1 Gawˇliˬtu 1:4 - Akha

⁴ Yeˬsuˇ Ka li-ahˇ gʼoe-awˇ Miˬyehˇ neh naw maꞈ-ahˇ biꞈ nehˬ-euˬ guiˬ lahˬ yaw dzahˇ baˬ da neh, ngaˬ-euˬ Miˬyehˇ-euˬ guiˬ lahˬ-ahˇ ngaˇ aˬ myah luꞈ ja ceuˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ngar, nawmaf-euq baqda’nae aqmyanluf ngaq-euq Miqyaer-anr jaceuq luf-eu ma. Aqjeq mirnae aernar-aq, Yeqsur Kali-euq baqda’nae nawmaf, Miqyaer-euq guiqlanq yawdzanr za-euq mae.

1 Gawˇliˬtu 1:4 Σταυροειδείς Αναφορές

Maꞈtehˬ 19:11

Yeˬsuˇ ehˇ-eu, “Heu loꞈ-ehˇ mehˬ taˬ tsoˆ taˬ-euˬ gaˇ kawˆ heu-aˬ, yawˬ gʼaˬ na luꞈ gʼaˇ duˬ maˬ ngeuˇ-a. Miˬ yehˇ neh gaˇ kawˆ heu-ahˇ noeˬ mawˇ nya-eu jeˬ biꞈ taˬ-euˬ deuˬ gʼaˇ duˬ tehꞈ meh.

Yoˇhaˬ 10:30

Aˬda hawˇ-eu ngaˇ-aˬ, aˬ yawꞈ tiˬ gʼaˬ ma.”

Yoˇhaˬ 14:14

Naw maꞈ ngaˬ-euˬ tsawˇ myahˇ laꞈ kʼoeˇ ngaˬ-ahˇ kʼaˇ shaˇ-eu jeˬ ngaˇ mˇ byah nehˬ ma.

Yoˇhaˬ 14:16

Ngaˇ Aˬda-ahˇ shaˇ-awˇ, naw maꞈ nehˬ-ehˇ aˬ myah luꞈ bi jawˇ-eu gʼaˇ duˬ Caw ba-eu gʼaˬ bi biꞈ leꞈ ma.

Yoˇhaˬ 14:26

Aˬda kʼehˇ gʼeh leꞈ-eu lehˇ gʼeh-eu Caw ba-eu gʼaˬ pyeuꞈ-eu Yaw sahˇ Miˬyehˇ-aˬ, naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ-awˇ, ngaˬ neh ehˇ taˬ yaꞈ-euˬ dawˬ deuˬ-ahˇ naw maꞈ noeˬ mawˇ ni caw ba nehˬ laꞈ tehꞈ-a.

Yoˇhaˬ 15:26

“Caw ba-eu gʼaˬ oe tehꞈ-a. Aˬ yawꞈ-aˬ, Miˬyehˇ gaˇ kawˆ yaw tsaˬ yaw dawˇ jeˬ bi siˬ bi mawˇ le-euˬ gʼaˬ pyeuꞈ-eu, Aˬda jawˇ gaˇ neh oe-euˬ Yaw sahˇ Miˬyehˇ meh. Aˬda jawˇ gaˇ neh aˬ yawꞈ-ahˇ ngaˇ bi oe-awˇ, ngaˬ-euˬ gaˇ kawˆ aˬ yawꞈ saˇ kiˇ kamˬ tehꞈ-a.

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Gʼaˬkʼehˇ 21:20

Aˬ yawꞈ kʼoeˇ loꞈ-ehˇ dzawˇ nehˬ gaˇ ya gaˬ ngeh, aˬ yawꞈ maꞈ dawˬ tawˆ luꞈ Miˬyehˇ-ahˇ ja ceuˬ-euˬ meh. Kʼoeˇ naˇ, Pawˇluˆ-ahˇ aˬ yawꞈ maꞈ heu loꞈ-ehˇ ehˇ nehˬ-euˬ meh. “Aˬ nyiˇ Pawˇluˆ-oˇ, jah-eu tsawˇ haˬ pyeuꞈ laˇ-euˬ Yuˇdaˆ tsawˆ haˬ aˇ myaˆ ni jawˇ-eu hawˇ-eu, aˬ yawꞈ maꞈ Zahˇ dawˬ kʼoꞈ dawˬ-ahˇ aˇ naˆ ni nui ma keuˆ luꞈ-eu nawˇ mawˇ luꞈ meh.

Lormav 1:8

Yeˬsuˇ Ka li-ahˇ gʼoe-awˇ, naw maꞈ-euˬ gʼaˇ duˬ Miˬyehˇ-ahˇ guiˬ lahˬ huiˬ-eu dawˬ huˬ teˇ ngehˬ-eu ma. Aˬ jeˬ miˇ neh ehˇ naˇ, naw maꞈ jah-eu gaˇ kawˆ, miˇ kʼahˬ dawˬ tawˆ luꞈ gaˬ byah jiˇ-euˬmeh.

Lormav 6:17

Ehˇ kʼawꞈ, Miˬyehˇ-euˬ guiˬ lahˬ yaw dzahˇ-ahˇ ja ceuˬ-eu tsaˬ meh. Aˬ jeˬ miˇ neh ehˇ naˇ, dzeuˇ laˇ ngeh naw maꞈ iˬ baˇ-euˬ zaˬ kʼaˆ pyeuꞈ-euˬ kʼawꞈ, naw maꞈ-ahˇ mehˬ nehˬ tsoˆ nehˬ-euˬ laꞈ kʼoeˇ ya mawˇ taˬ-euˬ yaw tsaˬ yaw dawˇ jeˬ-ahˇ nui ma laꞈ kʼoeˇ keuˆ ni naw maꞈ naˇ haˬ geuꞈ-euˬ meh.

1 Gawˇliˬtu 1:3

Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka liˬ-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ naw maꞈ kʼoeˇtaˆ keuˆ le luꞈ-uˇ.

1 Tiˆmoˇseˬ 1:14

Aˬ dui-euˬ Sahˬpaˬ Miˬyehˇ-aˬ, ngaˬ-ahˇ maˬ ehˇ jiˇ coeˇ-eu guiˬ lahˬ shehˆ daˆ nehˬ laꞈ-awˇ, Yeˬsuˇ Ka li laꞈ kʼoeˇ aˬ dui za-euˬ jah-eu jeˬ hawˇ-eu gʼoeˇ-eu gaˬ-eu jeˬ biꞈ nehˬ laꞈ-euˬ meh.