1 Gawˇliˬtu 14:32 - Akha

³² Miˬyehˇ dawˬ kawˬ mehˬ-eu gʼaˬ-aˬ, yawˬ ha neh za taˬ-euˬ Miˬyehˇ dawˬ kawˬ mehˬ-eu laꞈ sawˬ-ahˇ yaw muiˬ paˬ-ehˇ nyehꞈ tehˬ gʼaˬ nya-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Miqyaer gharduq ngaeqdan-eu tsawrhaq-euq saflar-aq, Miqyaer gharduq ngaeqdan-eu ghaq-euq navni jav-eu mae.

1 Gawˇliˬtu 14:32 Σταυροειδείς Αναφορές

2 Sahˬpaˬ 2:3

Kʼoeˇ gaˇ jawˇ-eu Miˬyehˇ gʼaˇ duˬ ngehˬ dah-eu deuˬ, Eˇliˇshehˇ jawˇ gaˇ iˇ-awˇ, “Sahˬpaˬ Miˬyehˇ Eˇliˇyaˆ-ahˇ sheuˬ kʼoꞈ gʼeh-eu lehˇ gʼeh-eu nawˇ siˬ nya ma loˇ” lehˇ ehˇ nehˬ ngeh, “Ngaˇ siˬ nya ma. Ehˇ kʼawꞈ, gaˇ kawˆ heu aˬ dui maˬ ja-ehˇ, ciˬ cuˇ ni jawˇ kaˇ-euˇ” lehˇ, Eˇliˇshehˇ ehˇ kʼoꞈ nehˬ-euˬ meh.

2 Sahˬpaˬ 2:5

Kʼoeˇ gaˇ jawˇ-eu Miˬyehˇ gʼaˇ duˬ ngehˬ dah-eu deuˬ Eˇliˇshehˇ jawˇ gaˇ iˇ-awˇ, “Sahˬpaˬ Miˬyehˇ Eˇliˇyaˆ-ahˇ sheuˬ kʼoꞈ gʼeh-eu lehˇ gʼeh-eu nawˇ siˬ nya ma loˇ” lehˇ ehˇ nehˬ ngeh, “Ngaˇ siˬ nya ma. Ehˇ kʼawꞈ, gaˇ kawˆ heu aˬ dui maˬ ja-ehˇ ciˬ cuˇ ni jawˇ kaˇ-euˇ” lehˇ, Eˇliˇshehˇ ehˇ kʼoꞈ nehˬ-euˬ meh.

Yeˬlaˬmiˇ 20:9

Ehˇ kʼawꞈ, Sahˬpaˬ Miˬyehˇ-ahˇ ngehˇ byoˆ-awˇ, aˬ yawꞈ tsawˇ myahˇ uˬ moˆ dawˬ dzawˇ maˬ paˇ mˇ ma ehˇ ngeh, nawˬ-euˬ dawˬ kawˬ ngaˬ-euˬ nui ma laꞈ kʼoeˇ, miˬ dzaˬ doꞈ gaˇ duˇ nya. Ngaˇ kʼaˇ dzahˬ tehˬ coeˇ-eu jahˬ kʼawꞈ, maˬ dzahˬ tehˬ gʼaˬ coeˇ nya.

Gʼaˬkʼehˇ 13:1

Aˬdiˇawˬ Ka li zaˬ aˇ muˇ laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ hawˇ-eu mehˬ-eu tsoˆ-eu saˬ laˬ deuˬ jawˇ-eu meh. Tsawˇ haˬ kʼoeˇ deuˬ-aˬ, Baˬnaˬbaˇ, Niˇgaˬ lehˇ kuˇ-eu Suˇmoˬ, Kuˇleˬniˬ miˇ kʼahˬ-ahˇ neh laˇ-euˬ Luˇgiˇ, sahˬ paˬ Heˬloˆ nehˬ-ehˇ tiˬ kawˆ loꞈ-ehˇ huiˬ laˇ-euˬ Maˬneˬ hawˇ-eu, Sawˇluˆ aˬ ha maꞈ meh.

