1 Gawˇliˬtu 10:5 - Akha

⁵ Ehˇ kʼawꞈ, aˬ yawꞈ maꞈ myaˬ ni tiˬ paˆ-ahˇ Miˬyehˇ nui ma maˬ tsaˬ-eu miˇ neh, bawˇ tsahˬ bawˇ dahˇ kʼaˇ shuiꞈ deh yaˇ-ahˇ bi shiˇ dzeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aerkhawf, Miqyaer, aqyawfmaf myaqni tiqpav-anr nuikhanr maqshir-eu mirnae, aqyawf maf-euq mawrdo bawrtsanq bawrdanr-anr doeni bi gayaf-euq mae.

1 Gawˇliˬtu 10:5 Σταυροειδείς Αναφορές

Jaceuq 106:26

Kʼoeˇ miˇ neh, aˬ yawꞈ maꞈ-ahˇ aˬ yawꞈ yaw kʼaˆ-ehˇ mehˬ nehˬ-awˇ, kʼaˇ shuiꞈ deh-ahˇ bi shiˇ jiˇ ma lehˇ ehˇ nehˬ-euˬ meh.

Jaceuq 90:1

Sahˬpaˬ Miˬyehˇ-oˇ, tiˬ ziˇ saˇ-iˬ tiˬ ziˇ nawˇ nga maꞈ-euˬ nymˇ loꞈ-ehˇ pyeuꞈ-eu ma.

Jaceuq 95:11

Ngaˇ nui ma pehˇ-awˇ heu loꞈ-ehˇ ehˇ tsehˆ nehˬ-euˬ ma. Naw maꞈ gʼaˬ naˬ bi naˬ-eu lehˇ, ngaˬ neh lehˬ hmˬ taˬ-euˬ miˇ kʼahˬ-ahˇ, naw maꞈ maˬ ya uˇ leˇ-aˇ’ lehˇ ehˇ tsehˆ nehˬ-euˬ ma.”

Yeˬsaˬgeˬlaˇ 20:36

Naw maꞈ-euˬ aˬ poeˬ aˬ bawˇ deuˬ-ahˇ Siˇnaˆ bawˇ tsahˬ bawˇ dahˇ laꞈ kʼoeˇ ngaˇ yaˇ kʼaˬ daˇ nehˬ-euˬ loꞈ-ehˇ, naw maꞈ-ahˇ yaˇ kʼaˬ daˇ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Bawˇtsahˬ 14:22

tsawˇ haˬ heu deuˬ laꞈ kʼoeˇ tiˬ gʼaˬ-iˬ miˇ kʼahˬ kʼoeˇ kʼahˬ laꞈ kʼoeˇ uˇ keuˆ leˇ ngeh keuˆ ni maˬ ya dehꞈ keuˆ-eu jeˬ kʼawꞈ, yaw duˬ baw tehꞈ-a. Ngaˬ-euˬ yaw shehꞈ kʼahˬ sehˇ laꞈ kʼoeˇ ngaˇ jawˇ luꞈ-eu jeˬ-ahˇ maˬ ehˇ, Iˇjiˇtuˆ miˇ kʼahˬ laꞈ kʼoeˇ hawˇ-eu bawˇ tsahˬ bawˇ dahˇ laꞈ kʼoeˇ ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-ahˇ maˬ ehˇ, aˬ yawꞈ maꞈ ya mawˇ gʼaˬ-euˬ kʼawꞈ, ngaˬ-euˬ oˇ oꞈ nya-eu nui ma-ahˇ aˬ yawꞈ maꞈ tiˬ poˆ saˇ-iˬ tiˬ poˆ lawˬ haw-awˇ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.

Dawˬmehˬ 2:14

Kʼoeˇ ngeh, Kaˬdeˬshaˇbaˬneˬ-ahˇ neh aˬ dui maꞈ doˆ laˇ-euˬ smˬ tseˇ yehꞈ kʼoꞈ byah laˇ-euˬ meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, kʼoeˇ ziˇ laꞈ kʼoeˇ guiˇ kʼaˇ deuˆ-eu tsawˇ haˬ deuˬ shiˇ dzeuˇ jiˇ-euˬ meh.

HeˬByehˇ 3:17

Oeˬ tseˇ kʼoꞈ byah ni Miˬyehˇ nui ma pehˇ-euˬ kʼoeˇ aˬ suˇ gʼaˬ-ahˇ pehˇ-euˬ ta. Iˬ baˇ mˇ-euˬ tsawˇ haˬ kʼoeˇ deuˬ-ahˇ pehˇ-euˬ maˬ ngeuˇ-a loˇ. Bawˇ tsahˬ bawˇ dahˇ-ahˇ coˬ dzeh-awˇ shiˇ-euˬ kʼoeˇ deuˬ-ahˇ pehˇ-euˬ maˬ ngeuˇ-a loˇ.

Yuˇdaˆ 1:5

Iˇsaˬleˬlaˇ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh Sahˬpaˬ Miˬyehˇ aˬ joˆ-ehˇ ka kʼoꞈ nehˬ-awˇ, aˇ nah ba, aˬ yawꞈ maꞈ laꞈ kʼoeˇ maˬ jah-eu tsawˇ haˬ deuˬ laˆ luˬ laˆ seˇ nehˬ gaˇ ya daˬ-euˬ gaˇ kawˆ heu naw maꞈ siˬ nya meh. Ehˇ kʼawꞈ, ngaˇ naw maꞈ-ahˇ tiˬ poˆ paˇ ja noeˬ nehˬ mawꞈ-eu ma.