1 Saˬmeuˬlaˆ 1:1 - Akha

¹ Eˇpaˬleˬ tsawˇ jeuˬ laꞈ kʼoeˇ, Eˇlaˬ kaˬnaˬ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Eˇpaˬleˬ miˇ kʼahˬ gawˬ jawˬ gawˬ duˇ paw jaˆ-eu Laˬmahˇ meuˬ-ahˇ aˬ yawꞈ jawˇ-eu meh. Aˬ yawꞈ-aˬ, Zuˇpaˬ aˇ jeuˬ-ahˇ taꞈ-eu Toˇhuˇ aˇ jeuˬ aˇ ca tiˬ gʼaˬ pyeuꞈ-eu meh. Aˬ yawꞈ-euˬ aˬ bawˇ-aˬ, Eˇliˇhuˆ pyeuꞈ-awˇ, aˬ yawꞈ-euˬ aˬ da-aˬ, Yeˬloˇhamˬ meh.

1 Saˬmeuˬlaˆ 1:1 Σταυροειδείς Αναφορές

1 Sahˬpaˬ 11:26

Sawˇlaˬmoˬ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu Yeˬyawˇbamˬ kʼawꞈ, Sawˇlaˬmoˬ-ahˇ puiˬ-euˬ meh. Yeˬyawˇbamˬ-aˬ, Eˇpaˬleˬ miˇ kʼahˬ Zeˬleˬdaˬ meuˬ-ahˇ jawˇ-eu Neˬbaˇ-euˬ aˬ li meh. Aˬ yawꞈ-euˬ aˬ ma-aˬ, Zeˬluˇyaˆ lehˇ myahˇ-euˬ miˬ coeˬ miˬ ma tiˬ gʼaˬ meh.

1 Laˬsaˬbaˬ 6:12

Zaˬdoˆ, Shaˬlmˬ,

1 Laˬsaˬbaˬ 6:22

Kawˇhaˆ-ahˇ neh gui ka leꞈ-euˬ tsuiꞈ-aˬ, Kawˆhaˆ, Aˬmiˇnaˬdehˇ, Kawˇlaˆ, Aˬsiˇlaˆ,

1 Laˬsaˬbaˬ 6:33

Kʼoeˇ loꞈ-ehˇ gaˇ mˇ-eu aˇ jeuˬ aˇ ca deuˬ-euˬ tsuiꞈ-aˬ, heu loꞈ-ehˇ meh. Kawˇhaˆ aˇ jeuˬ laꞈ kʼoeˇ, kawˇ yehˬ caˇ-eu paw aˬ yuiꞈ geuꞈ-awˇ sheuˬ gʼeh-euˬ gʼaˬ-aˬ, Yawˇlaˆ-euˬ aˬ li Heˬmaˬ meh. Yaˬkoˆ-ahˇ keuˆ ni gui daˆ leꞈ-euˬ aˬ yawꞈ-euˬ tsuiꞈ daˆ-aˬ, Heˬmaˬ, Yawˇlaˆ, Saˬmoeˬlaˆ,

1 Laˬsaˬbaˬ 6:34

Eˇlaˬkaˬnaˬ, Yeˬloˇhamˬ, Eˇliˇlaˆ, Toˇhaˬ,

Maꞈtehˬ 27:57

Uˬ ciꞈ ciꞈ le ngeh, Aˬliˇmaꞈtehˬ meuˬ-ahˇ jawˇ-eu smˇ muiˬ muiˬ-eu tsawˇ haˬ tiˬ gʼaˬ oe keuˆ-euˬ meh. Aˬ yawꞈ-aˬ, Yoˇsehˆ lehˇ myahˇ-euˬ Yeˬsuˇ-euˬ zaˬ lahˇ meh.

Yawˇshuˆ 24:33

Aˬloˬ-euˬ aˬ li Eˇlaˬzaˬ shiˇ-awˇ, Eˇpaˬleˬ miˇ kʼahˬ gawˬ jawˬ gawˬ duˇ-ahˇ jaˆ-eu aˬ yawꞈ-euˬ aˬ li-ahˇ biꞈ-euˬ Giˇbyoˬ meuˬ-ahˇ baꞈ pahˬ-euˬ meh.

