Romu 1:3 - Yisasini Kama Vaya

³ Tiyarafenu Anin Yisasi ma varará banta an daven Kin Devitini anampin afoká ukharé eini kama vaya ino.

Romu 1:3 Σταυροειδείς Αναφορές

Matiu 1:1

Yisas Karaisi maen Abaraamun nú Kin Devitin núi anan pintéi afoká ukhan mi ma ven anafuyan aví ino.

Matiu 1:16

inká Yekopu ano Marian avafu Yosepin kaen mino. Maria anoi Tiyarafenu ano ma aní ukhein banta e sen ma ariyain banta Yisasin kaen mino.

Matiu 1:6

inká Yesi ano Kin Devitin kaen mino. Deviti maen Soromonin afoén bákan be anóe maen Uraiyan aná ma varé ein nanin mino.

Matiu 12:23

Máan tíkan minó nanin banta ano sakhaen orera iyáken inaemí, “Ma vanta Devitin Anin ná banten nafino.”

Matiu 15:22

Oríkan mana Kenaníi anan pinte nanin maifá bain baré íkan béi Yisasi vaintá eriven oovararen temí, “Bafan, Devitin Anin noe, se siraun namu aunan mano fákakhan kákan berai siyan bá umpo sen nan arunan usintano.”

Matiu 26:63

Máa síkan Yisasi ída mana vaya seimpin monó ánon banta kékái ánon banta ano véin tiamemí, “Para ma ayun ban oriyan bain Tiyarafenu avíkasá éi fura seya setin tisimeno. Éi Tiyarafenu ano ma aní ukhein bantá bákeyá Ben Anin ná ba fono.”

Matiu 27:43

Béi Tiyarafenurá mumunan iyáken mi sen téi Tiyarafenu Anin muno siyaren mifo Tiyarafenu ano ma ven nan ma anunu ukhanten maen áesin mai saréa véin kanaíen aya ino.

Matiu 3:17

Eriyain má inaru fáké mana oova ano máa semí, “Mai sen tanin mino. Téi ven nan moéké tinunu ukhé te sú káká ben nan moéké timusin iyá uno.”

Matiu 9:27

Yisasi ma mai varu me ampiren oríkan maen auu yufúkukhein bantá kan mano oyampá dakhafen oriyan oovararen máa semí, “Devitin Anin noe, verasan nan arunan usintano.”

Ruku 1:35

Máa síkan enisori ano evaránen béin tiamemí, “Kantá Aunan mano éimpin erivintin Moéken Dan Bain Tiyarafenui ákona ano éi má banten mino. Máan tukhantin mai iyampon ma ínaimpá kainona ano kantasí ukhein bantan bantin ben nan Tiyarafenu Anin ne sinten mino.

Ruku 1:69

Tetin evaránen tivirano van bei yoran banta Devitini kéká pintena béi mana ákona vanta maman dákó uáden mino.

Yoni 1:14

Baya ano vantaí uven ma varará tetin aúbaná baren mino. Tetí ankan inka veni kakhani ákona oné tiféuno. Mai mana iyampon ma ve Afóe ano siantan ma ereini kakhan bákan inká beni sarisari vá puntákein avúavá bá béimpin bíkakhen mino.

Yoni 1:34

Máa sikhareí téi ódaréi Yisasin nan Tiyarafenu Anin mino sé tian amá é uno.”

Yoni 1:49

Máa síkan Natanieri evaránen béin tiamemí, “Aru soe, éi Tiyarafenu Anin Isareri kayoi kin mono.”

Yoni 10:30

Para vara seyo, Tifóe rasan manan bá uno.”

Yoni 10:36

Máan tukhen mifo Tifóe ano séin iyátintáden mi ma varará tisinta erakhé uno. Erakhéi séi ma Tiyarafenu Anin muno ma siyákuya fará tiretí ankan teyá éi Tiyarafenui varú barano vará iya vae siya rafono.

Yoni 20:28

Máa síkan Tomasi evaránen béin tiamemí, “Tenti Bafan Tiyarafenu uron mono.”

