1 Gawˇliˬtu 11:3 - Akha

³ Ehˇ kʼawꞈ, Ka li-aˬ, tsawˇ haˬ yawˬ gʼaˬ na luꞈ-euˬ uˬ duˬ pyeuꞈ-eu gaˇ kawˆ maˬ ehˇ, kʼaˬ dzeˇ zaˬ-aˬ miˬ zaˬ-euˬ uˬ duˬ pyeuꞈ-eu gaˇ kawˆ maˬ ehˇ, Miˬyehˇ-aˬ Ka li-euˬ uˬ duˬ pyeuꞈ-eu gaˇ kawˆ maˬ ehˇ, naw maꞈ bi gʼoˆ shaw mawꞈ miˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aerkhawf, ngar, nawmaf-anr heulof-aer bi siqnya’mawf mir-a. Zaqyo aqli yawqghaq navluf-euq uqduq-aq Kali mae. Zaqmiq aqbur-euq uqduq-aq zaqyo aqli mae. Kali-euq uqduq-aq Miqyaer mae.

1 Gawˇliˬtu 11:3 Σταυροειδείς Αναφορές

Aˇ dahˬ 3:16

Kʼoeˇ naˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ heu loꞈ-ehˇ ehˇ nehˬ-euˬ meh. “Aˬ nyiˇ pi luꞈ ngeh maˬ ehˇ, aˬ nyiˇ ciˬ ngeh maˬ ehˇ, nawˇ ya mˇ-eu shaˬ zahˬ heu naˆ maˬ tseˇ naꞈ dzehˬ laˇ ni ngaˇ jahˇ ma. Nawˇ kʼoeˇ naˆ naˆ-ehˇ ya shaˬ kʼawꞈ, nawˬ-euˬ kʼaˬ dzeˇ zaˬ-ahˇ nawˇ aˬ myah luꞈ nui kʼahˇ jaˆ tehꞈ-a. Ehˇ kʼawꞈ, nawˬ-euˬ kʼaˬ dzeˇ zaˬ uˆ lahˇ-eu uˬ moˆ nawˇ ya jawˇ tehꞈ-a” lehˇ ehˇ nehˬ-euˬ meh.

Iˇsaˬyaˇ 52:13

Sahˬpaˬ Miˬyehˇ ehˇ-eu, “Ngaˬ-euˬ zaˬ kʼaˆ aˬ yawꞈ-ahˇ doˇ-eu gaˇ mˇ jiˇ tehꞈ-a. Ciˬ huiˬ ciˬ mahˇ nehˬ-eu guiˬ lahˬ-ahˇ aˬ yawꞈ za tehꞈ-a.

Iˇsaˬyaˇ 55:4

Miˇ kʼahˬ tsawˇ jeuˬ deuˬ-ahˇ sheuˬ gʼeh-eu baoˬ aˬ yawꞈ-ahˇ ngaˇ biꞈ-awˇ, aˬ yawꞈ-ahˇ gʼoe-awˇ tsawˇ jeuˬ kʼoeˇ deuˬ-ahˇ, ngaˬ-euˬ baoˬ ngaˇ bi mawˇ-euˬ ma.

Maꞈtehˬ 28:18

Yeˬsuˇ aˬ yawꞈ maꞈ-euˬ dawˬ peh jiˆ le-awˇ, heu loꞈ-ehˇ ehˇ nehˬ-euˬ meh. “Mˬ hawˇ-eu miˇ tsaˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ, ngaˬ-ahˇ biꞈ jiˇ laꞈ-euˬ meh.

Yoˇhaˬ 14:28

‘Ngaˇ naw maꞈ-ahˇ byehˇ yaꞈ-euˬ kʼawꞈ, tiˬ poˆ paˇ oe ma’ lehˇ, naw maꞈ-ahˇ ehˇ nehˬ gʼaˬ-euˬ ma. Naw maꞈ ngaˬ-ahˇ gaˬ law nmˇ-aˬ, ngaˇ Aˬda jawˇ gaˇ gʼoꞈ leˇ ngeh, naw maꞈ laˬ kʼaˬ cehˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, ngaˇ naˆ maˬ tseˇ huiˬ dzehˬ mahˇ dzehˬ-eu meh.

