1 Gawˇliˬtu 7:9 - Akha

⁹ Ehˇ kʼawꞈ, yawˬ ha-euˬ nui ma-ahˇ maˬ gʼaˬ leˇ naˇ, cawˬ shaˇ baw-eu tsaˬ dzehˬ tehꞈ-a. Aˬ jeˬ miˇ neh ehˇ naˇ, yuꞈ taꞈ jawˇ taꞈ mawꞈ-eu nui kʼahˇ-ahˇ dzahˬ tehˬ taˬ-eu naˆ maˬ tseˇ, cawˬ shaˇ baw-awˇ jawˇ-eu muiˬ dzehˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aerkhawf, yawqha-euq nuima-anr maq ghaqler nar-aq, oermr bar-eu tsaq mae. Aqjeq mirnae aernar-aq, yuftaf jawrtaf mawf-eu nuikhanr nae bipuiv-eu navmaqtser, oermr bar-eu-aq muiqdzaeq-eu mae.

1 Gawˇliˬtu 7:9 Σταυροειδείς Αναφορές

Gʼaˬkʼehˇ 19:36

Gaˇ kawˆ heu maˬ ngeuˇ-a lehˇ tsawˇ haˬ tiˬ gʼaˬ-iˬ maˬ pyehˇ nya-a. Kʼoeˇ miˇ neh, naw maꞈ ciˬ cuˇ ni jawˇ-eu tsaˬ meh. Maˬ shaˇ noeˬ ni luiˬ gʼa-eu maˬ tsaˬ-a.

1 Gawˇliˬtu 7:2

Ehˇ kʼawꞈ, aˬ cawˬ nehˬ-ehˇ joe ni muˇ juˇ juˇ-eu jeˬ jaˆ myaˬ-eu miˇ neh, kʼaˬ dzeˇ zaˬ yawˬ gʼaˬ na luꞈ miˬ zaˬ baw-eu tsaˬ-awˇ, zaˬ miˬ zaˬ yawˬ gʼaˬ na luꞈ kʼawꞈ kʼaˬ dzeˇ zaˬ baw-eu tsaˬ meh.

1 Gawˇliˬtu 7:28

Nawˇ miˬ zaˬ sheuˬ naˇ, sheuˬ-euˬ kʼoeˇ iˬ baˇ mˇ-eu maˬ ngeuˇ-a. Kʼaˬ dzeˇ zaˬ maˬ baw-eu zaˬ miˬ zaˬ tiˬ gʼaˬ smˇ miˇ iˇ naˇ kʼawꞈ, smˇ miˇ iˇ-euˬ kʼoeˇ iˬ baˇ mˇ-eu maˬ ngeuˇ-a. Ehˇ kʼawꞈ, gʼeh nya naˇ, sheuˬ dahˬ dzaˬ-euˬ tsawˇ haˬ deuˬ miˇ tsaˬ heu kʼoeˇ taˆ ya tahˬ puˬ-eu shaˬ zahˬ kʼoeˇ deuˬ naw maꞈ kʼoeˇ taˆ maˬ bi keuˆ le mawꞈ nya.

1 Gawˇliˬtu 7:36

Tsawˇ haˬ nyiˬ gʼaˬ ngehˬ cawˬ tsehˆ gʼaˬ taˬ-euˬ kʼawꞈ, maˬ sheuˬ dahˬ dzaˬ ni byehˇ-euˬ ehˇ-awˬ. Kʼaˬ dzeˇ zaˬ gʼaˬ zaˬ miˬ zaˬ kʼoeˇ gʼaˬ-ahˇ maˬ sheuˬ nehˬ-euˬ gaˇ noeˬ kʼahˇ mahˇ-eu uˬ taꞈ, aˬ yawꞈ-euˬ nui loˆ-ahˇ aˬ yawꞈ maˬ gʼaˬ leˇ-ehˇ sheuˬ mawꞈ-eu nui ma ahˇ naˇ, sheuˬ-eu tsaˬ tehꞈ-a. Kʼoeˇ loꞈ-ehˇ sheuˬ-euˬ kʼoeˇ-aˬ, iˬ baˇ mˇ-eu maˬ ngeuˇ-a.

1 Gawˇliˬtu 7:39

Kʼaˬ dzeˇ zaˬ baw-eu zaˬ miˬ zaˬ-aˬ, yawˬ ha-euˬ kʼaˬ dzeˇ zaˬ kʼaˇ dehꞈ kʼoeˇ keuˆ ni yawˬ zahˇ yawˬ maˬ ya iˇ paˇ-a. Kʼaˬ dzeˇ zaˬ shiˇ dzeuˇ naˇ, yawˬ ha kʼaˇ dahˬ dzaˬ-iˇ mawꞈ gaˇ dahˬ dzaˬ-iˇ nya meh. Ehˇ kʼawꞈ, Ka li zaˬ-ahˇ tehꞈ-ehˇ ya dahˬ dzaˬ-iˇ meh.

1 Teˇsaˬloˇni 4:4

Naw maꞈ yawˬ gʼaˬ na luꞈ, yawˬ ha-euˬ miˬ zaˬ nehˬ-ehˇ muiˬ-eu shawˇ-eu laꞈ kʼoeˇ hawˇ-eu aˬ cawˬ yaw zeu baw paˬ-ehˇ aˬ joˆ-ehˇ ya dehꞈ taꞈ-eu gaˇ kawˆ siˬ nya-eu tsaˬ meh.

1 Tiˆmoˇseˬ 5:11

Ehˇ kʼawꞈ, aˇ kʼoꞈ maˬ kʼawˆ laˇ-euˬ miˬ coeˬ miˬ ma deuˬ-ahˇ, miˬ coeˬ miˬ ma meh lehˇ maˬ sawˇ tsehˆ nya-a. Aˬ jeˬ miˇ neh ehˇ naˇ, aˬ yawꞈ maꞈ dahˬ dzaˬ-iˇ mawꞈ laˇ ngeh,

1 Tiˆmoˇseˬ 5:14

Kʼoeˇ miˇ neh, aˬ dui-ahˇ muiˇ-eu deuˬ aˬ dui-euˬ gaˇ kawˆ ja bu ja doeˇ kʼaˇ maˬ bi za ni, aˇ kʼoꞈ maˬ kʼawˆ laˇ-euˬ zaˬ miˬ zaˬ deuˬ bi dahˬ dzaˬ-iˇ-awˇ, zaˬ ciˬ zaˬ cu mˇ-eu laꞈ kʼoeˇ yawˬ ha-euˬ nymˇ jiˇ-ahˇ bo saˆ-eu jeˬ-ahˇ ngaˇ geuꞈ mawꞈ-eu ma.