Yaˇ kʼaˬ daˇ 12:5

Eˇpaˬleˬ tsawˇ haˬ deuˬ maˬ bi cehˆ dzeuˇ-eu gʼaˇ duˬ, Yawˇdaˬ lawˇ baˬ-ahˇ tsehˆ daˬ kʼaˇ jaˆ gaˇ Giˇlaˆ tsawˇ haˬ deuˬ deuˆ gʼaˬ-awˇ loꞈ-euˬ meh. Cehˆ dzeuˇ mawꞈ-eu Eˇpaˬleˬ tsawˇ haˬ deuˬ, lawˇ baˬ bi tsehˆ nehˬ laꞈ lehˇ kʼaˇ shaˇ ngeh, “Nawˇ Eˇpaˬleˬ tsawˇ haˬ maˬ ngeuˇ loˇ” lehˇ Giˇlaˆ tsawˇ haˬ deuˬ naˇ haˬ-euˬ meh. “Maˬ ngeuˇ” lehˇ ehˇ naˇ,

Yaˇ kʼaˬ daˇ 17:1

Aˇ nah aˇ yamˬ kʼoeˇ yamˬ laꞈ kʼoeˇ, Eˇpaˬleˬ miˇ kʼahˬ gawˬ jawˬ gawˬ duˇ paw, Miˇkaˬ lehˇ kuˇ-euˬ tsawˇ haˬ tiˬ gʼaˬ jawˇ-eu meh.

Yaˇ kʼaˬ daˇ 19:1

Iˇsaˬleˬlaˆ tsawˇ jeuˬ sahˬ paˬ maˬ baw-eu aˇ nah aˇ yamˬ kʼoeˇ yamˬ laꞈ kʼoeˇ, Eˇpaˬleˬ miˇ kʼahˬ gawˬ jawˬ gawˬ duˇ-ahˇ, Leˬbiˇ tsawˇ haˬ tiˬ gʼaˬ jawˇ-euˬ meh. Yuˇdaˆ miˇ kʼahˬ Behˬlehˬhehˬ meuˬ-ahˇ jawˇ-eu zaˬ miˬ zaˬ tiˬ gʼaˬ-ahˇ aˬ yawꞈ ma nyiˇ laˬ-euˬ meh.

Yaˇ kʼaˬ daˇ 4:5

Eˇpaˬleˬ miˇ kʼahˬ gawˬ jawˬ gawˬ duˇ-ahˇ, Laˬmahˬ meuˬ hawˇ-eu Beˬdeˬlaˇ meuˬ yaw kaˬ-ahˇ jaˆ-eu daoˇ aˇ bawˬ tiˬ bawˬ dawˬ pehˬ-ahˇ aˬ yawˬ jawˇ-awˇ, Iˇsaˬleˬlaˆ tsawˇ haˬ deuˬ kʼoeˇ gaˇ le-awˇ yaˇ kʼaˬ bi daˇ-euˬ meh.

Luˇta 1:2

Tsawˇ haˬ kʼoeˇ gʼaˬ-euˬ tsawˇ myahˇ Aˬliˇmaˬlehˇ pyeuꞈ-awˇ, aˬ yawꞈ-euˬ nymˇ dahˬ-aˬ, Nawˇmi meh. Aˬ yawꞈ-euˬ aˬ li nyiˬ gʼaˬ-aˬ, Maˬhaˬloˬ hawˇ-eu, Ciˇlahˬ meh. Aˬ yawꞈ maꞈ-aˬ, Eˇpaˬlaˇ aˇ jeuˬ aˇ ca pyeuꞈ-eu meh. Mawˇbaˆ miˇ kʼahˬ-ahˇ aˬ yawꞈ maꞈ iˇ-awˇ jawˇ-euˬ meh.

