1 Gawˇliˬtu 10:11 - Akha

¹¹ Gaˇ kawˆ kʼoeˇ deuˬ aˬ yawꞈ maꞈ kʼoeˇ taˆ keuˆ le-euˬ kʼoeˇ-aˬ, aˬ cawˬ bi dzaw geuꞈ-eu gʼaˇ duˬ pyeuꞈ-awˇ, aˬ dui kʼawꞈ dzaw geuꞈ-awˇ bi yahˇ-eu gʼaˇ duˬ boꞈ ka leꞈ-euˬ meh. Aˬ jeˬ miˇ neh ehˇ naˇ, aˬ duiˬ-euˬ ziˇ heu ziˇ-ahˇ miˇ tsaˬ heu aˇ saˬ saˬ-eu aˇ yamˬ peh le taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqyawf maf-anr pyeuflar-euq garkawv heudeuq dawqtawvluf hawgeufduq pyeufni, arsaq saq-eu arnan aryamq-euq lafkhoer jawr-eu aqdui yanrnya larni boftaq-euq mae.

1 Gawˇliˬtu 10:11 Σταυροειδείς Αναφορές

Aˇ dahˬ 19:35

Kʼoeˇ ngeh miˇ kʼawꞈ, aˬ nyaꞈ nmˇ aˬ da gʼaˬ-ahˇ aˬ gaꞈ dzaˇ uiˇ paˇ bi dawˇ yehꞈ-awˇ, aˬ buˇ aˬ nyiˇ gʼaˬ aˬ yawꞈ nehˬ-ehˇ yuꞈ taꞈ-euˬ meh. Kʼoeˇ ngeh poˆ kʼawꞈ, aˬ yawꞈ aˬ gaꞈ dzaˇ uiˇ aˇ dzehˬ yehꞈ dzeuˇ-euˬ miˇ neh, aˬ joˆ-ehˇ pyeuꞈ laˇ-euˬ gaˇ kawˆ tiˬ pawꞈ-iˬ maˬ siˬ nya-a.

Jaceuq 102:18

Maˬ dehꞈ le dah-euˬ deuˬ Sahˬpaˬ Miˬyehˇ-ahˇ ja ceuˬ nya ni, aˬ yawꞈ neh mˇ taˬ shaˇ taˬ-euˬ gaˇ deuˬ-ahˇ, aˬ kaˇ kaˇ ziˇ gʼaˇ duˬ boꞈ ahˇ taˬ-awˬ.

Yeˬsaˬgeˬlaˇ 5:15

“Nawˬ-ahˇ ngaˇ nui ma pehˇ-awˇ kʼehˬ nehˬ kʼaˆ nehˬ ngeh, nawˬ-euˬ tiˬ jawˬ jawˇ-eu tsawˇ jeuˬ dawˬ tawˆ luꞈ tsawˬ guˆ-iˇ tehꞈ-a. Aˬ yawꞈ maꞈ nawˬ-ahˇ nui daˆ daˆ-awˇ, ja bu ja doeˇ tehꞈ-a.

Maꞈtehˬ 13:39

Shmˇ ma sehˬ kʼoeˬ-eu muiˇ-eu gʼaˬ lehˇ ehˇ-eu-aˬ, Nehꞈ sahˬ paˬ-ahˇ ehˇ-eu meh. Cehˇ laˆ luiˆ-eu aˇ yamˬ lehˇ ehˇ-eu-aˬ, miˇ tsaˬ heu aˇ saˬ saˬ-eu aˇ yamˬ-ahˇ ehˇ-eu meh. Cehˇ yehˬ cehˇ diˬ-eu tsawˇ haˬ deuˬ lehˇ ehˇ-eu-aˬ, mˬ taˆ gʼaˬ kʼehˇ deuˬ-ahˇ ehˇ-eu meh.

Maꞈtehˬ 13:40

Shmˇ ma-ahˇ gʼoˆ uiˬ-awˇ, miˬ dzaˬ-ahˇ baꞈ puiˆ-eu loꞈ-ehˇ, miˇ tsaˬ heu aˇ saˬ saˬ ngeh nah kʼoeˇ loꞈ-ehˇ pyeuꞈ laˇ tehꞈ-a.

Lormav 13:11

Naw maꞈ kʼoeˇ loꞈ-ehˇ ya mˇ meh. Aˬ jeˬ miˇ neh ehˇ naˇ, yuꞈ kʼaˆ taˬ-euˬ noeˬ laˇ-eu aˇ yamˬ tsaˬ laˇ-euˬ meh lehˇ naw maꞈ siˬ nya meh. Miˬyehˇ aˬ dui-ahˇ ka kʼoꞈ-eu aˇ yamˬ-aˬ, aˬ dui jah dahˬ beh ngeh naˆ maˬ tseˇ nymˬ-mˇ peh dzehˬ laˇ-euˬ meh.

Lormav 13:12

Uˬ ciꞈ buˬ-iˇ-awˇ nah gʼahˇ keuˆ le-eu dawˬ peh peh laˇ-euˬ meh. Yaw zahˇ-ahˇ taꞈ-eu gaˇ deuˬ aˬ dui maˬ mˇ ni naˬ leˇ-awˇ, yaw bya laꞈ kʼoeˇ deuˆ ceh ceh-eu keu ka deuˬ-ahˇ dm kaˇ-euˇ.