1 Gawˇliˬtu 14:31

Naw maꞈ yawˬ gʼaˬ na luꞈ dzaw geuꞈ-awˇ gʼaˬ ahˇ laˇ nya ni, yawˬ gʼaˬ na luꞈ tiˬ gʼaˬ saˇ-iˬ tiˬ gʼaˬ Miˬyehˇ dawˬ kawˬ mehˬ-eu tsaˬ meh.

1 Gawˇliˬtu 14:33

Aˬ jeˬ miˇ neh ehˇ naˇ, aˬ dui maˬ tsaˬ maˬ dzoeˇ leˇ-eu jeˬ-ahˇ Miˬyehˇ maˬ geuꞈ mawꞈ-a. Tsaˬ leˇ dzoeˇ leˇ-eu jeˬ-ahˇ aˬ yawꞈ geuꞈ mawꞈ-eu meh. Miˬyehˇ-euˬ tsawˇ haˬ deuˬ-euˬ Ka li zaˬ aˇ muˇ yawˬ muˇ na luꞈ mˇ luꞈ-eu loꞈ-ehˇ,

2 Teˇsaˬloˇni 2:2

Sahˬpaˬ Yeˬsuˇ-euˬ Aˇnah keuˆ le gʼaˬ-euˬ meh lehˇ aˬ cawˬ ehˇ gaˇ naw maꞈ yaw awˇ laꞈ-ehˇ taˬ noeˬ bahˬ. Nui ma yaw tsaˇ taˬ tsaˇ. Nga maꞈ dawˬ mehˬ mehˬ ngeh kʼoeˇ loꞈ-ehˇ ehˇ-eu meh lehˇ aˬ cawˬ naw maꞈ-ahˇ tsaꞈ nehˬ laˇ-eu baw tehꞈ-a. Maˬ ngeuˇ naˇ, nga maꞈ sahˬ boꞈ boꞈ-awˇ kʼoeˇ loꞈ-ehˇ ehˇ-eu meh lehˇ tsaꞈ laˇ tehꞈ-a.

1 Yoˇhaˬ 4:1

Ngaˇ gaˬ dui dui-eu cawˬ deuˬ-oˇ, Yaw sahˇ Miˬyehˇ za-euˬ tsawˇ haˬ ma lehˇ kʼaˇ ehˇ laˇ gaˇ naw maꞈ maˬ jah ni, aˬ yawꞈ maꞈ za-euˬ yaw sahˇ kʼoeˇ Miˬyehˇ jawˇ gaˇ neh oe-euˬ nga loˇ lehˇ jeˬ huˬ lawˬ haw-awˬ. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ deuˬ miˇ tsaˬ doe ni iˇ byah taˬ-euˬ meh.

Panmaeq 22:6

Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ heu loꞈ-ehˇ ehˇ-eu meh. “Dawˬ heu deuˬ-aˬ, tsaˬ dui dawˇ dui dui-awˇ, jah dui dui paˬ-ehˇ gʼeh-eu dawˬ deuˬ meh. Kʼoeˇ naˇ, Miˬyehˇ gʼaˇ duˬ ngehˬ dah-eu deuˬ-ahˇ Yaw sahˇ Miˬyehˇ biꞈ-euˬ gʼaˬ pyeuꞈ-eu Sahˬpaˬ Miˬyehˇ-aˬ, aˬ yawꞈ-euˬ mˬ taˆ gʼaˬ kʼehˇ pyehˬ gʼeh-awˇ, gʼawˬ myahˇ maˬ gʼeh-ehˇ pyeuꞈ laˇ-eu gaˇ kawˆ aˬ yawꞈ-euˬ zaˬ kʼaˆ deuˬ-ahˇ bi mehˬ-iˇ-euˬ meh.”