1 Gawˇliˬtu 2:8 - Akha

⁸ Miˇ tsaˬ heu kʼoeˇ taˆ uˆ lahˇ-eu sahˬ paˬ sahˬ ma deuˬ zaˬ siˬ tsawˇ gahˇ kʼoeˇ-ahˇ tiˬ gʼaˬ-iˬ maˬ siˬ nya-aˬ. Siˬ nya law nmˇ-aˬ, yaw shehꞈ kʼahˬ sehˇ huiˬ dui dui-eu Sahˬpaˬ-ahˇ laꞈ yaꞈ kʼoeˇ taˆ maꞈ taꞈ sehꞈ-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Mirtsaq heu-euq khoertav uvlanr-eu deuq, tiqghaq-iq zaqsiq tsawrganr heu-anr maq siqnya-a. Aqyawfmaf siqnya lawnmr-aq, yawshaef khanqsaer huiq-eu Sanqpaq-anr maq tafsaef-ar.

1 Gawˇliˬtu 2:8 Σταυροειδείς Αναφορές

Maꞈtehˬ 11:25

Kʼoeˇ ngeh, Yeˬsuˇ heu loꞈ-ehˇ ehˇ-eu meh. “Mˬ hawˇ-eu miˇ-ahˇ uˆ lahˇ-eu Sahˬpaˬ pyeuꞈ-eu Aˬda-oˇ, zaˬ siˬ tsawˇ gahˇ ahˇ-eu tsawˇ haˬ deuˬ hawˇ-eu siˬ-eu nya-eu tsawˇ haˬ deuˬ-euˬ mehˬ shi neh zaꞈ taˬ-euˬ jeˬ, maˬ siˬ maˬ nya-eu tsawˇ haˬ deuˬ-ahˇ nawˇ pah mehˬ-euˬ miˇ neh, nawˬ-euˬ guiˬ lahˬ-ahˇ ngaˇ ja ceuˬ-eu ma.

Maꞈtehˬ 13:22

Aˬ gah gah yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, dawˬ kʼoeˇ deuˬ-ahˇ ya gaˬ-euˬ kʼawꞈ, shiˬ shaˬ jiˇ gaˇ kawˆ kʼahˬ lahˇ-eu jeˬ hawˇ-eu, pyuˇ shuiˇ myawˬ gahˬ-ahˇ gaˬ-eu nui ma neh bi uˆ tehˬ-awˇ, aˇ siˬ maˬ siˬ le nya-eu tsawˇ haˬ deuˬ-ahˇ ehˇ mawꞈ-eu meh.

Luˇkaꞈ 23:34

Yeˬsuˇ ehˇ-eu, “Aˬda-oˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ-ahˇ aˬ yawꞈ maꞈ maˬ siˬ nya-a.” Aˬ yawꞈ maꞈ shehˆ tsaˬ tsaˬ-awˇ, Yeˬsuˇ-euˬ mehˬ tsoeˬ biˇ geuꞈ-euˬ meh.

Yoˇhaˬ 16:3

Aˬda-ahˇ maˬ ehˇ, ngaˬ-ahˇ maˬ ehˇ, aˬ yawꞈ maꞈ maˬ siˬ nya-eu miˇ neh, naw maꞈ-ahˇ kʼoeˇ loꞈ-ehˇ kʼehˬ nehˬ laꞈ tehꞈ-a.

Yoˇhaˬ 7:48

Aˬ yuiꞈ aˬ tsu deuˬ hawˇ-eu Paˬliˬsehˇ deuˬ laꞈ kʼoeˇ aˬ yawꞈ-ahˇ jah-eu tsawˇ haˬ tiˬ gʼaˬ na mawˇ haw teˬ loˇ.

Yoˇhaˬ 8:19

Aˬ yawꞈ maꞈ ehˇ-eu, “Nawˬ da aˬ gaˇ jawˇ ta.” Yeˬsuˇ ehˇ-eu, “Ngaˬ-ahˇ maˬ ehˇ, ngaˬ Da-ahˇ maˬ ehˇ, naw maꞈ maˬ siˬ nya-a. Naw maꞈ ngaˬ-ahˇ siˬ nya law nmˇ-aˬ, ngaˬ Da-ahˇ kʼawꞈ siˬ nya tehꞈ-a.”

Gʼaˬkʼehˇ 13:27

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu aˬ yawꞈ maꞈ-euˬ aˬ yuiꞈ aˬ tsu deuˬ-aˬ, aˬ yawꞈ Ka kʼoꞈ-eu gʼaˬ pyeuꞈ-eu gaˇ kawˆ siˬ nya-eu maˬ ngeuˇ-a. Jawˇ nah aˬ yawꞈ nah yawꞈ gui luꞈ-eu Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ kʼawꞈ, aˬ yawꞈ maꞈ maˬ siˬ nya-a. Ehˇ kʼawꞈ, aˬ yawꞈ maꞈ Yeˬsuˇ-ahˇ muiˇ-eu laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ byah laˇ ni jahˇ-euˬ meh.

