ-ahˇ tsawˇ haˬ pyehˬ gʼeh-awˇ, Baoˬ huiˬ-eu Miˬyehˇ-euˬ muiˬ-eu shawˇ-eu nuiˇ duˬ bi geuꞈ dah taˬ-euˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ keuˆ bi baꞈ laˬ leˇ-euˬ meh. Eˇliˆ-euˬ aˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ, dawˬ ma saˇ jaˇ Bahˬ keuˆ mehˬ nah caw teh gʼeh leꞈ-euˬ meh.