Yoni 20:31

Ída uvaré umpo ma vompon ma séi uvareruna mai Yisasin nan Tiyarafenu ano ma aní ukharé ein banta ino seya inká béi Tiyarafenu Anin mino se ureya véintá mumunan ono van mi uvaré uno. Béintá ma mumunan inona ano fara van oriyan ban aunan baran nono.

Yoni 5:25

“Téi fura siré tiretí ankan tiamiyá uno. Damú ma afoká ono van iyá ein taréa inka afoká íkan pefá ma fúkaré ein nanin banta ano mai Tiyarafenu Anin avaya iniyantin inká mai vaya ma inin nain kéká ano fara ayun banten mino.

Yoni 7:42

Para vara seyo, Tiyarafenui vompompin máa sikharen mino. ‘Tiyarafenu ano ma aní ukhein banta ano Kin Devitini anan pintéi véi ma fefá bá ein baru Betariamúi afoká inten mino.’

Aposeri 2:30

Mai fara va ino Deviti sakhanampa vantan bákan Tiyarafenu ano pura ódino siren béin iyáantiyáken ínaimpá en ana akhá pinte mana yékun eni varu varanten mino síkan afová ukhan mino.

Aposeri 3:13

Abaraamu má Aisakin má Yekopun má inká tetin tinafuyan mái Ayarafenu ano vei yoran banta Yisasin kákan bí amira mai vanta e avían namuro ayampin amen nan Pairoti ano véin ampiantiya ompo siretí Pairotin avorá ben oyan amire ída vá mai vanta ampiresin ná orino se ono.

Aposeri 8:36

Békanan mai vaya e sen oriyan baren manáa non baintá oriven mai vanta ano siyáken, “Onano masi non eraviyan mifo fara vará téi ída monó non perante rafuno.”

Aposeri 9:20

Ákona mamaren esé ana e manten Yutan kayoi monó átaru namun kayofin oriven Yisasi Tiyarafenu Anin mino sen araíen monó baya siamen mino.

Romu 1:9

Mai ma séi moéké tukáké mumunan iyaruna Tiyarafenu Anini kama vaya ma vanasi siamiyaruna mai sireti ma o afasí iyaona yana san nái máa yádasá béin timúkimpó ena ena siamiya rafu mai véi afová ukhen mino. Mai Tiyarafenu ano kanaíen aaí intí tiretin o onano van mi ena ena simúkiyá uno.

Romu 4:1

Abaraamu maen tetin an dakhein bantan báken tetin tináu ifo véin nan ma Tiyarafenu ano funtákein banta e ma sikhá ein nan ma afová iyáké tetí ankan nái esá té tifante rafuno.

Romu 9:3

Isareri kéká ma se siyofi sifá tiváeyan ma vain mai Tiyarafenu ano evaránen avirano van mi iniyá uno. Téi ma Karaisin pinte yo sisintan nain mano ma vetin ayairí ma ukhantin mai kasaen téin tisintano van mino.

Romu 9:5

Pefá betí anafu aráo ano Tiyarafenui yorampin aví bain nanin bantan baré íkan mi Karaisi ano vetíi kékápin mi vantaíen mino. Karaisi véi Tiyarafenun báken minó danáká dafíken mifo ena ena yamusá ben aví daní ó tifano. Mai fura ino.

1 Korini 1:9

Tiyarafenu ano veyan ma sirein daná bariyain mi vákan be Anin ma setisi Bafan Yisas Karaisi vain má manafin bano van mi siretin arakhen mino.

1 Korini 10:18

Isareri kéká ano ma íkun uan amiyáken ma mai fintena varen mo niyaré ein avúavá anon Tiyarafenu vá manafiní iyaren mifo ovare vá me ineno.

Karesia 4:4

Máan tukharé é tifékun mi veni yamú puntáden afoká iyain má Tiyarafenu ano ve Anin tiantan anasi arápin eravíkan béin kaúádan maen mai man baya aránaópá baren mino.

1 Tesaronika 1:10

Tiyarafenu ano ma ve Anin Yisasin ma furin pintena orun avían mantakhein ma inaru fáké ovaránen erin nain nan ma ave ukhaona van deren tiyá iné uno. Tiyarafenu ano ma ma vara kípan nain damú ma vei aran naná ma vanasi amaniná kain nain pintena Yisasi ano siya é iyan mino.

