Romu 8:14 - Yisasini Kama Vaya

¹⁴ Minó nanin banta ano ma áin ma Tiyarafenui Aunan mano ma aviren oriyain mai Tiyarafenu akhafanan ban mino.

Romu 8:14 Σταυροειδείς Αναφορές

Matiu 5:9

Aruve asiveimpin ma kusin avúavá pákaren bain kayo ano vá amusin ino fara vara seyo vetí ankan nan Tiyarafenu akhafana ino sen aranten mino.

Yoni 1:12

Ída aviren mifo véintá ma mumunan ein nanin bantan maman Tiyarafenu akhafanaíen mino.

Romu 8:19

Mai fara vara seyo, Tiyarafenu akhafanaí ma ukháin nain kéká ma maman afoká inain damu san mi véi ma uvantein danasinta ano ave ukhen mino.

Romu 8:5

Bara ráke avúavá ánain ma yakhafiyain kékái ineine ano vara ráke avúava san mi iné iyan mifo Kantá Aunani avúavá ánain ma yakhafé iyain kékái ineine ano Kantá Aunan mano ma anunu ukhein mai ánain mi yakhafiyan mino.

Romu 8:9

Baranten mifo siretí ankan ída enádá bá bara ráke avúavápin no ono. Ída ino. Tiyarafenui Aunan ma siretí ankampin ma vantin mae mai sireti saréa Kantá Aunani avúavápin mi no ono. No ompo Karaisini Aunan ma ída mantein kéká mai ída Karaisini kéká ifo afova sá ono.

Romu 9:26

Inká ena anafin máa sikhen mino. “‘Ída senti vanasi ono’ ma sikharé inain kéka san ínaimpáké ‘taunan bain Tiyarafenu sikhafana ono’ sinten mino.” Ose 1:10

Romu 9:8

Mai vayai ana máan mi ukhen mino. Abaraamuni nare ráké ma afoká ukhein mai iyampon kéká pinté manáa anon Tiyarafenu akhafanaí ukhen mifo Tiyarafenu ano ma iyáantantá ma mumunan in avúavá káké ma afoká ukhein mai kéka san mi Abaraamuni kéka se siyan mino.

2 Korini 6:18

“Minó ákona ma vain Bafan mano máan mi sen mantino. Tiretin Afóení éku mae inká ten tikhafanaíi inono.” 2Sa 7:14

Karesia 3:26

Máan tukhein nan mi Yisas Karaisintá ma mumunan eona anon Tiyarafenu akhafanaí ukha ono.

Karesia 4:5

Báken mai man bayai miyan ída van doran bantaí ma ukháé tiferuna evaránen tivíden maman Tiyarafenu akhafanaíen mino.

Karesia 4:6

Tiretí ankan inka Tiyarafenu akhafanaí uven nan mai van mi ve Anini Aunan tiantan tiretimpin eriven mai Aunan manon “Abba, Tifóe oe,” sen ariyan mino.

Karesia 5:16

Máan tukhein nan mi Kantá Aunani ákonarasá auyen aunan mamare vá ume avúavái anunu ánain ída yakhafono van mi inin amiyá uno.

Karesia 5:18

Máan tin nompo Kantá Aunan mano ma aviren orinti mae mai ída evaráne man bayai aránaópá ban nono.

Efesasi 1:5

Tiyarafenu ano Yisasin pinté uaren tetí ankan e sivían be akhasí ono van inikhen mi véin kákan amusin uanten mino.

Efesasi 5:9

Mai fara vara seyo, mai khakhan ma siretimpin bain manon kama avúavá bá puntákein avúavá bá inká pura sin avúavá bái maman dákó é iyan mino.

1 Yoni 3:1

Tiyarafenu ano vei anunu moéken tetimpin banaráken te sikhafana oe sen tariyá mai fura sé ben akhafanan bá tiféuno! Máan tukhé tifé umpo varará nanin banta ano Tiyarafenu ída afová ukhen pasen mi ven akhafana ma vá tiferuna mai ída afová ukhen mino.

1 Yoni 3:24

Tiyarafenui man baya ánain ma vákuriyain kayo anon béin má manafin bákan inká béi vetin má ban mino. Kantá Aunan ma setin timikhein manon aní íkái Tiyarafenu ano setin má ban mino sé afová ukhé tiféuno.

Revaresen 21:7

Intéa nanin banta anó ara ara uman esantanten nafi mai kéká anon mai ma útaan kaékun bain danasinta mamaren ten tikhafanaí intíi séi vetíi Ayarafenuí onté uno.