Lormav 15:4

Jaˇliꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ, aˬ dui-ahˇ bi mehˬ bi tsoˆ-eu gʼaˇ duˬ boꞈ taˬ-euˬ meh. Aˬ dui nui ma gʼawˬ mahˇ ni taˬ nya laˇ-eu gʼaˇ duˬ mehˬ nehˬ tsoˆ nehˬ laꞈ-awˇ, aˬ dui-euˬ nui ma-ahˇ gʼaˬ biꞈ lahˬ nehˬ laꞈ-eu laꞈ kʼoeˇ noeˬ tmˬ kʼaˇ za laˇ ni boꞈ taˬ-euˬ jeˬ pyeuꞈ-eu meh.

Lormav 4:23

“Aˬ yawꞈ-ahˇ yaw tsaˬ yaw dawˇ tsawˇ haˬ lehˇ ha geuꞈ-euˬ meh” lehˇ ehˇ-eu dawˬ heu dawˬ-aˬ, aˬ yawꞈ gʼaˇ duˬ tehꞈ-ehˇ boꞈ taˬ-euˬ maˬ ngeuˇ-a.

1 Gawˇliˬtu 10:6

Heu-aˬ, aˬ yawꞈ maꞈ loꞈ-ehˇ yaw haiˬ jeˬ-ahˇ aˬ dui maˬ mˇ-ehˇ yahˇ nya laˇ ni dzaw geuꞈ duˬ pyeuꞈ-eu meh.

1 Gawˇliˬtu 7:29

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ mawꞈ-eu-aˬ, heu loꞈ-ehˇ ma. Aˇ saˬ saˬ-eu aˇ yamˬ keuˆ le-eu gʼawˬ myahˇ ni maˬ paˇ ca meh. Iˬ nah taꞈ naˇ, miˬ zaˬ baw-eu tsawˇ haˬ deuˬ kʼawꞈ, miˬ zaˬ maˬ baw-eu tsawˇ haˬ deuˬ loꞈ-ehˇ jawˇ-awˬ.

1 Gawˇliˬtu 9:10

Aˬ dui-ahˇ ehˇ mawꞈ-eu maˬ ngeuˇ-a loˇ. Ngeuˇ meh. Aˬ dui gʼaˇ duˬ ehˇ taˬ-euˬ meh. Deh ma tsehˬ-eu gʼaˬ maˬ ehˇ, cehˇ yehˬ-eu gʼaˬ maˬ ehˇ, cehˇ za laˇ gaˇ noeˬ tmˬ-awˇ mˇ-eu meh.

Gaˬlaˬtiˆ 4:24

Gaˇ kawˆ heu-aˬ, dawˬ tsuiꞈ naꞈ-awˇ dzaw geuꞈ paˬ-ehˇ gʼeh-eu gaˇ kawˆ tiˬ hmˬ meh. Zaˬ miˬ zaˬ kʼoeˇ nyiˬ gʼaˬ-aˬ, dawˬ ma saˇ jaˇ nyiˬ jeˬ-ahˇ ehˇ mawꞈ-eu meh. Zaˬ kʼaˆ bi geuꞈ-eu zaˬ deuˬ baw-euˬ gʼaˬ-aˬ, Haˬgaˬlaˇ meh. Aˬ yawꞈ-aˬ, Siˇnaˆ gawˬ jawˬ-ahˇ dzaˬ-euˬ dawˬ ma saˇ jaˇ-euˬ dah zaˇ pyeuꞈ-eu meh.

Piˇliˇpiˆ 4:5

Tiˬ gʼaˬ tiˇ gʼaˬ nui ma nahˬ yu ni taˬ-awˬ. Sahˬpaˬ Yeˬsuˇ zaꞈ le-eu aˇ yamˬ keuˆ le shawˬ-iˬ meh.

HeˬByehˇ 10:25

Aˬ cawˬ loꞈ-ehˇ maˬ gʼeh ni, tiˬ kawˆ loꞈ-ehˇ tahˬ dzoeˇ-awˇ uˬ duˬ tahˬ-eu gaˇ heu hmˬ maˬ byehˇ ni mˇ daˆ leꞈ kaˇ-euˇ. Sahˬpaˬ Miˬyehˇ yaˇ kʼaˬ daˇ le-eu Aˇnah dawˬ peh peh le-euˬ naw maꞈ siˬ luꞈ mawˇ luꞈ-eu loꞈ-ehˇ, tiˬ gʼaˬ tiˇ gʼaˬ gʼaˬ biꞈ tehˇ tehꞈ kaˇ-euˇ.

HeˬByehˇ 10:37

Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Aˇ yamˬ tiˬ kʼehˇ laˇ kʼehˬ dzeuˇ naˇ, oe-eu lehˇ gʼeh luꞈ-eu kʼoeˇ gʼaˬ, maˬ nyi naˬ ni oe keuˆ tehꞈ-a.

1 Yoˇhaˬ 2:18

Ngaˇ gaˬ dui dui-eu zaˬ deuˬ-oˇ, aˇ saˬ saˬ-eu aˇ yamˬ peh le-euˬ meh. Ka li-ahˇ Muiˇ-eu Gʼaˬ oe luꞈ meh lehˇ ehˇ-eu naw maꞈ ya gaˬ taˬ-euˬ meh. Ka li-ahˇ muiˇ-eu gʼawˬ mya gʼaˬ nymˬ-mˇ doˆ le gʼaˬ-euˬ meh. Kʼoeˇ miˇ neh, aˇ saˬ saˬ-eu aˇ yamˬ keuˆ le-euˬ gaˇ kawˆ aˬ dui siˬ nya-eu ma.