1 Timoti 2:5

Mai fara vara seyo, Tiyarafenu veyáká anan bákan inká aúbaná banta mana anan báken mi Tiyarafenu vá banasi vá ma manafin kasen ban baya e sian more mere iyain nan mi siyá uno. Mai vanta mai Yisas Karaisi ino.

1 Timoti 3:16

Tiyarafenu ano Yisasini kama vaya afová inon tiren mi aúpá bá ein maman dákó ukhein pasen mana ano ída kanaíen mai vaya van ina inten mino. Yisas Karaisi ano varará banta an daven afoká ukhan Kantá Aunan mano véin nan puntákein banta e siren maman dákó uran enisori kayo ano ódaren banasi siamíkan barará nanin banta ano véintá mumunan uvin Tiyarafenu ano véin aviren inarufá óden mino.

2 Timoti 2:8

Kin Devitini kéká pintéi Yisas Karaisi afoká ukharéin mi Tiyarafenu ano avían mantakhen mifo ída vá áun nono. Mai Tiyarafenui Kama Vayan bakái vanasi siamiyá uno.

1 Yoni 1:3

Tetí ankan ma fura sé ódaré inikhé tiferuna yana san mi eresí manafin átaru uvé monó teno van tiretin tiamiyá uno. Manafin ma átaru uvé monó té tifanuna mai ve Afóen má be Anin Yisas Karaisintá bái monó tiantá tifanté uno.

1 Yoni 3:23

Béi ma sikheiní esá ben anin Yisas Karaisin avíká mumunan iyá ena nanin banta vasá avábá in maran ó tifano. Máan ma in avúavái veni man baya van mino.

1 Yoni 3:8

Máan tiyan mifo vanasi ano ma fara umeíen oriyan banten mai ma araíintá umeí ukhein bantan Ban Anon bákan mi veni kékái vá uno sen aní iyan mino. Máan tiyan mifo Ban Anoni yoran ma varé ein morun asuse ono van mi Tiyarafenu Anin mano eren mino.

1 Yoni 4:15

Yisas Karaisin nan ma Tiyarafenu Anin mino ma siren tian dákó inain nanin banta vái Tiyarafenu ano manafin bantin mai kayo ano veni avúavá ánain bákurinten mino.

1 Yoni 5:1

Minó ano ma Yisasin nan Tiyarafenu ano vei vanasi evaránen avirano van ma aní ukharé ein banta ino sen mumunan inten maen mai vetí ankan Tiyarafenu akhafana ino. Inká minó ano ma Tiyarafenu van anunu inten mai ven akhafana vá inan anunu inten mino.

1 Yoni 5:20

Tetí ankan nan pura sikhein Tiyarafenu afová ino van mi ve Anin mano setin morun afova simikhá afová iyá tiféuno. Máan tukhái setí ankan ma ven Anin Yisas Karaisimpin baruna van mi Tiyarafenu fin bá tifere siyá uno. Beyáká anan pura sikhein Tiyarafenu váken ayun ma fara van oriyan ban aunan mi van mino.

1 Yoni 5:5

Yisas Karaisin nan ma Tiyarafenu Anin mino siren mumunan ein kéká anon bara ráke avúavá bá ma aruviyaré ein maman bararasí uren mantaan ákona iyan mino.

2 Yoni 1:7

Banasi mákáden ma aviren tavi aípá orin kéká ano inka ma varará orera ukhen mino. Betí ankan manon Yisas Karaisin nan banta vukhafa vá ma varará erikhen ne siren ída mumunan é iyan mifo máan kéká anon banasi mákáden aviren namu aasá oriyáken mi Karaisin namuroí iyan mino.

Revaresen 2:18

“Taiatirá baru ráke monó namumpin ma mumunan nanin banta vákan ma vetintá dafíkein enisori vaípasá ma vompon uvamádan ná orino siren máa sen mino. Mai ma Tiyarafenu Anin auufenté ma ira kheiní iyan ma inká aeni ma iyó uran ma karo kharo einí ma arantan táké iyain banta ano máa mi sen mino.