1 Gawˇliˬtu 3:23

Naw maꞈ-aˬ, Ka li-euˬ pyeuꞈ-awˇ, Ka liˬaˬ, Miˬyehˇ-euˬ pyeuꞈ-eu meh.

Eˇpeˇsu 4:15

Gʼoeˇ-eu gaˬ-eu nui ma ahˇ-eu laꞈ kʼoeˇ yaw tsaˬ yaw dawˇ jeˬ ngehˬ-awˇ, aˬ dui-euˬ uˬ duˬ pyeuꞈ-eu Ka li laꞈ kʼoeˇ yawˬ jeˬ na luꞈ ya bi huiˬ ya bi mahˇ laˇ tehꞈ-a.

Gawˇlawˇsehˇ 1:18

Aˬ yawꞈ-aˬ, aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ-euˬ uˬ duˬ pyeuꞈ-awˇ, gʼawˇ mawˇ kʼoeˇ-ahˇ yaw dehꞈ bi dehꞈ-eu gʼaˬ pyeuꞈ-eu meh. Kʼaˇ jawˇ kʼaˇ jaˆ-eu jeˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ mahˇ dzeh ni, shiˇ-euˬ gaˇ gʼoꞈ dehꞈ laˇ-euˬ dehꞈ beh beh le-euˬ gʼaˬ pyeuꞈ-eu meh.

Gawˇlawˇsehˇ 2:10

Naw maꞈ-ahˇ aˬ yawꞈ laꞈ kʼoeˇ tiˬ byah tiˬ loꞈ ya jawˇ-eu jeˬ biꞈ taˬ-euˬ meh. Mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ deuˬ hawˇ-eu baoˬ deuˬ kʼoeˇ taˆ aˬ yawꞈ huiˬ dzehˬ-eu meh.

Gawˇlawˇsehˇ 2:19

Aˬ yawꞈ maꞈ-aˬ, Ka li zaˬ aˇ muˇ-euˬ uˬ duˬ pyeuꞈ-eu Ka li-ahˇ maˬ paˇ tsoꞈ taꞈ ni byehˇ-euˬ meh. Uˬ duˬ pyeuꞈ-eu Ka li uˆ lahˇ-eu uˬ moˆ gʼawˇ mawˇ mawˇ lah-ehˇ gʼaˬ tiˬ byah ni ahˇ-awˇ, yoeˬ tsuiꞈ yoeˬ laꞈ hawˇ-eu shaˬ guˬ shaˬ caˆ deuˬ neh tiˬ gaˇ gʼeu tawꞈ jiˇ taˬ-euˬ miˇ neh, Miˬyehˇ nui ma tsaˬ-eu loꞈ-ehˇ huiˬ laˇ-eu meh.

Gawˇlawˇsehˇ 3:18

Miˬ zaˬ deuˬ-oˇ, yawˬ ha-euˬ kʼaˬ dzeˇ zaˬ uˆ lahˇ-eu uˬ moˆ dehꞈ-awˬ. Aˬ jeˬ miˇ neh ehˇ naˇ, naw maꞈ Ka li zaˬ pyeuꞈ-eu miˇ neh kʼoeˇ loꞈ-ehˇ dehꞈ-eu tsaˬ meh.

1 Beˬtuˆluˆ 3:1

Kʼoeˇ loꞈ-ehˇ duˇ ni, miˬ zaˬ deuˬ kʼawꞈ, yawˬ ha-euˬ kʼaˬ dzeˇ zaˬ ehˇ dawˬ naˇ haˬ-awˬ. Kʼoeˇ loꞈ-ehˇ naˇ haˬ naˇ, kʼaˬ dzeˇ zaˬ gʼaˬ Miˬyehˇ dawˬ kawˬ-ahˇ maˬ jah-eu kʼawꞈ, naw maꞈ dehꞈ gaˇ jawˇ gaˇ haw-awˇ jah laˇ tehꞈ-a. Aˬ yawꞈ maꞈ jah laˇ ni naw maꞈ kʼaˬ meh mehˬ boeˬ neh ja mehˬ-eu maˬ loˬ-aˇ.