Gʼaˬkʼehˇ 7:2

Saˬteˬpaˬ ehˇ-eu, “Aˬ yuiꞈ aˬ nyiˇ aˬ da aˬ ma deuˬ-oˇ, ngaˇ ehˇ gaˇ naˇ haˬ sheˇ. Aˬ dui-euˬ aˬ da yaw dzahˇ Aˬbyaˬhaˬ Haˬlaˬ meuˬ-ahˇ maˬ jawˇ-iˇ mi naˆ-ehˇ, Maˬsoˬpaˬtaˬmiˇ miˇ kʼahˬ laꞈ kʼoeˇ yaw shehꞈ kʼahˬ sehˇ huiˬ-eu Miˬyehˇ aˬ yawꞈ-euˬ mehˬ shi doˆ le-awˇ,

1 Gawˇliˬtu 1:20

Kʼoeˇ miˇ neh, zaˬ siˬ tsawˇ gahˇ ahˇ-eu tsawˇ haˬ aˬ gaˇ jawˇ ta lehˇ ehˇ haw sheˇ. Zahˇ dawˬ kʼoꞈ dawˬ mehˬ-eu saˬ laˬ deuˬ aˬ gaˇ jawˇ ta lehˇ ehˇ haw sheˇ. Heu ziˇ-ahˇ ja ceh ceh-eu paw nya dui dui-eu tsawˇ haˬ deuˬ aˬ gaˇ jawˇ ta lehˇ ehˇ haw sheˇ. Miˇ tsaˬ heu kʼoeˇ taˆ jaˆ-eu zaˬ siˬ tsawˇ gahˇ deuˬ yawꞈ ngehꞈ meh lehˇ Miˬyehˇ neh bi siˬ bi mawˇ laꞈ gʼaˬ-euˬ maˬ ngeuˇ-a loˇ.

1 Gawˇliˬtu 2:6

Guiˬ lahˬ saꞈ laˇ paw gʼaˬ kʼaˆ loꞈ laˇ-euˬ tsawˇ haˬ deuˬ-ahˇ-aˬ, zaˬ siˬ tsawˇ gahˇ-euˬ dawˬ mehˬ-euˬ ma. Ehˇ kʼawꞈ, zaˬ siˬ tsawˇ gahˇ kʼoeˇ-aˬ, miˇ tsaˬ heu-ahˇ taꞈ-eu zaˬ siˬ tsawˇ gahˇ maˬ ngeuˇ-a. Piˬ-iˇ byoˆ-iˇ luꞈ-eu miˇ tsaˬ heu kʼoeˇ taˆ uˆ lahˇ luꞈ-eu baoˬ kʼoeˇ deuˬ-euˬ zaˬ siˬ tsawˇ gahˇ kʼawꞈ maˬ ngeuˇ-a.

2 Gawˇliˬtu 3:14

Ehˇ kʼawꞈ, aˬ yawꞈ maꞈ nui ma gʼahˇ-eu meh. Iˬ nah keuˆ ni aˬ yawꞈ maꞈ dawˬ ma saˇ jaˇ yaw oeˇ-ahˇ kʼaˇ gui ngeh, myaˆ pyawˬ-ahˇ saˬ paˇ dehˬ kaˬ taˬ-euˬ kʼoeˇ maˬ yuˇ dzeh-aˬ siˬ. Aˬ jeˬ miˇ neh ehˇ naˇ, ka li-ahˇ maˬ taꞈ naˇ myaˆ pyawˬ-ahˇ dehˬ kaˬ taˬ-euˬ saˬ paˇ kʼoeˇ maˬ yuˇ dzeh nya-a.

Eˇpeˇsu 1:17

Naw maꞈ-ahˇ Yaw sahˇ Miˬyehˇ biꞈ nehˬ-eu gʼaˇ duˬ, baoˬ yaw shehꞈ kʼahˬ sehˇ huiˬ-eu Aˬda pyeuꞈ-eu aˬ duiˬ-euˬ Sahˬpaˬ Yeˬsuˇ Ka li-euˬ Miˬyehˇ-ahˇ ngaˇ shaˇ-eu ma. Naw maꞈ Miˬyehˇ-ahˇ siˬ nya laˇ ni, yaw sahˇ Miˬyehˇ naw maꞈ-ahˇ zaˬ siˬ tsawˇ gahˇ bi ahˇ laˇ-awˇ, Miˬyehˇ gaˇ kawˆ pah mehˬ nehˬ laꞈ tehꞈ-a.

Eˇpeˇsu 4:18

Aˬ yawꞈ maꞈ-euˬ nui ma zahˇ tsui ni gʼeh-eu meh. Aˬ yawꞈ maꞈ tiˬ jeˬ-iˬ maˬ siˬ nya-eu uˬ taꞈ, nui ma gʼahˇ-eu miˇ neh, Miˬyehˇ neh biꞈ-euˬ yaw dehꞈ dehꞈ-eu jeˬ-ahˇ tiˬ pawꞈ-iˬ maˬ taꞈ-a.

1 Tiˆmoˇseˬ 1:13

Dzeuˇ laˇ ngeh aˬ yawꞈ-ahˇ ngaˇ ja doeˇ-awˇ, kʼehˬ nehˬ kʼaˆ nehˬ-awˇ, yehˬ bawˬ sehˇlu-ehˇ ehˇ nehˬ-euˬ ma. Ehˇ kʼawꞈ, ngaˇ jah-eu jeˬ maˬ ahˇ laˇ dah-ehˇ yawˬ ha mˇ luꞈ-eu jeˬ-ahˇ maˬ tseˇ paˆ nya-euˬ baˬ da neh, Miˬyehˇ ngaˬ-ahˇ gʼawˬ shaˬ gaˬ nehˬ laꞈ-euˬ meh.

Yaˬkoˆ 2:1

Aˬ yuiꞈ aˬ nyiˇ ka li zaˬ deuˬ-oˇ, yaw shehꞈ kʼahˬ sehˇ huiˬ-eu Sahˬpaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-ahˇ jah-eu aˬ dui-aˬ, aˬ cawˬ-ahˇ kʼoeˇ taˆ paw haw-awˇ myaˆ pyawˬ huiˬ nyiˇ maˬ ya tseˇ-a.