1 Saˬmeuˬlaˆ 1:19

Yawˬ shawˬ yawˬ Eˇlaˬkaˬnaˬ hawˇ-eu aˬ yawꞈ-euˬ miˬ sawˇ zaˬ deuˬ yaw naꞈ-ehˇ tuˇ-awˇ, Sahˬpaˬ Miˬyehˇ-ahˇ uˬ duˬ tahˬ gʼaˬ ngeh, Laˬ mahˇ meuˬ-ahˇ gʼoꞈ-iˇ-euˬ meh. Eˇlaˬkaˬnaˬ hawˇ-eu Haˬnahˬ aˬ nyaꞈ dzeˇ zaˬ jawˇ taꞈ-awˇ, Haˬnahˬ-euˬ guiˬ lahˬ shaˇ dawˬ-ahˇ Miˬyehˇ noeˬ keuˆ nehˬ-euˬ meh.

1 Saˬmeuˬlaˆ 17:12

Daˬbiˇ-aˬ, Yuˇdaˆ miˇ kʼahˬ Behˬlehˬ hehˬ meuˬ-ahˇ jawˇ-eu Eˇpaˬleˬ tsawˇ jeuˬ Yeˬshehˇ-euˬ aˬ li pyeuꞈ-eu meh. Yeˬshehˇ-aˬ, aˬ li yehꞈ li jawˇ-eu meh. Sawˇluˆ sahˬ paˬ geuꞈ luꞈ ngeh, aˬ yawꞈ tsawˇ mawˬ mawˬ dui dui laˇ-euˬ meh.

1 Saˬmeuˬlaˆ 2:11

Kʼoeˇ naˇ, Laˬmahˇ meuˬ-ahˇ Eˇlaˬkaˬnaˬ gʼoꞈ-iˇ-euˬ meh. Ehˇ kʼawꞈ, aˬ li Saˬmeuˬlaˆ gʼaˬ Shiˇloˬ meuˬ-ahˇ jawˇ yaꞈ-awˇ, piˇ ma Eˇliˆ-euˬ laꞈ oˆ Sahˬpaˬ Miˬyehˇ-euˬ gaˇ mˇ-euˬ meh.

1 Saˬmeuˬlaˆ 7:17

Kʼoeˇ naˇ, aˬ yawꞈ jawˇ-eu Laˬmahˇ meuˬ-ahˇ paˇ gʼoꞈ-iˇ-awˇ, kʼoeˇ gaˇ kʼawꞈ yaˇ kʼaˬ daˇ nehˬ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, Laˬmahˇ meuˬ laꞈ kʼoeˇ lawˇ duˬ tiˬ tsahˇ aˬ yawꞈ gawˬ-euˬ meh.

1 Saˬmeuˬlaˆ 9:4

Eˇpaˬleˬ miˇ kʼahˬ gawˬ jawˬ gawˬ duˇ doe ni poˆ-awˇ, Shaˬliˇshahˬ gahˬ kaˬ doe ni poˆ ka gʼeh kʼawꞈ, mahˬ tahˬ laˆ kʼoeˇ deuˬ-ahˇ aˬ yawꞈ nyaꞈ maˬ poˆ mawˇ nya-a. Shaˇliˬ gahˬ kaˬ paˇ poˆ doe kʼawꞈ maˬ poˆ mawˇ nya-ehˇ, Beˬyaˬmiˬ miˇ kʼahˬ paw paˇ poˆ-iˇ-euˬ meh. Ehˇ kʼawꞈ, mahˬ tahˬ laˆ kʼoeˇ deuˬ-ahˇ maˬ poˆ mawˇ nya-a.

1 Saˬmeuˬlaˆ 9:5

Zuˇpaˬ gahˬ kaˬ-ahˇ aˬ yawꞈ nyaꞈ oe keuˆ ngeh, “Aˇ nyaꞈ gʼoꞈ-iˇ kaˇ-euˇ. Nymˬ-mˇ ngaˬ da mahˬ tahˬ laˆ gaˇ kawˆ maˬ paˇ noeˬ ni, aˇ nyaꞈ gʼaˇ duˬ kʼahˬ lahˇ lahˇ-ehˇ jawˇ-eu baw le” lehˇ, zaˬ kʼaˆ kʼoeˇ gʼaˬ-ahˇ Sawˇluˆ ehˇ nehˬ-euˬ meh.